ဗုဒ္ဓါနုဿတိ ဘာဝနာ

ဂုဏ်တော်ပွားများကြတဲ့အခါ ဂုဏ်တော်တွေကို အာရုံပြုရာမှာ ဘယ်လို အာရုံပြုရမယ်ဆိုတာကို ကျေးဇူးပြုပြီး ပြောကြားပေးစေလိုပါတယ်။ ဥပမာ… အနုတ္တရောပုရိသ ဓမ္မသာရထိ ဆိုတဲ့ နံပါတ်(၆)ဂုဏ်တော်ကို အာရုံပြု လိုက်ရင် အောင်ခြင်းရှစ်ပါး သရုပ်ဖေါ်ပုံတော်တွေကိုဘဲ စိတ်ထဲမှာမြင်ယောင်နေမိတာကို အာရုံပြု မှန်တယ် ဆိုနိုင်မလားဗျာ။ ဂုဏ်တော်ပွားများတယ်ဆိုရာမှာ အများအားဖြင့် ဗုဒွါနုဿတိဂုဏ်တော်ဘဲပွားများကြတာမို့ ဘုရားဂုဏ်တော်၉ပါးကို ညွှန်းဆိုချင်တာပါ။ ဖြစ်နိုင်ရင် ကျေးဇူးပြုပြီး ဆောင်းပါးတပုဒ်အနေနဲ့ တင်ပြပေးစေလို ပါတယ်။
ဦးစိုးသိန်း

စာဖတ်သူ ဦးစိုးသိန်းမှ အထက်ဖော်ပြပါအတိုင်း ရေးသားခဲ့တဲ့ အတွက်ကြောင့် ယခုပိုစ့်ကို ရေးသား လိုက်ရပါတယ်။

နိဗ္ဗာန်ရောက်ကြောင်း တရားကို အားထုတ်ကြရမှာ ဒါန၊ သီလ၊ ဘာဝနာ စသဖြင့် ကုသိုလ်ကောင်းမှုတွေ ပြုလုပ်ပြီး ကျင့်ကြံကြရပါတယ်။ ဘာဝနာဆိုရာမှာ သမထဘာဝနာနဲ့ ၀ိပဿနာဘာဝနာလို့ နှစ်မျိုးရှိပါတယ်။ ၀ိပဿနာ ဘာဝနာက နိဗ္ဗာန်ကို တိုက်ရိုက်မြင်နိုင်တဲ့ မဂ်ဥာဏ်ရဲ့ အနီးကပ်ဆုံး ဘာဝနာပါ။ သမထဘာဝနာ အားလုံး (ကမ္မဋ္ဌာန်း ၄၀) ထဲမှာတော့ ဗုဒ္ဓါနုဿတိ ဘာဝနာဟာ အဆင့်မြင့်ဆုံး၊ အမြတ်ဆုံးဖြစ်ပါတယ်။ ဘာလို့လဲဆိုတော့ ဗုဒ္ဓါနုဿတိရဲ့ အာရုံက ဘုရားအာရုံ ဖြစ်ပြီး ဘုရားအာရုံဟာ တစ်လောကလုံးမှာ ရှိရှိသမျှ လောကီအာရုံတွေထဲမှာ အမြတ်ဆုံးအာရုံ ဖြစ်နေလို့ပါပဲ။ အမြတ်ဆုံးအာရုံကို သတိရနေသူရဲ့ စိတ်ထဲမှာ အမြတ်ဆုံးဓါတ်တွေ ကူးစက်ပြီး အမြတ်ဆုံး ကုသိုလ်တွေ ရရှိနိုင်တာမို့ အမြတ်ဆုံးအာရုံကို အောက်မေ့ ဆင်ခြင်ရတဲ့ ဗုဒ္ဓါနုဿတိဟာ အမြတ်ဆုံး ဘာဝနာဖြစ်ရပါတယ်။



“ဘာဝနာ” ဆိုတဲ့ ပါဠိစကားလုံးက “ဖြစ်စေခြင်း၊ တိုးပွားစေခြင်း” လို့ အဓိပ္ပါယ်ရပါတယ်။ စိတ်ကောင်း စိတ်မြတ်တွေ ဖြစ်ပေါ်လာအောင်၊ ဓါတ်ကောင်းဓါတ်မြတ်တွေ တိုးပွားလာအောင် ပြုလုပ်အားထုတ်တာကို ဘာဝနာလို့ ခေါ်ပါတယ်။ ဘာဝနာကို ထိထိမိမိပွားသူတိုင်းရဲ့ ကိုယ်နှုတ်စိတ် အမူအရာ သုံးမျိုးလုံးမှာ ကောင်းမြတ်တဲ့ ဓါတ်သဘောတွေ ပေါ်လွင်ထင်ရှားနေပါတယ်။ ဘာဝနာပွားနေပါလျက် ကိုယ်နှုတ်စိတ် အမူအရာ ဆိုးယုတ်နေတယ်ဆိုရင်တော့ ဘာဝနာကို နှလုံးသားထဲ အထိ ရောက်အောင် မပွားဘဲ အပေါ်ယံ သာမန် ပွားနေလို့၊ ဒါမှ မဟုတ် လူအထင်ကြီးခံရရုံပွားနေလို့၊ ဒါမှမဟုတ် နည်းမှန်လမ်းမှန် မပွားဘဲ နည်းမှားလမ်းမှား ပွားနေလို့ ဖြစ်ပါလိမ့်မယ်။

ဗုဒ္ဓ ဆိုတာ ဘုရားဂုဏ်တော်၊ အနု ဆိုတာ ထပ်တလဲလဲ၊ သတိ ဆိုတာ အမှတ်ရတာ၊ ဗုဒ္ဓါနုဿတိ ဆိုတော့ ဘုရားဂုဏ်တော်ကို ထပ်တလဲလဲ အမှတ်ရတာပေါ့။ ဘုရားဂုဏ်တော်ဆိုတာ ဘုရားရှင်ရဲ့ အရည်အချင်း၊ အစွမ်းသတ္တိပါပဲ။ ဘုရားရဲ့ အရည်အချင်း၊ ဘုရားရဲ့ အစွမ်းသတ္တိတွေကို ထပ်တလဲလဲ အမှတ်ရနေတာ၊ ထပ်တလဲလဲ နှလုံးသွင်း ဆင်ခြင် နေတာကိုပဲ ဂုဏ်တော်ပွားတယ်၊ ဗုဒ္ဓါနုဿတိပွားတယ်လို့ ခေါ်ပါတယ်။
ဘုရားဂုဏ်တော်ပွားခြင်းရဲ့ အနှစ်သာရက အန္တရယ်ကင်းဖို့၊ လာဘ်ရွှင်ဖို့ မဟုတ်ပါဘူး။ နေ့စဉ်ဘ၀ထဲက ကိုယ့်ရဲ့ စိတ်ဓာတ်နဲ့ လုပ်ရက်တွေကို ဂုဏ်တော်သဘာဝနဲ့အညီ အကောင်းဆုံးဖြစ်အောင် ပြုပြင်ဖို့ အတွက်ပါ။ ဂုဏ်တော်ဟာ ဘ၀ရဲ့စည်းကမ်း၊ လမ်းညွှန်ချက်လို့ ဆိုနိုင်ပါတယ်။

မြတ်စွာဘုရားရဲ့ ဂုဏ်တော်တွေက မရေမတွက်နိုင်အောင်ရှိပါတယ်။ ဂုဏ်တော်အားလုံးရဲ့ အနှစ်ချုပ်ကတော့ ဂုဏ်တော်ကိုးပါးပေါ့။ ဗုဒ္ဓဘာသာဝင်တိုင်းနီးပါး ဂုဏ်တော်ပွားကြလို့ ဂုဏ်တော်ကိုးပါးရဲ့ လိုရင်း အဓိပ္ပါယ်ကို အကျဉ်းချုပ် ပြောပြပါရစေ။

အရဟံဂုဏ်တော်
အရဟံ ကိလေသာ ကင်းစင်တော်မူသော မြတ်စွာဘုရား။
- စိတ်ကို ပူလောင်စေတတ်တဲ့ သဘောတွေ၊ စိတ်ကိုညစ်နွမ်းစေတတ်တဲ့ ဓါတ်တွေကို ကိလေသာလို့ ခေါ်ပါ တယ်။
လောဘ၊ ဒေါသ၊ မာန၊ မစ္ဆရိယ အစရှိတဲ့ ဓါတ်ဆိုးဓါတ်ယုတ် ဓါတ်ပုပ် ဓါတ်ညံ့တွေဟာ ကိလေသာတွေပါ။
မြတ်စွာ ဘုရားရှင်မှာ အဲ့ဒိ ကိလေသာ အညစ်အကြေးတွေ လုံးဝမရှိ၊ ကင်းစင်တော်မူတယ် ဆိုတာကို ထပ်တလဲလဲ အာရုံပြုနေရင် ကိုယ့်စိတ်လည်း အပူတွေ ကင်းရှင်းပြီး စိတ်အေးသန့်ရှင်းကာ ငြိမ်းချမ်းမှု ရစေနိုင်ပါတယ်။

အရဟံ ဆိတ်ကွယ်ရာအရပ်ပင် ဖြစ်သော်လည်း မကောင်းမှု တရားတို့ကို ပြုတော်မူ၊ ပြောတော်မမူ၊ စိတ်တော်ကပင် ကြံစည်တော်မမူသော မြတ်စွာဘုရား။
- မကောင်းမှုပြုတယ်ဆိုတာ စိတ်မှာ ကိလေသာရှိလို့ပြုတာပါ။ ကိလေသာမှန်သမျှ လုံးဝ မရှိတော့တဲ့ မြတ်စွာဘုရားရှင်ဟာ ဆိတ်ကွယ်ရာအရပ်မှာတောင် မကောင်းမှုကိုမပြု၊ မပြော၊ မကြံစည်တော့ပါဘူး။ ဒီဂုဏ်ကို အမြဲသတိရနေတဲ့ သူဟာ မကောင်းမှုပြုမယ်ကြံတိုင်း အလိုလို စိတ်တွန့်ဆုတ်ပြီး မကောင်းမှု အတော်များများ ကို ရှောင်ကြဉ်ဖြစ်သွားပါလိမ့်မယ်။
အရဟံ ပူဇော်အထူးကို ခံယူတော်မူထိုက်သောမြတ်စွာဘုရား။
- ထိုကဲ့သို့ ကိလေသာတွေ ကင်းစင်တော်မှု၍ ပူဇော်ထိုက်တဲ့ အရည်အချင်းတွေ ရှိလို့ မြတ်စွာဘုရားရှင်ဟာ လူ၊ နတ်၊ ဗြဟ္မာ၊ သတ္တဝါအားလုံးရဲ့ ပူဇော်ခြင်းအထူးကို ခံယူထိုက်ခြင်းဖြစ်ပါတယ်။ စိတ်ဓါတ်စင်ကြယ်တာ၊ အသိဥာဏ်တွေကြီးကျယ်တာ၊ အများအကျိုး သယ်ပိုးတာတွေဟာ ပူဇော်ထိုက်တဲ့ အရည်အချင်းတွေပဲပေါ့။
ဒီဂုဏ်ကို ပွားရင်း ကိုယ့်ကိုယ်ကို ပူဇော်ထိုက်တဲ့သူ၊ ကူညီထိုက်တဲ့သူ၊ ချီးမြှောက်ထိုက်တဲ့သူ၊ အများအကျိုး သယ်ပိုးတတ်သူဖြစ်အောင် ကြိုးစားဖြည့်ဆည့်နေလျှင် သူတကာ ပူဇော်ထိုက်တဲ့ အရည်အချင်းကောင်းတွေ ရနေမှာ ဖြစ်ပါတယ်။

သမ္မာသမ္ဗုဒ္ဓေါဂုဏ်တော်
သစ္စာလေးပါး မြတ်တရားနှင့် အလုံးစုံသော တရားတော်မြတ်တို့ကို ဆရာမကူ သယမ္ဘူဥာဏ်မြတ်ဖြင့် ကိုယ်တော်တိုင် တတ်အပ်ထင်ထင် သိမြင်တော်မူထိုက်ပါပေသော မြတ်စွာဘုရား။
အများက သတ်မှတ်ထားတဲ့ ပညတ်အရှိ သိစရာတွေ မှန်သမျှကိုရော၊ သဘာဝအတိုင်း အမြဲမှန်နေတဲ့ ပရမတ်အရှိ သိစရာတွေကိုရော၊ သိစရာ တရားအားလုံးကို မြတ်စွာဘုရား သိတော်မူပါတယ်။ မှားမှားယွင်းယွင်း သိတာမဟုတ်ပါဘူး။ အမှန်အတိုင်းကို ထိုးထွင်းသိတာပါ။ ကိုယ်တော်တိုင် ကိုယ်ပိုင်ဥာဏ်နဲ့ သိတော်မူတာပါ။
ဒီဂုဏ်တော်ကို အမြဲပွားရင် ဥာဏ်ဓါတ်တွေ ကူးပြီး ဥာဏ်ကောင်းလာပါလိမ့်မယ်။ သိစရာမှန်သမျှ အမှန်အတိုင်း သိအောင်၊ ကိုယ်ပိုင်ဥာဏ်နဲ့ သိအောင် လေ့လာချင်တဲ့ စိတ်လည်း ထက်သန်လာပါလိမ့်မယ်။

ဝိဇ္ဇာစရဏသမ္ပန္နော ဂုဏ်တော်
ဝိဇ္ဇာ - အသိဥာဏ်ရော၊ စရဏ - အကျင့်ပါ ပြည့်စုံတော်မူသော မြတ်စွာဘုရား။
မြတ်စွာဘုရားရှင်ဟာ သိသာသိပြီး မကျင့်တဲ့သူ၊ ကျင့်သာကျင့်ပြီး မသိတဲ့သူ မဟုတ်ပါဘူး။ သိလည်းသိ၊ ကျင့်လည်းကျင့်တဲ့သူပါ။ အသိရော အကျင့်ပါ စုံလင်တော်မူပါတယ်။ ဒီဂုဏ်တော်ကိုပွားပြီး လိုက်နာတဲ့သူဟာ အသိအကျင့် ဘက်စုံမြင်တဲ့သူ ဖြစ်လာနိုင်ပါတယ်။

သုဂတော ဂုဏ်တော်
ကောင်းသောစကား (မှန်ကန်၍ အကျိုးရှိသော စကား) ကိုသာ ဆိုတော်မူသော မြတ်စွာဘုရား။
မြတ်စွာဘုရားရှင်ဟာ မှန်လည်းမမှန်၊ အကျိုးလည်း မရှိတဲ့ စကားမျိုး လုံးဝ မပြောပါဘူး။ မှန်ပေမယ့် အကျိုး မရှိရင်လည်း လုံးဝ မပြောပါဘူး။ မှန်လည်းမှန်၊ အကျိုးလည်း ရှိတဲ့ စကားမျိုးကိုသာ .. အခြေအနေ အချိန်အခါ ကြည့်ပြီး ပြောတော်မူခြင်းဟာ မြတ်စွာဘုရားရဲ့ သုဂတော ဂုဏ်တော်မြတ် ဖြစ်ပါတယ်။

လောကဝိဒူ ဂုဏ်တော်
လောက သုံးပါးကို သိတော်မူသော မြတ်စွာဘုရား။
သက်ရှိ သတ္တဝါဆိုတဲ့ သတ္တလောက၊ သက်မဲ့ ဘုံဌာန ဆိုတဲ့ သြကာသလောက၊ ရုပ်နာမ် ပရမတ် ဆိုတဲ့ သင်္ခါရလောက၊ လောက သုံးပါးနဲ့ ပတ်သက်တဲ့ အကြောင်းအရာမှန်သမျှကို မြတ်စွာဘုရား နှံ့နှံ့ စပ်စပ် အသေးစိပ် သိမြင်တော်မူတယ်။ ဒီဂုဏ်တော်ကို ပွားရင် လောကအကြောင်းကို ကောင်းကောင်းသိလာမှာပေါ့။

အနုတ္တရောပုရိသ ဒမ္မသာရထိ ဂုဏ်တော်
ဆုံးမထိုက်သော သတ္တဝါတို့ကို အတုမရှိ ဆုံးမတော်မူတတ်သော မြတ်စွာဘုရား။
မြတ်စွာဘုရားရှင်ဟာ အဆုံးအမ ခံယူမယ့် ပုဂ္ဂိုလ်ရဲ့ လိုအပ်ချက်နဲ့ ကွက်တိဖြစ်အောင် အတိအကျ ဆုံးမတော်မူတတ်ပါတယ်။ မကောင်းမှု ကင်းရုံပဲ ဆုံးမသင့်တဲ့သူကို မကောင်းမှုကင်းရုံပဲ ဆုံးမပြီး ကောင်းမှု တိုးရုံပဲ ဆုံးမသင့်တဲ့သူကို ကောင်းမှုတိုးရုံပဲ ဆုံးမပါတယ်။ တရားထူးရတဲ့ အထိ ဆုံးမသင့်တဲ့ သူကိုသာ တရားထူးရတဲ့အထိ ဆုံးမတော်မူတာပါ။ လူတကာကို တရားထူး မရရအောင် အတင်းအဓမ္မဆုံးမနေတာ မဟုတ်ပါဘူး။ စရိုက်လက္ခဏာနဲ့ အညီ တရားကိုလည်း ပေးတတ်ပါတယ်။ ဒီဂုဏ်တော်ကို ပွားရင် သူ့နေရာ၊ သူ့အဆင့်နဲ့ နေရာခွင်ကျ ပြောဆိုတတ်ပါလိမ့်မယ်။

ဒီနေရာမှာ မြတ်စွာဘုရားရှင်ရဲ့ မဟာကရုဏာတော်နဲ့ မိမိကိုရန်မူလာသူ၊ စွပ်စွဲလာသူ၊ အတိုက်ခံပြုသူတို့ကို အသိအမြင်မှန်ရအောင်ဆုံးမ နိုင်ခဲ့တဲ့အတွက်ကြောင့် ဒီဂုဏ်တော်ကို အာရုံပြုတဲ့ အချိန်မှာ အောင်ခြင်း ရှစ်ပါးပုံ တွေက မြင်ယောင်နေတာသည် အမြင်မှန်၊ အသိမှန်ပါ။ ဒီလိုပုံရိပ်တွေ ဖော်ပြီး မိမိကိုယ်တိုင် ဘုရားရှင်ရဲ့ ဂုဏ်တော်ကို မိမိနှလုံးသားမှာ အမြဲကိန်းလာအာင် ထပ်ဖန်တလဲလဲ ပွားယူနေရမှာပါ။

သတ္တာဒေဝမနုဿနံ ဂုဏ်တော်
နတ်လူတို့၏ ဆရာတစ်ဆူ ဖြစ်တော်မူသော မြတ်စွာဘုရား။
နတ်လူသတ္တဝါတို့ကို ကောင်းရာကောင်းကြောင်းနည်းလမ်းကောင်းတွေ ညွှန်ကြားပြသတဲ့ အတွက် မြတ်စွာဘုရားရှင်ဟာ နတ်လူသတ္တဝါအားလုံးရဲ့ အားအကိုးထိုက်ဆုံး ဆရာတစ်ဆူ ဖြစ်တော်မူပါတယ်။
ဒီဂုဏ်ရဲ့ အစွမ်း သတ္တိကြောင့် အများအကျိုးကို ရှေ့တန်းကနေ ဦးဆောင်သယ်ပိုးနိုင်တဲ့ သူဖြစ်လာပါလိမ့်မယ်။

ဗုဒ္ဓေါ ဂုဏ်တော်
သစ္စာလေးပါးနှင့် အလုံးစုံသော တရားတွေကို ကိုယ်တိုင်လည်း သိတော်မူ၊ သူတစ်ပါးတို့ကိုလည်း သိအောင်ဟောတော်မူသော မြတ်စွာဘုရား။
ဆင်းရဲအမှန်ဆိုတဲ့ ဒုက္ခသစ္စာ၊
ဆင်းရဲကြောင်းအမှန်ဆိုတဲ့ သမုဒယသစ္စာ၊
ဆင်းရဲချုပ်ရာအမှန်ဆိုတဲ့ နိရောဓသစ္စာ၊
ဆင်းရဲချုပ်ရာ ရောက်ကြောင်း လမ်းမှန်ဆိုတဲ့ မဂ္ဂသစ္စာ၊
သစ္စာလေးပါးကို မြတ်စွာဘုရားရှင်ဟာ ကိုယ်တိုင်သိရုံမက သူတစ်ပါးကိုလည်း သိအောင် ဟောစွမ်းနိုင်ပါတယ်။
ဒီဂုဏ်တော်ကို ပွားများရင်း အမှန်တရားကို သိပြီး အမှန်တရားကို ဖြန့်ဝေတတ်လာတဲ့ သူတစ်ဦးဖြစ်လာပါလိမ့်မယ်။

ဘဂ၀ါဂုဏ်တော်
ဘုန်းတော်ခြောက်ပါးနှင့် ပြည့်စုံတော်မူသော မြတ်စွာဘုရား။
မိမိစိတ်ကိုရော တလောကလုံးကိုပါ အစိုးရတဲ့ ဣဿရိယ ဘုန်းတော်၊ မဂ်ဖိုလ်နိဗ္ဗာန် တရားနဲ့ ပြည့်စုံတဲ့ ဓမ္မဘုန်းတော်၊ များပြားသော အခြံအရံ၊ ပျံ့နှံ့သော အကျော် အစောနဲ့ ပြည့်စုံတဲ့ ယသဘုန်းတော်၊ အတုမရှိသော ကျက်သရေတော်နှင့် ပြည့်စုံသော သိရီဘုန်းတော်၊ လိုအင်ဆန္ဒ တောင့်တမှု မှန်သမျှ ခဏချက်ချင်း ပြည့်ဝတဲ့ ကာမဘုန်းတော်၊ အတုမရှိသော လုံ့လ၀ိရိယနဲ့ ပြည့်စုံတဲ့ ပယတ္တဘုန်းတော်၊ စတဲ့ ဘုန်းတော်ခြောက်ပါးနဲ့ ပြည့်စုံတော်မူပါတယ်။
ဂုဏ်တော်ပွားသူရဲ့ စိတ်ဟာ အမြဲ ကြည်လင်အေးချမ်းနေတာကြောင့် သတိပဋ္ဌာန်နည်းလမ်းနဲ့ အညီ ၀ိပဿနာ ဆက်ရှုသွားမယ်ဆိုရင်လည်း တရားထူး တရာမြတ် ရရှိနိုင်ပါတယ်။

တခါတုန်းက သီဟိုဠ်ကျွန်း (သိရိလင်္ကာနိုင်ငံ)မှာ ဘုရားဂုဏ်တော်ကို စွဲစွဲမြဲမြဲပွားများတဲ့ ဖုဿဒေ၀ ဆိုတဲ့ မထေရ်တစ်ပါး ရှိခဲ့ဖူးတယ်။ မထေရ်မြတ်အတွက် စေတီရင်ပြင်မှာ တံမြက်လှည်းပြီးတဲ့ အချိန်ဟာ ဂုဏ်တော် ပွားလို့ အကောင်းဆုံးပါပဲ။ တံမြက်စည်းလှည်းလိုက်လို့ အမှိုက်သရိုက်၊ အညစ်အကြေး ပြောင်စင်သွားတဲ့ စေတီရင်ပြင်ကို တစိမ့်စိမ့်ပြန်ကြည့်ရင်း …

အမှိုက်သရိုက် အညစ်အကြေး ကင်းရှင်းသွားတဲ့ စေတီရင်ပြင်ဟာ သန့်ရှင်းကြင်လင်နေသလို မြတ်စွာဘုရားရှင် ရဲ့ ကိလေသာ အမှိုက်သရိုက်၊ ကိလေသာ အညစ်အကြေး ကင်းရှင်းတဲ့ စိတ်အစဉ်ဟာလည်း သန့်စင်ကြည် လင်နေမှာပါပဲ။

အရဟံ- ကိလေသာ အရှုပ်ကင်း၍ စိတ်ရှင်းတော်မူသော မြတ်စွာဘုရား၊
အရဟံ- ကိလေသာ အညစ်တန့်၍ စိတ်သန့်တော်မူသော မြတ်စွာဘုရား၊
အရဟံ- ကိလေသာ အပူဝေး၍ စိတ်အေးတော်မူသော မြတ်စွာဘုရား၊
အရဟံ- ကိလေသာ အနောက်မသီ၍ စိတ်ကြည်တော်မူသော မြတ်စွာဘုရား၊
အရဟံ- ကိလေသာကင်း စိတ်သန့်ရှင်းတဲ့အတွက် လူမင်း၊ နတ်မင်း၊ ဗြဟ္မာမင်းတို့ရဲ့ ပူဇော်အထူးကို ခံယူတော် မူထိုက်သော မြတ်စွာဘုရား၊

စေတီရင်ပြင်မှာ တံမြက်စည်း လှည်းပြီးတိုင်း ဘုရားဂုဏ်တော် ပွားများနေတဲ့ ဖုဿဒေ၀ မထေရ်မြတ်ကို မာရ်နတ်က သုံးကြိမ်တိုင်တိုင် လာရောက်နှောက်ယှက်ပါတယ်။ ပထမနေ့မှာ မျောက်ညိုအသွင် ဖန်ဆင်းပြီး စေတီရင်ပြင်မှာ နွားချေးတွေ ကြဲချတယ်။ ဒုတိယနေ့မှာ နွားအိုအသွင်ဖန်ဆင်းပြီး စေတီရင်ပြင်မှာ နွားချေးစိုတွေ စွန့်ချ။ တတိယနေ့မှာ အရုပ်ဆိုးပြီး ခြေဆွံနေတဲ့ လူသားအသွင် ဖန်ဆင်းပြီး စေတီရင်ပြင်မှာ အစင်းအကြောင်းထင်အောင် တရွတ်တိုက် ဆွဲသွားနဲ့ မထေရ်မြတ်ကို ဂုဏ်တော်အာရုံပျက်အောင် တနေ့တမျိုး အနှောက်ယှက်ပေးပါတယ်။ ဒီပတ်ဝန်းကျင်မှာ ဒီလောက် ရုပ်ဆိုးတဲ့သူ မရှိမှန်း သတိထားမိသွားတဲ့ ဖုဿဒေ၀ မထေရ်မြတ်က .. မာရ်နတ်ဖြစ်ကြောင်းသိ၍ ဘုရားရှင် အသွင် ဖန်ဆင်းပြခိုင်းပါတယ်။ မာရ်နတ်ဖန်ဆင်း ပြတဲ့ ဘုရားရှင် ပုံတော်ကို ဖူးမျှော်ရင်း မထေရ်မြတ်ရဲ့ စိတ်အစဉ်မှာ နှစ်သက်ဝမ်းမြောက်မှု ပီတိသောမနဿတွေ တဖွားဖွား ပေါ်ပေါက်လာပါတယ်။ ပုံတော်အတွင်း ဂုဏ်တော်သွင်းပြီး ဗုဒ္ဓါနုဿတိဘာဝနာ ပွားများလိုက်လို့ ဖြစ်ပေါ်လာတဲ့ နှစ်သက်ဝမ်းမြောက်မှု ပီတိသောမနဿ၊ တည်ကြည်အေးချမ်းမှု သမာဓိ ပဿဒ္ဓိနှင့် တကွ ထင်ရှားရာ ရုပ်တရား နာမ်တရားတွေကို သတိပဋ္ဌာန်နည်းအတိုင် ၀ိပဿနာ ဆက်ရှုတဲ့အတွက် ဖုဿဒေ၀မ ထေရ်မြတ် မတ်တပ်ရပ်လျက်နဲ့ ရဟန္တာဖြစ်သွားပါတယ်။

ပုံတော်ကို ကြည်ညိုတာဟာ သဒ္ဓါအလုပ်ဖြစ်ပြီး ဂုဏ်တော်ကိုကြည်ညိုတာက ပညာရဲ့အလုပ်ဖြစ်ပါတယ်။ ပုံတော်ရော၊ ဂုဏ်တော်ရော နှစ်မျိုးလုံးကြည်ညိုတတ်မှ သဒ္ဓါနဲ့ပညာ ညီမျှပြည့်စုံတဲ့ အတွက် အဆင့်အတန်း မြင့်ပါတယ်။
ဗုဒ္ဓနုဿတိပွားတယ်ဆိုတာ အထက်က ရေးခဲ့သလို ဘုရားရဲ့ အရည်အချင်း၊ ဘုရားရဲ့ အစွမ်းသတ္တိတွေကို ထပ်တလဲလဲ အမှတ်ရနေတာ၊ ထပ်တလဲလဲ နှလုံးသွင်းဆင်ခြင် နေတာကိုပဲ ဂုဏ်တော်ပွားတယ်၊ ဗုဒ္ဓါနုဿတိပွားတယ်လို့ ခေါ်ပါတယ်။ ဒီနေရာမှာ ဘုရားဖြစ်မှ ဂုဏ်တော်တွေရှိလို့ ကြည်ညိုကိုးကွယ် အတုယူစရာ ကောင်းတာမဟုတ်ပါဘူး။ ဘုရားမဖြစ်ခင် ကတည်းက ဘုရားရှင်ဟာ ကြည်ညိုစရာ ကောင်းနေပါပြီ။ လေးသင်္ချေနဲ့ ကမ္ဘာတစ်သိန်းကာလလုံး ပါရမီ ဖြည့်ခဲ့ရတာတွေကို ပြန်လည်စဉ်းစားပြီး မိမိတို့ ရင်ထဲမှာ ဘုရားကို ကြည်ညိုတဲ့စိတ်တွေ တဖွားဖွားဖြစ်နေတာလည်း ဗုဒ္ဓါနုဿတိ ဘာဝနာပါပဲ။

နောက်ဆုံး ဘုရားလောင်း သိဒ္ဓတ္ထမင်းသား ဘ၀မှာ ပါရမီတွေဖြည့်ကျင့်ဖို့ တောထွက်တော်မူခဲ့တဲ့ အချိန်ကို စဉ်းစားကြည့်ပါ။ နောက်ထပ် ၇ ရက် ပြည့်ရင် စင်္ကြာရတနာ ဆိုက်ရောက်မယ်ဆိုတာလည်း သိတယ်။ သားတော်ရာဟုလာ မွေးတဲ့နေ့ လည်းဖြစ်တဲ့ ညသန်းခေါင်ယံ အချိန်မှာ တောထွက်ခဲ့တာပါ။ တောထွက်ဖို့ အလာမှာ ယသောဓရာ အိပ်နေတဲ့ အခန်းက ကြာချည် (အခန်းစီး)ကို အသာလေး ဖယ်ပြီးတော့ အဝေးက ကြည့်ရုံသာ ကြည့်ခဲ့ပါတယ်။ အဲဒီအချိန်မှာ ယသောဓရာနဲ့ အတူ သားတော်လေးလည်း ရှိနေပြီပဲ။ နောက်ဆုံး အနေနဲ့ သားတော်မျက်နှာကိုတောင် အနီးကပ် မကြည့်ခဲ့ပါဘူး။ ဘာလို့ ဒီလိုမလုပ်လဲ ဆိုရင် အနားနား တိုးပြီး တော့ သားတော်လေးကို ကြည့်တဲ့ အချိန်မှာ ယသောဓရာနိုးသွားရင် တောထွက်မယ့် အရေးအတွက် အနှောက်ယှက် ဖြစ်သွားမှာ စိုးရိမ်ခဲ့ပါတယ်။ ဒါကြောင့် နောက်ဆုံး အခန်းစီးလေးကိုဖယ်ကာ အဝေးက ကြည့်ပြီး သားနဲ့ဇနီးကို စွန့်လွတ်လို့ သစ္စာလေးပါး မြတ်တရားကို သတ္တ၀ါတွေ ကောင်းကျိုး အတွက် ရှာဖွေအား ထုတ်ဖို့ တောထွက်တော်မူခဲ့ပါတယ်။

ဒီလို အချက်လေးတွေ စဉ်းစားတွေးတောပြီး ဘုရားရှင်ကို ကြည်ညိုနေတာသည်လည်း ဗုဒ္ဓါနုဿတိ ဘာဝနာပါပဲ။ စဉ်းစားရင် မိမိကိုယ်တိုင်လည်း ပြန်မေးသင့်ပါတယ်။ ငါဆိုရင်ရော ဘုရားရှင်လို စွန့်လွတ်နိုင်ပါ့ မလားဆိုတဲ့ အတွေးလေးတွေပေါ့။
တလောကလုံးရဲ့ အနှိုင်းမဲ့ ကျေးဇူးရှင် မြတ်စွာဘုရားရှင်ရဲ့ ကျေးဇူးတော်၊ ဂုဏ်တော်တွေကို ပွားများရတဲ့ ဗုဒ္ဓါနုဿတိ ဘာဝနာကို အချိန်တိုင်း၊ နေရာတိုင်း အမြဲမပြတ် ပွားများအားထုတ်နိုင်ကြပါစေ။

စာဖတ်သူအားလုံး ကောင်းကျိုးလိုရာ ဆန္ဒများပြည့်ဝကြပါစေ…

ကျမ်းကိုး။ ။ပိုင်းလော့ဆရာတော်ကြီး ဟောကြားဆုံးမသော တရားတော်များ။
အနှိုင်းမဲ့ ဘာဝနာ (အရှင်ဆန္ဒာဓိက)။


အမ္ဗပါလီ


စာဖတ်သူ တဦးမှ အမ္ဗပါလီအကြောင်း ရေးပေးဖို့ တောင်းဆိုတဲ့ အတွက်ကြောင့် ဓမ္မမိတ်ဆွေ အန်တီ စီစီချိုသန်း ရေးသား ပို့ပေးထားသော အမ္ဗပါလီ အကြောင်းကို တင်ပြလိုက်ပါတယ်။

သမိုင်းအစဉ်မှာ၊ နှိုင်းမယှဉ်အောင်၊ လှရက်ပါတ့၊ဲ ဝေသာလီရဲ့ အလှဧကရီ...အမ္ဗပါလီရေ....။ သင့်ရဲ့ဘ၀ ဖြစ်စဉ်ကို ကြားသိရတဲ့ အခိုက် ၀ိပဿနာ အသာထားပြီး၊ ကျွန်မရင်ထဲမှာ တကယ်ကို ခံစားလိုက် ရပါတယ်။ ခံစားမှုတွေကို သေချာဆန်းစစ်လိုက်တော့ အားကျမှုတွေ၊ သံဝေဂတွေ၊ ကိုယ်ချင်းစာ တရားတွေ အားလုံးပါဝင်နေပါတယ်။ ဒီခံစားမှုတွေကို သင့်ကိုပဲတိုင်တည်ပြီး ကျွန်မ ပြောပါရစေ..။

ဘုရားရှင်လက်ထက်က ရှိခဲ့တဲ့ ဝေသာလီပြည်ကြီးဟာ ဒီမိုကရေစီ စံနစ်ကျင့်သုံးပါတယ်။ ပြည်သူ့လွှတ်တော် ကြီးကို နှစ်စဉ် ကျင်းပလို့ စီးပွါးရေး၊ လူမှုရေး၊ နိူင်ငံရေး အခြေအနေ အားလုံးကို (၇၇၇၇) ယောက်သော ကိုယ်စားလှယ်တွေနဲ့ ဆွေးနွေး ညှိနိူင်း တိုင်ပင်ကာ ဆုံးဖြတ်ကြတာပါ။ ဒီလွှတ်တော်မှာ ဝေသာလီ ဂဏသန္တာ ရဲ့အကြီးအကဲ မဟာနာမ်မင်းကြီး၊ သားတော် ဖြစ်တဲ့ အာနန္ဒ မင်းသား၊ အဘယရာဇာ ဆိုတဲ့ စစ်သေနာပတိ ချုပ်ကြီး၊ သူရဲကောင်း စစ်သည်များနဲ့ ဝေဒပညာရှင်များ ပါဝင်ကြပါတယ်။ အမ္ဗပါလီရေ... သင်ကတော့ မဟာနာမ် မင်းကြီးရဲ့ ချစ်မ၀တဲ့ သမီးအလှတစ်ပါးပါ။ အာနန္ဒ မင်းသားရဲ့ညီမတော်ပေါ့။ တကယ်တော့ သင်ဟာ မဟာနာမ် မင်းကြီးရဲ့ သမီးရင်းတစ်ယောက် မဟုတ်ခဲ့ဘူးနော်။ မဟာနာမ်မင်းကြီးနဲ့ မိသားစုတို့ခရီးတစ်ခု သွားရာမှာ တစ်နေရာအရောက် သရက်ပင်အောက် ကလေးငိုသံကြားလို့ မြင်းထိန်းကို သွားကြည့် ခိုင်းပါတယ်။ ဇနီးသည် မီးဖွါးရင်း ဆုံးတာ မကြာသေးတဲ့ မင်းကြီးက အဲဒီ ကလေးကိုမွေးစားချင်စိတ်ဖြစ်ပါတယ်။ ဒါပေမဲ့ သူ့မှာ အာနန္ဒ ဆိုတဲ့ သားတော်တစ်ပါး ရှိပြီး ဖြစ်လို့ ယောကျာင်္းလေး ဖြစ်နေရင် ထီးနန်းလုကြမှာ ကိုစိုးရိမ်ပါ တယ်။ ဒါကြောင့် ယောကျာင်္းလေး ဆိုရင်တော့ မယူဘူး၊ မိန်းကလေး ဖြစ်ရင်တော့ ယူခဲ့လို့ မြင်းထိန်းကိုမှာပါ တယ်။ ဒီလိုနဲ့ သင်ဟာ မဟာနာမ်မင်းကြီးရဲ့ သမီးအဖြစ်ကို ရောက်ခဲ့တာပါ။ မဟာနာမ် မင်းကြီး နဲ့ အာနန္ဒ မင်းသားဟာ သင့်ကို သမီးရင်းနဲ့ မခြား၊ ညီမရင်းနဲ့မခြား ချစ်ခဲ့ကြတာပါ။


ဝေသာလီဟာ ဘေးကအိမ်နီးချင်း နိူင်ငံတွေရဲ့ ကျုးကျော်ရန်စ မှုတွေကြောင့်စစ်အမြဲ တိုက်နေရတဲ့ နိူင်ငံပါ။ အထူးသဖြင့် အနောက်ဖက်က ရာဇဂြိုလ်နဲ့ဆို လူကျုးရင်လူသတ်၊ ခွေးကျုးရင် ခွေးသတ်၊ အမှိုက်လွှင့်သွား ရင်တောင် မီးရှို့ပစ်ပါတယ်။ ရန်ဖက် နှစ်နိူင်ငံ ဖြစ်ပါတယ်။ ဒါကြောင့် ဝေသာလီမှာ လူတိုင်းစစ်မှုထမ်းရပါတယ်။ စစ်ရေး အမြဲလေ့ကျင့် နေရပါတယ်။ ဝေသာလီ ပြည်သူတွေဟာ အမြဲတမ်း စည်းလုံးညီညွတ်ပါတယ်။ အမိန့်ကို လည်း နာခံကျင့်သုံးကြပါတယ်။ ဒါကြောင့် ဝေသာလီကို ဘယ်သူမှ မထိရဲကြပါဘူး။ အဲ...ဒါပေမဲ့ တစ်ချိန်မှာ တော့ ဒီစည်းလုံးညီညွတ်မှုတွေ၊ အမိန့် ကိုနာခံတတ်မှုတွေကို ပျက်ပြားမည့် အကြောင်း ဖန်လာပါတယ်။ ဖန်တီးသူကတော့ သင်ပါပဲ.. အမ္ဗပါလီ ရေ။

သင့်ကို ငယ်စဉ်ကစပီး သင့်ဖခင် မင်းကြီးက အဝေးမှာထားပြီး ယောကျာင်္းတွေ တတ်အပ်တဲ့ ဆင်စီး၊ မြင်းစီး၊ ရထားမောင်း၊ မြှားပစ်၊ လှံပစ်၊ ဓါးခုတ်စတဲ့ ပညာရပ်တွေကို သင်ယူစေခဲ့တယ်။ ဒါကြောင့် သင့်ကို သိသူ၊ မြင်ဖူးသူ သိပ်မရှိခဲ့ဘူးနော်၊ အသက် ၁၃ နှစ်အရွယ်မှာ သင်ဟာ ဒီပညာရပ်တွေကို ကျွမ်းကျင်လို့ စံအိမ်ကိုပြန် ရောက်ခဲ့ပြီ၊ ပညာတွေနဲ့ အတူ အလှသွေးတွေလဲ ကြွေစ ပြုခြဲ့ပီ။ ဝေသာလီ မြို့ထဲကို သင်မြင်းရထား ၀င်မောင်းရင် မြန်လွန်းလို့ လူတွေက သင့်အရိပ်ကိုပဲ မြင်နိူင်ကြတယ်။ အဲဒီ အရိပ် ကလေးကပဲ လူအများ၊ အထူးသဖြင့် ပုရိသ ယောကျာင်္းတို့ရဲ့ စိတ်၊ အာရုံ ကို ဖမ်းစားနိူင်ခဲ့တယ်။ ဒီအလှပိုင်ရှင်ဟာ ဘယ်သူလဲ? သင် ဘယ်သူလဲ ဆိုတာကို လူတိုင်းသိချင်နေကြပြီ... အမ္ဗပါလီရေ။ နောက်ဆုံးမှာ လူတွေဟာ သင့်ကို သိလိုစိတ် တွေကို မထိန်းနိူင်ကြပဲ တစ်အိမ်ပြီးတစ်အိမ် သင်ဘယ်အိမ်ကို ၀င်မလဲ ဆိုပြီး အလှည့်ကျစောင့်တော့တာပဲ။ နောက်ဆုံးမှာတော့ သင်ဟာ မင်းကြီးရဲ့သမီးမှန်းသိလို့ အားလုံးနဲ့ မိတ်ဆက်ပေးခဲရပြီလေ။ အဲဒီမှာပြဿနာစ တော့တာပဲနော်။ အသက် ၁၃-၁၄ နှစ်အရွယ်မှာတောင် သင့်ရဲ့ မျက်လုံးဝှေ့တစ်ချက်မှာ မင်းသားပေါင်း ၁၀၀ လောက် သင့်နောက်ကို ပါလာခြဲ့ပီ။ အသက် ၁၆ နှစ်အရွယ် အလှတွေပြည့်စုံလာတဲ့ အချိန်မှာတော့ ဝေသာလီ တစ်နိူင်ငံလုံး အုံ့အုံ့ ကြွကြွ ဖြစ်ရပြီ။ အမိန့်ကိုအမြဲနာခံတဲ့ သူရဲကောင်းစစ်သည်တွေ အမိန့်ကို မနာခံတော့ ဘူး၊ စစ်ရေးတွေ လေ့မကျင့်ကြတော့ဘူး၊ သူတို့စိတ်ထဲမှာ ပါလီ မှ ပါလီ၊ ပါလီ ကိုတွေ့ဖို့၊ မြင်ရဖို့၊ ပါလီနဲနီးရဖို့၊ ပါလီ့ အသံကြားရဖို့သာ ကြိုးစားကြတော့တယ်။

သင့်ရဲ့အလှတွေကိုကုန်အောင် ဖွဲ့နိူင်သူမရှိခဲပေမဲ့ ကျွန်မ သိသလောက်တော့ ပြောပါရစေ။ သင့်ရဲ့ ပိတုန်းရောင် ဆံကေသာဟာ နက်မှောင်ဖြောင့်ရှင်း၊ အဖျားကော့စင်းလို့ တစ်ချောင်းချင်းဖြစ်နေပါတယ်။ ထိုဆံကေသာကို ဆံထုံးထုံးပြီး ပန်းပန်ထားတဲ့ သင်ဟာ ကဗျာ ဆရာတွေ အတွက် စာဖွဲ့ချင်စရာဖြစ်ခဲ့တယ်။ သင့်ရဲ့ ခန္ဓာကိုယ် ဟာလဲ စန္ဒကူးနံ့သာ ထုံသင်းပီး အဖိုးထိုက် ရတနာတွေ ဆင်မြန်းထားတဲ့ အခါ မိန်းမချင်းတောင် ငေးရပါပေတယ်။ သင့်ရဲ့ခန္ဓာကိုယ် အချိုးအဆစ်၊ အဖုအထစ် တွေဟာလဲ ပန်းပုဆရာတွေ ဘယ်လိုထုရမှန်းမ သိပဲ၊ လက်မှိုင်ချရလောက်အောင် ပြေပြစ်ပါပေတယ်။ သင် ရဲ့တောက်ပ လှပတဲ့ မျက်လုံးနှစ်လုံးဟာလဲ စိန်ရောင်ကဲ့သို့ တ၀င်းဝင်း၊ တလက်လက် နဲ့မြင်ရသူကို ဖမ်းစားနိူင်ပါပေတယ်။ သင်ရဲ့ပတ္တမြားရောင် နီတျာတျာ နှုတ်ခမ်းနှစ်လွှာ၊ ဖြူသန့်စင်တဲ့ သွားလေးတွေနဲ့ ဖန်ဆင်းလိုက်တဲ့ အပြုံးတစ်ချက်ဟာ တစ်ဖက်သား ကို ငြင်းပယ်နိူင်စွမ်း ကင်းသွားစေပါတယ်။ အဲဒီ နှုတ်ခမ်းနှစ်လွှာ ကြားကပေါ်ထွက်လာတဲ့ သင့်ရဲ့အသံဟာ ကြိုးကြာလေးတွန် လိုက်သလို၊ လောကကြီးကို ရပ်ဆိုင်းသွား စေပါတယ်။ ရေကြည်သောက်ရင် မြင်ရမလောက်ပင် သင့်ရဲ့ လည်တိုင်ကျော့ရှင်း၊ အသားအရေရဲ့ကောင်းခြင်းနဲ့ ပြည့်စုံပါပေတယ်။ ဒါတွေက ကျွန်မ သိသ လောက်ပြောရတာပါ။ ဒီလို လှချက်တွေ အပြင် သင်ဟာမာယာတွေလဲ သုံးတတ်ခဲ့တယ်နော်။ ယောကျာင်္း တွေကြားထဲမှာ မြှားပစ်ကျင့်ပြတာ၊ မြင်းရထားစီးပြီး ကိုယ်လုံး ထွက်ပြတာ၊ သင့်အိမ်တော်ရှေ့မှာ လာစောင့်နေကြတဲ့ ပုရိသတွေအပေါ် ပန်းကြဲချတာ၊ မျက်နှာတစ်ခြမ်းလေး ထုတ်ပြတာတွေနဲ့ တစ်နိူင်ငံလုံးက ယောကျာင်္းအပေါင်းကို ရူးသွပ်စေခြဲ့ပီ။ သင့် အခန်းထဲမှာလည်း ရွေးချယ်ဖို့ တစ်ရာ့တစ်ပါးသော မင်းတွေရဲ့ရုပ်ပုံ၊ ပန်းချီ တွေပြည့်နေခဲ့တယ်။ တစ်ပုံပီးတစ်ပုံ အချစ်မ၀င် အပြစ်မြင်ခြဲ့ပီး ကာမှ တစ်ခုသော ပုံကိုမြင်တော့ ကျင်စက်နဲ့တို့ လိုက်သလိုသင်ခံစားရ၊ စိတ်ဝင်စားခဲ့တယ်နော်။ ဘယ်သူလဲ ဆိုတော့ သင်တို့ရဲ့ ဝေသာလီ ရဲ့ရန်သူ ဗိမ္မိသာရ မင်းပါပဲ။ ဗိမ္မိသာရမင်းဟာ သင်ရဲ့ နှလုံးသားကို လှုပ်ရှားစေခြဲ့ပီနော်။ (ဒါဟာ မြင်စိတ်မှာ စွဲလန်းသွားတဲ့ ဥပါဒါနက္ခန္ဓာပါ) ရန်သူမင်းဆိုတာ သင်သိပေမဲ့ ချစ်မိ သွားခဲ့တယ်နော်။ အဲဒီအချိန်ကစပြီး ပါလီဟာ ဗိမ္မိသာရမင်း(ပုံ)နဲ့ အိပ်တယ်၊ ဗိမ္မိသာရ မင်း(ပုံ)နဲ့စားတယ်။ (ကျွန်မ တို့ဒီခေတ်မှာလည်း သင့်အရွယ် ကလေးမလေးတွေ နာမည်ကြီး မင်းသားပုံတွေ နံရံမှာ ကပ်ပြီး ဒီလိုပဲ စိတ်ကူးယဉ်ကြပါတယ်။ အမှန်အတိုင်းဝန်ခံ ရရင်ကိုယ်တောင် ငယ်ငယ်က ပါခဲ့သေးပါတယ်။)

သင့်ရဲ့အလှသတင်းဟာ ဝေသာလီတင်မက ဘေးကရာဇဂြိုလ် ကိုတောင်ရောက်ခဲ့ပါပေါ့။ ရာဇဂြိုလ်ပြည့်ရှင် ဗိမ္မိသာရ မင်းကလည်း သင့်ကိုတွေ့လို၊ မြင်လိုစိတ်တွေ ပြင်းပြခဲ့ပြီ။ ဒါကြောင့် အထောက်တော်များကို အရင် လွှတ်ပီး သင့်ရဲ့အလှကို စုံစမ်းခိုင်းခဲ့တယ်။ ဒီအထောက်တော်တွေဟာ ပါလီ့ ကိုတွေ့ခဲ့ ခဏမှာ ဘယ်လောက် တောင် နစ်မျောသွားလဲဆိုရင် ပါလီရဲ့မြားချက်ကိုတောင် ရှောင်ဖို့မေ့ပီး သေဖို့ဖြစ်ခဲ့တယ်။ ပါလီက နှလုံးသား နေရာကို မပြစ်ပဲ ခေါင်းက ဦးထုပ်ကိုပဲချိန် ပစ်ခဲ့လို့ သက်သာခဲ့တာပေါ့။ ရာဇဂြိုလ် ကိုပြန်ရောက်လို့ ဗိမ္မိသာရမင်းက ပါလီ ရဲ့အလှကို မေးတဲ့အခါမှာတော့ မိန်းမတစ်ယောက်မှာရှိရမဲ့ လက္ခဏာအားလုံး ပါလီ မှာရှိကြောင်း လျှောက်တင်ပါတယ်။ မိမိတို့တောင် မင်းကြီးမှန်းထားတဲ့ မင်းဘဏ္ဍာ မို့လို့သာမပြစ်မှားရကြောင်း၊ ဇာတ်လမ်းစုံ ခင်းပြီး ပါလာတဲ့ ပါလီရဲ့မြားလေးကို ဆက်သလိုက်ပါတယ်။ ဒီအခါမှာ သောတာပန် မင်းကြီး နှလုံးသားကို ထိသွားပါတယ်။ ပါလီ ရဲ့မြားကို ရင်ဘတ်ပေါ်တင်ပီး ပါလီ ကိုစွဲလမ်းသွားပါပီ။ ပါလီကိုတွေ့အောင်လုပ်မယ်။ နီးရအောင်ကြံမယ်။ ပါလီနဲ့မှ မတွေ့ရရင် နန်းကိုလည်းစွန့်မယ်။ သားကိုလည်းစွန့်မယ်။ မယားကိုလည်းစွန့်မယ်။ ပစ္စည်းတွေလည်းစွန့်မယ်။ စည်းစိမ်တွေ အားလုံးကိုစွန့်မယ်။ (ဒိဋ္ဌိနဲ့ တဏှာ တွဲဝင်ပြီ) ( ၀ိပဿနာနဲ့ ပြောရရင် ကြားစိတ်နဲ့ ဥပါဒါနက္ခန္ဓာ ဖြစ်သွားပါတယ်။) ဒီစွဲလမ်းမှုတွေကြောင့် ဗိမ္မိသာရမင်း စတင်အကောင်အထည် ဖေါ်တော့တာပဲ၊ (ဥပါဒါန် ပစ္စယာ ကမ္မဘ၀ ဖြစ်ပါတယ်)၊ ဉာဏ်ကောင်းတဲ့ ဗိမ္မိသာရ မင်းဟာ အတော်ဆုံး၊ အကောင်းဆုံး ရုပ်သေးဆရာရှာပြီး ရုပ်သေးပညာကို ကျွမ်းကျွမ်းကျင်ကျင် ဖြစ်အောင်သင်ပါတယ်။ ပြီးတော့ တစ်လလောက် တပည့်တွေနဲ့ ဇာတ်တိုက်ရပါတယ်။ ဘုရင်လိုမဆက်ဆံဖို့၊ သူငယ်ချင်းပြောပြော ပြောဖို့လေ့ ကျင့်ရပါတယ်။ တစ်သက်လုံးမော်မကြည့်ရဲတဲ့ ကိုယ့်ရဲ့ မင်းမှုထမ်းတွေ၊ ကိုယ့်ကို ဘုရားထူးလာသူတွေကို တန်းတူပြောခံရအောင် ဥပါဒါနက္ခန္ဓာကလုပ်နေတာ မင်းကြီးသတိမထားမိပါဘူး။ တဏှာကပေးလိုက်တဲ့ သတ္တိတွေနဲ့ ဗိမ္မိသာရမင်း ဝေသာလီကို သွားပါပြီ။

အလွန်ချောမောခံ့ညားတဲ့ မင်းကြီးဟာ ရုပ်သေးဆရာ အဖိုး ကြီး အဖြစ်ရုပ်ဖျက်ဟန်ဆောင်ပီး ရန်သူ့ နယ်မြေထဲ ကိုစွန့်စွန့်စားစား သွားပါတယ်။ နယ်စွန်မှတစ်ဆင့် တစ်ဖြည်းဖြည်း ပါလီ တို့ရဲ့စံအိမ်တော်နဲ့ နီးသထက်နီးအောင် လာခဲ့ပါတယ်။ တစ်နေ့မှာ ပါလီ တို့နေရာနဲ့ မနီးမဝေးမှာ ရုပ်သေးကပါတယ်။ ပါလီ တို့အဖွဲ့လည်း ရုပ်သေးလာ ကြည့်ပါတယ်။ ပါလီကရုပ်သေးဆရာကို အကဲခပ်ကြည့်ပါတယ်။ ရုပ်သေးဆရာ ဗိမ္မိသာရ မင်းကလည်း ပါလီ အချောအလှ ကိုမြင်တော့ မျက်နှာမလွှဲနိူင်ပဲ ကြည့်နေမိတယ်။ နှစ်ဦးသား မျက်လုံးချင်းဆုံတော့ ရင်ခုန်မိကြပီ။ ပါလီက ရုပ်သေးဆရာဟာ အသက်သိပ် မကြီးသေးတာ ကိုသတိထားမိတယ်။ ဗိမ္မိသာရမင်းများ ဖြစ်နေမလား လို့လည်း သံသယ ၀င်မိတယ်။ ဒါနဲ့ နန်းတော်ထဲကိုလာ ကဖို့ပြောတော့ ဘုရင်ဖြစ်တဲ့ ဗိမ္မိသာရမင်းဟာ ပါလီ ကိုစကားပြောရာမှာ ကျွန်တော်မျိုး နဲ့ ပြောနေပေမဲ့ ခေါင်းမကျိုး၊ ဇက်မကျိုးပဲ ဖြစ်နေတယ်။ ဒါကို ပါလီက သိတယ်။ နောက်ဆုံး ပါလီက တာဝန်ယူပါတယ် ဆိုလို့ နန်းတော်ထဲကို ၀င်ကဖို့ သဘောတူလိုက်တယ်။ နဂိုထဲက သွားချင်တာကို မူနေရတာပါ။ နန်းတော်ထဲမှာ ကတော့ ရှေ့တန်းက မင်းစင်မှာကြည့်နေတဲ့ မဟာနာမ် မင်းကြီး၊ အာနန္ဒ မင်းသားနဲ့ အဘယရာဇာ တို့ဟာ ရုပ်သေးဆရာကိုမြင်တော့ ရုတ်တရက် သန်လျက်ဆွဲ၊ ဓားဆွဲ ဖြစ်သွားတယ်။ ပြီးတော့ ရုပ်သေးဆရာကို ဗိမ္မိသာရမင်းကိုမြင်ဖူးလား လို့မေးတယ်။ ရုပ်သေးဆရာက အပြင်မှာ မမြင်ဖူးပါဘူး၊ နာမည်တော့ကြားဖူး တယ်လို့ ပြောတယ်။ (မှန်ထဲမှာပဲ ကိုယ့်ကိုကိုယ်မြင်နိုင်တာ၊ အပြင်မှာ ဘယ်လိုလုပ်ပီး ကိုယ့်ကိုကိုယ်မြင်မလဲ? ဗိမ္မိသာရမင်း ပြောတာမှန်တာပေါ့၊ မုသာဝါဒါ မမြောက်ပါဘူး။) ဒီတော့ မဟာနာမ် မင်းကြီးကသင်ဟာ ဗိမ္မိသာ ရမင်းနဲ့ အလွန်တူကြောင်းပြောတော့ ကျေးဇူးတင်ကြောင်း အရိုအသေပေးပါတယ်။ ဘုရင်ချင်းတူတူမှာ ဥပါဒါနက္ခန္ဓာ ကြောင့်အောက်ကျခံပြီး ဆက်ဆံရတာပါ။

အဲဒီည မှာကတဲ့ ရုပ်သေးဇာတ်ကလည်း အသက်ငယ် ငယ် မိန်းကလေးနဲ့ အသက်ကြီးကြီး အဖိုးကြီးဇာတ်လမ်း ဖြစ်နေတော့ ပါလီ ကိုကြံစည်နေတဲ့ အဘယရာဇာ အတွက် အကြိုက်တွေ့နေပါတယ်။ သူသာ ပါလီ ကိုယူနိူင်ရင်၊ သူက ဝေသာလီ စစ်တပ်ရဲ့အကြီးဆုးံ ရာထူးမို့ လို့ ဝေသာလီ သူရဲကောင်း စစ်သည်တွေအကြား ပါလီကြောင့် အချင်းချင်း ခိုက်ရန်ဖြစ်မှု၊ တိုက်ခိုက်မှု၊ သတ်ဖြတ်မှုတွေ ကိုရပ်တန့်နိူင်မယ်လို့ ယူဆနေပါတယ်။ ရုပ်သေးပွဲပြီးတော့ ရုပ်သေးဆရာဟာ မောပန်းနွမ်း နယ်နေပါတယ်။ တစ်သက်လုံးတစ်ခါမှ ပင်ပင်ပန်းပန်း မလုပ်ဖူးတော့ လက်ပန်းကျတာပေါ့၊ ဒါကြောင့် ရုပ်သေး ရုံထဲ ၀င်ပီး အသာလေး မှိန်းနေ၊နားနေ ပါတယ်။ ဒီအချိန်မှာ သံသယ ဖြစ်နေတဲ့ ပါလီဟာ ဖြုန်းဆိုရုပ်သေးရုံထဲ ၀င်လာပြီး ရုပ်သေးဆရာ ဗိမ္မိသာရမင်း နားလာပြီး တပ်ထားတဲ့ မုတ်ဆိတ်တု၊ နှုတ်ခမ်းမွေးတုတွေကို ဆွဲဖြုတ် လိုက်ပါတယ်။ နဂိုရုပ် ပေါ်လာတဲ့ ဗိမ္မိသာရ မင်းကိုသင်ဘယ်သူလဲ? ဘာကြောင့်ဒီလိုလုပ်ရတာလဲ? စသဖြင့်မေးပါတယ်။ အဲဒီမှာ ဗိမ္မိသာရမင်းက ပါလီအလှကိုမြင်ချင်လွန်း၊ တွေ့ချင်လွန်းလို့ လုပ်ရတာဖြစ်ကြောင်းနဲ့ သူဟာရာဇဂြိုလ်ပြည့်ရှင် ဗိမ္မိသာရမင်း ဖြစ်ကြောင်းပြောလိုက်တဲ့ အခါမှာတော့ မင်းချင်းတွေကို အော်လိုက်မယ်လို့ ခုနက ပြောခဲ့တဲ့ ပါလီ... အော်ဖို့လည်းမေ့၊ ပြန်သွားဖို့ လည်းမေ့ပြီး၊ နှလုံးသားထဲက တမ်းတခဲ့ရတဲ့ ချစ်သူရဲ့ရင်ခွင်အောက်၊ အသက်ပျောက်သူလို ဖြစ်ခဲ့ရပါပေါ့လား။ ဒီအချိန်မှာပဲ ဝေသာလီမှာ ပါလီနဲ့ ပတ်သက်လို့ အချင်းချင်း သတ်ဖြတ်ပွဲတွေနဲ့ သွေးချောင်းစီးပွဲတွေ ဖြစ်နေပါပီ။ စစ်သည်တွေဟာ ဘယ်လိုမှ အမိန့်ပေးလို့မရအောင် စည်းလုံးမှု တွေပျက်ပြားနေပါတယ်။

ဒီအခါမှာ စိရံဒေ၀၊ သုဒိတ စတဲ့ စစ်အကြီးအကဲ တွေက ဝေသာလီ မပျက်စီးဖို့ နည်းလမ်းတစ်ခုတော့ ရှာရတော့မယ် လို့စဉ်းစားပါတယ်။ ဒါကြောင့်အရေးပေါ် လွှတ်တော် ခေါ်ယူရတော့တယ်။ ပါလီရေ… ဒီအချိန်မှာခံစားရမဲ့ သင့်ဖခင် မဟာနာမ် မင်းကြီးရဲ့ခံစားချက်ကို ကျွန်မ ကိုယ်ချင်းစာမိပါရဲ့။ ဘာလို့လဲ ဆိုတော့ ဝေသာလီရဲ့အခြေခံ ဥပဒေ စာအုပ်ဖြစ်တဲ့ ပဝေဏီပေါတ္ထက စာအုပ်၊ စာပိုက် ၁၈ မှာ...... “ဝေသာလီနိူင်ငံ၏ စီးပွါးရေး၊ နိူင်ငံရေး၊အုပ်ချုပ်ရေး ပျက်စီးရာ ပျက်စီးကြောင်းကို လုပ်ဆောင်သူသည် ယောကျာင်္းတစ်ဦးဖြစ်ပါက သတ်စေ၊ မိန်းမ တစ်ဦးဖြစ်ပါက နိူင်ငံပိုင် ပြည့်တန်ဆာအဖြစ် ကြေငြာစေ၊ ထိုမိန်းမအား တစ်နေ့ကို ယောကျာင်္း ၃ ယောက်မှ ၅ ယောက်ထိ အခကြေးငွေ ပေး၍ ပျော်ပါးနိူင်၏… လို့ ပါရှိပါတယ်။ ချစ်တဲ့ သမီးနဲ့ နိုင်ငံနဲ့ လဲရတော့မယ်နော်။ အဲဒီ လွှတ်တော်မှာလေ တက်ရောက်လာတဲ့ (၇၇၇၇) ယောက်သော စစ်သည်၊ ဗိုလ်ချေ၊ ကိုယ်စားလှယ်တွေဟာ... အမ္ဗပါလီကို ထုတ်ပေးပါ။ အမ္ဗပါလီ ကိုမြင်ချင်တယ်။ အမ္ဗပါလီကိုစွန့်မလား၊ ဝေသာလီ ကိုစွန့်မလား ဆိုတဲ့ တစ်ခဲနက် အသံနက်တွေနဲ့ သင့်ဖခင်ကို တုန်လှုပ်စေခြဲ့ပီ...။ တိုင်းပြည် ကောင်းစားရေးကို တကယ်လိုလားတ့၊ဲ ပြည်သူတွေကိုချစ်တဲ့ သင့်ဖခင်ဟာလေ သမီးတော် အမ္ဗပါလီကို နိူင်ငံပိုင် ပြည့်တန်ဆာအဖြစ် ကြေငြာခဲ့ရပြီ။ အဲဒီမှာပဲ သင့်ဖခင် ရင်ကွဲနာကျလို့ သွေးအန် သေဆုံးခဲ့ရပြီ... အမ္ဗပါလီ။

ကျွန်မ တကယ်ကို ခံစားရပါတယ်... အမ္ဗပါလီရယ်။ (ဒီအချိန်က စပြီး သင့်ရဲ့နုစဉ် ဘ၀ကအရိယာ ပုဂ္ဂိုလ် ကိုစော်ကားခဲ့တဲ့ ကံဟာ အကျိုးပေးတော့တာပဲ။) ဝေသာလီ ရဲ့တစ်နေရာမှာ ချစ်ရသူနဲ့ ပျော်ရွှင်စွာ နေလို့မှ မကြာသေး၊ အစ်ကိုတော်အာနန္ဒ မင်းသားထံမှ နိူင်ငံပိုင် ပြည့်တန်ဆာ အဖြစ်ကြေငြာကြောင်း စာရခဲ့ပြီ။ ဒီအချိန်မှာ ချစ်သူ ဗိမ္မိသာရမင်းက ရာဇဂြိုလ် ပြန်ပြီး ပါလီ့ကို မိဖုရားမြှောက်ဖို့ မင်းမြောက်တန်ဆာငါးပါး ပြန်ယူနေချိန်ပါ။ ပါလီ ဘာလုပ်ရမလဲ? ဗိမ္မိသာရမင်း နောက်လိုက်သွားရင် ဝေသာလီက ရာဇဂြိုလ်ကို စစ်ဆင်ပြီး တိုက်တော့မယ်။ မလိုက်ပဲ ဒီမှာနေခဲ့ရင်လဲ ဗိမ္မိသာရမင်းက ရန်ဖက်မင်းပီပီ၊ ခုဆို ချစ်သူကိုဆွဲလို့ စစ်ပွဲ နွှဲပြီးတိုက်လိမ့်မယ်။ နှစ်ချက်လုံးဟာ ဝေသာလီ အထိနာမဲ့ နည်းတွေချည်းပါပဲ။ နောက်ဆုံး ဝေသာလီ ကောင်းစားဖို့ ပါလီ မိန်းမမာယာသုံးပြီး ချစ်သူစိတ်နာအောင် လုပ်ရပါတော့တယ်။ မျှော်လင့်ချက်တွေနဲ့ ပြန်ရောက်လာတဲ့ ချစ်သူ၊ ဘုရင့် မင်းမြောက်တန်ဆာတို့နဲ့ အလွန်ကျက်သရေ ရှိတ့၊ဲ ချောမောလှတဲ့ ချစ်သူ၊ ပါလီ အသက်တမျှချစ်ရတဲ့ ချစ်သူကို ပါလီ မပြောချင်ဆုံးစကားတွေကို မူယာမာယာသုံးပြီး ရင်နှစ်မွှာကွဲကာ ချစ်သူမုန်းအောင် ပါလီ ပြောနေရပြီ။ မယုံကြည်နိုင်တဲ့ မျက်လုံးတွေနဲ့ အမုန်းကြီးမုန်းသွားတဲ့၊ စိတ်နာသွားပြီး ထွက်ခွါသွားတဲ့ချစ်သူကို ကြည့်ရင်း ပါလီလဲကျ ကျန်ရစ်ခဲ့ပါပြီ။

တခါ ပါလီ့ရဲ့လေးစားအားကိုးစရာ အစ်ကိုတော် အာနန္ဒ မင်းသားကလည်း သူနဲ့ပါလီဟာ မောင်နှမရင်းတွေ မဟုတ်ကြောင်းပြောပြပြီး ပါလီဟာစံအိမ်တော်မှာ နေခွင့်မရှိတော့ကြောင်း၊ ပါလီ အတွက်သက်သက် အိမ်တစ်ဆောင် နေဖို့ပေးကြောင်းနဲ့ သူကတော့ အဝေးကို ထွက်သွားတော့မှာ ဖြစ်ကြောင်းတွေကို ပြောပါတယ်။ အားကိုးစရာ မကျန်တော့တဲ့ ပါလီဟာ အစ်ကိုတော် အာနန္ဒ မင်းသား ဘယ်သွားမလဲ ဆိုတာသိချင်ခဲ့တယ်။ သင့်အစ်ကိုတော်က သင့်ကို သူဘယ်သွားမလဲဆိုတာ ကိုမပြောနိုင်ခဲ့ပေမဲ့ ဘယ်သူ့ဆီ သွားမလဲ ဆိုတာတော့ ပြောပြခဲ့ပါတယ်။ အာနန္ဒ မင်းသားက.. ငါ စစ်တိုက်ထွက်စဉ်အခါက စစ်မြေပြင်တစ်နေရာမှာ ဂေါတမ ဆိုတဲ့ ပုဂ္ဂိုလ်တစ်ဦးကို တွေ့ရဖူးတယ်။ သူ့ ကိုငါက မြှားနဲ့ချိန်လိုက်တာကို မရှောင်ပဲ ငါ့ကိုကြည့်ပြီး “လောကမှာ အရာရာတိုင်းကို လက်နက်နဲ့ဖြေရှင်းလို့ မရဘူး၊ ချစ်သား” လို့ပြောတယ်၊ ငါ့ဘ၀မှာ ဂေါတမ မျက်လုံးလောက် ဂရုဏာပြည့်တဲ့ မျက်လုံးမျိုးမတွေ့ဖူးဘူး၊ သူ့ရဲ့အကြည့်ကြောင့် ငါ့လက်ထဲက မြှားဟာလွတ်ကျသွားတယ်။ အခု ငါသူ့ဆီသွားမယ်” လို့ပြောသွားပါတယ်။ ပါလီ့မှာ အားကိုးစရာ ဖခင်လဲ သေဆုံးခဲ့ပြီ။ ချစ်ရတဲ့ ချစ်သူကလည်း စိတ်နာလို့ ပစ်ကာထားခဲ့ပြီ။ နောက်ဆုံး အစ်ကိုတော်ကလည်း အဝေးကို ထွက်သွားခဲ့ပြီ။ ပါလီ ဘယ်သူ့ကို အားကိုးပြီး နေရတော့မှာလဲ?...အိုပါလီ စိတ်ဓါတ်မကျပါဘူး၊ ပါလီရင်မှာ ချစ်သူရဲ့သွေး၊ ကလေးလေးတစ်ယောက် ကျန်သေးတာပဲ။ သားလေးဖြစ်ပါစေလို့ပါလီ ဆုတောင်းပါတယ်။ ရင်ထဲက သားကိုအားပြုပြီး ပါလီ အသက်ဆက်ရှင်မယ်နော်။ သား ကိုယ်ဝန်ဆောင်စဉ် ဆယ်လလုံးမှာ သားလေးဖြစ်စေဖို့ နေ့ရောညပါ ဆုတောင်းနေရပါတယ်။ ဘာလို့လည်းဆိုတော့ ပြည့်တန်ဆာက မွေးလို့သားဖြစ်ရင် ပြစ်ရမယ်။ သမီးဖြစ်ရင် ပြည့်တန်ဆာ ရာထူးဆက်ခံရပါတယ်။ ဒါကြောင့် ပါလီဟာ သူ့လိုအဖြစ်မျိုး မကြုံအောင် သားဆုတောင်းတာပါ။
သူဆုတောင်းတဲ့အတိုင်းပဲ ပါလီ သားလေးကိုမွေးခဲ့ပါတယ်။ ရာဇဂြိုလ်ပြည့်ရှင် ဗိမ္မိသာရမင်းရဲ့သား အဇာတသတ် မင်းသားကိုသာ လူသိများကြတာပါ။ ပါလီနဲ့ရတဲ့သား ၀ိမလကောဏ္ဍည ရဟန္တာကိုတော့ သိသူနည်းပါတယ်။ ပါလီ ဟာသူ့ရဲ့ လသားအရွယ် သားလေးကို ချစ်မ၀၊ ကြည့်မ၀ ဖြစ်နေတုန်းမှာပဲ အစ်ကို တော် အာနန္ဒ (ရဟန္တာဖြစ်သွားပြီ) ရောက်လာပါတယ်။ ပါလီ စိတ်ထဲမှာ အစ်ကိုက သူတို့နဲ့ အတူနေဖို့ ပြန်လာတယ်လို့ ထင်နေရှာတယ်။ အားရ ၀မ်းသာနဲ့ သားကိုပြကာ ပျော်နေရှာတဲ့ ပါလီရေ... သင့်ရဲ့ပျော်ရွှင်ခြင်းတွေ မကြာလိုက်ဖူးနော်.. ချစ်မ၀တဲ့ လသားလေး ရဟန္တာ အစ်ကို နောက်ပါသွားခဲ့ရပြန်ပီ။ အရူးတစ်ပိုင်း ဖြစ်ကာ ကျန်ခဲ့ တဲ့ပါလီ၊ ယောကျာင်္းတကာနဲ့ ပျော်ပါးနေရပေမဲ့ ဘယ်လိုမှ မပျော်နိူင်တော့ပါဘူး။ ဒီလိုနဲ့ ၆ နှစ်၊ ခုနှစ် နှစ်လောက်ကြာတဲ့ အချိန် တောထဲမှာ ရဟန္တာ တွေကြားက ၀ိမလကောဏ္ဍည လေးကိုရင်ဘ၀ ရောက်လာပါတယ်။ သူများ ကိုရင်တွေမှာ အချိန်တန်လာတွေ့တဲ့ အဖေ၊ အမေ၊ တွေရှိခဲ့ ပေမဲ့ သူ့ခမျာ ဘယ်သူမှ လာမတွေ့ကြတော့ ဦးကြီးတော် ကိုမေးရှာပါတယ်။ သားရဲ့အဖေဟာ ဘယ်သူလဲ? သားရဲ့အမေက ဘယ်သူလဲ? သားဆီဘာလို့ မလာကြတာလဲ? စသဖြင့်ပေါ့။ ဒီအခါ ဦးကြီးတော်က အဲဒါတွေ မမေးနဲ့ သိစရာ မလိုဘူး၊ ကိုရင်ဆိုတာ တရားအားထုတ်ဖို့ အဓိကပဲ လို့ဆိုပြီး အပြတ်ပြောဆိုလို့ သူ့ခမျာ နောက်ထပ်မ မေးရဲရှာပါဘူး။

တစ်နေ့ ဝေသာလီရဲ့ ဆွမ်းလောင်းပွဲမှာ ၀ိမလကောဏ္ဍညလေး ဆွမ်းခံကြွပါတယ်။ အဲဒီမှာ ဆွမ်းလောင်းနေတဲ့ ပါလီဟာ ကိုရင်လေးကို တွေ့တာနဲ့ သားများလားဆိုပီး သံသယဖြစ်ပါတယ်။ ကိုရင်လေးရဲ့ မျက်နှာ၊ မျက်လုံး၊ မျက်ခုံး အားလုံးဟာ ပါလီနဲ့ ဗိမ္မိသာရ မင်းတို့နဲ့တူပါတယ်။ ကိုရင်လေးကို အဖေဘယ်သူလဲ? အမေဘယ်သူလဲ? ဘယ်ကျောင်းကလဲ?... စသဖြင့် မေးခွန်းတွေစုံအောင် ပါလီမေးမိတယ်။ ကိုရင်လေးက သူကိုယ်တိုင် မသိတာကိုအမေးခံရတော့ စိတ်တိုရှာတယ်။ ဒကာမကြီး၊ သိပ်စကားများတာပဲ၊ ဆွမ်းလောင်းမှာဖြင့် လောင်းပါ လို့ပြောပါတော့တယ်။ တဖြည်းဖြည်း ကိုရင်လေးနဲ့ ပါလီ မျက်မှန်းတန်း လာပါတယ်။ ပါလီက ကိုရင်လေးကို ဒကာမကြီး လို့မခေါ်ပါနဲ့ အမေ လို့ခေါ်ပါလားကွယ်၊ အမေ့မှာကိုရင့် အရွယ် သားလေးတစ်ယောက် ရှိပါတယ်။ ဒါပေမဲ့ ခုချိန်မှာ အဲဒီသားဟာ ဘယ်ရောက်နေမှန်း မသိနိူင်လို့ပါ..လို့ပြောရှာတယ်။ ဒါပေမဲ့ ကိုရင်လေးက.. မခေါ်နိူင်ပါဘူးဗျာ၊ ဒကာမကြီးဟာ ဒကာမကြီးပေါ့.. လို့ခပ်တင်းတင်းပဲ တုံ့ပြန်တယ်။ ဒီလိုနဲ့ နှစ်တွေကြာလာ တော့ တစ်နေ့မှာ ပါလီက ၀ိမလကောဏ္ဍည မထေရ်ကိုအိမ်မှာ ဆွမ်းစားဖိတ်ပါတယ်။ သူ့ စိတ်ထဲမှာ ဒီမထေရ်လေးဟာ မရှိဆင်းရဲလို့ ရဟန်းပြုတယ်လို့ ပုထုစဉ်တွေးတွေးပါတယ်။ သားလိုလဲ သံယောဇဉ် ဖြစ်နေတော့ သပိတ်ထဲကို ဆွမ်းအစား ရတနာတွေ လောင်းပါတယ်။ ဒီရတနာတွေထဲက တစ်လုံးလောက် ရောင်းလိုက်ရင်တောင် တစ်သက်လုံး စားလို့မကုန်ကြောင်း၊ ဒီလို သပိတ်တစ်လုံးနဲ့ လိုက်တောင်း နေစရာ မလိုတော့ကြောင်းပြောတော့ အရိယာ (ရဟန္တာ)ဖြစ်သွားပြီ ဖြစ်တဲ့ ၀ိမလကောဏ္ဍညမထေရ်ဟာ ချက်ချင်းပဲ ရတနာ တွေကို ပြန်သွန်ထုတ်ပါတယ်။ ဓါတ်ခံခြင်းကွာသလို၊ အမြင်ချင်း လည်းဘယ်တူပါတော့မလဲ။ ပြီးတော့ ပါလီ ကိုကြည့်ပြီးပြောပါတယ်။ ကျုပ်ရဲ့ဆရာ မြတ်စွာဘုရားရှင်က သဒ္ဒါ၊ သီလ၊ ဟိရိ၊ သြတ္တပ္ပ၊ သုတ၊ စာဂ၊ ပညာ ဆိုတာကို ရတနာ အစစ်လို့ပြောတယ်။ ခုတွေ့နေတဲ့ ရတနာတွေက အဆိပ်တွေသာ ဖြစ်တယ်လို့ပြောပါတယ်။

လက်မခံငြင်းဆန်ပြီး ပြန်ကြွသွားပါတယ်။ တစ်နေ့မှာ ဦးကြီးတော် အာနန္ဒက ၀ိမလကောဏ္ဍညကို ခေါ်ပြီး တာဝန်ပေးပါတယ်။ ချစ်သား.. မင်း ငါ့ကို အနှစ် နှစ်ဆယ်တိုင်တိုင် မေးခဲ့တဲ့ မင်းအဖေ ဘယ်သူလဲ? မင်းအမေ ဘယ်သူလဲ? ဘယ်တိုင်းပြည်မှာမွေးလဲ? ဆိုတဲ့ မေးခွန်းတွေကို ငါဖြေမယ်။ မင်းဟာ ရာဇဂြိုလ်ပြည့်ရှင် ဗိမ္မိသာ ရမင်းနဲ့ ငါ့နှမ အမ္ဗပါလီ တို့ရဲ့သားပဲလို့ ပြောလိုက်တယ်။ အရင်တုန်းက သူအလွန်တစ်ရာ သိချင်လှတဲ့ မေးခွန်းကို အခု သူသိရပြီ။ ဒါပေမဲ့ အရိယာဖြစ်သွားပြီဖြစ်တဲ့ ၀ိမလကောဏ္ဍညဟာ မတုန်လှုပ်တော့ပါဘူး၊ အတိတ်က ဖြစ်ခဲ့ပြီးသော ဓမ္မာရုံ ဥပါဒါနက္ခန္ဓာ တို့ကို မပြန်တော့၊ အနာဂတ်မှာ မဖြစ်သေးတဲ့ ဓမ္မာရုံ ဥပါဒါ နက္ခန္ဓာ တို့ကိုလည်း မတောင့်တတော့၊ သူ့စိတ်တွေဟာ ဘာအတွက်နဲမျှ မလှုပ်ရှားတော့။ ဦးကြီးတော်က ဆက်ပြီး.. အမ္ဗပါလီကို ဒီနေ့ကျောင်းရောက်အောင် ခေါ်ခဲ့ရမယ်။ သူမပါပဲနဲ့ ပြန်မလာခဲ့နဲ့လို့ မှာပါတယ်။

ဒီလိုနဲ့ ၀ိမလကောဏ္ဍညဟာ အမ္ဗပါလီရဲ့ အိမ်ရှိရာကို အသွား, လမ်းမှာ အမ္ဗပါလီ နဲ့တွေ့ပါတယ်။ ၀ိမလ ကောဏ္ဍညက ပါလီ့ကို အမေ လို့ခေါ်လိုက်တယ်။ သူ အလွန်ကြားချင်တဲ့ စကားတစ်ခွန်းကို ၀ိမလကောဏ္ဍည ဆီက ကြားလိုက်ရတော့ နဂိုကမှ ၀ိမလကောဏ္ဍညကို သားထင်ပီးချစ်တဲ့ ပါလီဟာ အရမ်းကို ပျော်တော့တာ ပေါ့။ ဒါနဲ့ တစ်ခါတည်း သားကို အိမ်ကို ဆွမ်းစားပင့်သွားတော့တာပဲ။ အိမ်ရောက်တော့ ၀ိမလကောဏ္ဍညက အမေ့ကို သားစကားပြောစရာ ရှိတယ်လို့ စပြောတယ်။ ဒီတော့ ပါလီက သားကိုလည်း အမေ ပြောစရာရှိတယ်။ ဘယ်သူ စ ပြောမလဲလို့ သားက မေးတော့… အို…လူသူ မနီး အဝေးကြီးမှာနေတဲ့ သားက လူ့လောက အကြောင်းဘာသိ လို့ စပြောမှာလဲ။ အမေ ဘဲစပြောမယ်.. ဆိုပီး သားဖြစ်သူကို လူထွက်ဖို့ ကစပီး လူ့ဘ၀၊ ကာမဂုဏ် စည်းစိမ် တွေခံစားဖို့ အားရပါးရ ပြောတော့တာပဲ။ ၀ိမလကောဏ္ဍည ပြောဖို့ အခွင့်ကိုမရပဲ ဖြစ်နေပါတယ်။ ဒီတော့ သတိပေးတဲ့ အနေနဲ့ အမေ..အမေ့ကို တရားဟောဖို့ သားလာခဲ့တာပါလို့.. ၀င်ပြောရှာတယ်။ ပါလီဟာ သားစကားကိုကြားတော့ အားရပါးရ ရီတော့တာပဲ။ “သားရယ်..သားလို အသက်(၂၀)အရွယ် ရဟန်းပေါက်စ လေးမပြောနဲ့ ဈာန် အဘိဉာဉ်ရလို့ ကောင်းကင်မှာပျံ နိူင်တဲ့ ရဟန်းကြီးတွေ (ပုထုစဉ် ရဟန်း) လူတကာကို မာယာနဲ့ လှည့်စားနေတဲ့ အမ္ဗပါလီကို ချေချွတ်မယ်ဆိုပြီး ပြတင်းပေါက်ကနေ ကြွလာတယ်။ အမ္ဗပါလီကို မြင်ပြီးတဲ့ ခဏမှာတော့ အမ္ဗပါလီနဲ့ မနေရရင် သေရမှာပါဆိုပြီး နောက်ဆုံး အမေနဲ့အိပ် ဈာန်လျှောပြီး မြေပြင်ကနေ ပြန်သွားကြတယ်။ ဒီတော့ သားရယ်.. အမေပြောတာ ကိုပဲနားထောင်။” အမ္ဗပါလီရဲ့သဏ္ဍန်မှာ ရှေ့ကထိုင်နေတဲ့ သားရဟန်းကို ကြည့်ပြီး အတွေးထဲမှာ အမျိုးမျိုး ပုံဖေါ်တဲ့ ဓမ္မာရုံ ဥပါဒါနက္ခန္ဓာတွေ ဆက်တိုက် ဖြစ်ပေါ်နေပါတယ်။ ပါလီက ၀ိမလကောဏ္ဍညကို သပိတ်မဲကြီး ကို အရင်ဆုံးဖယ်မယ်။ ကိုယ်စားချင်တဲ့ အရသာ မစားရပဲ သူများပေးတာသာ စားရတဲ့ အဖြစ်ကနေ အကောင်း ဆုံး အစားအစာတွေကို ရွေးစားမယ်။ ၀ိမလ ကောဏ္ဍညက နောက်ကော? ပါလီက ပြီးရင် အရောင်မွှဲမွှဲ သင်္ကန်းကြီးကို ပစ်ပီး အကောင်းဆုံး အ၀တ်အစား တွေဆင်မယ်။ နောက်ကော? ပြီးရင် ဆံပင်တွေနဲ့လှ အောင်ပြင်ပြီး အတော်ဆုံး ပန်းချီဆရာခေါ်ပီး ပန်းချီဆွဲ မယ်။ နောက်ကော? ပန်းချီကားကို တစ်ရာ့တစ်ပါးသော မင်းသမီးတွေကို ပို့ပြီး အချောဆုံး မင်းသမီးကိုရွေးပြီး လက်ဆက်စေမယ်။ နောက်ကော? အမေရယ်၊ သားရယ်၊ ချွေးမရယ် မြင်းရှစ်ကောင် ရထားကြီး နဲ့မြို့ကို ပတ်မယ်။ နောက်ကော? ပြီးရင် ဥယျာဉ်ထဲဝင်ပီး ဖျော်ရည် သောက်မယ်၊ အဆို၊ အက၊ အတီး၊ အမှုတ်တွေ နားထောင်မယ်။ နောက်ကော? ဒါနဲ့ မိုးချုပ်တော့ အိမ်ပြန်မယ်၊ အိပ်မယ်။ နောက်ကော? မနက်ကျတစ်ခါ မြို့ကိုပတ်မယ်။ ဖျော်ရည်သောက်မယ်၊ နားထောင်မယ် အိမ်ပြန်မယ်၊ အိပ်မယ်။ နောက်ကော? မြို့ကိုပတ် မယ်။ ဖျော်ရည်သောက်မယ်၊ နားထောင်မယ်။ အိမ်ပြန်မယ်၊ အိပ်မယ်။ နောက်ကော? အို..နောက်ကျတော့ သားတို့က ကလေးလေး တစ်ယောက်မွေးပေါ့။ အဲဒီ အမေ့မြေးလေးကို သားတုန်းကမထိန်းလိုက်ရတာ ကို အတိုးချပြီး အမေ ထိန်းမယ်။ တဏှာက အမ္ဗပါလီကို အကောင်းတွေချည်း ဆက်ပေးနေပါတယ်။ နောက်ကော? ကလေး တစ်ယောက်ကနေ နှစ်ယောက်... နောက်ကော? နှစ်ယောက်ကနေ သုံးယောက်... နောက်ကော? သုံးယောက်ကနေ လေးယောက်... နောက်ကော? နောက်တော့ အမေလဲ အသက်ကြီးလာတော့ သိပ်ပြီး မသွားနိူင်တော့ဘူးပေါ့.. (လေသံ တစ်ဖြည်းဖြည်း ပျော့ကျလာပါတယ်) နောက်ကော? အမေလဲ အိပ်ရာထဲလဲပြီး ဝေဒနာ ခံရရင်ခံရမှာပေါ့။ နောက်ကော? နောက်တော့ အမေလဲ သဘာဝအတိုင်း သေရမှာပေါ့ သားရယ်။ နောက်ကော?...(အသံမထွက်) နောက်ကော? အမေသေပြီးတဲ့ နောက်ကောလို့ သားမေးနေတယ်လေ.. (အသံမထွက်) ပါလီ မဖြေနိူင်တော့ပါ။ ပါလီ သေပြီးနောက်ဘာတွေ ဖြစ်မလဲ ပါလီ မသိတော့ပါ။ အဲဒီချိန်မှာပဲ သားရဟန်းက ဆတ်ကနဲ ပါလီ့ လက်ကိုဆွဲလို့ မိဂဒါဝုန်တောသို့ ထွက်ခဲ့ပြီပဲ။


ကျောင်းရောက်တာနဲ့ အစ်ကိုတော်က တစ်ခါတည်းဆံချလို့ ထေရီမ အဖြစ်ကို ရောက်ခဲ့ပါတယ်။ ၀ိမလကောဏ္ဍည မထေရ်ဟာ မိခင်ဖြစ်သူ အမ္ဗပါလီကို တရားဟောပါပြီ။ ဟိုးအရင် အတိတ်က ဖြစ်ခဲ့တဲ့ အကြောင်းအရာအားလုံးကို မကြောင့်ကြဖို့၊ မဖြစ်သေးတဲ့ အနာဂတ်ကိုလည်း မတောင့်တဖို့၊ အဆက်မပြတ် ဖြစ်ပျက်နေတဲ့ ဥပါဒါနက္ခန္ဓာ တို့ကို သတိနဲ့ စောင့်ကြည့်ဖို့စတဲ့ တရားအဆုံးမှာ အမ္ဗပါလီ ထေရီမ ရဟန္တာ အဖြစ်သို့ ရောက်ခဲ့ပါပြီ။ ဝေသာလီနဲ့ ရာဇဂြိုလ် ကြားတစ်နေရာမှာ အမ္ဗပါလီ ထေရီမ ငြိမ်းချမ်းရေး တရားဟော
နေပါတယ်။ စစ်ခင်းနေတဲ့ နှစ်နိူင်ငံကြားမှာ ငြိမ်းချမ်းရေး တရားဟောနေတာ ဖြစ်ပါတယ်။ မြောက်များလှစွာသော ပရိသတ်တွေကြားမှာ တစ်ချိန်က အသက်တမျှ ချစ်ခဲ့ဘူးတဲ့ ရာဇဂြိုလ်ပြည့်ရှင် ဗိမ္မိသာရ မင်းလည်းရှိနေ ပါတယ်။ သောတာပန်သာ ဖြစ်သေးတဲ့ ဗိမ္မိသာရ မင်းဟာ အမ္ဗပါလီရဲ့ တရားပွဲမှာ စိတ်လှုပ်ရှားနေပါတယ်။ သူ့ကိုမြင်ရင် မှတ်မိအောင် ရှေ့ဖက်မှာ နေရာယူထားပါတယ်။ အမ္ဗပါလီ ထေရီဟာ တည်ငြိမ်စွာပဲ သူ့ကိုယ်သူ ဥပမာပေးလို့ ဇရာ၊ ဗျာဓိ၊ မရဏ တို့နှိပ်စက်မှုကြောင့် ယိုယွင်းလာတဲ့ သူမ ရဲ့အလှတွေကို ငယ်စဉ်ကနဲ့ နှိုင်းယှဉ်လို့ ဥပါဒါနက္ခန္ဓာ တို့ရဲ့မမြဲမှု အနိစ္စတရားကို နှလုံးသွင်းဆင်ခြင်ဖို့ ပြောနေပါတယ်။ တရားပွဲအပြီးမှာ မအောင့်နိူင်တော့တဲ့ ဗိမ္မိသာရမင်းက အမ္ဗပါလီကို မောင်တော်လေတစ်ခါက ရုပ်သေးဆရာ ယောင်ဆောင်ပြီး ပါလီ ဆီလာခဲ့တဲ့မောင်တော်ကို မမှတ်မိတော့ဘူးလား? လို့ မေးမိတယ်။ ရဟန္တာ ဖြစ်သွားပီဖြစ်တဲ့ အမ္ဗပါလီ ထေရီက “အရိယာတစ်ယောက် အဖို့ လူတွေနဲ့ ဆက်ဆံတဲ့အခါ သူက ရှင်ဘုရင်၊ သူက ဆင်းရဲသား၊ သူက ၀န်ကြီး၊ သူက ကချေသည်၊ သူက သူဋ္ဌေး၊ သူက သူတောင်းစား ဆိုတဲ့ အမြင်မျိုး မရှိတော့ပါ။ အားလုံးကို တစ်တန်းတည်းတူတူ သာမြင်ပါတော့တယ်” လို့ဖြေပါတယ်။ ဗိမ္မိသာရ မင်းလည်း အမ္ဗပါလီရဲ့ ဉာဏ်အဆင့်ကို ခန့်မှန်းတတ်လို့ နောက်ဆုတ်ပြီး ပြန်ခဲ့ပါတော့တယ်။

ပါလီရေ.... သင့်ရဲ့ဘ၀က မလှပခဲ့ပေမယ့် ကျွန်မ အားအကျဆုံး အရဟတ္တမဂ်ကို သင်ရခဲပါတယ်။ ငယ်စဉ်အတွေးနဲ့ဆို သင့်ရဲ့ အလှတရားတွေ ကိုလည်းကျွန်မ အားကျမိပါရဲ့။ ဘုရားရှင်ကတောင် သင်ကျောင်းတော်ကို လာမယ်ဆိုလို့ အရိယာမဟုတ်သေးတဲ့ သံဃာတော်တွေကို သင်မလာခင် သတိပဋ္ဌာန်တရားကို ကြိုပွါးခိုင်းထားရတဲ့ထိ သင်လှနိူင်ရက်တယ်နော်။ မိန်းမချင်းတောင် မနာလိုရလောက်အောင်လှတဲ့၊ ယောကျာင်္းဆို အရိယာ မဟုတ်ရင် သင့်ရှေ့ ဖြတ်မလျှောက်ရဲအောင် ဆွဲဆောင်အားကြီးတဲ့ သင့်ရဲ့အလှဟာ လူတကာကို ပူလောင်စေခဲ့တယ်နော်။ သင်ဘာလို့ အဲဒီလောက် လှရတာလဲ? ဘယ်ကံက အကျိုးပေးလို့လဲ? လို့ အတိတ်ကို ပြန်ဆောင်တော့... ဘ၀ တစ်ခုမှာ သင်ဟာ ဘိက္ခူနီမ ဖြစ်ပြီး ဘုရားကျောင်းမြေတွေမှာ သန့်ရှင်းရေး လုပ်ခဲ့တဲ့ ကုသိုလ်ကြောင့် ဆိုတာတွေ့ရတယ်။ အဲဒီ ဘ၀မှာပဲ သင်ဟာ အရိယာ ဘိက္ခူနီမ တစ်ယောက် တံတွေးထွေး လိုက်တာကို သန့်ရှင်းရင်း ပါးစပ်ကလည်း “ဘယ် ပြည့်တန်ဆာမ ထွေးသွားတာလဲ? ဆိုပြီးပြောလိုက်မိတယ်။ သင်ဟာအဲဒီ ဘ၀မှ နောက် ဘ၀ပေါင်း များစွာမှာ ပြည့်တန်ဆာမ ဖြစ်ခဲ့ရတယ်။ အခု နောက်ဆုံးဘ၀ထိပါပဲ။ အရိယာကို ပြစ်မှားမိတဲ့ ကံထိုက်တယ်လို့ ခေါ်ပါတယ်။ အရဟတ္တမဂ်ကို ရတာကလည်း ဘ၀များစွာမှာ သင်ဟာ ဘိက္ခူနီမ အဖြစ် စရဏ တရားတွေကို ကျင့်ကြံခဲ့လို့ ဒီဘ၀မှာ အားပြည့်ပြီး နိဗ္ဗာန်ကို မျက်မှောက်ပြု နိူင်တာဖြစ်တယ်။ ဒါကြောင့်လေ တစ်ယောက်နဲ့ တစ်ယောက် မပြစ်မှားတာ ကောင်းတယ်။ သူများအပြစ်ကို ဆီလို အပေါက်ရှာတတ်တဲ့ သူတွေဟာ ပိုပြစ်မှား မိတတ်ကြတယ်။ ကိုယ်လုပ်နိူင်ရင် လုပ်လိုက်၊ မလုပ်နိူင်ရင် မျက်နှာလွှဲလိုက်တာ ကောင်းတယ်။ ကုသိုလ်မရရင်တောင် အကုသိုလ်တော့ မယူနဲ့ပေါ့။ ကိုယ်ပြောလိုက်၊ ပြစ်မှားလိုက်တဲ့ သူဟာ အရိယာဟုတ်၊ မဟုတ် ဘယ်လို သိနိူင်မှာလဲ။ အရိယာ ဆိုတာ ဆိုင်းဘုတ်ချိတ်ထား တာလဲမဟုတ်။ တစ်ခါတစ်လေ ကာယကံရှင်တောင် သူ့ကိုယ်သူ အရိယာ ဖြစ်မဖြစ် သိချင်မှသိကြတာ။ ဒါကပညာအလုပ်၊ ဉာဏ်အလုပ်မဟုတ်လား။ ဗီဇစရိုက်၊ အထုံဆိုတာက ဖျောက်ဖို့ အခက်သားနော်။ အရှင်သာရိပုတ္တရာ ကိုယ်တော်မြတ်တောင် မြောင်းတွေ့တော့ ခုန်မိသေးတာပဲ။ အရိယာဖြစ်ပြီး အပြော ကြမ်းတဲ့သူလည်း ရှိနိူင်တယ်နော်။ ဘယ်သူ့ကိုမှ လျှော့မတွက်ပဲ လေးစားတာ အကောင်းဆုံးပဲနော်။

အရှင်မ အမ္ဗပါလီရေ... သင့်ကို ကျွန်မ ကျေးဇူးတင်ပါတယ်။ သင်သွားရာ လမ်းကိုလိုက်ဖို့ ကျွန်မကြိုးစား နေပါ တယ်။ တစ်ချိန်မှာတော့ သင့်လိုပဲ ရောက်မှာပေါ့နော်။

ဓမ္မစေတီ ဆရာတော် ဦးကောသလ္လ ဟောကြားသော “ဝေသာလီ လှဧကရီ အမ္ဗပါလီ၏ ဘ၀ဆည်းဆာ” တရားတော်ကို မှီငြမ်းရေးသားပါသည်။

မေတ္တာဖြင့်
စီစီချိုသန်း
မေလ(၈)ရက်။၂၀၀၉

အနတ္တလက္ခဏသုတ် ဒေသနာတော်၊

မြတ်စွာဘုရားရှင်ဟာ အနတ္တလက္ခဏသုတ်ကို မဟာသက္ကရာဇ်(၁၀၃)ခုနှစ် ၀ါဆိုလပြည့်ကျော်(၅)ရက်နေ့၊ မိဂဒါဝုန်တောမှာ ဟောကြားခဲ့ပါတယ်။ ၀ါဆိုလပြည့် ကျော်(၄)ရက်နေ့မှာ ပဉ္စ၀ဂ္ဂီငါးပါးလုံး သောတာပန် အဖြစ်ရောက်ရှိခဲ့ပါတယ်။ ထို့သို့ သောတပန် အဖြစ်သို့ရောက်ရှိပြီး ဉာဏ်ရည်ပြည့်ဝပြီး ခက်ခဲနက်နဲတဲ့ တရားကိုနာ ယူရန် အသင့်ဖြစ်ပြီလို့ ဘုရားရှင် သိမြင်တော်မူတဲ့အတွက် ၀ါဆိုလပြည့်ကျော်(၅) ရက်နေ့ အရောက်မှာ ပဉ္စ၀ဂ္ဂီငါးပါးလုံးစုရုံးစေပြီး အနတ္တလက္ခဏသုတ်ကို ဟောကြားတော်မူရခြင်းဖြစ်ပါတယ်။ “အနတ္တလက္ခဏ” ဆိုတဲ့ စကားကို “အနတ္တ” နဲ့ “လက္ခဏာ” လို့ ၂ ပုဒ်ခွဲပြီးကြည့်ရပါမယ်။ “အနတ္တ” ပုဒ်ရဲ့လွယ်လွယ် အနက် အဓိပ္ပာယ်က “အတ္တ မဟုတ်၊ အတ္တ မရှိ၊ ငါမဟုတ် ငါမရှိ” လို့ဖြစ်ပါတယ်။ လက္ခဏ (လက္ခဏာ) ဆိုတာက မှတ်သားကြောင်းဖြစ်ပါတယ်။ ဒါကြောင့် “အနတ္တလက္ခဏ” ဆိုတာ“အတ္တ မဟုတ်၊ အတ္တ မရှိ၊ ငါမဟုတ်၊ ငါမရှိဟု မှတ်သားကြောင်းလက္ခဏာ” လို့ အဓိပ္ပာယ်ရပါတယ်။

အနတ္တလက္ခဏသုတ်ကို အနှစ်ချုပ်ပြီးကြည့်ရင် အောက်ပါတိုင်း အတိုင်း တွေ့ရမှာဖြစ်ပါတယ်။
(၁) ရုပ်၊ ဝေဒနာ၊ သညာ၊ သင်္ခါ၊ ၀ိညာဉ် ဆိုတဲ့ ခန္ဓာငါးပါး တို့ရဲ့ အနတ္တဖြစ်ပုံ။
(၂) ခန္ဓာငါးပါးကို ငါ့ဥစ္စာမဟုတ်၊ ငါမဟုတ်၊ ငါ့အတ္တမဟုတ်လို့ ဟုတ်တိုင်းမှန်စွာ ၀ိပဿနာပညာ၊ မဂ်ပညာနဲ့ ရှုကြည့်အပ် သိမြင်အပ်ပုံ။
(၃) ထိုသို့ကြည့်ရှုကြည့်ခြင်း၊ သိမြင်ခြင်းကြောင့် ၀ိပဿနာဉာဏ် အဆင့်ဆင့်ဖြစ် ပေါ်လာပုံ။
(၄) အနတ္တလက္ခဏသုတ် ဒေသနာတော်ကို နာကြားရခြင်းကြောင့် ပဉ္စ၀ဂ္ဂီငါးဦးတို့ အာသဝေါတရားကင်းကွာ ရဟန္တာဖြစ်သွားကြပုံ။

ဘုရားရှင်က “ရဟန်းတို့…ရုပ်ဟာ အတ္တမဟုတ်ဘူး၊ ရုပ်ဟာတကယ်လို့ အတ္တဖြစ်ခဲ့ရင် နာကျင်ခြင်းဆိုတာ မဖြစ်ရဘူး။ ငါ့ရဲ့ရုပ်ဟာ ဒီလိုဖြစ်ပါစေ၊ ဒီလိုမဖြစ် ပါစေနဲ့လို့ ရုပ်အပေါ်မှာ တောင့်တမှုကိုလည်း ရကောင်းရပါတယ်။ အခုတော့ရုပ်ဟာ အတ္တမဟုတ်တဲ့အတွက် နာကျင်ခြင်းဖြစ်ပါတယ်။ ငါ့ရဲ့ရုပ်ဟာဒီလိုဖြစ်ပါစေ၊ ဒီလိုမ ဖြစ်ပါစေနဲ့လို့ ရုပ်အပေါ်မှာ တောင့်တမှုကိုလည်း မရပါဘူး။” ဟုဟောတော်မူခဲ့ပါ တယ်။
အနတ္တလက္ခဏသုတ်ဟာ ပဉ္စ၀ဂ္ဂီငါးဦးတို့ကို သာမန်ပုထုစဉ်များနဲ့ ထူးခြားအောင် ခွဲခြားပေးလိုက်တဲ့ သုတ်တော်ဖြစ်ပါတယ်။ မြတ်စွာဘုရားသာသနာတော်မှာ မြတ်စွာဘုရားပြီးရင် လူသားများထဲက ပထမဆုံး ထူးထူးခြားခြား ရဟန္တာဖြစ်သွား သူများကို ညွှန်ပြပါဆိုရင် ပဉ္စ၀ဂ္ဂီငါးဦး တို့ကို ညွှန်ပြရမှာဖြစ်ပါတယ်။…။
• ရုပ်နာမ်နှစ်ဖြာ ငါးခန္ဓာတို့၊ ဖြစ်လာသမျှ၊ ကုန်ပျက်ရ အနိစ္စချည်းပါတကား။
• ဖြစ်ပျက်နှစ်တန်၊ နှိပ်စက်ဒဏ်ကို၊ တရံမစဲ၊ အမြဲခံရ၊ သဘာဝ၊ ဒုက္ခချည်းပါတကား။
• ကိုယ့်အလိုမလိုက်၊ ကိုယ်ကြိုက်မဖြစ်၊ အနှစ်သာရ၊ ရှာမရ၊ အနတ္တချည်းပါတကား။

မဟာဓမ္မကထိက ဗဟုဇနဟိတဓရ အဂ္ဂမဟာပဏ္ဍိတ အရှင်တိက္ခ ရွတ်ဖတ်ပူဇော်တော်မူသော ပရိတ်ကြီး(၁၁)သုတ်၊ ဓမ္မစကြာဒေသနာတော်နှင့် အနတ္တလက္ခဏသုတ် ဒေသနာတော်တို့ နာယူကြည်ညိုကြပါ။



အကောင်းဆုံးသောည

လူ့ဘ၀ကိုရောက်လာတဲ့ လူတိုင်း ညပေါင်းများစွာကို ကြုံတွေ့ခဲ့ကြရပါတယ်။ ညနဲ့ မကြုံတွေ့ရတဲ့ သူဆိုတာ မရှိပါဘူး။ ၁နှစ်မှာ ၃၆၅ရက် ရှိတဲ့ အတွက်ကြောင့် ညပေါင်း ၃၆၅ ညကို ဖြတ်သန်းခဲ့ကြပါတယ်။ ၁၀နှစ်ဆိုရင် ၃၆၅၀ ညပေါ့။ အဲဒီညတွေထဲမှာ တန်ဖိုးရှိတဲ့ အကောင်းဆုံးညဆိုတာ ဘယ်ညလဲ? ညအချိန်တွေမှာ Online မှာပဲ ဖြစ်ဖြစ်၊ အပြင်မှာပဲ ဖြစ်ဖြစ် ခွဲခွာနှုတ်ဆက်ကြတဲ့ အချိန်မှာ Good Night (ကောင်းသောညဖြစ်ပါစေ) စသဖြင့် နှုတ်ဆက်ကြပါတယ်။ ကောင်းသောညဆိုရာမှာ ကောင်းတယ်ဆိုတာကို ဘာစံချိန်နဲ့ သတ် မှတ်မှာလဲ။ ကောင်းတယ်ဆိုတာကို အပျော်ဆုံးဆိုတဲ့ ပျော်ရွှင်မှုတွေနဲ့ သတ်မှတ်မှာလား? အခြားအရာတွေနဲ့ သတ်မှတ်မှာလား? ကိုယ်ကြိုက်ရင်ကောင်းတယ်လို့ သတ်မှတ်မှာလား? အဲလိုသတ်မှတ်ရင် တယောက်နဲ့ တယောက်ဟာ ကောင်းတဲ့ညတွေ တူလို့ မဖြစ်ပါဘူး။ ကာမဂုဏ်အာရုံခံစားတဲ့ သူက သူတို့ရဲ့ အပျော်ဆုံးညကို အကောင်းဆုံးညလို့ သတ်မှတ်ပါလိမ့်မယ်။ ဂိမ်းဆော့တဲ့သူတွေ အတွက် ဂိမ်းကစားလို့ နိုင်ပွဲများတဲ့ည ကို အကောင်းဆုံးညလို့ သတ်မှတ်ကြလိမ့်မယ်။ ချစ်သူစုံတွဲတွေ အတွက် ချစ်ချစ်ခင်ခင်နဲ့ ပြောဆိုခွင့်ရတဲ့ ညကို သူတို့ရဲ့ အကောင်းဆုံးညလို့ သတ်မှတ်ကြမှာပါ။ ဒါကြောင့် တဦးနဲ့ တဦးရဲ့ အကောင်းဆုံးညတွေက မတူနိုင်ပါ ဘူး။ အမျိုးမျိုး အဓိပ္ပာယ်ဖွင့်ဆိုကြမှာပေါ့။ အကောင်းဆုံးညဆိုတာ ဘယ်လိုလဲဆိုတာ သိဖို့လိုလာပါတယ်။

လူ့လောကမှာ ညအခါဆိုရင် အိပ်စက်နားနေခြင်းနဲ့ ကုန်လွန်စေကြတာများပါတယ်။ ညဆိုတာ အေးချမ်းတိတ် ဆိတ်ပြီး ကြည်နူးဖွယ်ကောင်းပါတယ်။ တရားဓမ္မနဲ့ မွေ့လျော်ကြတဲ့ ပညာရှိတွေ အတွက် အိပ်မောကျပြီး ဖြတ် ကျော်ရမှာ မဟုတ်ဘူးလို့ ဆိုပါတယ်။ မြတ်စွာဘုရားက အကောင်းဆုံးည ဖြစ်ဖို့အတွက် အတိတ်အကြောင်းကိုလည်း ပြန်ပြောင်းမစဉ်းစားပါနှင့်၊ နောင်ဖြစ်လာမယ့် အနာဂတ်ကိုလည်း မျှော်တွေးမနေပါနှင့်၊ ယခုဖြစ်ဆဲ ပစ္စုပ္ပန်ကာလမှာ ကုသိုလ်တရား တိုးပွားအောင်နေပြီး၊ အကုသိုလ်တရားတွေ မဖြစ်အောင်နေဖို့ ဟောကြားခဲ့ပါတယ်။ ဘုရားရှင်က အပါဒါန်ပါဠိတော်မှာ -

နတာဝ သုပိတုံ ဟောတု၊ ရတ္တိ နက္ခတ္တမာလိနီ၊
ပဋိဇဂ္ဂိတု မေဝေသာ၊ ရတ္တိ ဟောတိ ၀ိဇာနတံ။
နက္ခတ်ပန်းတို့ဖြင့် ဆန်းကြယ်လှပသော ညဥ့်သည် အိပ်နေဖို့ရန် ဖြစ်လာသည် မဟုတ်။ ရှေ့ရေး နောက်ရေး ထောက်တွေးသိတတ် ပုဂ္ဂိုလ်မြတ်တို့အတွက် နိုးနိုးကြားကြား တရားအားထုတ်ဖို့ရန် အလို့ငှာသာလျှင် ဖြစ်ပေါ် လာ၏။ (အပါဒါန်ပါဠိတော်)

မိမိတို့တွေရော အေးချမ်းမှုရှိတဲ့ ညအချိန်မှာ ဘယ်လိုအသုံးချ ကြမလဲ? လောကမှာ လူတန်းစား အမျိုးမျိုးရှိကြ တဲ့ အတွက်ကြောင့် နေထိုင်စားသောက်ကြရတဲ့ အခြေအနေနဲ့ ရရှိတဲ့ အခွင့်အရေးတွေ မတူညီကြပါဘူး။ ဒါပေမယ့် လူသားတိုင်း တန်းတူရတဲ့ အခွင့်အရေး တခုကတော့ အချိန်တွေကို ပိုင်ဆိုင်ခြင်းပါ။ မိမိတို့ရော တန်းတူရတဲ့ အချိန်တွေကို ဘယ်လိုအသုံးချနေလဲ? ကံမကုန်ခင်လေးမှာ ဘာအလုပ်တွေက အလုပ်သင့်ဆုံးလဲ ဆိုတာကို ဆုံးဖြတ်ချက် ချနိုင်ရမယ်။ ယခုအချိန်အခါမှာ နေ့စဉ် ၀မ်းစာရေးအတွက် လှုပ်ရှားလုပ်ကိုင်နေရတဲ့ လူသားတွေ အတွက် ညအချိန်မှာပဲ အိပ်စက် အနားယူချိန်ရှိတယ်လို့ ပြောရင် ငြင်းဖွယ်ရာ မရှိပါဘူး။ အကောင်းဆုံးသောည ဖြစ်ဖို့ ညအချိန်မှာ တရားပဲထိုင်နေရမယ်လို့ ဆိုလိုရင်း မဟုတ်ပါဘူး။ တချို့က တရားထိုင်နေမှ တရားလုပ်တယ်လို့ မြင်တတ်ကြတယ်။ မိမိတို့ရဲ့ စိတ်ကလေးကို အပူဓာတ် မဖြစ်အောင် နေတတ်ဖို့ လိုတာပါ။ ၀ိပဿနာ အသိနဲ့ နေ့စဉ် ညစဉ် နေတတ်ရင်တော့ အကောင်းဆုံးပေါ့။ ညအချိန်ပဲ သတိရှိပြီး စိတ်ကို အအေးဓာတ်ကိန်းအောင် နေသွားရမှာ မဟုတ်ပဲ နေ့စဉ် နေစဉ်မှာလည်း နေသွားရမှာပါ။ နေရာတိုင်း အမူအရာတိုင်းမှာ အားထုတ်တတ်ဖို့ အဓိက ကျပါတယ်။
ညစဉ် ရတဲ့အချိန်လေးမှာ ဆရာတော်ကြီးတွေ ဟောကြားတဲ့ တရားဓမ္မများကို နာယူသင့်ပါတယ်။ ယခုလို တရားဓမ္မများ အလွယ်တကူရရှိ နာကြားနိုင်ခွင့်ရတာလည်း ဓမ္မကို တန်ဖိုးထားတတ်သူတွေ အတွက် အမြတ် ဆုံးသော ရတနာတွေကို ပိုင်ဆိုင်ခွင့်ရနေတာပါ။ ဒီရတနာတွေကို သိရှိတဲ့ လူတွေအတွက်တော့ အသုံးဝင်သလို မသိတဲ့ သူတွေအတွက်တော့ အကြီးမားဆုံးသော နစ်နာမှုပါ။

ပိုင်းလော့ဆရာတော်ကြီး အရှင်ဇေယျပဏ္ဍိတ ဟောကြားတော်မူသော တရားမှာ “ဘုရားက ကောင်းတယ်ဆိုတာကို မိမိက မနှစ်သက်လည်း ပေလုပ်ပါ။ ဘုရားက မကောင်းဘူးဆိုတာကို မိမိက နှစ်သက်လည်း ပေရှောင်ပါ” လို့ နာယူခဲ့ဖူးပါတယ်။ မိမိတို့ နှစ်သက်နေတဲ့ လောကီအာရုံတွေကို နှစ်သက်နေပေမယ့် ဘုရားရှင်က မကောင်းဘူးလို့ မိန့်ဆိုထားရင် ရှောင်ရှားရမယ်။ မိမိက မနှစ်သက်ပေမယ့် ဘုရားက ကောင်းတယ်ဆိုတာကို လုပ်ဆောင်ရပါမယ်။
မိမိတို့တွေ ဘုရားရှင် ဟောကြားဆုံးမခဲ့တဲ့ တရားဓမ္မနှင့် မွေ့လျော်အောင်နေပြီး Good Night များစွာကို ပိုင်ဆိုင် ဖြတ်သန်းနိုင်ကြပါစေ။


ပြောသမျှကို ချိုလှစေ

လူတိုင်းတွင် မွေးကတည်းက ပါလာသော ဓားမကြီး တစ်လက်ရှိ၏။
၎င်းကို အသုံးပြုတတ်က အသုံးဝင်ပေမယ့် အသုံးမပြုတတ်က မိမိကိုယ်ကို မိမိ ပြန်၍ ခုတ်သတ်တတ်၏။
ထိုဓားမသည်ကား လက်နှစ်လုံးခန့်ရှိသော ပါးစပ်ပေါက်ဖြစ်၏။

စိတ်ဓာတ်ပြုပြင်ပြောင်းလဲရေး တရားမှ-


လူတို့နေထိုင်ရာ လူ့ပတ်ဝန်းကျင်တွင် လူတို့အချင်းချင်း ပေါင်းသင်းဆက်ဆံကြရာမှာ မိမိတို့ ကိုယ်ပိုင် ယဉ်ကျေးမှုနှင့် ဘာသာစကားများ ရှိကြပါတယ်။ ကျနော်တို့ မြန်မာလူမျိုးမှာလည်း မြန်မာ့ ဘာသာစကားနှင့် ယဉ်ကျေးမှု နယ်မြေဒေသ ဓလေ့ထုံးတမ်းအတိုင်း ပြောဆိုဆက်ဆံကြပါတယ်။ တစ်ဦးနှင့် တစ်ဦး အကြောင်းအားလျော်စွာ ပြောဆိုဆက်ဆံကြရာမှာ ပီယ၀ါစာ- ချစ်ဖွယ်သော စကားအသုံးနှင့် ဖရုသ၀ါစာ- ရုန့်ရင်းကြမ်းတမ်းသော စကားအသုံးဟူ၍ နှစ်မျိုးရှိပါတယ်။ နေ့စဉ်နေ့တိုင်း လူအများနှင့် ပြောဆိုဆက်ဆံကြရာမှာ အသက်အရွယ်၊ ဂုဏ်သိက္ခာ၊ ကာလဒေသ အလျောက် သင့်မြတ်သော စကားလုံးများကို ရွေးချယ်သုံးနှုန်းတတ်ရန် အရေးကြီးပါတယ်။ မိမိပြောဆိုလိုက်သော စကားတစ်ခွန်းသည် ကြားရသူတို့အတွက် ချိုသာသော စကားအသုံး အနှုန်းဖြစ်ဖို့အတွက် သတိထားသင့်ပါတယ်။ တစ်ယောက်စကား၊ တစ်ယောက်နားမှာ၊ မခါးရအောင်၊ သတိဆောင်၍၊ မောင်တို့ဆိုလေ၊ ပျားသကာသို့၊ ချိုလှစေ၊ ဟု ရှင်မဟာရဋ္ဌသာရက ရေးသား ဆုံးမခဲ့သည်ကို သတိရကြပါ။


လောကတွင် လူအမျိုးမျိုးရှိကြရာ အချို့သောသူများမှာ ပြောဆိုခက်သော လူ့ဂလန့်၊ လူ့ဂွစာများ ဖြစ်သည့်အတွက်ကြောင့် ချိုချိုသာသာပြောရင် အလေးမထားတတ် သောကြောင့် ခပ်ကြမ်းကြမ်း ပြောဆိုရတာ မျိုးလည်း ရှိတတ်ပါတယ်။ မလွှဲသာ မရှောင်သာပြောရရင် အတိုင်းအတာ တစ်ခုထက်ကျော်လွန်၍ ပိဿာလေးနှင့် နံဘေးပစ် ဆိုသကဲ့သို့ တနင့်တစ်ပိုး ဖြစ်သွားအောင်တော့ မပြောဆိုသင့်ပါ။ မိမိဘက်က အသာစီးရတိုင်း၊ မိမိဘက်က မှန်နေတိုင်းလည်း၊ ငါပြောတာ အမှန် ချည်းပဲဟု အလွန်အကျွံ မပြောမိစေရန် သတိပြုရမည် ဖြစ်ပါတယ်။ မှန်တာ ပြောတိုင်း လူတို့မကြိုက်သည် သိမှတ်ကြပါ။ အရက်သမား၊ ဖဲသမား တစ်ယောက်ကို လူရှေ့သူရှေ့တွင် "ဟေ့ကောင် အရက်သမား၊ ဖဲသမား" ဟုခေါ်ရင် ဆတ်ဆတ်ခါ နာသွားလိမ့်မည်ဖြစ်ပါတယ်။ ခြေလက်အင်္ဂါမစုံလင် သောသူကို အကျိုးဟု မေးရင် အခေါ်ခံရသူ စိတ်ထဲတွင် မည်သို့ ခံစားရရှာမည်ကို ကိုယ်နှင့်စာ၍ ကြင်နာတတ်ပါလေ။

တစ်ခါက ရွာတစ်ရွာမှာ မှန်တာပြောတတ်လွန်းသော အဖွားအိုတစ်ယောက်ရှိပါတယ်။ ရပ်ရွာထဲတွင် အမှု ကိစ္စများဖြစ်သည့်အခါ ဆိုးကျိုးများ ဖြစ်ပေါ်လာ မည်စိုးသဖြင့် အမှန်အတိုင်း မပြောပဲဖုံးအုပ် ထားရတာ မျိုးရှိပါတယ်။ ထိုသို့ ဖုံးအုပ်ကွယ်ဝှက် ထားပါသော်လည်း မှန်တာအကုန်ပြောတတ်သော အဖွားအိုကြောင့် ရွာထဲတွင် မကြာခဏပြဿနာ တက်ကြရတယ်။ ထို့ကြောင့် ရွာသူရွာသားတို့က အဖွားအိုကို ရွာတွင်းမှာ နေခွင့်မပေးတော့ပဲ အဖွားအိုကို ရွာပြင်မှာ တစ်ယောက်တည်း နေခိုင်းကြတယ်။
တစ်နေ့မှာ ခရီးသွားယောက်ျား တစ်ယောက်က ရွာပြင်ရှိ အဖွားအိုနေထိုင်ရာ ရွက်တဲမှာ ၀င်ရောက် ခိုနားပါတယ်။ ခရီးသွားယောက်ျားမှာ မျက်စိတစ်ဖက် ပျက်နေသည်ကို အဖွားအိုက သတိပြုမိပါတယ်။ အဖွားအိုတစ်ယောက်တည်း နေသည်ကိုသာတွေ့ရလို့ ထိုယောက်ျားက အဖွားအဘယ်ကြောင့်များ ရွာပြင်မှာ တစ်ယောက် တည်းထွက်နေရသလဲ ဟု မေးသောအခါ အဖွား မှန်တာပြောတတ်လွန်း လို့ဆိုပြီး တစ်ရွာလုံးက မနှစ်သက်လို့ ရွာပြင်ထွက်နေ ရတာပါ ဟုဖြေပါတယ်။ ထိုယောက်ျားက ဖြစ်မှဖြစ်ရလေ မှန်တာ ပြောတာကိုများ မကြိုက်လို့ ရွာပြင်ပို့ရတယ်လို့ တော်တော်မိုက်မဲတဲ့ လူတွေပဲဟု ဝေဖန်ပြစ်တင်လေတော့တယ်။ စကားပြောဆိုပြီးတော့ ခရီးသွားယောက်ျားက အဖွားအိုကို နှုတ်ဆက် ထွက်ခွာသွားပါတယ်။ ခပ်လှမ်းလှမ်း ရောက်သောအခါမှာ ခရီးသွားယောက်ျား ကျန်ရစ်ခဲ့တဲ့ အထုပ်ကို မြင်သဖြင့် အဖွားအိုက ကမန်းကတမ်း လှမ်းအော်၍ “ဟဲ့ဟဲ့ မျက်စိတစ်ဖက် ကန်းနေတဲ့သူငယ် ဒီမှာ မောင်ရင့်အထုပ်ကျန်ခဲ့တယ်” ဟု ဆိုလိုက်တယ် ခရီးသွားယောက်ျားမှ တစ်ဖက်ကန်းဟု အပြောခံလိုက်ရသဖြင့် စိတ်ဆိုးသွားပြီး “အဖွားကြီး ခင်ဗျားရွာပြင် ထွက်နေရတာတောင် နည်းသေးတယ်” ဟု ပြန်ပြောလိုက်လေတယ်။ ထိုသာဓက ကိုကြည့်ပြီး မှန်သော်လည်း အကျိုးမရှိသော စကား ရိုင်းပျသောစကားမျိုးဖြစ်ပါက မပြောအပ်ပါ။

အချို့သူများမှာ ပင်ကိုယ်ဗီဇအရ နှုတ်ထွက်ကြမ်းသူပီပီ အဆဲမပါရင်စကားမပြော တတ်သလို တစ်ဖက်သားအား အပြစ်တစ်စုံတစ် ရာမြင်၍ ပြောမိရင် ရက်ရက်စက်စက် ပြောတတ်ခြင်းကြောင့် မပြစ်မှား ထိုက်သောသူကို ပြစ်မှားမိလေရာ “၀စီဗေဒ ထိတိုင်းရှ” ဆိုသကဲ့သို့ စကားတစ်လုံး၏ အမှားကြောင့် ဘ၀အဆက်ဆက် အကုသိုလ်အကျိုးပေးများ ခံစားခဲ့ရသော သာဓကများရှိပါတယ်။
အမ္ဗပါလီ ထေရီရဟန္တာမကြီသည် အတိတ်ဘ၀ ပွင့်တော်မူပြီးသော သိခီဘုရားရှင် လက်ထက်တော် က ဘိက္ခူနီမများနှင့်အတူ စေတီတော်သို့ သွားရောက်လှည့်လည် ပူဇော်ကြရာ ရှေ့မှသွားသော “ခီဏာသ၀” ရဟန္တာမကြီးမှ အမှတ်တမဲ့ကျခဲ့သော တံတွေးပေါက်သည် စေတီရင်ပြင်ပေါ်သို့ ကျရောက်သွားလေတယ်။ နောက်မှ ပါလာသော အမ္ဗပါလီ အလောင်းအလျာဖြစ်တဲ့ ဘိက္ခူနီမက တံတွေးစက်ကိုမြင်လျှင် “အဘယ် ပြည့်တန်ဆာမသည် စေတီရင်ပြင်ကို တံတွေးပေါက် ကိုချဘိသနည်း” ဟု ဆဲရေးမိပါတယ်။ ရဟန္တာမကြီး အား ပြစ်မှားမိသော ၀စီကံအကုသိုလ်ကြောင့် ငရဲမှာ ကျခံရပါတယ်။ ငရဲမှ လွတ်သော် ပြည့်တန်ဆာမ ဘ၀ဖြင့် ဘ၀ပေါင်းတစ်သိန်း ကျင်လည်ရတယ်။ နောက်ဆုံး နိဗ္ဗာန်ဝင်မည့် ဘ၀တွင် ဂေါတမ ဘုရားရှင် လက်ထက်တော်တွင် ဝေသာလီမင်းတို့ သိမ်းပိုက်ပိုင်ဆိုင်လိုမှုကို အကြောင်းပြု၍ မင်းသားအချင်းချင်း ခိုက်ရန် ဖြစ်ကြသဖြင့် အားလုံးသော မင်းတို့ပျော်ပါးအပ်သော ပြည့်တန်ဆာမအဖြစ်သို့ ရောက်ခဲ့ရပါတယ်။
ထိုဒေသနာတော်ကို ကြည့်ခြင်းအားဖြင့် သူတော်ကောင်းတရားကို အားထုတ်ခဲ့၍ ကျွတ်တမ်းဝင်ခဲ့ရသည့် နောက်ဆုံးဘ၀တိုင်အောင် ၀စီ ဒုစရိုက်၏ အကျိုးဆက်ကို ခံစားရကြောင်း တွေ့မြင်နိုင်ပါတယ်။
ဗုဒ္ဓမြတ်စွာရှင်က ရှောင်ရန် ဒုစရိုက်တရားများ ဟောကြားခဲ့ရာ ၀စီဒုစရိုက် တရားလေးပါးကို ထုတ်ဖော်ဟောကြားခဲ့ပါတယ်။
၁။ မုသာဝါဒါ (မဟုတ်မမှန်သောစကားကို ပြောဆိုခြင်း)။
၂။ ဖရုသ၀ါစာ (ရုန့်ရင်းကြမ်းတမ်းသော စကားကို ပြောဆိုခြင်း)။
၃။ ပိသုဏ၀ါစာ (ကုန်းချောစကားကိုပြောဆိုခြင်)။
၎။ သမ္ဖပ္ပလာပ၀ါစာ (သိမ်ဖျင်းသော အနှစ်မဲ့ သောစကားကိုပြောဆိုခြင်း)။

စသည်ဖြင့် စကားပြောဆိုရာ၍ မပြောဆိုအပ်သော စကားများကို ဆုံးမ ဟောကြားတော်မူခဲ့ပါတယ်။ ၀စီကံလေးပါးကို လုံခြုံအောင် ပြောဆိုနိုင်ဖို့ရာ ခဲယဉ်းပါတယ်။ သို့သော် သတိတရားဖြင့် ထိန်းနိုင်အောင် ကြိုးစားသင့်ပါတယ်။ စကားများများပြောလေ အမှားများများ ပါလေဖြစ်တတ်ပါတယ်။ စကား..စကားပြောပါများ စကားထဲက ဇာတိပြ ဆိုသကဲ့သို့ မိမိပြောသော စကားကပင် မိမိ၏ စရိုက်လက္ခဏာကို ဖော်ပြနေ သကဲ့သို့ဖြစ် တတ်ပါတယ်။ မိမိပြောဆိုလိုက်သော စကားတစ်ခွန်းသည် သူတစ်ပါး၏ ဂုဏ်သိက္ခာနှင့် အကျိုးစီးပွားကို ထိခိုက်ပျက်စီးသွားစေပါက ၀စီဒုစရိုက် ဖြစ်နေပြီဖြစ်သည်ကို သတိပြုရပါမယ်။ အထူးသဖြင့် လောကကြီးကို တလွဲတချော် ဖြစ်စေမည့်စကားတို့ကို ရှောင်ကြဉ်ရပါမယ်။

အချုပ်အားဖြင့် ဆိုရသော် ပိုင်းလော့ဆရာတော်ကြီး အရှင်ဇေယျဏ္ဍိတ ဟောကြားဆုံးမတော်မူသော တရားတော်မှ နိဗ္ဗာန်လိုချင်ရင် သူများအတင်းမပြောနဲ့၊ ချမ်းသာလိုချင်ရင် သူများအတင်းမပြောနဲ့ ဆိုသည့် ဆုံးမ စကား အတိုင်း လိုက်နာကျင့်ကြံကြဖို့ အလေးအနက် အသိပေးတိုက်တွန်းပါတယ်။

စာဖတ်သူများ ကိုယ်စိတ်နှစ်ဖြာ ကျန်းမာချမ်းသာစွာဖြင့် ကောင်းကျိုးလိုရာဆန္ဒများ ပြည့်ဝကြပါစေ။