“ဆရာကောင်းဆိုရာဝယ်...”

နဖူးစွန်းနှင့်၊ ဒူးပွန်းခံကာ၊

ကိုးကွယ်ပါလည်း၊ ဆရာလွဲက၊

ငရဲအပါယ်၊ အမြစ်တွယ်၊

ဝဋ်နွယ်ရှည်လျားရာ၊

(ကျေးဇူးတော်ရှင် လယ်တီဆရာတော်ဘုရားကြီး)


ကျနော်တို့ မြန်မာလူမျိုးအများစုဟာ သာမန်အားဖြင့် သဒ္ဓါတရား(ယုံကြည်မှု့) ကောင်းကြပါတယ်။ ဘာသာဝါဒတိုင်းဟာ ယုံကြည်မှု (မျက်စိမှိတ်ယုံကြည်မှု)ကို အခြေခံကြပါတယ်။ အခြားဘာ သာဝင်တွေ နားလည်ကြတဲ့ သက်ဝင်မှု၊ ယုံကြည်မှုများက ဗုဒ္ဓ၀ါဒနှင့် ပတ်သတ်ခြင်း မရှိပါဘူး။ ဗုဒ္ဓ၀ါဒမှာ သဒ္ဓါတရားဆိုတာ ယုံကြည်မှု သက်သက်မဟုတ်၊ ကိုယ်တိုင် ကျေကျေနပ်နပ် ရှင်းရှင်းလင်းလင်း သိရှိနားလည်ပြီးမှ ဖြစ်ပေါ်လာတဲ့ စိတ်ချယုံကြည်မှုမျိုးဖြစ်ပါတယ်။ ထိုယုံ ကြည်မှုက ရတနာသုံးပါးအပေါ်မှာ ဖြစ်တည်မှသာ သံသရာဝဲဂယက်မှ ရုန်းထွက်နိုင်မှာပါ။



ထို့ကြောင့်ပင် သဒ္ဓါယ တရတိ သြဃံ (အခက်အခဲမှန်သမျှကို ယုံကြည်ချက်ဖြင့် လွန်မြောက်၏) ဟုဗုဒ္ဓမြတ်စွာ မိန့်ဆိုခဲ့ခြင်းဖြစ်ပါတယ်။ သဒ္ဓါတရားနှင့် ပြီးပြည့်စုံ၍ မိမိတို့အမှန်တကယ် မဂ်ဖိုလ် ရဖို့ ဆည်းကပ်ကိုးကွယ်ရာမှာ ဆရာရွေးမှန်ကန်ဖို့ အင်မတန်အရေးကြီးပါတယ်။ ယခုအခါမှာ အခြားသော အတုအယောင်များစွာက နေရာယူလာကြပါတယ်။ ထို့ကြောင့်ပင် စတုတ္တအကြိမ် နိုင်ငံတော်ဗဟို သံဃာ့ဝန်ဆောင်အဖွဲ့ သဒ္ဓမ္မအစည်းအဝေးမှာ သဘာပတိ ဥက္ကဋ္ဌ အဘိဓဇမဟာ ရဋ္ဌဂုရု၊ အဘိဓဇအဂ္ဂမဟာ သဒ္ဓမ္မဇောတိက မြင်းခြံမြို့ ကိုးဆောင်တိုက် ဆရာတော်ဘုရားကြီး ဘဒ္ဒန္တသောဘိတ မှ အောက်ပါအစည်းအဝေးဖွင့် သြ၀ါဒကထာကို မိန့်ကြားခဲ့ပါတယ်။ “ဆရာတော်ဘုရားများ အထူးသတိပေးလျောက်ထားလိုသော အချက်မှာ ယခုအခါ တပည့်တော်တို့ မြန်မာနိုင်ငံ၌ နတ်၊ မှော်၊ ၀ိဇ္ဇာ၊ ဂါထာ၊ မန္တယား စသော တန္တရ၊ မန္တရ ၀ါဒများ ကြောက်မတ်ဖွယ်ကောင်းအောင် တိုးပွားနေသည်ကို ဆရာတော်ဘုရားများ သတိပြုစေချင်ပါ သည် ဘုရား၊ ဗုဒ္ဓဘာသာဝင် ဒါယကာ၊ ဒါယိကာမ အများစုဟာ ထေရ၀ါဒသာသနာ စစ်စစ်ကို နှစ်နှစ်ကာကာ သက်ဝင်ယုံကြည်မှုနည်းပါးပြီး ထိုတန္တရ၊ မန္တရ၀ါဒများဘက်သို့သာ လိုက်ပါနေကြပါသည်။ ဤအချက်ကို အခွင့်ကောင်းယူ၍ အချို့ရဟန်းများသည် ဂန္ထဓူရ (စာပေသင်ခြင်း)၊ ၀ိပဿနာဓူရ (တရားအားထုတ်ခြင်း) ဟူသော ရဟန်းတော်တို့၏ တာဝန်ကို ပစ်ပယ်၍ တန္တရ၊ မန္တရအလုပ်ကို ရဟန်းတော်တို့ တာဝန်အလား ကြိုးစားအားထုတ် ပြုလုပ်နေကြသည်မှာ သာသနာတော်အတွက် ကြောက်မတ်ဖွယ်ကောင်းသော ဘေးရန်တစ်မျိုးဖြစ်ပါသည် ဘုရား...”။ ဤအချက်တွေကို နာယူခြင်းဖြင့် ထေရ၀ါဒသာသနာအပေါ် အရောင်ဆိုးသော အရာများကို ပေါ်လွင်စေပါတယ်။ လူတွေသည်လည်း နေ၊ ထိုင်၊ ပြောဆိုတက်ဖို့လိုပါတယ်။ အချို့သော လူများက ဘုရားကြီးကျောင်းရောက်ရင် မဂ်ဖိုလ်ရောက်ကြောင်းတရား၊ ဒါန၊ သီလစတဲ့ တရားအကြောင်းများကို မေးမြန်းခြင်းမရှိပဲ၊ ဘာဂဏန်းကောင်းလဲ၊ ဘာထိုးရမလဲ စတဲ့ ၂လုံး၊ ၃ လုံးဂဏန်းများတောင်းဖို့သာ စဉ်းစားကြပါတယ်။ ဤနေရာ ကိုယ်တွေ့လေးတစ်ခု ပြောပြချင်ပါတယ်။ ကျနော့် ဂျီတော့မှာ တင်ထားတဲ့ ကိုရင်ပုံလေးကိုတွေ့တော့...“ဦးဇင်းလေးလား၊ တပည့်တော်ကို ၂လုံးဂဏန်းပေးပါတဲ့..”။ ဒါနဲ့ သံဃာကို အလေးအမြတ်ပြုတတ်ဖို့ ပြောပြလိုက်ပါတယ်။ အဓိက ဆိုလိုချင်တာက လူတွေကိုကလည်း ရတနာမြတ်သုံးပါး အပေါ်မှာ အလေးအမြတ် ပြုတက်ဖို့ လိုပါတယ်။ လောကီကောင်းကျိုးတစ်ခုပဲ ကြည့်ပြီးတော့ အခြားသော အတုအယောင် များအပေါ် အားထားချင်ကြတော့ လိမ်တဲ့သူက ပိုပြီးကြိုက်တာပေါ့။ ကျနော်တို့ အိမ်နားမှာ ဘိုးတော်ဆိုတဲ့ လူတစ်ယောက်ရှိပါတယ်။ ဘယ်လိုဖြစ်လာလဲဆိုတော့ သာသနာပွဲထိုးတာက ကန်တော့ပွဲမှာ ၀လုံးတွေ ပေါ်လာတယ်ဆိုပြီးတော့ ၀လုံးဘိုးတော်လို့ နာမည်ကြီးပါတယ်။ (အမှန်တော့ ဘုရားရှေ့မှာ အုန်းစိမ်း၊ ငှက်ပျောစိမ်းတွေနဲ့ ကန်တော့ပွဲလုပ်တာ မသင့်တော်ပါ။ သာသနာပွဲဆိုတာ မိသားစုတွေလိုက် ကိုယ့်အိမ်မှာ တရားဆွေးနွေး၊ တရားနာ၊ ဘုရားဆွမ်းတော် ကပ်တဲ့ ပွဲလေးလို့ နားလည်ပါတယ်)။ တနေ့တော့ ကျနော်လည်း ဦလေးနဲ့ ဘိုးတော်ဆီကိုသွားပြီး ၀လုံးပေါ်တယ် ဆိုတာသွားကြည့်တယ်။ ကျနော့် အမြင်တော့ ဘာမှကို မတွေ့ခဲ့ပါဘူး။ သူ့အိမ်မှာလည်း ကန်တော့ပွဲတွေရှုပ်နေတာပါပဲ။ နောက်တော့ အဲဒီဘိုးတော်က ၂လုံး၊ ၃လုံးတွေ ပေးတာမှန်တယ်ဆိုပြီး အတော်များများ ကိုးကွယ် လာကြပါတယ်။ ဘိုးတော်က နတ်ပွဲလည်း ပေးပါတယ်။ သူကိုယ်တိုင်လည်း နတ်ဝင်ကတယ်။ လူတွေလာရင် ငါ့သမီးကြီး၊ ငါ့သားကြီးဆိုပြီး ဓာတ်ပေးတယ်ဆိုတာလည်း လုပ်ပါသေးတယ်။ လူတွေကလည်း အဲလိုဆိုရင် အတော်ကိုသဘော ကျတာပါ။ နောက်တော့သူ့ကို ယုံစားကိုးကွယ်တဲ့ သူတွေ စီးပွားပျက်တာပါပဲ။ သူလည်း အရင်လို မဟုတ်တော့ပဲ၊ သာမန်လူတစ်ယောက်လို ဖြစ်နေပါပြီ။ အတုအယောင်ဆိုတာ ဘယ်တော့မှ ကြာရှည်မခံပါဘူး။ သတိဉာဏ်ယှဉ်ပြီးမှ ယုံကြည်တတ်ဖို့ အရေးကြီးပါတယ်။ ဓမ္မစေတီဆရာ တော်ဘုရား၏ “နှလုံးသားဝယ်ဘုရားတည်” တရားမှ ယခုလို မှတ်သားခဲ့ဘူးပါတယ်။


၁. သရဏဂုံတည်စေသောဆရာ = ဆရာကောင်း၊ မိတ်ဆွေကောင်း (Good Teachers)။

၂. သစ္စာ ၄-ပါး သိစေတဲ့ဆရာ = ဆရာမှန်၊ မိတ်ဆွေမှန် (Right Teachers)။

၃. အာသဝေါတရား ၄-ပါး ကုန်စေတဲ့ဆရာ = ဆရာမြတ်၊ မိတ်ဆွေမြတ် (Nobel Teachers)။





“ကုန်ရှုံးတော့ တစ်ခေါက်”၊ “လင်ကုန်ရှုံးတော့ တစ်သက်လုံး မှောက်”၊ “ဆရာကုန်ရှုံးတော့ တစ်သံသရာလုံးမှောက်..” ဟူသောစကားအတိုင်း ဘာသာရေးမှာ ဆရာရွေးမှားရင် ယခုပစ္စုပ္ပန်၊ သံသရာနှစ်ဖြာလုံး ဒုက္ခရောက်တတ်ပါတယ်။ ဆရာရွေးမှန်ရင်လည်း မိမိကောင်းကျိုးအားလုံး ပြီးစီးတတ်ကြောင်းကို ဗုဒ္ဓမြတ်စွာက အရှင်အာနန္ဒာကို မိန့်ကြားခဲ့ဖူးပါတယ်။ မိမိတို့မဂ်ဖိုလ်ရဖို့ အတွက် ဆည်းကပ်ကိုးကွယ်သင့်သော ဆရာကောင်းများ၏ အင်္ဂါလက္ခဏများကို သတ္တတ အင်္ဂုတ္တိုရ် ပါဠိတော်တွင် ဘုရားရှင်က ဟောကြားထားပါတယ်။ ထိုအချက်တွေကို နှောင်းလူများ အလွယ်တကူ မှတ်မိစေရန် မန်လည်ဆရာတော်က မဃဒေ၀လင်္ကာသစ်တွင် ယခုလိုဖွဲ့ဆိုခဲ့ပါ တယ်။

“ ရိုသေချစ်ထိုက်၊ ချီးမွမ်းထိုက်နှင့်၊

လွဲမိုက်ဆုံးမ၊ မေးသမျှခံ၊

ဓမ္မံနက်နဲ၊ ဟောနိုင်မြဲ၍၊

ကျိုးနည်းမတန်း၊ ခုနှစ်ခန်းနှင့်၊

ပြည့်လျှမ်းညီညာ၊ ဤဆရာ၊

ဖွေရှာတပည့်ခံ”။

အဓိပ္ပာယ်ဖွင့်ဆိုရမည်ဆိုသော်..၊

၁။ ရိုသေထိုက်သော ဂုဏ်လေးပါးနှင့် ပြည့်စုံခြင်း၊

၂။ ချစ်ခင်ထိုက်သော ဂုဏ်လေးပါးနှင့် ပြည့်စုံခြင်း၊

၃။ ချီးမွမ်းထိုက်သော ဂုဏ်လေးပါးနှင့် ပြည့်စုံခြင်း၊

၎။ မိမိ၏လွဲမှားမှု၊ မိုက်မဲမှုကို ဆုံးမခြင်း၊

၅။ မိမိမေးသမျှကို ဖြေဆိုနိုင်ခြင်း၊

၆။ နက်နဲသော ဓာတ်၊ ပရမတ်၊ သစ္စာတရားများကို ဟောကြားနိုင်ခြင်း၊

၇။ အကျိုးနည်းသော အလုပ်များကို တားမြစ်၍ အကျိုးရှိသော အလုပ်များကို ညွှန်ပြနိုင်ခြင်း၊

ဤနေရာမှာ.. ရိုသေထိုက်၊ ချစ်ခင်ထိုက်၊ ချီးမွမ်းထိုက်သော ဂုဏ်လေးပါးမှာ အတူတူဖြစ်ပါတယ်။ ထိုအချက်တွေကတော့...

၁။ ဒါန = လောဘမကြီးဘဲ ပေးကမ်းစွန့်ကြဲသူ ဖြစ်ရမယ်။

၂။ ပိယ၀ါစာ = ဒေါသမကြီးဘဲ မေတ္တာနှင့်ယှဉ်သည့် ချစ်ခင်ဖွယ်ရာ စကားရှိရမယ်။

၃။ အတ္တစရိယာ = တပည့်တို့၏ ကောင်းကျိုးကို ကျင့်ဆောင်ရမယ်။

၎။ သမာနတ္ထတာ = မနှိမ့်ချဘဲ ပုံမှန်တန်းတူ ဆက်ဆံရမယ်။

ထို့ကြောင့် မိမိတို့တွေသည် အပြော၊ အဟော၊ အရေးကောင်းတိုင်း ဆရာကောင်း မဟုတ်နိုင်ကြောင်း သတိပြုသင့်ပါတယ်။

“ကြည်ညိုရာမှာ၊ အများသံဃာ၊

ကိုးကွယ်ရာမှာ၊ ရွေးချယ်ပါ၊” ဟူသော စာဆိုလေးအတိုင်း ရဟန်သံဃာမှန်သမျှ ကြည်ညိုပါ။ တက်နိုင်သမျှလှူဒါန်းပါ။ ကြည်ညိုလှူဒါန်းသော မိမိ၏ ကောင်းမှု အကျိုးကို မလွဲမသွေ ရရှိမှာဖြစ်ပါတယ်။ သို့သော် ဆရာအဖြစ် ကိုးကွယ်တော့မည်ဆိုရင်တော့ ရွေးချယ်ရပါမည်။

ဤသို့ဖြင့် ဆရာကောင်းတပည့်၊ ပန်းကောင်းပန်ုဆိုတဲ့ စကားလေးအတိုင်း စာဖတ်သူများသည် ဆရာကောင်း၊ ဆရာမြတ်များထံ ကိုးကွယ်ဆည်းကပ်ကာ နိဗ္ဗာန်မဂ်ဖိုလ်သို့ မျက်မှောက်ပြုနိုင်ကြပါစေ။



“ဟီရိနှင့်သြတ္တပ္ပ”

မကောင်းမှု ဒုစရိုက်ကို ပြုလုပ်ရမှာ ရှက်ခြင်းက ဟိရီဖြစ်ပြီးတော့၊ ကြောက်လန့်ခြင်းက သြတ္တပ္ပ ဖြစ်ပါတယ်။ ထိုတရားနှစ်ပါးမှာ မိမိဂုဏ်သိက္ခာကို စောင့်ရှောက်တဲ့သူတို့မှာ ဟီရိတရားက ထင်ရှားပြီး ဆရာ၊ မိဘ ဆွေမျိုးစသူနှင့် အခြားသူများကို လေးစာသူတို့မှာ သြတ္တပ္ပတရား ထင်ရှားပါတယ်။ ဥပမာ.. “ငါသည် အမျိုးကောင်းတစ်ယောက်ဖြစ်တယ်၊ ငါ့လိုအမျိုးကောင်းသူ မကောင်းမှုပြုနေလျှင် (ဥပမာ..တံငါလုပ်ရင်၊ ကြက်တိုက်၊ ဖဲရိုက်၊ အရက်သောက်နေရင်) ရှက်စရာဖြစ်လိမ့်မယ်” ဆိုပြီး ကိုယ့်ရဲ့အမျိုးဂုဏ်ကို စောင့်ထိန်းသောအနေနဲ့ မကောင်းမှုပြုရ


မှာရှက်တာပါ။ ပညာတက်တဲ့သူကလည်း “ငါ့လိုပညာရှိ တစ်ယောက်က အောက်ကျသော မကောင်းမှုပြုလုပ်ရင် (သူ့ဥစ္စာ မတရားယူရင်) ရှက်စရာကောင်းတယ်။” အသက်ကြီးသူကလည်း “ငါလို အဘိုးကြီးက မကောင်းမှုကို ပြုရင်တော့ (လိမ်နေရင်၊ ဆဲနေရင်၊ ပေါက်တတ် ကရတွေပြောနေရင်) ရှက်စရာကောင်းတယ်” ဆိုပြီး ကိုယ့်မှာရှိနေတဲ့ ဂုဏ်တစ်ခုခုကို လေးစားသူက ဟိရိတရားကို ထင်ထင်ရှားရှားဖြစ်စေပါတယ်။ ငါက မကောင်းမှုပြုလိုက်ရင် ငါ့မိဘ၊ ငါ့ရွှေမျိုး၊ ငါ့ဆရာသမားတွေ ကဲ့ရဲ့ခံရမှာစိုးရိမ်လို့ ဒုစရိုက်တရားတွေလုပ်ရမှာကို ကြောက်လန့်တတ်တာက သြတ္တပ္ပတရားဖြစ်ပါတယ်။ ကိုယ့်ရဲ့ဂုဏ်သိက္ခာ၊ မိဘ၊ ဆရာသမား တွေရဲ့ဂုဏ်သိက္ခာကို မကြည့်ပဲ ရွဲ့ချင်တိုင်းရွဲ့၊ လုပ်ချင်တာလုပ်နေသူတွေမှာတော့ ဟီရိ၊ သြတ္တပ္ပတရားနှစ်ပါးလုံး မရှိပဲ ဒုစရိုက်တရားတွေနဲ့သာ ပြည့်နက်နေပါမယ်။ ဟီရိနဲ့သြတ္တပ္ပ တရားနှစ်ပါးက လောကလူသားအများကို သားနှင့်အမိ၊ မောင်နှင့်နှမ စသဖြင့် ခြားနားအောင် စောင့်ရှောက်တက်သောကြောင့် “လောကပါလ=ကမ္ဘာစောင့်တရား” လို့လည်း ခေါ်ပါတယ်။ ဖြူစင်သန့်ရှင်း အပြစ်ကင်းအောင် ပြုတတ်တာကြောင့် “သုက္ကဓမ္မ=ဖြူစင်သောတရား” လို့ လည်းနာမည်ရပါတယ်။ လောကမှာ ဒီတရားနှစ်ပါးမရှိရင် တိရစ္ဆာန်နဲ့ မခြားပဲ မှားချင်တိုင်း မှားပြီး မကြားဝံ့မနာသာ တွေဖြစ်လာနိုင်ပါတယ်။ ယနေ့ခေတ်မှာတော့ ဟီရိသြတ္တပ္ပတရားမရှိသူတွေ များလာပါပြီ။ မလုံခြုံသောအ၀တ်စားတွေ၊ ခေတ်စတိုင်ဆိုပြီး ၀တ်နေတာတွေက တော်တော်များပါတယ်။ သူတို့တွေမှာ လောကပါလ တရားဆိုတာလည်းသိမှာ မဟုတ်ပါဘူး။ မသိလို့လည်း လုပ်နေကြတာပါ။ ပြောရင်တော့ ခေတ်ရေစီးကြောင်း စကားကို လက်ကိုင်ထား ကြမှာပေါ့။ ဒီအတိုင်းသွားရင်တော့ ယဉ်ကျေးမှုတွေ ပျက်စီးပါမယ်။ နိုင်ငံတနိုင်ငံ၊ လူမျိုးတခု ဆိုတာက ကိုးကွယ်ယုံကြည်မှု၊ ယဉ်ကျေးမှု၊ ဓလေ့စရိုက်တွေနဲ့ ဖွဲ့စည်းထားရတာပါ။ ယဉ်ကျေးမှုတွေ၊ ဓလေ့စရိုက်တွေ ပျက်စီးလာရင်တော့ မကောင်းတော့ပါဘူး။ ဒီအချက်တွေက တစ်ဦးချင်း ထိန်းသိမ်းစောင့်ရှောက်ကြရမှာပါ။ ရှက်မှု၊ ကြောက်မှုကို ဟီရိသြတ္တပ္ပတရားလို့ ပြောပေမဲ့ နေရာတိုင်း၊ တွေ့ကရာ ရှက်ကြောက်မှုတွေကို ပြောလို့မရပါဘူး။ ဒုစရိုက်တရားတွေ ပြုလုပ်ရမှာ ရှက်ခြင်း၊ ကြောက်ခြင်းကိုသာ ဟီရိသြတ္တပ္ပတရား လို့မှတ်ယူရပါမယ်။ ဥပမာ.. ဥပုသ်စောင့်ရမှာ၊ တရားနာရမှာ၊ ဘုရားသွားရမှာ၊ ပရိသတ်အလယ်မှာ စာဖတ်၊ စကားပြော ရမှာကို ရှက်တာ၊ အလုပ်လက်မဲ့နဲ့ လူပေလုပ်ရမှာကို မရှက်ပဲ အောက်ကျတယ်ထင်တဲ့ အလုပ်တစ်ခုကို လုပ်ရမှာ ရှက်တာ၊ ကောင်လေးနဲ့ ကောင်မလေးတွေ့တဲ့ အခါမှာ ရှက်တာ တွေက ဟီရိမဟုတ်ပါဘူး။ ပရိယာယ်၊ မာယာများတာ၊ ဟန်ပန်ကြီးတာ ဖြစ်ပါတယ်။
လောကီ အကျိုးစီးပွားကိုပြတဲ့ နီတိကျမ်းတွေမှာတော့…

(၁) ရောင်းဝယ်ဖောက်ကား အတိုးပွားပေးသောအခါ။

(၂) ဆရာ့ထံ ချဉ်းကပ်၍ အတက်ပညာသင်သောအခါ။

(၃) အစာစားသောအခါ။

(၄) ဇနီးခင်ပွန်းအချင်းချင်း ရင်းရင်းနှီးနှီး ပျော်မွေ့သောအခါ။

အဲဒီအခါတွေမှာ အရှက်တရားကို ဖယ်ထားရမယ်လို့ရေးထားပါတယ်။ (ထိုအရှက်မရှိမှုမှာ ကုသိုလ်ဖြစ်၊ မဖြစ်ကို ပြောတာမဟုတ်ပါဘူး၊ မိမိအကျိုးရှိမည့် အရာမှာ မရှက်ရလို့ ပြောခြင်းဖြစ်ပါတယ်)။ တရားရုံးမှာ တရားသူကြီးကိုကြောက်ခြင်း၊ ရထား၊ သင်္ဘောပေါ်တွေမှာ တောသားတွေ အိမ်သာမသွားရဲပဲ ကြောက်ခြင်း၊ လူတစ်ယောက်နှင့် တစ်ယောက်ကိုကြောက်ခြင်း၊ ပြိဿာတွေကိုကြောက်ခြင်း၊ မရောက်ဖူးသောနေရာကို ခရီးသွားရမှာကိုကြောက်ခြင်း၊ ဆရာ၊ မိဘတို့ရှေ့မှာ စကားမပြောတက်အောင်ကြောက်ခြင်းတွေဟာ သြတ္တပ္ပတရားအစစ် မဟုတ်ပါဘူး။ သတ္တိညံ့ဖျင်းခြင်း (တရားသဘောအရဆိုရင်) ဒေါမနဿပြဋ္ဌာန်းသော အကုသိုလ်စုပင် ဖြစ်ပါတယ်။ အထက်မှာရေးခဲ့သလောက်ဆိုရင် အကုသိုလ်မဖြစ်တဲ့ ကိစ္စမှာ မရှက်သင့်၊ မကြောက်သင့်ဘူးလို့သိကြပါ။ ဒါပေမဲ့ မရှက်မကြောက်ပဲ လူမိုက်အားကိုး ရဲရမယ် မပြောပါဘူး။ လူမိုက်ကို အားကိုးတဲ့ ရဲစိတ်မျိုးဟာ တဖက်သားကို မလေးစားတဲ့ အဂါရ၀ ဒေါသ၊ မာနတရားတွေ ဖြစ်ပါတယ်။ လောကမှာ လူအများစုက မကြောက်ရမယ့်နေရာမှာ ကြောက်ကြတယ်။ ကြောက်ရမယ့်နေရာကျတော့ မကြောက်တက်ကြဘူး။ ဒါ့ကြောင့် မရှက်သင့်၊ မကြောက်သင့်သော ကိစ္စမှာမရှက်၊ မကြောက်ပဲ၊ အမှန်တကယ်ရှက်ကြောက်ရမယ့် ဒုစရိုက်တရားတွေကို ရှောင်ကြဉ်ပြီး ကိုယ်၊ နှုတ်၊ စိတ်သုံးပါးလုံး ညီညွတ်စွာ နေထိုင်ကျင့်ကြံနိုင်ကြပါစေ။



ကျမ်းကိုး။ ။ ကိုယ်ကျင့်အဘိဓမ္မာ (အရှင်ဇနကာဘိဝံသ)


“ချစ်တတ်ကြရအောင်”

“သဒ္ဓါ၊ မေတ္တာရှေ့ရှုကာ ချစ်တာမြင့်မြတ်သည်။ သတိဉာဏ်ယှဉ် မုန်းတက်လျင် ၀ဋ်ခွင်လွတ်မြောက်သည်။ ဘ၀တိုင်းမှာ စောင်းမြောင်းကာ မဲ့တာကင်းပါစေ။ ဘ၀တိုင်းမှာ မူးယစ်ကာ သောက်တာကင်းပါစေ”

ဆရာတော်အရှင်ဆန္ဒာဓိက


အချစ်ဆိုတဲ့ စကားလုံးကို ကျနော်တို့ လူမှန်းသိတက်စအရွယ်ထဲက ကြားသိခဲ့ရတာပါ။ “ကလေးလေးက ချစ်စရာလေး၊ ငါ့သားလေးက ချစ်စရာလေး၊ အဖိုးကလည်း အဘွားကို ချစ်တယ်ပြောမှာဘဲ..စသဖြင့်ပေါ့”။ နောက်ပိုင်းသိလာပြန်တော့လည်း “အချစ်ဆိုတာ ပကတိ အနေအထားအတိုင်းရှိနေတဲ့ လူတစ်ယောက်ကို ဆိုးသည်ဖြစ်စေ၊ ကောင်းသည်ဖြစ်စေ



စိတ်ရဲ့အမှန်အတိုင်း ချစ်တက်ဖို့ပဲလိုတယ်။ ဘာလုပ်ပေးမှ ဘယ်လိုဖြစ်မှ ချစ်မယ်ဆိုတဲ့ အတ္တကိုစေခိုင်းတာမျိုးကျတော့ အချစ်လို့မခေါ်တော့ဘူး”တဲ့။ “အချစ်ဆိုတာ ပူလောင်တဲ့ မီးတောက်ငယ်တစ်ခု မေတ္တာဟာအေးမြတဲ့ စမ်းချောင်းငယ်တစ်ခု” စတဲ့ သီချင်းစာသားလည်း ကြားဖူးပါတယ်။ ဘာပဲဖြစ်ဖြစ် လူတွေက အချစ်ကို အမျိုးမျိုး အဓိပ္ပာယ်ဖွင့်ဆိုကြတယ်။ ဓမ္မအမြင်နဲ့ကြည်ရင် အချစ်ဆိုတာက လောဘပါပဲ။ လောကမှာ ချစ်ခြင်းအမျိုးမျိုးရှိပါတယ်။ သားချစ်၊ သမီးချစ်၊ ဇနီးချစ်၊ ညီအကို မောင်နှမချစ် စသဖြင့်ပေါ့။ သစ္စာလေးပါးမှာ လောဘဆိုတဲ့ ချစ်ခြင်းတရားကို သမုဒယ လို့သုံးပါတယ်။ သမုဒယဆိုတာကတော့ ဒုက္ခဖြစ်ကြောင်း၊ ဒုက္ခလောင်းလို့ မဟာဂန္ဓာရုံဆရာတော်ဘုရားကြီးက ကိုယ်ကျင့်အဘိဓမ္မာစာအုပ်မှာ ရေးသား ထားပါတယ်။ အချစ်ဆိုတဲ့ လောဘကြောင့်ပဲ သံသရာတစ်လျှောက် ဒုက္ခနဲ့မိတ်ဖွဲ့ပြီး တ၀ဲလည်လည် ဖြစ်နေရတာပါ။ အချစ်ကြီးရင် ဒုက္ခကြီးမယ်၊ အချစ်နည်းရင် ဒုက္ခနည်းမယ်၊ အချစ်မရှိရင်တော့ ဒုက္ခလည်း မရှိတော့ဘူးပေါ့။ (ဒါက အချစ်ကြောင့်ဖြစ်လာရမဲ့ ဒုက္ခတွေကို ပြောတာပါ)။ ချစ်မိကြပြီဆိုရင် အချစ်နွံ့က ရုန်းနိုင်ဖို့ဆိုတာ တော်တော်ကို ခက်ပါတယ်။ ဒါကြောင့်ပဲ “အချစ်အချစ်၊ ချစ်တိုင်းချစ်၍၊ ချစ်လေချစ်လေ၊ ချစ်မပြေတည်း။ ဆားငန်ရေနောက်၊ ငတ်တိုင်းသောက်က၊ သောက်လေသောက်လေ၊ ငတ်မပြေသို့၊ ပေမအရာ တဏှာဖွဲ့ရစ်၊ ထိုအချစ်လည်း အပြစ်မမြင် မဆင်ခြင်ပဲ၊ ချစ်လျှင်ပျော်နိုး၊ ချစ်စပျိုးသည်၊ ချစ်ရိုး ချစ်စဉ် ချစ်လမ်းတည်း” လို့ ရေးစပ်ခဲ့ကြပါတယ်။ သေခါနီးအချိန်တွေမှာလည်း သားသမီး၊ ဇနီးမယားအပေါ်မှာ ချစ်ခင်စွဲလန်းမှု၊ ပစ္စည်းဥစ္စာများကို ချစ်ခင်စွဲလန်းမှုတွေကြောင့် ပြိတ္တာဘ၀ ရောက်သွားရတာတွေလည်း မနည်းတော့ပါဘူး။ ဘုရားရှင်လက်ထက်က ရဟန်းတစ်ပါး မိမိရဲ့ သင်္ကန်းအသစ်လေး အပေါ်စွဲလန်းမိတဲ့အတွက် အဲဒီသင်္ကန်းပေါ်မှာ (၇)ရက် “သန်း” ဖြစ်ခဲ့ရပါ တယ်။ ချစ်ခင်စွဲလန်းမှုတွေဟာ အပါယ်လမ်းအတွက် ၀င်ပေါက်တံခါးတစ်ခုနဲ့ တူနေသလိုပါပဲ။ ပုံသေပြောတာမဟုတ်ပါဘူး။ အချစ်ကြောင့် သီလစောင့်ထိန်းသွားတဲ့ သူတွေကိုလည်း တွေ့ဘူးပါတယ်။ (ချစ်သူက ဘီယာမသောက်ပါနဲ့ပြောလို့ လုံးဝ မသောက် တော့တာမျိုးပါ)။ မြတ်စွာဘုရားက တရားဦး ဓမ္မစကြာဒေသနာတော်မှာ “ပိယေဟိ ၀ိပ္ပယောဂေါ ဒုက္ခော” (ချစ်ခင်နှစ်သက်သူများနဲ့ ဝေးကွာရခြင်းသည် ဒုက္ခ)၊ “အပ္ပိယေဟိ သမ္ပယောဂေါ ဒုက္ခော” (မချစ်မနှစ်သက်သူများနဲ့ အတူနေရခြင်းသည် ဒုက္ခ)၊ လို့ဟောတော်မူခဲ့ပါတယ်။ ကိုယ်ချစ်တဲ့ သူနဲ့ ဘယ်သူမှ ကွေကွင်းမနေချင်ကြပါဘူး။ ချစ်မြတ်နိုးသူတွေနဲ့ ဘ၀သံသရာမှာ ပါရမီဖြည့်ဖက်အဖြစ် လက်တွဲသွားချင်ရင်လည်း ဘုရားရှင်ဟောကြားခဲ့တဲ့ နည်းလမ်းလေး ပြောပြပါမယ်။ ယခုဘ၀မှာ စိတ်တူကိုယ်တူဖြစ်ကြသော သူနှစ်ယောက်က နောင်ဘ၀မှာလည်း အမြဲမကွဲ၊ မကွာ ဖြစ်ချင်ရင် တစ်ယောက်နဲ့တစ်ယောက် သဒ္ဓါ၊ သီလ၊ စာဂ ပညာအရာတို့ တူစေရပါမယ်။ တစ်ယောက်က သဒ္ဓါကောင်းရင် ကျန်တစ်ယောက်ကလည်း သဒ္ဓါကောင်းရပါမယ်။ တစ်ယောက်က သီလစင်ကြယ်ရင် ကျန်တစ်ယောက်ကလည်း သီလစင်ကြယ်ရပါမယ်။ တစ်ယောက်ရဲ့ ကုသိုလ်လုပ်ငန်းကို တစ်ယောက်က မတားမြစ်ရဘူး။ မယ်ကလှူတာကို မောင်ကကြည်ဖြူတာမျိုး ဖြစ်ရပါမယ်။ ဒါ့ကြောင့် သံသရာတစ်လျှောက် စမ်းရေတွေအတူသောက် ပန်းတွေအတူကောက်ပြီး ပါရမီဖြည့်ဖက်ဘ၀ ဟန်းနီးမွန်းခရီးသည်များ ဖြစ်ချင်ရင်တော့ မြတ်ဗုဒ္ဓပေးတဲ့ အချက်တွေကို ခိုင်မြဲစွာကျင့်သုံးရပါမယ်။ အမှန်ပြောရရင် သူတစ်ပါးချစ် နေဖို့ထက် မိမိကိုယ်ကို ချစ်နေဖို့က ပိုအရေးကြီးပါတယ်။ ပသေနဒီကောသလမင်းကြီးက ဘုရားရှင်အား “အဘယ်သူသည် မိမိကိုယ်ကို ချစ်ရာရောက်၍ အဘယ်သူသည် မိမိကိုယ်ကို မချစ်ရာရောက်ပါသနည်း” လို့မေးပါတယ်။ ထိုအခါ မြတ်စွာဘုရားက “အကြင်သူသည် ကိုယ်နှုတ်နှလုံးသုံးပါးတို့ဖြင့် မကောင်းမှုဒုစရိုက်တို့ကို ပြုလုပ်ပြောဆိုကြံစည်နေလျင် မိမိကိုယ်ကို မချစ်ရာရောက်၏၊ ကိုယ်နှုတ်နှလုံး သုံးပါးလုံးဖြင့် ဒုစရိုက်တရားတို့ကိုရှောင်၍ သုစရိုက်တရား တို့ကိုပြုနေလျင် မိမိကိုယ်ကို ချစ်ရာရောက်၏”လို့ ပြန်လည်ဟောကြားတော်မူခဲ့ပါတယ်။ ဒါကြောင့် ချစ်သူ၊ သားသမီး၊ ဇနီးမယား၊ ပစ္စည်းဥစ္စာများအပေါ် အချစ်လျော့ပြီး သုစရိုက် တရားများလိုက်နာကျင့်သုံးကာ ကိုယ့်ကိုကိုယ်ချစ်မြတ်နိုးသင့်ပါတယ်။



ကျနော့်ရဲ့ဓမ္မမိတ်ဆွေ တစ်ယောက်က Tag လိုက်လို့ ဒီပို့လေး ရေးဖြစ်သွားတာပါ။ ဒါမျိုးက လူတယောက်နဲ့ တစ်ယောက်အမြင်၊ ခံစားချက်တွေက မတူကြတော့ ရေးရလို့ တော်တော်ခက်တယ်။ ကျနော့်ကို Tag လိုက်သော အစ်မနှင့်အတူ စာဖတ်သူများ ကျေနပ်နှစ် သိမ့်နိုင်ပါစေ။ အမြင်လေးတွေလည်း ရေးထားပေးခဲ့ပါ။



ဖြေကြားခြင်း၊

ဘုန်းကြီးကို သိက္ခာထပ်ပေးခြင်းဖြင့် သိက္ခာအထပ်ခံရတဲ့ ဘုန်းကြီးရော၊ သိက္ခာထပ်ပေးတဲ့ ဒါယကာ၊ ဒါယိကာမမှာ ဘာအကျိုးရလဲ သိချင်ပါတယ်။ ဖြစ်နိုင်ရင် Post ရေးပေးပါလို့ Request လုပ်ပါတယ်။


ရဟန်းတစ်ပါးဟာ ရဟန်းဘ၀ကိုရောက်ပြီး ကတည်းကရဟန်း သိက္ခာအကျဉ်း(၂၂၇)သွယ်၊ အကျယ်ကုဋေကိုးထောင်ကျော်ရပြီး၊ ရှိပြီးသားပါ။ သိမ်ထပ်တယ်ဆိုတာ အဲဒီရှိပြီး၊ ရပြီးသားကိုဘဲ ပိုပြီးစင်ကြယ်အောင်၊ မွန်မြတ်အောင်၊ သင်္ကန်းပရိက္ခရာ လှူဒါန်းပြီး သိမ်ထဲမှာထပ်ပြီး ရဟန်းခံပေး၊ ရဟန်းပြုပေးတာကိုခေါ်ပါတယ်။ ပိုမိုပြည့်စုံရှင်းလင်းအောင် ဘုံဘေမှာ သာသနာ့ တက္ကသိုလ်တက်ရောက်နေသော ဘုန်းဘုန်း ဦးသာဓိန (ခေတ္တ၊ ဘုံဘေ)ထံ လျောက်ကြား လိုက်ပါတယ်။ ဆရာတော် ပြန်လည် မိန့်ကြားတဲ့ အတိုင်းရေးသားတင်ပြလိုက်ပါတယ်။



ရှေးဆရာတော်ကြီးများရဲ့ မိန့်ကြားချက်တွေနဲ့ကိုးမှ ပိုပြည့်စုံမှာ၊ သို့သော် ဘုန်းဘုန်း လက်လှမ်းမီသလောက်တော့ရှင်းပါမယ်။


ပုနောပသမ္ပဒကံဆိုတဲ့ သိက္ခာထပ်တဲ့အလုပ်ကို ဘုရားရှင်ဟောကြားထားတဲ့ စာပေတွေထဲမှာ ဘုန်းဘုန်း သိသလောက်ကတော့ မတွေ့ခဲ့ဘူးပါဘူး၊ ဒါဟာ ရဟန်းဖြစ်ပြီးသား ရဟန်းတစ်ပါးကို သိက္ခာထပ်တင်တဲ့အမှု၊ မပြည့်စုံတဲ့ ရဟန်းခံခြင်း ကိစ္စတစ်ခုသာ ဖြစ်ပါတယ်။ အဲဒီရဟန်းဟာ ပထမဦးဆုံး သိမ်ထဲမှာ သိမ်ဝင်ကမ္မ၀ါတစ်ကြိမ် ဖတ်ပြီးထဲက ရဟန်းဖြစ်ခဲ့ပါပြီ၊ တစ်ချို့ ပရိတ်သတ်မသန့်လို့ ရဟန်းဖြစ်ခဲ့ချင်မှဖြစ်ခဲ့မယ် အဲလိုသာဖြစ်ခဲ့မယ်ဆိုရင်တော့နောက် သိက္ခာထပ်သူ ပိုအကျိုးများတာပေါ့။


ရှေးတုန်းက အကြောင်းလေး တစ်ခုပြောပြမယ်၊ ညောင်ရမ်းခေတ် ဒုတိယအင်းဝခေတ်က တောင်ဖီလာဆရာတော်ဘုရားကြီးဆိုတာ ကြားဘူးကြလိမ့်မယ်၊ အဲဒီဆရာတော်ကြီးဟာ ပထမရဟန်းဖြစ်ခဲ့ပြီးပေမယ့် နောက်တစ်ခါ ကလျာဏီသိမ်မှာ သိက္ခာထပ်ခဲ့တယ်၊ အဲဒီအခါကစပြီးမှ သူ့ရဲ့ရဟန်းဝါကိုရေတွက်တယ်လို့ ဘုန်းဘုန်းမှတ်ခဲ့ဘူးတယ်။ အကျဉ်းချုပ်ကိုကောက် ချက်ချရရင်တော့…၊


၁။ ရဟန်းဖြစ်ပြီးသား ရဟန်းစစ်ခဲ့တဲ့ ပုဂ္ဂိုလ်ကိုသိမ်ထပ်ခြင်းသည် အကျိုးမများလှ၊ သို့သော် ဒါယကာ ဒါယကာမတို့ဟာ သူတို့ရဟန်းရှိခဲ့ပြီဆိုပြီး ပစ္စည်းလေးပါး မပြတ်လှူဒါန်း၊ သာသနာနဲ့ ဆွေမျိုးဖြစ်ပြီးဆိုတဲ့ အသိနဲ့ကုသိုလ်တွေ အများကြီးဖြစ်တယ်။


၂။ ရဟန်းမဖြစ်ခဲ့ဘူး၊ ကိုယ်တိုင်လည်း မသိသူအတွက် နောက်သိက္ခာထပ်တဲ့အခါမှ ရဟန်းဖြစ် သွားမယ် ဆိုရင်တော့ အဲဒီပုဂ္ဂိုလ်နှစ်ဦးလုံး အကျိုးပိုများကြတာပေါ့။ ထပ်ပြောရရင် သိက္ခာထပ်တဲ့အလုပ်ဟာ အလှူတစ်ခုကတော့ မလွဲမသွေဖြစ်တယ်၊ သို့သော် ရဟန်းခံတဲ့အလုပ် အစစ်ကတော့ မဟုတ်ဘူး၊ ရှေးလူရဲ့ အလုပ်လောက် အကျိုးမများဘူး၊ ဘုန်းကြီးတွေ ဘုန်းကြီးတော့ ဒကာ၊ ဒကာမတွေကပိုပြီး သာသနာ့ဆွေမျိုးတွေအဖြစ်နဲ့ အလှူအတန်းလုပ်တဲ့ အခါမှာတော့ သာသနာတော်အတွက် အကျိုးများ၊ လှူသူမှာလည်း အကျိုးများပါကြောင်း ဘုန်းဘုန်း ဖြေလိုက်ရပါတယ်။



SMNTL မရှင်းတာရှိရင် ထပ်မေးပါ။ ကျနော် ဆရာတော်ကို ထပ်လျောက်ပေးပါမယ်။

ကျနော်အနေနဲ့ အားလုံးကို အကြံပြုချင်တာက ဘာကောင်းမှုကိုဘဲ လုပ်လုပ် အကျိုးတရားကို မျှော်ကိုးလုပ်တာ အကျိုးမကြီးလှပါဘူး။ ကျနော်တို့တွေ မရောက်ဖူးတဲ့နေရာဆိုလို့ အနာဂါမ်တွေ သေရင်ရောက်တဲ့ ဗြဟ္မာဘုံ ငါးဘုံဘဲ ကျန်ပါတော့တယ်၊ သူတို့က အဲဒီဘုံမှာဘဲ နေပြီး နိဗ္ဗာန်ကို ရောက်ကြပါတယ်။ ဒါကြောင့် ကျနော်တို့တွေ မရောက်ခဲ့ဖူး ဘူးလို့ပြောရတာပါ။ ကျနော်တို့ရဲ့ရည်မှန်းချက်က သံသရာက လွတ်မြောက်ဖို့ပါဘဲ။ ဒါကြောင့် ဘာကုသိုလ်ဘဲ လုပ်လုပ် နိဗ္ဗာန်ကိုဘဲ ရည်စူးထားသင့်ပါတယ်။ လူချမ်းသာ၊ နတ်ချမ်းသာလောက်နဲ့ မတင်းတိမ်သင့်ပါ။ ဘာသာခြားလူချမ်းသာ နတ်ချမ်းသာတွေ အများကြီးပါဘဲ။ သာသနာနဲ့လွဲသွားရင် ကိုယ်ကျိုးကြီးနည်းပါပေါ့လား။ နိဗ္ဗာန်ကို ရည်မှတ်၍ ကုသိုလ်ပြုကြဖို့သာ တိုက်တွန်းလိုက်ပါတယ်။


“အသိတလုံး လက်ကိုင်သုံး အဆုံးနိဗ္ဗာန်ပြည်”


သီတင်းကျွတ်လပြည့်နေ့၊

မြန်မာလ ၁၂လရှိရာ သီတင်းကျွတ်လသည် ခုနှစ်ခုမြောက်လဖြစ်သည်။ ဥတုသုံးပါးရှိရာ မိုးဥတုတွင်ပါဝင်သည်။ သီတင်းကျွတ်လကို ရှေးအခါက သန်တူလဟုခေါ်ဝေါ်ကြသည်။ သံတူလ အဓိပ္ပာယ်မှာ ၀ဿာနမိုးဥတုကို “သန်”ဟူ ၍ရှေးကခေါ်ဝေါ်ကြောင်း ဝေါဟာရလီနတ္ထဒီပနီ ကျမ်း၌ဆိုသည်။ အချို့ပညာရှင်တို့က “သန်” ဟူသောပုဒ်သည် တိဗက်စသော ဘာသာတို့မှလာသော ဝေါဟာရဖြစ်သည်။ “ကောက်စပါး” ဟုအဓိပ္ပာယ်ရသည်။ “တူ”ပုဒ်သည် အနီးစပ် ဆုံး“ထူ”ပုဒ်နှင့်တွဲယူရမည်ဟုဆိုသည်။ ထောင်သည်၊ မတ်သည် ဟုအဓိပ္ပာယ်ဆောင်သည်။


ထို့ကြောင့်သန်တူလသည် ကောက်စပါးပင်များ ထောင်မတ်လာသောကာလဟု အဓိပ္ပာယ် ဟုယူဆကြသည်။ ဝေါဟာရလီနတ္ထဒီပနီကျမ်း၌ သီတင်းကျွတ်လခေါ်သည်မှာ ၀ါဆိုလပြည့်နေ့ မှစ၍ ၀ါတွင်းသုံးလ၊ ရက်ပေါင်း(၉၀)၊ သီတင်းသုံးရာ ကျွတ်သောကြောင့် “သီတင်းကျွတ်လ” ဟူ၍ခေါ်ဆိုသည်ဟုဆို၏။ ရှေးမြန်မာဘိုးဘွားများလက်ထက်ကတည်းက သီတင်းကျွတ် လပြည့်နေ့တွင် ဆီမီးထွန်းခြင်း၊ ဘုရားစေတီများကို မီးပူဇော်ခြင်း၊ မိဘဘိုးဘွားဆရာသမားတို့ကို အာမိသ၀တ္ထုဖြင့် ကန်တော့ခြင်းစသော ပူဇာစ ပူဇနေယျာနံ မင်္ဂလာ၊ ဂါရ၀၊ နိဝါတ မင်္ဂလာ အမှုတို့ကို နှစ်စဉ်ပြုလုပ်ကြပါသည်။


သီတင်းကျွတ်လပြည့်နေသည် ဗုဒ္ဓဘာသာဝင်တို့အတွက် နေ့ထူးနေ့မြတ် တစ်နေ့လည်းဖြစ်သည်။ ဗုဒ္ဓမြတ်စွာဘုရားရှင်သည် တာဝတိံသာနတ်ပြည်မှ သင်္ကဿနဂိုရ်ပြည်သို့ ကြွမြန်းဆင်းသက်တော်မူသည့် နေ့ဖြစ်သဖြင့် ထူးမြတ်သောနေ့အဖြစ် သတ်မှတ်ကြပါသည်။ ဘုရားရှင် ဆင်းသက်ကြွမြန်းလာသည်ကိုရည်စူး၍ ဘုရားရှင်အား ပူဇော်သောအားဖြင့် ဆီမီးထွန်းကာ မီးထွန်းပွဲ ကျင်းပသော အစဉ်အလာသည် ရှေးဘိုးဘေများလက်ထက်ကပင် ရှိခဲ့ပါသည်။ ထို့အပြင်ဘုရားရှင်သည် မယ်တော်ဖြစ်ခဲ့ဖူးသောနတ်သားကို တာဝတိံသာနတ်ပြည်၌ အဘိဓမ္မာခုနှစ်ကျမ်းကို ဟောကြားတော်မူပြီးနောက် သီတင်းကျွတ်လပြည့်နေ့တွင် လူပြည်သို့ သက်ဆင်းတော်မူသည်ကို အကြောင်းပြုလျှက် ဤနေ့ကို “အဘိဓမ္မာအခါတော်နေ့”ဟု သမုတ်ကာ အဘိဓမ္မာ ရွတ်ဖတ်ပူဇော်ပွဲများ လည်းကျင်းပကြသည်။ တစ်နည်းဆိုလျှင် သီတင်းကျွတ် လပြည့်နေ့ကို “ဘုရားဆုပန်နေ့” ဟူ၍လည်း ခေါ်ဆိုနိုင်ပါသည်။ အဘယ့်ကြောင့်ဆိုသော် ဘုရားရှင် တာဝတိံသာမှ ဆင်းသက်တော်မူသောအခါ လကျာင်္ဘက်ရွှေစောင်းတန်းက နတ်ဒေ၀တာများ၊ လက်ဝဲဘက် ငွေစောင်းတန်းက ဗြဟ္မာများခြံရံလိုက်ပါကာ ကိုယ်တော်တိုင် အလယ်က ပတ္တမြားစောင်းတန်းဖြင့် ဆင်းသက်တော်မူသည်။ ထိုသို့နတ်ဗြဟ္မာများခြံရံလိုက်ပါ ၍ ဆင်းသက်တော်မူလာသည့် ဘုရားရှင်၏ တုနှိုင်းဖွယ်မရှိတင့်တယ်ပြည့်စုံသော အသရေတော်ကို ဖူးမြင်ကြရသောအခါ ၃၆ ယူဇနာအတွင်းရှိသော ပရိသတ်အားလုံး ဘုရားကိုအားကျ၊ ဘုရားဖြစ်ချင်စိတ်တွေပေါ်လာကာ ဘုရားဆုကို တောင်းကြပါသည်။ ထို့ကြောင့် “ဘုရားဆုပန်နေ့” ဟုခေါ်ဆိုထိုက်ပေသည်။ သီတင်းကျွတ်လပြည့်နေ့သည် ၀ါတွင်းသုံးလကုန်ဆုံး ကျွတ်လွတ်သောနေ့ဖြစ်သဖြင့် ၀ါဆိုတော်မူကြကုန်သော သံဃာတော်အရှင်မြတ်တို့ လွတ်လွတ်ကျွတ်ကျွတ်သွားလာ သီတင်းသုံးနိုင်သည့် အခွင့်အရေးကို ရရှိကြပါသည်။ ထိုနေ့ အထိဝါဆိုကြသည့် သံဃာများသည် အလွန်အကျိုးထူးသော ကထိန်အလှူကို ခံယူထိုက်သော အခွင့်အရေးလည်းရရှိကြသည်။

အချုပ်အားဖြင့်ဆိုရသော်.. သီတင်းကျွတ်လပြည့်နေ့သည် ရဟန်းတော်များ ၀ါကျွတ်သောနေ့၊ အပြစ်ရှိက ပြောကြားပါရန် အချင်းချင်းဖိတ်ပန်အမှုပြုကြသော ပ၀ါရဏာနေ့၊ ဘုရားရှင်တာဝတိံသာနတ်ပြည်၌ အဘိဓမ္မာ တရားတော်ကို ဟောကြားပြီးမြောက် အောင်မြင်တော်မူသော အဘိဓမ္မာအခါတော်နေ့၊ နတ်ဗြဟ္မာအပေါင်းခြံရံလျက် တာဝတိံသာမှ သင်္ကဿနဂိုလ်ပြည်သို့ ဆင်းသက်တော်မူသောနေ့၊ ထိုသို့ဘုရားရှင် ဆင်းသက်တော်မူသည်ကို ရည်စူးပူဇော်သောအားဖြင့် ဆီးမီးစသည့် ထွန်းညှိပူဇော်သောနေ့၊ ဗြဟ္မာ၊ နတ်၊ လူ သုံးဘုံသူတို့ ဘုရားရှင်အား အတူတကွကြည်ဖြူပူဇော်သောနေ့၊ နတ်လူအများ ဘုရားဆုပန် သောနေ့စသော ဂုဏ်ထူးဝိသေသအဖုံဖုံနှင့် ပြည့်စုံသော နေ့ထူးနေ့ မြတ်ပင်ဖြစ်ပါသည်။


ဤကဲ့သို့နေ့ထူး၊ နေ့မြတ်မှာ တရားချစ်ခင် သူတော်စင်အပေါင်းတို့အား တရားတော်များနာယူ ကြည်ညိုနိုင်ကြပါရန် တိုက်တွန်းနှိုးဆော်အပ်ပါသည်။



ဘလော့မှာ ဖွင့်၍ နားကြားမရပါက တိုက်ရိုက်ဒေါင်းလုပ်ချ၍ နာကြားကြပါ။


ပဋ္ဌာန်းဒေသနာတော်၊

ဝါကျွတ်လေတိုင်း မျက်ရည်ဝိုင်း၊

မိဘမေတ္တာ သားလိမ္မာ၊


သာသနာတော်နှစ်(၂၅၅၂) ခုနှစ်၊ ကောဇာသက္ကရာဇ်(၁၃၇၀)ခုနှစ်၊ သတင်းကျွတ်လပြည့်နေ့၊
၁၄.၁၀.၂၀၀၈ (အင်္ဂါ) နေ့တွင်ကျရောက်သော “အဘိဓမ္မာအခါတော်နေ့” အတွက် ဓမ္မဒါနပြု ရေးသားလိုက်ရပါသည်။


ကိုးကားချက်။ ။ဓမ္မပိယဆရာတော်အရှင်သံဝရာလင်္ကာရ (“သီတင်းကျွတ်လပြည့်နေ့ သို့မဟုတ်” စာစောင်မှ)၊

ပဋ္ဌာန်းဒေသနာတော်၊

အခါအားလျော်စွာ တရားနာကြားခြင်းသည်
ကောင်းမြတ်သော မင်္ဂလာတရားဖြစ်၏။

“၀ါကျွတ်လေတိုင်း မျက်ရည်ဝိုင်း”

အရှင်အာစာရလင်္ကာရ ဟောကြားတော်မူသော “၀ါကျွတ်လေတိုင်း မျက်ရည်ဝိုင်း” တရားတော်ဖြစ်ပါတယ်။

မိဘမေတ္တာ သားလိမ္မာ၊

အရှင်သုဇာတ ဟောကြားသော “မိဘမေတ္တာ သားလိမ္မာ” တရားတော်ဖြစ်ပါတယ်။ အချိန် ၁ နာရီပဲ ဟောကြားထားတာပါ။ စာဖတ်သူများ နာကြားကုသိုလ်ယူနိုင်စေရန် ဓမ္မဒါနပြုအပ်ပါတယ်။ ဘလော့မှ ဓမ္မတေးသီချင်းကို ညာဘက်အစွန်ဆုံးကော်လံ “ချမ်းသာကိုယ်စိတ်မြဲပါစေ” ခေါင်းစဉ်အောက်မှ ဘုရားခန်းပုံမှာ ပိတ်ထားနိုင်ပါတယ်။

“မိဘဟူသည်…”

မိကိုညာက၊ ဖကိုလက်ဝဲ၊ ကိုင်ဆွဲချီလျက်၊ ပခုံးထက်ဝယ်၊ အသက်ဆုံးအောင်၊ မြတ်နိုးဆောင်၍၊ အခေါင်အဖျား၊ လုပ်ကျွေးငြားလည်း၊ မွေးဖွားပိုက်ကျိုး၊ ရှေ့တင်ပိုးသည်၊ ကျေးဇူးလက်ပြိုင်၊ မဆပ်နိုင်ခဲ့။

(မဃဒေ၀)

မိဘနှစ်ပါးသည် မိမိတို့၏ သားသမီးများကို ကာလလရေကြည် သန္ဓေတည်စကတည်းက စတင်စောင့်ရှောက်ခဲ့သည်မှာ မိမိတစ်ဘ၀အတွက် ခန္ဓာချုပ်ငြိမ်းသည့် တိုင်အောင်ဖြစ်သည်။ မိဘတို့၏ မေတ္တာ၊ ကရုဏာ၊ စေတနာတရားသည် သားသမီးများ အတွက် အနန္တကျေးဇူးတရားများပင်ဖြစ်သည်။ သားသမီးများအပေါ် မိဘ၏ အေးမြသန့်စင်ကြည်လင်



သော မေတ္တာတရားမည်သည် လျော့နည်းသွားခြင်းမရှိပေ။ ဗြဟ္မာများ၌ မေတ္တာ၊ ဂရုဏာ၊ မုဒိတာ၊ ဥပေက္ခာတည်း ဟူသော ဘာဝနာတရားလေးပါး မကင်းမကွာ အမြဲရှိနေ သကဲ့သို့ ထိုနည်းတူ မိဘများမှာလည်း သားသမီးများအပေါ်၌ ထိုဘာဝနာတရားလေးပါး မစွန့်ခွာဘဲ အမြဲဖြစ်ပွားလျက် ရှိနေခြင်းကြောင့်(တစ်နည်း) ဗြဟ္မ၀ိဟာရတရားလေးပါး အစဉ်ဖြစ်ပွား လျက်ရှိသောကြောင့် “ဗြဟ္မာတိ၊ မာတာ၊ ပီတရော” အမိအဖတို့မှာ ဗြဟ္မာများပင်ဟု ဘုရားရှင်ဟောကြားတော်မူခဲ့ပါသည်။ မိဘတို့သည်သားသမီးများကို ကလေးဘ၀၌ပင် စကားတတ်အောင်၊ ၀တ်တတ်အောင်၊ စားတက်အောင်၊ လိမ္မာယဉ်ကျေးအောင်၊ ဘုရားရှိခိုးတတ်အောင်၊ ရဟန်းသံဃာတော်များနှင့် စကားပြောတတ်အောင် သင်ပေးကြသည်။ ထို့ကြောင့် မိဘတို့မှာ သားသမီးတို့၏ ပုဗ္ဗါစရိယ (လက်ဦးဆရာ)လည်းမည်သည်။ လောကတွင် ရုပ်ပမာဏအားဖြင့် အကြီးဆုံးဟု ယူဆကြသော မြေကြီး၊ စကြ၀ဠာ၊ မြင့်မိုရ်တောင်နှင့် သမုဒ္ဒရာစသည်တို့သည် မိဘတို့၏ ကျေးဇူးတရားပမာဏနှင့် နှိုင်းယှဉ်သော် ၀ါးရွက်၊ အပ်နဖါး၊ နွားချို၊ မိုးရေပေါက်စသည့် ပမာဏသာဖြစ်ချေတော့သည်။ သို့ဖြစ်၍ မိဘတို့၏ ကျေးဇူးဂုဏ် ကားဆပ်၍ပင် မကုန်နိုင်ပါ။
မိဘတို့၏ကျေးဇူး၊ မေတ္တာတို့ကို အဖန်ဖန်ပွားများ သတိတရားရှိနေဖို့ လိုပါသည်။ မိဘတို့ရှိစဉ် အခါတွင် မေတ္တာစိတ်၊ ကြင်နာစိတ်၊ ကရုဏာ၊ စေတနာတို့ဖြင့် ပြန်လည်ပြုစု စောင့်ရှောက်ကြရမည်။ မိမိတို့အပေါ်၌တင်ရှိသော မိဘတို့၏ဂုဏ်ကျေးဇူးမှာ လွန်စွာများပြား သောကြောင့်လည်းကောင်း၊ ကျေးဇူးဂုဏ်ကြီးမားလှသော မိဘတို့ကို လုပ်ကျွေးပြုစုခြင်းဖြင့် အလွန်အကျိုးကြီး မြတ်သောကြောင့်လည်းကောင်း၊ မိဘတို့သည် အမှန်တကယ်လုပ် ကျွေးပြုစုထိုက်သော ကျေးဇူးရှင်ပုဂ္ဂိုလ်ကြီးများ ဖြစ်ပါသည်။ ဤမျှကျေးဇူးဂုဏ်ကြီးမားလှသော မိဘများကို လောကီနည်းဖြင့် ဆပ်မည်ဆိုလျှင် ဘယ်နည်းနှင့်မျှဆပ်၍မကျေနိုင်ကြောင်း မြတ်ဗုဒ္ဓဟောကြားတော်မူခဲ့ပါသည်။ လူ့သက်တမ်းတစ်ရာတမ်းတွင် အသက်တစ်ရာရှည်သူသည် မိဘကျေးဇူးကျေအောင်ဆပ်မည်ဟု လက်ယာပခုံးပေါ်၌ အမိကိုတင်၊ လက်ဝဲပုခုံးပေါ်၌ အဘကိုတင်လျက် ထိုအနှစ်တစ်ရာပတ်လုံး ပြုစုလုပ်ကျွေးသော်လည်း မကျေနိုင်ကြောင်း၊ သဒ္ဓါ၊ သီလ၊ စာဂ စသော သူတော်ကောင်းတရားများ မရှိသေးသည့် မိဘတို့ကို သဒ္ဓါ၊ သီလ၊ စာဂ၊ ပညာတို့ဖြင့် ပြည့်စုံစေရန် လောကုတ္တရာ အကျိုးအတွက် ပြုလုပ်ပေးခြင်းဖြင့်သာ ကျေးဇူးဆပ်ရာရောက်ကြောင်း မြတ်ဗုဒ္ဓက မိဘကျေးဇူးဆပ်နည်းကို ဟောကြားတော်မူခဲ့ပါသည်။
ဥစ္စာတွေ ဘယ်လောက်ပေါပေါ၊ ရုပ်တွေဘယ်လောက်ချောချော၊ ပညာတွေဘယ် လောက်တက်တက်၊ ဆွေမျိုး အသိုင်းအ၀န်းတွေ ဘယ်လောက်တောင့်တောင့်၊ ရာထူးတွေ ဘယ်လောက်ပဲကြီးကြီး… ဒါတွေအားလုံးဟာ မိဘနှစ်ပါးက ပေးခဲ့တဲ့ အမွေတွေပါ။ ထို့ကြောင့် စကား တစ်ရပ်ရှိခဲ့ဖူးပါသည်။

~ မိဘရဲ့မေတ္တာကို ကောင်းကင်က လမင်းကြီးနဲ့ မနှိုင်းပါနဲ့။ မိဘရဲ့မေတ္တာဟာ လမင်းကြီးနဲ့ မတူနိုင်ပါဘူး။

~ လမင်းကြီးမှာတော့ လသာရက်၊ လမိုက်ရက်ဆိုတာ ရှိပေမယ့် မိဘနှစ်ပါးမှာတော့ မေတ္တာ ကင်းတဲ့ ရက်ဆိုတာ မရှိနိုင်လို့ပါပဲ။

~ မိဘရဲ့မေတ္တာကို တောတောင်လျှိုမြောင်ကြားက စမ်းရေနဲ့ မနှိုင်းပါနဲ့၊ မိဘရဲ့မေတ္တာဟာ စမ်းရေနဲ့ မတူနိုင်ပါဘူး။

~ စမ်းရေဟာ တစ်ခါတစ်ရံမှာ ခမ်းခြောက်သွားတတ်ပေမယ့် မိဘရဲ့မေတ္တာဟာ ဘယ်တော့မှ ခန်းခြောက်မသွားလို့ပါပဲ။

~ မိဘရဲ့မေတ္တာကို သိပ်လှတဲ့ပန်းပွင့်တွေနဲ့ မနှိုင်းပါနဲ့၊ မိဘရဲ့မေတ္တာဟာ ပန်းပွင့်လေးတွေနဲ့ မတူနိုင်ပါဘူး။

~ ပန်းတွေဟာ မကြာမီနွမ်းခြောက်သွားတတ်ပေမယ့် မိဘနှစ်ပါးရဲ့ ရင်တွင်းက မေတ္တာပန်းပွင့် တွေကတော့ ဘယ်တော့မှ နွမ်းခြောက်မသွားလို့ပါပဲ။

~ မိဘရဲ့မေတ္တာကို သိပ်လုံခြုံတဲ့ အိမ်ကလေးတွေနဲ့လည်း မနှိုင်းပါနဲ့၊ မိဘရဲ့မေတ္တာဟာ အိမ်ကလေးတွေနဲ့ မတူနိုင်ပါဘူး။

~ အိမ်ကလေးတွေဟာ အချိန်ကြာလာတာနဲ့အမျှ အိုမင်းယိုင်နဲ့သွား တတ်ကြပေမယ့် မိဘနှစ် ပါးရဲ့မေတ္တာကတော့ ဘယ်တော့မှ အိုမင်းမသွားကြလို့ပါပဲ။

ဤသို့ဖြင့် မိဘများအပေါ် စားရေး၊ ၀တ်ရေး၊ နေရေး၊ ကျန်းမာရေးအတွက် အတက်နိုင်ဆုံး စီမံဆောင်ရွက်ကာ ကျေးဇူးဆပ်သင့်သလို သဒ္ဓါ၊ သီလ၊ စာဂ၊ ပညာ တရားလေးဖြာနှင့်လည်း ပြည့်စုံအောင်ဆောင်ရွက်ပေးပြီး အမေ၏ နို့နှစ်လုံးဖိုးနှင့် အဖေ၏ ချွေးဖိုးကျေအောင် ဆပ်နိုင်သည့် သားကောင်းသမီးများ ဖြစ်ကြရအောင် ကြိုးစားကြပါစို့။…..။


“မေတ္တာစိတ်မြတ်၊ အအေးဓာတ် လွှမ်းပတ်ကမ္ဘာခြုံပါစေ…”



ကိုးကားချက်။ ။ “အသက်ပေးပြီးချစ်တဲ့ အမေ” ( အရှင်အာစာရလင်္ကာရ )။

“သာသနာ့အခြေခံ” ( ဦးသက်စိန် )။