အပြု၊ အဖျက်ဤနှစ်ရပ်ကို ပိုင်းခြားထင်ထင်သိမြင်ပါလော့..၊

ကျွန်တော်တို့တွေသည် ဗုဒ္ဓဘာသာဝင်ဟုခံယူလိုက်သည်နှင့် တပြိုင်နက် မိမိတို့သည် အမှန်တရားကိုသာ ခွန်အားသတ္တိဖြစ်ကြောင်း ယုံကြည်လက်ခံလျက် အမှန်တရားကိုသိမြင်ရေး အတွက် တက်စွမ်းသမျှကြိုးပမ်းအားထုတ်မည်ဟု စိတ်ဆုံးဖြတ်ခြင်းဖြစ်သည်။ အမှန်တရား (သစ္စာတရား)များ၊ ထိုတရားများကို ဖော်ထုတ်ဟောကြားသွားသော မြတ်ဗုဒ္ဓနှင့် ထိန်းသိမ်းစောင့်ရှောက်ဟောကြားသော သံဃာတော်များသည်သာ ကိုးကွယ်ရာ အစစ်ဖြစ်သည်ဆိုတာ ကျွန်တော်တို့ ဗုဒ္ဓဘာသာဝင်တိုင်းလက်ခံကြပါသည်။ ထိုသို့ဆိုလျင် ဘုရား၊ တရား၊ သံဃာ


ကလွဲပြီး အခြားသော အယူများကို အားထားနေစရာ အကြောင်းမရှိပါဘူး။ လူတွေက လတ်တလော အဆင်ပြေမှုကို လိုလားသောကြောင့် အခြားအယူအဆများလုပ်ဆောင်နေ ခြင်းဖြစ်သည်ဟု မြင်မိပါသည်။ ထိုသူမျိုးမှာ ဗုဒ္ဓဘာသာဝင် တစ်ယောက်၏ အခြေခံဖြစ်သော ကမ္မဿကတသမာဒိဋ္ဌိ ကိုပင်မရှိတာ ဖြစ်သွားပါမည်။ ဗုဒ္ဓမြတ်စွာ၏ တရားတွေကို မိမိတို့လုပ် ဆောင်ချက်နှင့်ပင် မိမိ၏တန်ဖိုးကို ဖြတ်ရာရောက်ပါသည်။ လူတွေ၏ ယုံကြည်မှုတွေမှာ အတုယောင်တွေ လွမ်းမိုးမှုကြောင့် အမှားများစွာဖြစ်ကြရသည်။ အားလုံးကိုအသေးစိတ်ပြောရရင် ပြောလို့မဆုံးဖြစ်ပါလိမ့်မည်။ ဆရာဝင်းသိန်းဦး ရေးသားသော “ရှေးဘ၀ နောက်ဘ၀ ဗုဒ္ဓမဝေဖန်” စာအုပ်မှ ကျွန်တော်ဖတ်ရှုသိသော အသိအနည်းငယ်ကိုသာ ရေးသားလိုက်ရပါသည်။

ယခုတွင် ဗုဒ္ဓမြတ်စွာဘုရားအားရှည်စူး၍ တည်ထားကိုးကွယ်သော စေတီတော်ရင်ပြင်ပေါ်တွင် ဘိုးတော်၊ ဘတော်၊ မယ်တော်၊ အစ်မတော် အမည်ခံ ၀ိဇ္ဇာဓိုလ်နှင့် နတ်များက ဘုရား နှင့်စင်ပြိုင် အကိုးကွယ်ခံနေကြသည်မှာ အမြင်မတော်မလှပါဘူး။ သူတို့အားကိုးကွယ်သူအချို့ ကပြောကြသည်။ ဤပုဂ္ဂိုလ်ကြီးများသည် ယခုဘ၀မှာပင် ၀ိပဿနာလမ်းကိုလိုက်၍ ကျင့်ကြံ အားထုတ်ပါက မဂ်ဉာဏ်၊ ဖိုလ်ဉာဏ်ကို လျင်မြန်စွာရပြီး နိဗ္ဗာန်အားမျက်မှောက် ပြုနိုင်ကြသူများဖြစ်သည်။ သို့သော် အ၀ိဇ္ဇာလွှမ်း၍ မသိနားမလည် မိုက်မဲကြကုန်သော သတ္တ၀ါအပေါင်းကို သနားသက်ညှာလှသဖြင့် ထိုက်သင့်သူတို့အား ကယ်တင်စောင်မရင်း သာသနာပြုနေကြသူများဖြစ်သည်။ သတ္တ၀ါတို့အပေါ် မိဘ၊ ဆရာသမားသဖွယ် စောင့်မကြည့်ရှုနေသူများဖြစ်၍ အနန္တောအနန္တဂိုဏ်းဝင် ကျေးဇူးရှင်များဖြစ်ကြသည်။ ထို့ကြောင့်သူုတို့အား ကိုးကွယ် ဆည်းကပ်ထိုက်သည်ဟု ဆိုကြပါသည်။ (ဤနေတွင်သတိပြုရန်မှာ ရတနာမြတ်သုံးပါးနှင့် အနန္တော အနန္တငါးပါးတို့၏ ကွဲပြာခြားနားမှု ဖြစ်သည်။ ဗုဒ္ဓဘာသာဝင်တို့အနေနှင့် ကိုးကွယ်ရာဟူ၍ ဆည်းကပ်ထိုက်သည်မှာ ဘုရား၊ တရား၊ သံဃာတည်းဟူသော ရတနာမြတ်သုံးပါးသာ လျှင်ဖြစ်သည်။ နောက်လူတို့က မိဘနှင့်ဆရာပေါင်းထည့်ကာ အနန္တောအနန္တငါးပါးအဖြစ် သတ်မှတ်လိုက်သော်လည်း ရတနာသုံးပါးနှင့်တန်းတူထား ကိုးကွယ်ရန်မဟုတ်ပေ)။

မိဘနှင့်ဆရာသမားတို့အား ကျေးဇူးရှင်များအဖြစ် သတ်မှတ်ကာ ဗုဒ္ဓဟောကြားတော်မူခဲ့သည့် သားသမီးကျင့်ဝတ်၊ တပည့်ကျင့်ဝတ်တို့နှင့်အညီ အရိုအသေပေး၊ အလုပ်အကျွေးပြုခြင်းဖြင့် ကျေးဇူးဆပ်ရန်သာဖြစ်သည်။ ရတနာမြတ်သုံးပါးနှင့်တန်းတူထား၍ ကိုးကွယ်ယုံကြည်ဆည်းကပ်ရန်ကား မဟုတ်ပေ။ ထို့ကြောင့်၎င်းတို့ပြောသလို သတ္တ၀ါများအပေါ် အမှန်တကယ်ကယ် တင်စောင့်ရှောက်နေသည်ပဲ ထားဦးတော့၊ စစ်မှန်သော ထေရ၀ါဒဗုဒ္ဓဘာသာဝင် တစ်ဦးအနေဖြင့်ကား ရတနာမြတ်သုံးပါးနှင့် တန်းတူထား၍ ကိုးကွယ်ဆည်းကပ်ရန် မလိုကြောင်း ထင်ရှားလှပါသည်။

တရံရောအခါက ဗာရာဏသီပြည်တွင် ၀ိဇ္ဇာဓိုလ်တစ်ဦးသည် ညဥ့်သန်းခေါင်ယံအချိန်၌ မိဖုရားကြီးအဆောင်တော်သို့ တန်ခိုးဣဒ္ဓိပါဒ်ဖြင့်ဝင်ရောက်ကာ ကာမဂုဏ်ကျူးလွန်ခဲ့သည်။ ထိုကိစ္စကို မင်းကြီးသိရှိသွားသဖြင့် ၄င်းအားလိုက်လံဖမ်းဆီးစေခဲ့ရာ ၀ိဇ္ဇာဓိုလ်သည် ရဟန်းအသွင်ဆောင်၍ သုသာန်အတွင်း၌ ညာခြေတစ်ဖက်တည်းနှင့်ရပ်ကာ မန္တာန်ရွတ်ဖတ်သရဇ္ဈာယ်ရင်း နေကိုရှိခိုးဟန်ပြုနေလေသည်။ ထိုရဟန်းတုအား မင်းချင်းများက လိုက်လံဖမ်းဆီးရာ ၀ိဇ္ဇာဓိုလ် တန်ခိုးဖြင့် ထွက်ပြေးလွတ်မြောက်သွားတော့သည်။ ထိုအချိန်မှစ၍ ရဟန်းစစ်နှင့် ရဟန်းတုမခွဲခြားတက်သော ဗြဟ္မဒတ်မင်းသည် ရဟန်းမှန်သမျှ မင်းပြစ်မင်းဒဏ်သင့်စေသဖြင့် ရဟန်စစ်များပါ ထွက်ပြေးတိမ်းရှောင်ခဲ့ရရာ ကိုးကွယ်ရာမဲ့ဘ၀ ရောက်ခဲ့ရဖူးသည်။ (၀ိဇ္ဇာဓရဇာတ်၊ ဆက္က နိပါတ်၊ ဇာတက၀တ္ထု။)

ဤသည်ကား ၀ိဇ္ဇာဓိုလ်ဆိုတိုင်း ကိုးကွယ်ဆည်းကပ်လိုသူများအတွက် သတိပြုစရာ သာဓက တစ်ရပ်ပင်ဖြစ်သည်။ အချို့ကလည်း ၀ိဇ္ဇာဓိုလ်ဆိုသူများသည် သတ္တ၀ါအပေါင်းကို ကယ်တင်ရင်း နောင်ပွင့်မည့် အရိမေတ္တေယျ မြတ်စွာဘုရားကိုဖူးမြော်ရန် စောင့်ဆိုင်းနေကြသည်ဟုဆိုသည်။ ထိုသို့ကာလရှည်ကြာစွာ စောင့်ဆိုင်းနိုင်ရန်အတွက် ၄င်းတို့၏ သက်တမ်းကိုရှည်သည်ထက် ရှည်အောင်ကျင့်ကြံအားထုတ် နေကြသည်ဟုလည်း ဆိုကြပြန်သည်။ ဤသည်မှာလည်း ပညာဉာဏ်ရှိသူတို့ လက်ခံနိုင်စရာ အကြောင်းမရှိသော ဆင်ခြေတစ်ရပ်သာဖြစ်သည်။ ဗုဒ္ဓမြတ်စွာ၏ အလိုအရမူ မတည်မြဲသော၊ ဆင်းရဲသော၊ အစိုးမရသော ဤလောကမှ တစ်စက္ကန့်စော၍ လွတ်မြောက်နိုင်လျှင်ပင် တစ်စက္ကန့်စော၍ ချမ်းသာသုခရပြီဟု မှတ်ယူရမည်သာဖြစ်သည်။ မိမိတို့မျက်မှောက်၌ပင် ဆင်းရဲခြင်းအပေါင်းမှ လွတ်မြောက်ရာ တရားစစ်တရားမှန်တို့ ရှင်သန်ထွန်းကားနေပါလျက် မလိုက်နာမကျင့်ကြံသေးဘဲ နောက်ဘုရားအပွင့်ကိုစောင့်ဆိုင်းမည်ဆိုခြင်းမှာ ဉာဏ်ပညာနည်းသောလုပ်ရပ်သာ ဖြစ်ပေလိမ့်မည်။ ထိုပုဂ္ဂိုလ်များကို သာသာသနာပြုနေကြသည်ဟု ပြောနေကြသူများသည်လည်း လူ“အ” များပင်ဖြစ်ပေမည်။

ဆရာတော်အရှင်သုမင်္ဂလက တရားထဲတွင် ဘိုးဘိုးအောင်၊ ဘိုးမင်ခေါင်တို့ အပါယ်ရောက်ကြောင်း ဟောကြားတဲ့အခါ၊ ထိုပုဂ္ဂိုလ်တွေရဲ့တပည့်က သူတို့ဆရာတွေဟာ ဗုဒ္ဓါနုဿတိပွား နေတာဖြစ်တယ်၊ အဲဒီပုဂ္ဂိုလ်တွေကို အပါယ်ရောက်တယ်လို့ ပြောနိုင်မလားဟု လျောက်ကြားသည်။ ထိုအချိန်မှာ ဆရာတော်က သူတို့ ဗုဒ္ဓါနုဿတိကို နှလုံးသွင်းပြီးသေတယ်လို့ အာမခံမလားမေးပါတယ်။ သူတို့ယူဆထားတဲ့အယူကိုက မမြဲတဲ့သဘော(အနိစ္စ)ကို မြဲတယ်(နိစ္စ) လို့ယူဆထားတဲ့အတွက် မိစ္ဆာဒိဋ္ဌိဖြစ်နေကြောင်း၊ မိစ္ဆာဒိဋ္ဌိတို့၏ သွားရာသည် အပါယ်ဖြစ်ကြောင်း ပြန်လည်ဟောကြားခဲ့ပါသည်။

ဤသို့ဖြင့် ကိုးကွယ်အားထားရာ မဟုတ်သော ပုဂ္ဂိုလ်များပေါ်တွင် မည်သည့်အကြောင်းနှင့်မျှ အားထားမှုမလုပ်သင့်ပါ။ မိမိတို့ကို လွမ်းမိုးနေသော အ၀ိဇ္ဇာ အမိုက်မှောင်ကို ဉာဏ်အလင်းဖြင့်ခွင်း၍ သာသနာကို စောင့်ရှောက်သင့်ပါသည်။ သာသနာကို စောင့်ရှောက်ဖို့သည်လည်း အားလုံး၏ အကျင့်ပေါ်မှာ မူတည်သည်။ ဗုဒ္ဓမြတ်စွာ ဟောကြားခဲ့သော တရားများကို လိုက်နာ ကျင့်သုံးနေကြသ၍ သာသနာသည်လည်း တည်တံ့နေမည်ဖြစ်ပါသည်။

ထေရ၀ါဒဗုဒ္ဓသာသနာဆိုင်ရာ သာသနိကအဆောက်အအုံတချို့တွင် ၀င်ရောက်နေရာယူလာကြသည့် ဘိုးတော်၊ ဘတော်၊ မယ်တော် များကိုဤအတိုင်းလက်ပိုက်ကြည့်နေပါက မသင့်တော်ပါ။ လူတိုင်းကိုသိစေချင်ပါသည်။ အသိတရားကိုလည်း ကျင့်စေချင်ပါသည်။


“စာဖတ်သူများ အသိအမြင်တိုးပွားကာ သာသနာအကျိုး၊ မိမိအကျိုး ဆောင်ရွက်နိုင်ကြပါစေ”


“သူတော်ကောင်းဓာတ်တရားမြတ် လွှမ်းပတ်ကမ္ဘာတည်စေသော်..”

11 comments:

khin oo may said...

ကိုးကွယ် မှူ ဆို တာ ကိုယ့် အနေ နဲ့. ထင် မြင် ချက် ပေးဘို. မကောင်းပါဘူ။ သူ့ ယုံ ကြည် ချက် နဲ့ သူ ရှိပါစေ လေ။ မကောင်းတာ လုပ်နေတာ မှ မဟုတ်ဘဲ. ကိုယ် ကိုယ် တိုင် လဲ ဘုရား တရား ကို ကို ကိုးကွယ် ပါတယ။် ကျန်တာ ကို ကိုယ်ကို တိုင် က ဘာ မှ မလုပ် ပေမဲ. သူ ယုံ့ ကြည် ချက် ကလေး နဲ့ သူ့ စိတ် ချမ်း သာ မှူ နဲ့ ရှိပါစေ လေ. လူတွေဟာ သိတ် ဒု က္ခရောက် လာ တဲ့ အခါ ကြရင် ဆောက် တည် ရာ မရ ဖြစ်တတ် လေ့ ရှိပါတယ်။ အဲဒီ အခါ မှာ သူ့ မှာယုံ ကြည်ချက် ကလေးတခု. အား ကိုး ရာ လေး တစ်ခု ရှီိရင် သူ ဆောက်တည် နိုင်မှာ ပါ။ အလွန် အကျွှံ မဖြစ် ခဲ့ရင် ပြီး တာ ပါဘဲ လို. ဆွေး နွေး လိုပါတယ်။

လင်းဦး(စိတ်ပညာ) said...

မှန်ပါတယ်။ အခုအခါမှာ ဘိုးတော်၊ မယ်တော်တွေ ဘုရားရင်ပြင်တော်မှာ နေရာအပြည့်ယူထားတတ်ကြပါတယ်။ ကျေးဇူးပါ။ အခုလို ပိုစ့်လေး တင်ပေးတဲ့အတွက်။

တားမြစ် ထားသော... said...

ကျွန်တော်ကတော့ သာသနာကို ထိခိုက်သော ကိုးကွယ်မှုများကို မလိုလားပါ။
တတ်နိုင်တယ်ဆိုရင် ကိုးကွယ်လိုသူများ၊ အားကိုးသူများ သီးသန့်ကိုးကွယ်ပေါ့။ မရောယှက်စေချင်ပါဘူး။ ဖြစ်နိုင်ရင် မရှိစေချင်ပါ။

လူအတော်များများက အရမ်းကာရော ကိုးကွယ်နေကြတယ်။ ခက်ပ။

သုခမိန်(E-Journal)

ခေါင်ခေါင် said...

ဟုတ်ပါတယ် အစ်ကို.. ဘိုးတော် မယ်တော် ရုပ်တုတွေကို ဘုရားနဲ့ တစ်တန်းထား ကိုးကွယ် နေကြတာ ကတော့ ဘယ်လိုမှ မဖြစ်သင့်ဘူး.။
ညီမတို့ အိမ် မှာ ဘုရားကလို့ဘာမှ မကိုးကွယ်ဘူး.. ဘယ်သူဘာပြောပြော.. ။ရတနာ မြတ်သုံးပါးက လွဲလို့လည်း အားကိုးရာ မရှိပါဘူး..။
ဒီပိုစ့်လေးကို လဲ အားလုံးကိုဖတ်စေချင်ပါတယ်... ။
ကျေးဇူးပါပဲ အစ်ကိုရေ.. ဒီထက်လည်းသာသနာတွေ ပြုနိုင်ပါစေ..

မောင်ဖားကြီး said...

အတွေးအခေါ်တွေ ခေတ်မှီတယ်ဗျာ။ ကျွန်တော်တော့ကြိုက်တယ်။ သဘောထားခြင်းတိုက်ဆိုင်တယ်ဗျို့။ သသနာဆိုတာ ရောနေတာတွေ သိပ်များလာရင် မကောင်းတော့ဘူး။

Unknown said...

ဘုရားတရားကိုကိုးကွယ်ယုံကြည်သလို.သူတို့စိတ်သောကရောက်နေချိန်လေးမှာ.ဒီလိုကိုးကွယ်မှု့လေးတွေကရှိကြပါတယ်.ဖြစ်နိုင်ချေရှိသမျှလေးတွေကိုသူတို့ဖက်တွယ်ထားကြတာပါ..အလွန်အမင်းသူမှသူဆိုတာမျိုးမဟုတ်ရင်ကောင်းတာပေါ့..khin oo may ဆွေးနွေးသွားတာလေးကိုသဘောကျတယ်

Apprenticeship said...

ဗဟုသုတရတဲ့ post ပါ...

ဒီဇင်ဘာနှင်း said...

သူ့နေရာနဲ့သူရှိတာပဲကောင်းပါတယ် ဒီပိုစ့်လေးအတွက်ကျေးဇူးပါ ကိုအောင်ဦး

WWKM said...

မောင်လေးအောင်ဦး..ရေ
ဗဟုသုတ ရတဲ့ ပို့စ်လေးတစ်ခုပါကွယ်။
ဖတ်ခွင့်ရလို့ ကျေးဇူးပါမောင်လေး။

Dr Phyo Wai Kyaw said...

ကျနော်ကတော့ သာသနာတော် သန့်စင်ပြီးမှ ပြန့်ပွားဖို့ အယူ အဆကို တင်ပြလိုပါတယ်...
သာသနာတော်သန့်စင်ရေးဆိုတာ သတိအမြော်အမြင်ကြီးတဲ့ သူတော်ကောင်းတွေအပေါ် မှီခိုနေပါတယ်...
စစ်မှန်သော သဒ္ဓါတရားဖြစ်လာမှသာ မိမိကိုးကွယ်နေတဲ့ မစစ်မှန်တဲ့ အယူကို စွန့်လွှတ်နုိုင်မယ် လို့ ယူဆပါတယ်.. တန်ဖိုးရှိတဲ့ ပို့စ်လေးပါ ကျေးဇူးတင်ပါတယ်

klj said...

ဘာမှတော. မပြောလိုပါဘူး မှားတာထဲကသင်ခန်းစာ၇သွား ပါလိမ်.မယ် မှန်တာမှားတာဆိုတာကလဲ အမြင်မှန်မ၇သေးလို. လို.ဘဲအ၇င်ယူဆလိုက်ပါ ကိုတော.၇ဟန်းတွေသွေးမြေကြ၇ ကထဲက သိလိုက်တယ်နတ်တွေဟာအားထား၇ာတွေမဟု ဘူး သာပေါင်းညာစားတဲ.သဟာတွေ..ဘယ်.နှယ်ဗျာနေ.စဉ်၇ဟန်း တော်တွေကအဲ.ဒီနတ်တွေကို အမျှဝေဆုတောင်းပေးတယ်အခု ၇ဟန်းတော်တွေသွေးမြေကြဆင်းတာကိုဒင်းတို.ဒီအတိုင်းကြည့် နေကြတာလား ဘယ်ေ၇ာက်ကုန်ကြသလဲဆိုတာ..တွေးမိပါ.. အခုထက်ထိပါဘဲ.အခုအိမ်မှာ၇ှိတဲ.နတ်ကိုလဲသဘိပ်မှောက်ထား တယ် အိမ်ကခလေးတွေကိုလိမ်မာအောင်ပညာတတ်ကြီးတွေ ဖြစ်အောင်အချင်းချင်းချစ်ခင်အောင်လုပ်ပေးလို.ပြောထားတယ် အမှန်ကိုပြောချငိးဖြစ်ပါတယ် ပစ်မှားချင်းမဟုတ်ပါ..