အမေး အဖြေ(၇)၊

ဗုဒ္ဒဘာသာ ကျွန်တော်တို့လူမျိုးတွေက ဘုရားရှင်ရဲ့ မူရင်းပုံရိပ်ကို မကိုးကွယ်ပဲ ဘာကြောင့် စေတီတွေကိုပဲ တည်ထားကိုးကွယ်နေတာလဲ.. မူရင်း ဘုရားရဲ့ပုံရိပ်စစ်ကို ကိုးကွယ်ရင်မကောင်းဘူးလား.. အခုဗုဒ္ဒဘာသာမှာ ကိုးကွယ်နေတာတွေက စေတီတွေဆိုလည်း အမျိုးမျိုးပုံစံတွေနဲ့ ထိုင်းနိုင်ငံ တရုတ်နိုင်ငံ စသဖြင့် ဗုဒ္ဒဘာသာ နိုင်ငံတွေမှာ ကိုးကွယ်နေကြတဲ့ စေတီတွေဟာ အမျိုးမျိုးပုံစံတွေ ဖြစ်နေကြတယ်.. ဘာကြောင့် ဒီလိုတွေဖြစ်ရတာလဲ... ဗုဒ္ဒဘုရားပုံစံဟာ တစ်မျိုးတည်းပဲရှိမနေပဲ အသွင်အမျိုးမျိုးကိုးကွယ် နေခြင်းအားဖြင့် အခြားသော ဘာသာဝင်တွေက မိမိတို့အပေါ်မှာ ဘယ်လိုတွေမြင်ကြမလဲ... ဒါလေးကိုသိချင်လို့ပါ...
မျိုးချစ်

မေးထားတဲ့ အကြောင်းလေးတွေ ကောင်းပါတယ်။ ပထမဆုံး ဘာ့ကြောင့် စေတီတွေကိုပဲ တည်ထားကိုးကွယ် နေတာလဲ ဆိုရာမှာ… စေတိယ= စေတီ ဆိုတာ မူလအနက်အရ လူတို့အမြတ်တနိုး ရှိခိုးဦးချ ကိုးကွယ်ကြတဲ့၊ အရိုအသေပြုအပ်တဲ့ အရာ၊ ဌာန မှန်သမျှကို ဆိုလိုပါတယ်။ ဗုဒ္ဓရဲ့ ဓာတ်တော်မွေတော်၊ အသုံးအဆောင်များ တွေကို ဌာပနာထားတဲ့ သာသနိက အဆောက်အဦးများနဲ့ ဌာပနာမပါပေမယ့် ဗုဒ္ဓကိုရည်မှန်း ဆောက်လုပ်ထားတဲ့ သာသနိက အဆောက်အအုံများကိုလည်း စေတီလို့ သတ်မှတ်ကြပါတယ်။ ဟိုအရင်က ဝေသာလီပြည်ကြီးရဲ့ အနီးပတ်ဝန်းကျင်မှာ အမျိုးမျိုးသော အရာဌာနတွေကို စေတီလို့ သမုတ်ပြီး ကိုးကွယ်ခဲ့တာကြောင့် စေတီတွေ များစွာရှိခဲ့တယ်။ အချို့စေတီတွေက နတ်ဘီလူးကြီးတွေကို ရည်မှတ်ပြီး တည်ဆောက်ထားတဲ့ နတ်ကွန်း တွေဖြစ်တယ်။ အချို့တော့ နတ်ကြီးတယ် ဆိုပြီး မခူးကြနဲ့ မဖျက်ဆီးကြနဲ့ စသဖြင့် သီးခြားသတ်မှတ်ထားတဲ့ ဥယျာဉ်ကြီးတွေဖြစ်တယ်။ အချို့စေတီတွေဟာ တောင်တွေ၊ တောတွေဖြစ်တယ်လို့ ဆိုပါတယ်။ ထေရဝါဒဗုဒ္ဓ ဘာသာဝင်တွေ အရိုအသေ အလေးအမြတ်ပြုကြတဲ့ သာသနာတွင်း စေတီတွေကတော့-


၁။ ဓာတုစေတီ- ဘုရား၊ ရဟန္တာများ၏ ဓာတ်တော်များ။
၂။ ဓမ္မစေတီ- ဘုရားရှင် ဟောကြားခဲ့သောတရားတော်များ။
၃။ ပရိဘောဂစေတီ- ဘုရားရှင် သက်တော်ထင်ရှားရှိစဉ်က သုံးဆောင်ခဲ့သော အသုံး အဆောင်များ။
၎။ ဥဒ္ဒိဿကစေတီ- ဘုရားရှင်ကို ရည်မှန်းပြီး ထုလုပ်ထားသော ရုပ်ပွားဆင်းတုတော် များ။

စသဖြင့် စေတီလေးမျိုးရှိတယ်။ ဒါကြောင့် ရုပ်ပွားတော်၊ ပုံတော်များမှအစ ဘုရားပုထိုးများတိုင်အောင် စေတီလို့ ခေါ်နိုင်ပါတယ်။ မူရင်းပုံတော်ဆိုရာမှာလည်း ရည်မှန်းပူဇော်ရတဲ့ စေတီထဲမှာ ပါတယ်လို့ ဆိုနိုင်တယ်။ ဒီနေရာမှာ အဓိက သိရမှာက ပုံတော်တွေ၊ ဆင်းတုတော်တွေ၊ ရုပ်ပွားတော်ဆိုတဲ့ အရာဝတ္ထုကို မြင်ပြီး ရှိခိုး ပူဇော်ရမှာ မဟုတ်ဘူးဆိုတဲ့ အချက်ပါပဲ။ ပုံတော်၊ ဆင်းတုတော် ဘာကိုပဲ ရှိခိုးရပေစေ ဘုရားရှင် ကိုယ်တော် တိုင် သက်ရှိထင်ရှားရှိသလို ရည်မှန်းထားရမယ်။ ဘုရားရှင်ရဲ့ ဂုဏ်တော်တွေ၊ မေတ္တာတော်၊ မဟာကရုဏာ တော်တို့ကို ရည်မှန်းပြီးတော့ ရှိခိုးပူဇော်ရမှာပါ။ ဒါတွေက ကိုသိပြီး ကိုးကွယ်ဖို့က အရေးကြီးပါတယ်။

စေတီတွေကို ပုံစံအမျိုးမျိုးနဲ့ ကိုးကွယ်ကြတယ် ဆိုရာမှာ- ထိုင်း၊ တရုတ် တွေကျတော့ သူတို့ ပုံစံနဲ့ သူတို့ အနုပညာ ပါဝင်အောင် တည်ထားကြ၊ ထုလုပ်တာလို့ ထင်ပါတယ်။ ဒါတွေကတော့ အနုပညာနဲ့ လူမျိုးတခုနဲ့ တခု အမြင်မတူကြတာကြောင့် ပုံစံတွေက ကွဲလွဲနေတယ်လို့ပဲ သုံးသပ်ပါတယ်။ အိန္ဒိယကလည်း သူတို့ လူမျိုးနဲ့ အနီးစပ်ဆုံး တူအောင် ထုကြတာပဲ။ တရုတ်မှာဆိုရင်လည်း အရင်က ဗုဒ္ဓသာသနာ ထွန်းကားတဲ့ အချိန်မှာ ဘုရားဆင်းတုတော် အကြီးကြီးတွေ ထုလုပ်ခဲ့ကြတယ်။ နောက်ပိုင်း သာသနာဆိုတာ ဘာမှန်းမသိတော့ အဲလို ဆင်းတု တော်ကြီးတွေ ခေါင်းပေါ်မှာ သိုင်းကားတွေ ရိုက်ကြတာပဲလေ။ ဘယ်လောက်ပဲ ပုံတွေ၊ ရုပ်ထုတွေ ရှိနေပါစေ၊ ဘယ်လိုပုံစံနဲ့ပဲ တည်ဆောက်နေကြပါစေ၊ နှလုံးသားမှာ ဘုရားမတည်သေးရင်တော့ အကျိုးမရှိတဲ့ လုပ်ရပ်တွေလို့ ဆိုရမှာပါပဲ။ ထေရ၀ါဒမှာ စေတီတည်တယ် ဆိုတာ အောက်ဆုံး ပန်တင်ခုံးကနေ အထက် စိန်ဖူးတော် အထိ အဓိပ္ပာယ်ရှိပါတယ်။ (ဓမ္မစေတီ ဆရာတော် ဟောကြားတဲ့ နှလုံးသားဝယ် ဘုရားတည် တရားတော်များ) ကို နာယူကြည့်ရင် သိနိုင်ပါတယ်။
အသွင်အမျိုးမျိုးကိုးကွယ် နေခြင်းအားဖြင့် အခြားသော ဘာသာဝင်တွေက မိမိတို့အပေါ်မှာ ဘယ်လိုတွေ မြင်ကြမလဲ ဆိုရာမှာ- သူတို့က အသွင်မျိုးမျိူး ကိုးကွယ်နေကြတာမြင်တော့ မရှင်းမလင်းဖြစ်ပြီး မေးလာမယ်လို့ ထင်ပါတယ်။ အချို့စာအုပ်တွေမှာ မေးထားတာတွေ ရှိပါတယ်။ ဘာလို့ အုတ်ပုံကို ရှိခိုးနေကြတာလဲ ဆိုတာမျိုးပေါ့။ ဒါကို သေချာရှင်းပြ ပေးလိုက်တော့ သူတို့ လက်ခံသွားကြတယ်ဆိုတာ ဖတ်ခဲ့ဖူးပါတယ်။ သူတို့တွေက သိချင်လို့ မေးလာခဲ့ရင် ကိုယ့်ဘက်က ဘာကြောင့်ကိုးကွယ်တယ်ဆိုတာ ရှင်းပြပေးရမယ်။ အထက်က ရေးခဲ့တဲ့ အချက်အလက်တွေနဲ့ ပြန်ပြောပြရမှာပေါ့။ သူတို့တွေ ဘာသာမှာလည်း ရုပ်ထုတွေ၊ ပုံတော်တွေ ကိုးကွယ်တာရှိတာပဲ။ ဒီတော့ ပုံတော်တွေ၊ ရုပ်ထုတွေ ကိုးကွယ်တာနဲ့ ပတ်သတ်လို့ နားလည်ကြမှာပါ။ အသွင် အမျိုးမျိုး ဖြစ်နေတာနဲ့ ပတ်သက်လို့လဲ အတိုက်ခံလုပ်မယ်တော့ မထင်ပါဘူး။ အဓိက ဘာသာရေး သိမ်းသွင်းမှုပဲ လုပ်လာကြမှာပါ။ ဒီတော့ ကိုယ့်ဘက်က ကာကွယ်ထိန်းသိမ်းဖို့ပဲလေ။
မရှင်းတဲ့ အချက်တွေပါရင် ပြန်မေးပါ။

ကောင်းကျိုးလိုရာ ဆန္ဒများ ပြည့်ဝနိုင်ကြပါစေ…


5 comments:

မငုံ said...

သိပ်ကောင်းတဲ့အဖြေပါ။ နှလုံးသားမှာ ဘုရားမတည်နိုင်သရွေ့တော့ အကျိုးမရှိဘူးဆိုတဲ့ စာကြောင်းကို သဘောကျသွားပါတယ်။

မဖူး said...

သိပ်ကောင်းတဲ့အဖြေပါ။ နှလုံးသားမှာ ဘုရားမတည်နိုင်သရွေ့တော့ အကျိုးမရှိဘူးဆိုတဲ့ စာကြောင်းကို သဘောကျသွားပါတယ်။

မေတ္တာရောင်ပြန် said...

အားရကျေနပ်ဖွယ်အဖြေတစ်ခုပါ။ မကြီး ၈ တန်းကျောင်းသူ ဘ၀တုန်းက ခရိယာန်ဘာသာ ကိုးကွယ်တဲ့ သူငယ်ချင်း တစ်ယောက်နဲ့ ဒီရုပ်ပွားတော်များ ကိုးကွယ်တာနဲ့ ပတ်သက်ပြီး စကားများဘူးတယ်။ သူက ဘာမဟုတ်တဲ့ ရုပ်ထုတွေကို ထိုင်ကန်တော့တယ်ဆိုပြီး စဖြစ်တာ။ ငယ်သေးတော့ နားမလည်ဘူး။ ဒါနဲ့ နင်တို့ဘုရားကမှာ ကြည့်ရတာ တော်တော်ဆိုးတယ်လို့လက်ဝါးကပ်တိုင်မှာ တင်ထားတဲ့ပုံကို (အမှန်တော့ စကားက ဒီထက်ကြမ်းသွားတယ်) ပြောလိုက်မိတယ်။ စကားနိုင်လိုချင်တဲ့ ဆန္ဒနဲ့ပေါ့။ အဲဒီအချိန်တုန်းက ဒီလိုအဖြေကို မသိခဲ့တာအမှန်ပါ။ အခုလို လေ့လာမှတ်သားလိုက်ရလို့ ကျေးဇူးတင်ပါတယ်။

ခင်မင်လေးစားတဲ့
မေတ္တာရောင်ပြန်

flowerpoem said...

"ပုံတော်၊ ဆင်းတုတော် ဘာကိုပဲ ရှိခိုးရပေစေ ဘုရားရှင် ကိုယ်တော် တိုင် သက်ရှိထင်ရှားရှိသလို ရည်မှန်းထားရမယ်။ ဘုရားရှင်ရဲ့ ဂုဏ်တော်တွေ၊ မေတ္တာတော်၊ မဟာကရုဏာ တော်တို့ကို ရည်မှန်းပြီးတော့ ရှိခိုးပူဇော်ရမှာပါ။ ဒါတွေက ကိုသိပြီး ကိုးကွယ်ဖို့က အရေးကြီးပါတယ် "
အမှန်ဆံးပါ ကိုအောင်ဦး ...

myochit said...

မသိတာ မရှင်းလင်းတာလေးတွေကို ရှင်းပြပေးလို့ ကျေးဇူးပါ ကိုအောင်ဦး... မသိတာတွေ မရှင်းလင်းတာတွေကလည်း လေ့လာမှုအရမ်းအားနည်းသေးလို့ပါ..သို့ပေမယ့်လည်းသိ သလိုလိုနဲ့ အဖြေမှန်ကို မတိကျပဲ မှတ်သားသွားမိရင် အမှားကိုပဲ အမှန်လို့ယူဆမိမှာဆိုးလို့ပါ...အခုလို သိတဲ့သူတွေကို မေးလိုက်တော့ ပိုပြီးတော့ ယုံကြည်ရတာပေါ့...ကျေးဇူးပါ...