လူသားတို့ကြီးပွားတိုးတက်ရေး ကျင့်စဉ်(၇)သွယ်။

ကမ္ဘာပေါ်တွင်ပေါ်ထွန်းခဲ့ကြသော ဘာသာရေးခေါင်းဆောင်တို့က လောကလူသားတို့ ကြီးပွားချမ်းသာရေးအတွက် မိမိတို့အမြင် မိမိတို့ရှု့ထောင့်အသီးသီးကနေ ဟောပြောညွှန်ပြခဲ့ကြပါသည်။ ထိုဘုရားတို့တွင် အိန္ဒိယတွင်ပေါ်ထွန်းခဲ့သော ဂေါတမဗုဒ္ဓသည် ပစ္စုပ္ပန်လက်တွေ့ လောကကြီးပွားချမ်းသာတိုးတက်ရေး၊ တမလွန်ဘ၀ကြီးပွားချမ်းသာတိုးတက်ရေး၊ နောက်ဆုံး ဘ၀လွတ်မြောက်ရေးတို့အတွက် နည်းလမ်းများ၊ ကျင့်စဉ်များကို သုတ္တန်ဒေသနာတော်ဖြင့်တစ်မျိုး၊ ၀ိနည်းဒေသနာဖြင့်တစ်သွယ်၊ အဘိဓမ္မာနည်းဖြင့်တစ်ဖုံ နည်းမျိုးစုံဖြင့် လမ်းညွှန်ဟော ကြားခဲ့ပါသည်။


ဂေါတမဗုဒ္ဓက“အတ္တဟိ အတ္တနော နာထော” မိမိကိုယ်ကို အားကိုလုပ်ပါ၊ ဆုတောင်း၍မရ လုပ်မှရမည်။ လုပ်ရာတွင်ကံ၊ ဉာဏ်၊ ၀ိရိယ၊ ဉာဏ်နှင့်ယှဉ် လုံ့လ၀ိရိယဖြင့် ကံဆိုသော အလုပ်ကို ကြိုးစားလုပ်ပါ။ ဤသို့လုပ်ဆောင်သောသူသည် ပစ္စုပ္ပန၊် တမလွန် ဘ၀သံသရာ အဆက်ဆက်တို့၌ ကောင်းကျိုးအစဉ်အဆက် ရရှိခံစားရပြီး နောက်ဆုံးချမ်းမြေ့ငြိမ်းအေးရာ နိဗ္ဗာန်သို့ရောက်မည်ဟု ဟောကြားထားပါသည်။ ဘ၀တိုးတက်ကြီးပွားရေးအတွက် ကျင့်စဉ် (၇)ချက်မှာ-

(၁) ထကြွလုံ့လရှိရမည်။

(၂) သတိရှိရမည်။

(၃) စင်ကြယ်သောကိုယ်မှု၊ နှုတ်မှု၊ ကြံစည်မှု ရှိရမည်။

(၄) စူးစမ်းဆင်ခြင် စီစစ်၍ ပြုလုပ်တက်ရမည်။

(၅) စောင့်စည်းသောဣနြေ္ဒရှိရမည်။

(၆) တရားသဖြင့် အသက်မွေးရမည်။

(၇) မမေ့မလျော့ရှိရမည်။


ထကြွလုံ့လလုံမှု၊

လောကီလောကုတ်နှစ်ဖြာသော အကျိုးစီးပွားကို အလိုရှိကြသော သူတို့သည် ထကြွလုံ့လရှိမှု၊ ကြိုးစားဆောင်ရွက်မှု၊ အားထုတ်ထက်သန်မှုများ ရှိရန်အထူးလိုအပ်လှပါသည်။ ပျင်းရိသောသူအား အဘယ်မှာ အတက်ပညာတက်ပါအံ့နည်း။ အတက်မရှိသောသူအား ဥစ္စာဘယ်မှာ ရပါအံ့နည်း။ ဥစ္စာမရှိသောသူအား အဆွေခင်ပွန်း အဘယ်မှာရပါအံ့နည်း။ အဆွေခင်ပွန်းမရှိသော သူအား ချမ်းသာအဘယ်မှာ ရပါအံ့နည်း။ ချမ်းသာမရှိသောသူအား ကောင်းမှုအဘယ်မှာရှိပါအံ့နည်း။ ပညာရှာရာတွင်ဖြစ်စေ။ ဥစ္စာရှာရာတွင်ဖြစ်စေ၊ ကုသိုလ်ရှာရာတွင်ဖြစ်စေ၊ လုံ့လ၀ီရိယ ဇွဲသတ္တိသည် လိုအပ်သည်သာဖြစ်ပါသည်။ ထိုသို့ရှိပါမှ ဥစ္စာချမ်းသာ၊ နတ်ချမ်းသာ၊ လူချမ်းသာ၊ နိဗ္ဗာန်ချမ်းသာတို့ကို ရရှိခံစား ကြရပါမည်။


သတိရှိခြင်း၊

သတိဟူသည် ပိုသည်မရှိ၊ လိုသည်သာ ရှိပါသည်။ မိမိ၏လုပ်ငန်းတစ်ခုကောင်း၊ မကောင်း၊ သင့်၊ မသင့်၊ တော်၊ မတော်၊ ဖြစ်နိုင်၊ မဖြစ်နိုင်ကို စိစစ်ဆောင်ရွက်ကြရာဝယ် သတိတရားသည် အလွန်လိုအပ်ပါသည်။ သတိမမူ ဂူမမြင်၊ သတိမူတော့ မြူမြင်သည်ဟူ၍ ပညာရှိတို့ ဆိုထားပါသည်။ မတက်ကျွမ်း၊ နားမလည်သေးသောအလုပ်များကို လုပ်ကိုင်ဆောင်ရွက်ကြရာဝယ် တက်ကျွမ်းနားလည်မှုရရှိအောင် သတိထား၍ ကြည့်ရှုလေ့လာစူးစမ် ဆင်ခြင်ရပါသည်။ ဗိုလ်ငါးပါးတွင် အထိန်းအချုပ်အင်အားအဖြစ် အမြဲလိုအပ်နေသော လက်ကိုင်စွဲတရား ဖြစ်ပါသည်။


စင်ကြယ်စွာဆောင်ရွက်ခြင်း၊

ဘ၀၏ပညာရေး၊ ကြီးပွားရေး၊ တိုးတက်အောင်မြင်နိုင်ရေးအတွက် ကာယကံ၊ ၀စီကံ၊ မနောကံ များသည် အဓိကအရေးကြီးဆုံးသော သော့ချက်ကြီးများ ဖြစ်ကြပါသည်။ ကာယကံ၊ ၀စီကံ၊ မနောကံတို့ဖြင့် စင်ကြယ်စွာ မှန်မှန်ကန်ကန်ဆောင်ရွက်သူများသည် ကောင်းသောအကျိုးကျေးဇူးကို ရရှိရာတွင် အချိန်ကြာမြင့်မှရတက်ပါသည်။ သို့သော်အကျိုးပေးချိန်ရောက်သော် ကြာရှည်စွာ အကျိုးပေးတက်သော သဘောရှိပါသည်။ ကာယကံ၊ ၀စီကံ၊ မနောကံ စင်ကြယ်စွာမရှိ ကောက်ကျစ်လိမ်ညာ၍ ပြုမူ၊ ပြောဆို၊ ကြံစည်သူတို့သည် တစ်ခါတစ်ရံ အပေါ်ယံ တခဏချင်းအားဖြင့် အကျိုးရရှိသည်။ အကျိုးပေးကောင်းသည်ဟု ဆိုနိုင်သော်လည်း ကြာရှည်မခံပေ၊ အကျိုးပေးမမြဲပါ။ ရေရှည်အားဖြင့် အခံရဆိုးသော စိတ်ညစ်စိတ်ဆိုး ဖွယ်ရာသာယာမှုမရှိသော ဆိုးကျိုးကိုသာ ရရှိပါသည်။ ထို့ကြောင့် တခဏ အကျိုးကိုသာ မကြည့်ရ။ ရေရှည်အကျိုးကိုကြည့်၍ ကာယကံ၊ ၀စီကံ၊ မနောကံ ဒုစရိုက်တို့ကို ရှောင်ကြဉ်ရ မည်ဟူ၍ ဗုဒ္ဓကဟောကြားထားခြင်း ဖြစ်ပါသည်။ လူ၏စိတ်သည် “ပါပသ္မိံရမတိ မနော” မကောင်းမှု၌ မွေ့လျော်တက်သည်ဖြစ်၍ ကာယကံ၊ ၀စီကံ၊ စင်ကြယ်ဟန် ဖြောင့်မတ်ဟန်ရှိ သော်လည်း မနောကံမှုကား ဖြောင့်မတ်ရန် ခဲယဉ်းလှပါသည်။ လိမ်ညာကောက်ကျစ်သော စိတ်၊ သူတစ်ပါးကို မနာလိုသောစိတ်၊ သူတစ်ပါးကို မရစေချင်၊ မိမိသာရလိုသော ၀န်တိုစိတ်၊ ထောင်လွားသောစိတ်တို့သည် အပြင်ကမမြင်နိုင်သော်လည်း မျက်စိတ်တမှိတ် လျှပ်တပြက် အတွင်းဖြစ်ပေါ်တက်သဖြင့် စိတ်စင်ကြယ်မှုကို အထူးသတိထားကြရသည်။


စူးစမ်းဆင်ခြင်ခြင်း၊

အချိန်အခါနှင့် အခြေအနေကို စပ်ဟပ်၍ စိစစ်စူးစမ်းဆင်ခြင်ခြင်းသည် အခက်အခဲ ပြဿနာများကို ဖြေရှင်းနိုင်ပြီး လိုအပ်သောအကျိုးကျေးဇူးကို ရရှိနိုင်ပါသည်။ အဘိဓမ္မာသဘာဝအရ ပညိနြေ္ဒစေတသိတ်နှင့်ယှဉ်၍ စီစဉ်ဆောင်ရွက်ရန်ဖြစ်ပါသည်။ ပညာစေတသိတ်ရှင်သန်အား ပြင်းစေရန် ပညာရှိသူတော်ကောင်း လူလိမ္မာများနှင့် ပေါင်းသင်းဆက်ဆံ၍ ပညာဗဟုသုတတို့ကို ဆည်းပူးထားရပါမည်။ ထိုသို့ပညာရှိပြီး ပညာနှင့် စူးစမ်းဆင်ခြင်တက်သော် မိမိလိုအပ်သော အကျိုးများ ပြီးစီးစေနိုင်ပါသည်။


ဣနြေ္ဒစောင့်စည်းခြင်း၊

သက်ရှိသတ္တ၀ါတို့တွင် မျက်စိ၊ နား၊ နှာခေါင်း၊ လျှာ၊ ကိုယ်၊ စိတ်ဟူသော ဣနြေ္ဒ(၆)ပါးရှိသည်။ ပစ္စုပ္ပန်ဘ၀ နောင်တမလွန် ဘ၀သံသရာ အဆက်ဆက် ဘ၀ကောင်းကျိုးချမ်းသာများကို ရရှိခံစားကြသောသူတိုင်း ဣနြေ္ဒ(၆)ပါးကို သူ့နေရာနှင့်သူ ထိန်းကွပ်စောင့်စည်းတက်ရပါမည်။ အရေးကြီးသော လုပ်ငန်းကိစ္စရပ်များကို ဆောင်ရွက်နေစဉ်အတွင်း အဆင်း၊ အသံ၊ အနံ့၊ အရသာ၊ အတွေ့အထိအာရုံတို့ကို တပ်မက်မှုနည်းနိုင်သမျှ နည်းပါးရပါမည်။ တစ်ဘက်က ထိုအာရုံများကို စွဲမက်လိုက်သည်နှင့် တပြိုင်နက်ထဲ မိမိလုပ်ငန်းဆောင်ရွက်မှုများအပေါ်၌ စူးစိုက်မှုအားနည်းသွားတက်၍ လုပ်ငန်းအောင်မြင်မှု နှောင့်နှေးသွားတက်ပါသည်။


တရားသဖြင့်အသက်မွေးခြင်း၊

မတရားသဖြင့် အသက်မွေးမှုတွင် တစ်ခါတစ်ရံအကျိုးတရားကား ရလွယ်ကောင်း၏။ သို့သော် ကြာရှည်မခံပါ။ မြန်မြန်ပျက်စီးနိုင်ပါသည်။ မတရားပြုထားက စိုးရိမ်ပူပန်ရသည်။ မိမိပြုသော မကောင်းမှုကံက တစ်ချိန်ချိန်တွင် မကောင်းကျိုးပြန်ပေးမည်သာဖြစ်သည်။ မိမိကာယ၊ ဉာဏ လုပ်အားဖြင့် ထိုက်သင့်သောအကျိုးအမြတ်ကိုသာ ယူရပါမည်။ အပြစ်ရှိ၍ အကောင်းကျိုးကို ဖြစ်စေသော အကုသိုလ်လုပ်ငန်းနှင့် အနိုင်အထက်ပြု၍ မတရားပြုကာ စားသုံးခြင်း၊ ခေါင်းပုံဖြတ်အမြတ်ကြီးစားခြင်း၊ လုပ်အားစိုက်မထုတ်ဘဲ အချောင်ခိုရေသာလိုက်၍ အကျိုးအမြတ်ကို အဓမ္မရယူခြင်းသည် မတရားသော အသက်မွေးမှုများဖြစ်ကြပါသည်။ ယခင်ကောင်း၍
ယခုကောင်းသည်။ ယခုကောင်းမှနောင်ကောင်းမည်ဟု ဆိုသကဲ့သို့ ယခုပစ္စုပ္ပန်လုပ်ရပ်များက အပြစ်ကင်း၍ ကောင်းကျိုးပေးနိုင်သော ကုသိုလ်လုပ်ငန်းများဖြစ်လျှင် နောင်အခါအကျိုးပေးရာတွင်လည်း ကောင်းကျိုးများ ရနိုင်ပါသည်။


မမေ့မလျော့ခြင်း၊

ပညာရပ်များကို လေ့လာဆည်းပူးနေသော ကျောင်းသား၊ ကျောင်းသူများသည် လည်းကောင်း၊ ကျွမ်းကျင်မှုလုပ်ငန်းရပ်များ စူးစမ်းရှာဖွေ မှတ်သားရသော ပညာရပ်များ၊ အသက်မွေးဝမ်း ကျောင်းပညာရပ်များကို လေ့လာနေသော လုပ်သားများတို့သည်လည်းကောင်း၊ မိမိလုပ်ငန်းဆိုင်ရာ သင်ပြီး၊ တက်ပြီး၊ သိပြီးသောအချက်လက်များ မမေ့မလျော့စေရန် သတိမူနေစေရန် အလေ့အကျင့် ပြုဖန်များနေရပါမည်။ ကျွမ်းကျင်မှုရှိအောင် ထပ်ခါတလဲလဲ လေ့ကျင့်ပြုလုပ်ရပါမည်။ လောကတွင် မတက်ကျွမ်းသေးသော ပညာရပ်များ၊ နားမလည်သေးသော လုပ်ငန်းများ ဆက်လက်လေ့လာစရာ သိစရာပညာရပ်များ များစွာရှိနေပါသည်။ ထိုအရာများကို တက်ကျွမ်းနားလည်နိုင်သမျှ တက်ကျွမ်းနားလည်စေရန် ဂရုပြုမှတ်သားရမည်။ ပေါ့ပေါ့တန်တန် အမှုမဲ့ အမှတ်မဲ့ မနေရပါ။ အမြဲမမေ့မလျော့အောင် ကြိုးစားလေ့ကျင့် သင်ယူနေရပါမည်။ ရှင်မဟာရဋ္ဌသာရဆုံးမစာ၌ မိမိသိရှိပြီးသော ဗဟုသုတများ မမေ့မပျောက်စေရန်-

သုဏေယျ- ပညာဗဟုသုတများကို ကြားနာရမည်။

စိန္တေယျ- ကြောင်းကျိုးဆက်စပ် ကြံစည်ရမည်။

ပုစ္ဆေယျ- မှန်၊ မမှန်ပညာရှိများထံ ချဉ်းကပ်စုံစမ်းရမည်။

ဘာသေယျ- တက်ကျွမ်းသူများနှင့် ပြောဆိုဆွေးနွေးရမည်။

ဝိစာရေယျ- စေ့စပ်သေချာစွာ စီစစ်တက်ရမည်။

လိခေယျ- ရေးသားမှတ်သားရန်လိုက ရေးသားမှတ်သားရမည်။

သိက္ခယျ- လက်ထပ်သင်ကြားရန်လိုက သင်ကြားရမည်။

ဓာရေယျ- အာဂုံဆောင်ထားသင့် ဆောင်ထားရမည်။

ဤသို့လျှင် ဘုရားရှင်ဟောကြားခဲ့သော ဂါထာတော်အရ ဆောင်ရွက်ကျင့်ကြံလုပ်ကိုင်ရမည့် အချက်(၇)ချက်နှင့် ညီညွတ်စွာ လုပ်ကိုင်ကျင့်ကြံသော် အလုပ်ဟူသမျှ မုချအောင်မြင်ပြီး ကြီးပွားချမ်းသာကြမည်သာ ဖြစ်ကြပါသည်။
ထို့ကြောင့် ဘုရားဟော ထို(၇)ချက်ကို သေချာစွာစဉ်းစားပြီး ကြိုးစားအားထုတ်နိုင်ကြပါစေ။



မဟာသဒ္ဓမ္မဇောတိကဓဇ

တက္ကသိုလ် သျှင်သီရိ

(ဓမ္မစရိယ၊ ဘီအေ)


၂၀၀၈ခုနှစ်၊ သြဂုတ်လထုတ် ထေရ၀ါဒဓမ္မစာစောင် မှ ရေးသားလိုက်ပါသည်။

သာသနာသည် အဆောက်အအုံ မဟုတ်၊

ဗုဒ္ဓဘုရား၊ ပွင့်ငြားပေါ်လာ၊
ဟောကာညွှန်ကြား၊ တရားဒေသနာ၊
အကုသလ၊ ကုသလဓမ္မာ၊
သိခွင့်ထူး၊ ကျေးဇူးကြီးလှတာ။
~~~
ဘုရားဂုဏ်ထူး၊ ကျေးဇူးကိုရှာ၊
ဘယ်လိုနည်းနဲ့၊ အပြီးဆပ်မှာ၊
ပရိယတ်နှင့်၊ ပဋိပတ်နှစ်ဖြာ၊
မပြတ်ပွား၊ ဆပ်ငြားကျေးဇူးသာ။
~~~


သာသနာထဲ၊ ကြုံခဲကြုံလာ၊
ကြုံပါသော်လည်း၊ ပြုခဲပေရှာ၊
သတိရလို့၊ သိကြသော်သာ၊
ခွင့်သာခိုက်၊ ပြုလိုက်သာသနာ။


သာသနာပြုသည်ဆိုရာမှာ ဘုရားတည်၊ ကျောင်းဆောက်ပြီး လှူဒါန်းမှုပြုနေခြင်းမဟုတ်ပါ။ ယနေ့လူအတော်များများက ထိုကုသိုလ်အလုပ်ကိုပင် သာသနာပြုသည်ဟု ထင်မှတ်နေကြသည်။ ထိုအလုပ်များကို အကျိုးမရှိဟု ပြောခြင်းမဟုတ်ပါ။ သာသနာပြုခြင်း အစစ်မဟုတ်ဟုသာ ပြောခြင်းဖြစ်သည်။ တကယ့်သာသနာတည်မြဲအောင၊် ပြန့်ပွားအောင်၊ သန့်ရှင်းအောင် လုပ်ဖို့ဆိုတာ အဆောက်အအုံကြီးတွေက တက်နိုင်တာမဟုတ်ပါ။ ပရိယတ္တိသာသနာနှင့် ပရိပတ္တိကိုအခြေခံသော လမ်းမှန်သည့် ပဋိပတ္တိသာသနာကသာ သာသနာကို အရှည်တည်မြဲအောင် လုပ်နိုင်မှာဖြစ်ပါသည်။ ဥပမာ- ဒုတိယသင်္ဂါယနာတင်တဲ့အချိန်တုန်းက ဘုရားနှင့်တကွ ရဟန္တာကြီးများ သီတင်းသုံးနေထိုင်သွားတဲ့ သာဝတ္ထိဇေတ၀န် ကျောင်းတိုက်တော်ကြီး၊ ပုဗ္ဗာရုံ ကျောင်းတိုက်ကြီးများနှင့် ရာဇဂြိုလ်ပြည်က ဝေဠုဝန်ကျောင်းတော်ကြီးများက ထင်ရှားစွာကိုယ် စားပြုတဲ့ ပုဂ္ဂိုလ်ကြီးများပါတာ မတွေ့ရပါဘူး။ အကျင့်သီလနဲ့နေတဲ့ အခြားသော သာသနာ့ဝန်ဆောင် ရဟန်းတွေသာ ဦးဆောင်ပြီး သာသနာကို စောင့်ရှောက်တော်မူခဲ့ကြတာ တွေ့ရပါသည်။ ယခုခေတ်ကြည့်ရင်လည်း အင်ဒိုနီးရှားတို့၊ အာဖဂန်နစ္စတန်တို့ အစရှိတဲ့ နိုင်ငံတွေက အိန္ဒိယပြည်ကြီး တစ်ပြည်လုံးအနှံ့၊ ပါကစ္စတန် အစရှိတဲ့ ပြည်များမှာ ကျောက်စာ သုတေသနဋ္ဌာန အသီးသီးက ရှာဖွေတူးဖော်ကြရာ တစ်ပြည်လုံးအနှံ့ ဗုဒ္ဓနှင့်ဆိုင်ရာ ရုပ်ထုတော်များ၊ ပစ္စည်းများ၊ အဆောက်အအုံကြီးများ၊ စေတီကြီးများကိုတွေ့ရသော်လည်း ပြည်သူအများမှာ ဗုဒ္ဓဘာသာဟူ၍ တစ်ယောက်မျှပင် မတွေ့ရလောက်အောင် ရှိနေပြီမဟုတ်ပါလား။ ထို့ကြောင့် သာသနာတည်ဆောက်ဖို့ဆိုတာ အဆောက်အအုံတွေတိုးအောင်၊ ခံ့ညားအောင် လှပအောင် ပြုနေခြင်းသည် အဓိကမဟုတ်ပါ။ အများနားလည်နိုင်သော ပရိယတ္တိစာပေများ ပြန့်ပွားခြင်း၊ စာပေပရိယတ္တိ မှန်ကန်သော တရားတော်များကို လေ့လာနိုင်ခွင့်ရခြင်း၊ ကျင့်သုံးနေကြခြင်းသည်သာ ပဓာန ဖြစ်သည်။ ဤသို့ဆိုလျှင် ပရိယတ္တိ၊ ပဋိပတ္တိသာသနာသည်သာ လျှင် ဗုဒ္ဓမြတ်စွာသာသနာတော် အဓွန့်ရှည်ကြာ ပြန့်ပွားစေမည့် အဓိကအကြောင်းဖြစ်သည်။ ထို့ကြောင့် ပရိယတ္တိစာပေများကို မိမိတို့ကိုယ်တိုင် လေ့လာသိရှိထားဖို့ လိုအပ်ပါလိမ့်မည်။ ထို့အပြင် ပရိယတ်၊ ပဋိပတ် သင်ယူနေကြသော သံဃာတော်အရှင်မြတ်များကို မိမိတို့တက်အားသ၍ လှူဒါန်းမှုပြုလုပ်ခြင်း၊ လူအများတရားသိစေဖို့ တရားပွဲများပြုလုပ်ခြင်းသည်သာ သာသနာအတွက် ပိုမိုအရေးပါမည် ထင်မိပါသည်။

“စာဖတ်သူများ အသိအမြင်မှန်ရရှိကာ သာသနာအကျိုး၊ မိမိအကျိုးသယ်ပိုးနိုင်ပါစေ”


“သူတော်ကောင်းဓာတ် တရားမြတ် လွှမ်းပတ်ကမ္ဘာတည်စေသော်…။”



ကျမ်းကိုး။ ။ ကိုယ်ကျင့်အဘိဓမ္မာ (ကျေးဇူးတော်ရှင်မဟာဂန္ဓာရုံဆရာတော်ဘုရားကြီး)

ဘ၀အနှစ်သာရနှင့် ဘာသာအနှစ်သာရ…၊

ကျွန်တော်တို့တွေသည် ရခဲလှသော လူ့ဘ၀ကို ရရှိနေချိန်အတွင်း ဘ၀အနှစ်သာရ ကို ထုတ်ယူတက်ရန်လည်း အရေးကြီးပါသည်။ လူအများစုသည် မိမိတို့ဘ၀ စား၊ ၀တ်၊ နေရေး အတွက် စီးပွားရှာခြင်း၊ အလုပ်လုပ်ခြင်း များဖြင့်သာ အချိန်ကို အားလုံးအသုံးပြုနေကြပါသည်။ တကယ့် ဘ၀၏ အနှစ်သာရဟူသည် ကုသိုလ်တရားပင်ဖြစ်ပါသည်။ ပုထုဇဉ်၏စိတ်သည် အိပ်ပျော်နေချိန်မှတစ်ပါး ကုသိုလ်စိတ် (သို့မဟုတ်) အကုသိုလ်စိတ် တစ်မျိုးမျိုးက အမြဲတမ်းဖြစ်နေရသည်။ ကုသိုလ်စိတ်


များများဖြစ်ခြင်းသည် ဘ၀အနှစ် များများရခြင်းဖြစ်၏။ သနပ်ခါးပင်သည် နှစ်ကြာ လေလေ အနှစ်များပြီး အဖိုးတန်လေဖြစ်သကဲ့သို့ပင် မိမိဘ၀ကိုလည်း ထို့အတူဖြစ် အောင်ကြိုးစားရမည်။ ဘ၀၏အနှစ်သာရများကို ဖော်ပြရင်းပင် ထေရ၀ါဒဗုဒ္ဓဘာသာ၏ဖော်ဆောင်ချက်၊ အခြေခံအချက်အလက်များ တစ်ဆက်တည်း ပါဝင်သွားပါလိမ့်မည်။ ဘ၀၏အနှစ်သာရသုံးပါးကို…၊


“စည်းစိတ်ဥစ္စာ၊ အနှစ်ရှာပြုပါ ဒါနမှတ်၊


မိမိခန္ဓာ အနှစ်ရှာ၊ စောင့်ပါသီလမှတ်၊


အသက်ဇီဝါ အနှစ်ရှာ၊ ဘာဝနာဟုမှတ်၊

လှူပါ၊ စောင့်ပါ၊ ပွားများပါ၊ သုံးဖြာအနှစ်မှတ်”။

ဟူသော လင်္ကာအတိုင်း မှတ်သားရပါမည်။ ထိုသုံးပါးတို့တွင် စည်းစိမ်၏အနှစ်သာရကား ဒါနပြုခြင်းဖြစ်၏။ တချို့က ဒါနကို သံသရာရှည်စေတက်သော တရားဟုပြောတက်ကြပါသည်။ အမှန်တော့ ဒါနကား သံသရာမရှည်ပါ။ ဒါနပြုပြီး ဘုံဘ၀တွေ၊ လောကီစည်းစိမ်ချမ်းသာတွေကို တမ်းမက်သော တဏှာသည်သာလျှင် သံသရာကို ရှည်စေတက်ပါသည်။ ဒါနဟူသည် လောဘတဏှာကို ပါးသထက်ပါးစေသော အစွမ်းသတ္တိရှိသည်။ ငွေတစ်ထောင်ကို ပေးလှူလိုက်သော အလှူရှင်သည် ထိုငွေတစ်ထောင်အပေါ် တွယ်တာတပ်မက်သော လောဘတဏှာကို ပယ်သတ်နိုင် သောကြောင့်ဖြစ်သည်။ လူတစ်ဖက်ခန့်ရှိသော သစ်ပင်ကြီးတစ်ပင်ကို ဖြစ်ကြရာ၌ အဆင့်မြင့်သော စက်လွှနှင့်ဖြတ်လျှင် မြန်မြန်ပြတ်၏။ စက်လွှမပြောနှင့် ငမန်းစွယ်လွှကိုပင် မ၀ယ် နိုင်သော တောသူတောင်သားများကား ရဲဒင်းဖြင့်သာ ဖြည်းဖြည်းချင်း ဖြတ်ကြရသည်။ လက်နက်၏စွမ်းအားအလိုက် အနှေးနှင့်အမြန် ဖြတ်နိုင်မှုကား ကွာခြားပေလိမ့်မည်။ ထို့အတူ တဏှာ(လောဘ၊ လိုချင်တမ်းမက်မှု) ကိုပယ်သတ်ကြရာ၌ ရဲဒင်းနှင့်တူသော ဒါနဖြင့်ပယ်သတ်သူလည်းရှိသည်။ စက်လွှနှင့်တူသော မဂ်တရားဖြင့်ပယ်သတ်သူလည်းရှိသည်။ ဒါနဖြင့်လောဘကို ပယ်သတ်နေသူကို မဂ်တရားဖြင့် မပယ်သတ်ရကောင်းလောဟု အပြစ်မတင်အပ်ပေ။ အပြစ်ရှိသူကို သာလျှင် အပြစ်တင်ရသည်။ အကယ်၍ ပြစ်တင်ကဲ့ရဲ့လျှင်လည်း အဲဒီပုဂ္ဂိုလ်ရဲ့ သန္တာန်မှာရှိတဲ့ မစ္ဆရိယတရားဟာ အင်မတန်စက်ဆုပ်ဖို့ကောင်းတယ် စသောအားဖြင့် ကဲ့ရဲ့ရှုတ်ချရသည်။ အဲဒီပုဂ္ဂိုလ်ကတော့ နှမြောတယ် စသောအားဖြင့် လူကို ရည်ရွယ်၍ မပြောကောင်းပေ။ ယခုဘ၀၊ ယခုအချိန်မှာပင် ဘာသာတရားရဲ့ အနှစ်သာရကို သိပြီး ဒါန၊ သီလမှသည် မင်္ဂဉာဏ်၊ ဖိုလ်ဉာဏ် ထိရောက်အောင် ၀ိပဿနာဘာဝနာ အလုပ်ကိုလည်း မလွဲမသွေလုပ်ဆောင်ရပါမည်။ တချို့က ကောင်းတာလုပ်နေသော်လည်း ရခြင်းမကောင်းတာမျိုး ရှိတက်သည်။ ဒီအချက်ကို ပိုင်းခြားသိဖို့ အလွန်အရေးကြီးပါသည်။ စကားပုံလေးတစ်ခုနှင့် နှိုင်းယှဉ်ပါမည်။ “ဗောဓိပင်ပျိုးတော့ ခြေကျိုးရ၊ ဗောဓိကိုင်းချိုးတော့ ရွှေအိုးရတဲ့”။ “ဗောဓိပင်ပျိုး တော့ ခြေကျိုးရ” ဆိုတာ လူတစ်ယောက်ဟာ အများသူငါ ကုသိုလ်ပွားဖို့အတွက် ဗောဓိပင်စိုက်တယ်၊ အဲင်္ဒီလို ဗောဓိပင်ပျိုးတဲ့ အခါကျမှ တိုင်တစ်လုံးက ခြေထောက်ပေါ်ကျပြီး ခြေကျိုးသွားရတယ်။ အပေါ်ယံအမြင်တော့ ကုသိုလ်လုပ်လို့ ခြေထောက်ကျိုးရသလို ဖြစ်သွားတာပေါ့။ တကယ်တော့ အဲလိုမဟုတ်ပါ။ အဲဒီလူဟာ တကယ်လို့ဗောဓိပင်ပျိုးတဲ့ကုသိုလ်သာ မလုပ်ဘူးဆိုရင် သူဟာသေရမှာပါ။ သေရမဲ့ အကုသိုလ် ကံ ရှိနေပါတယ်။ ဒါပေမဲ့ ဗောဓိပင်ပျိုးတဲ့ ကုသိုလ်ကို အားထုတ်လိုက်တဲ့အတွက် သေရမယ့်ဆိုးကျိုးကနေ ခြေထောက်ကျိုးရတဲ့ ဆိုးကျိုးကိုလျော့သွားတာပါ။ “ဗောဓိကိုင်းချိုးတော့ ရွှေအိုးရ” ဆိုတာ လူတစ်ယောက်ဟာ ဘုရားနဲ့မခြား အများကိုးကွယ်နေကြတဲ့ ဗောဓိပင်က အကိုင်းတစ်ကိုင်းကို ချိုးပစ်လိုက်တယ်။ အဲဒီလို ချိုးပစ်လိုက်ခါမှ ဗောဓိပင်ပေါ်က ရွှေအိုးတစ်လုံးကျလာပြီးရသွားလို့ ချမ်းသာသွားပါတယ်။ ဒီမှာလည်း အပေါ်ယံကြည့်မယ်ဆိုရင်တော့ အကုသိုလ်လုပ်ခါမှ ကောင်းကျိုးပေးပြီး ချမ်းသာသွားသလို ဖြစ်နေတာပေါ့။ အမှန်က အဲဒီလူဟာ ဗောဓိပင်ကိုင်းချိုးတဲ့ အကုသိုလ်သာ မလုပ်ဘူးဆိုရင် ရွှေအိုးအလုံးပေါင်းမရေတွက် နိုင်အောင်ရရှိမယ့် ကုသိုလ်ကံတွေရှိနေပါတယ်။ ဒါပေမဲ့ ဗောဓိကိုင်းကိုချိုးတဲ့ အကုသိုလ်ကို ပြုလုပ်မိတဲ့အတွက် ကုသိုလ်အကျိုးတွေလျှော့သွားပြီး ရွှေအိုးအလုံးပေါင်းများစွာမရဘဲ တစ်လုံးသာရတာပါ။ အကုသိုလ်နှင့် အကျိုးပေးတယ် ဆိုသူများ ဒုတိယစကားပုံလေးကို သင်ခန်းစာများများယူသင့်ပါသည်။ ထို့ကြောင့် မိမိတို့တွေသည် ဘာသာတရား၏ အနှစ်သာရ ဖြစ်သော ဒါန၊ သီလ၊ ဘာဝနာ ကုသိုလ်အလုပ်တွေကို အမြဲလုပ်ဆောင်နေသင့်သည်။ ကောင်းမှုလုပ်နေသူ အဖို့ကောင်းကျိုးဆိုတာ ရှိနှင့်ပြီးသားပါ။ ယုံယုံကြည်ကြည်၊ လေးလေးစားစား လိုက်ပါလုပ်ဆောင်ကြပါ။



တစ်ခဏဖြစ်ရ၊ လူ့ဘ၀မှာ အနှစ်သာရရှိအောင်ကြိုးစား အားထုတ်ခြင်းဖြင့်၊ ဒုက္ခခပ်သိမ်းငြိမ်းအေးရာ နိဗ္ဗာန်သို့တိုင်အောင် တက်လှမ်းနိုင်ကြပါစေ…။



မှတ်ချက်။..။ အရှင်ဇ၀န(မေတ္တာရှင်)၏ “မျက်ရည်မကျခင်သိစေချင်” စာအုပ်ကို ကိုးကားရေးသားပါသည်။

ကျေးဇူးကြီးလှ မြတ်ဓမ္မ...

စာဖတ်သူ အစ်ကို တစ်ယောက်မှ ပေးပို့လာသော စာမူကို မူရင်းအတိုင်းဖော်ပြလိုက်ရပါသည်။





ဤကိုယ်တွေ့ဖြစ်ရပ်မှန် စာစုကို မြတ်စွာဘုရားအား ကျေးဇူးဆပ်သည့်အနေဖြင့် ရေးပါသည်။

ဤစာရေးသူသည် အာရုံစူးစိုက်မှု လျော့နည်းကျဆင်းခြင်းရောဂါဟု မြန်မာ အဓိပ္ပာယ်ရှိသော ADHD ရောဂါကို ငယ်စဉ် ကလေးဘ၀ကတည်းက ခံစားခဲ့ရသူ ဖြစ်ပါသည်။



ရောဂါ၏ ထိုးနှက်ခြင်းကို သိသိသာသာ ခံစားလာရသည်မှာ ၁၀ နှစ်အရွယ် ကတည်းက ဖြစ်ပါသည်။ ရလဒ်မှာ အတန်းထဲတွင် အမှတ်များ ကျဆင်းလာခြင်း၊ ပညာရည်ချွန်ဆုများ မရတော့ခြင်း၊ အာရုံမစိုက်နိုင်သဖြင့် ဆရာ စာသင်လျှင် ဘာသင်မှန်း လိုက်မမှတ်နိုင်ဘဲ စိတ်ပြန့်လွင့်နေခြင်းများ ဖြစ်ပါသည်။
ငယ်စဉ်က မိဘများက အ်ိမ်ပြင်ထွက်၍ အိမ်နီးချင်း ကလေးများနှင့် ရောနှော ဆော့ ကစားသည်ကို မနှစ်သက်သဖြင့် အိမ်ခန်းထဲမှာသာ နေစေခြင်း၊ အိမ်ထဲတွင်လည်း ဆော့ကစားသည်ကို ခွင့်မပြုခြင်းတို့ကြောင့် အထီးကျန်ကာ အိမ်ခန်းကျဉ်းထဲတွင် အချိန်ပြည့် ဟိုငေးဒီငေး လုပ်နေရရင်း ထိုရောဂါ ကြီးထွားလာရခြင်း ဖြစ်ပါသည်။ ကြီးပြင်း၍ သိရှိလာသောအခါ မိမိ ဘ၀ကံ ၀ဋ်ကြွေးဟုသာ နားလည်လိုက်ရပြီး အကျိုးဆက်ကို မသိ၍ စည်းကမ်းချုပ်ချယ်မိသော မိဘများကိုလည်း အပြစ်မတင် တော့ပါ။ သို့သော် သားသမီးကို ချစ်လွန်း၍ အခြားကလေးများနှင့် ပေးမရောနှော ခြင်း၊ အိမ်ထဲမှာသာ နေစေခြင်းတို့ကို ပြုမိသည့် ငယ်ရွယ်သူ မိဘအချို့ကို စာရေးသူ၏အဖြစ်ဆိုးဖြင့် သတိပြုစေလိုပါသည်။


၁၀ တန်းမှာရော တက္ကသိုလ်မှာရော တဖုန်းဖုန်း ကျပါသည်။ စာကျက်မရကြောင်း၊ အာရုံစိုက်မရကြောင်း မည်သူ့ကို ပြောပြ အကူအညီတောင်းရမှန်းလည်း မသိ။ ပြောပြစရာ လူလည်း မရှိပါ။ ကိုယ်စိတ်ဆင်းရဲ ကြီးစွာ ခံခဲ့ရပါသည်။
အသက် ၃၀ ကျော်သောအခါ ADHD ကြောင့် ကြာလေ ဒုက္ခရောက်လေ ဖြစ်လာပါ သည်။ အာရုံစိုက်မှု အားမကောင်း၊ စိတ်အမြဲပြန့်လွင့်နေသဖြင့် အလုပ်နောက်ကျ ခြင်း၊ ပြုဖွယ်ကိစ္စများ အချိန်မီ မပြီးခြင်းများ ကြုံရပါသည်။
သံဃာတော်များ၊ တရားဓမ္မ တတ်ကျွမ်းနားလည်သည့် ဆရာကြီးများ ရေးသား သော တရားစာအုပ်များကို ဖတ်ရှုရ၊ တရားခွေများကို နာကြားရသည့် အခါ ကံ ကံ၏ အကျိုး ဆိုသည်ကို သိနားလည်လာပါသည်။ တရားစခန်း ရိပ်သာများသို့ ၀င်ရောက်၍ တရားထိုင်သောအခါ စိတ်ပိုကြည်လင်သန့်ရှင်းလာပြီး အကြောင်း အကျိုးကို ပို၍ ပိုင်းခြားဆင်ခြင်နိုင်လာပါသည်။ ဆရာဝန်များ သတ်မှတ်ထားသော ADHD ရောဂါသည် တရားဓမ္မ နယ်ပယ်တွင် သမာဓိအားနည်းခြင်းအဖြစ် အကျုံးဝင် ကြောင်း သိလာပါသည်။
ယခုလို နာတာရှည် ADHD ရောဂါသည် ဖြစ်ရခြင်းမှာ ယခင်ဘ၀က သူတပါးကို သမာဓိပျက်အောင် လုပ်ခဲ့မိခြင်း၊ စိတ်ပြန့်လွင့် အာရုံမစူးစိုက်နိုင်အောင် နှိပ်စက်ခဲ့ မိခြင်း (အနှောင်အကျဉ်း ထားမိခြင်း ဖြစ်နိုင်ပါသည်)တို့ကြောင့် ကံကံ၏ အကျိုးကို ပြန်ခံစားရခြင်း ဖြစ်ကြောင်း သိမြင်လာပါသည်။


စာရေးသူ ဘာလုပ်ရပါမည်နည်း၊ အသက်ကလည်း ၃၀ ကျော်လာပါပြီ။ ဒီရောဂါ ဆိုးကြောင့် ဘာမဆို ဖင့်နှေးနောက်ကျနေသဖြင့် ဒုက္ခတွေ ရောက်ရသည်မှာလည်း အကြိမ်ကြိမ် ဖြစ်ပါသည်။
မြတ်စွာဘုရား ခိုင်းသည့်အတိုင်း ဒါနသီလ ကောင်းမှုများကို ပြုခဲ့ခြင်းသည် ဒီဘ၀ မှာပင် ချက်ချင်း အကျိုးပေးခဲ့သည်မှာလည်း ကိုယ်တွေ့ဖြစ်ပါသည်။ စာရေးသူမှာ ဆွေမျိုးအိမ် (အမွေပိုင်ဆိုင်ခွင့်ရှိသောအိမ် ဖြစ်ပါသည်) တွင် အငြိုငြင် အဆူဆောင့် ခံပြီး နေထိုင်ရသည့် ဘ၀မှ အခန်းလေးတခန်းဖြင့် ကိုယ်ပိုင် နေထိုင်ရသော ဘ၀သို့ မထင်မှတ်ဘဲ တိုးတက်ရရှိခဲ့ပါသည်။ နာမကျန်းလျှင်ပင် ဆေးခန်းသွားစရာ ငွေမရှိ၊ ဆရာဝန် ညွှန်ကြားသည့် ဓာတ်စာဖိုး မတတ်နိုင်သည့် ဘ၀မှလည်း အတော် ကလေးတိုးတက် အဆင်ပြေလာပြီ ဖြစ်ပါသည်။ ဆင်းရဲနွမ်းပါးခြင်း၊ မျက်နှာငယ် အောက်ကျခြင်းများကို ဘုရားခိုင်းတိုင်း ပြုခဲ့သော ဒါနသီလ တန်ခိုးဖြင့် ချေဖျက်နိုင် ခဲ့သည်မှာ "အကာလိကော-ချက်ချင်း အကျိုးပေးသောတရား" ဆိုတာ မှန်ကန် ကြောင်း မိမိဘ၀က မိမိကို သက်သေပြသည့်နှယ် ရှိပါသည်။


ADHD ရောဂါမှာမူ သမာဓိ အားနည်းခြင်း ဖြစ်၍ သူ့ကို တရားဘာဝနာနှင့် ချေဖျက် ခြင်းသည် အထက်မြက်ဆုံးလက်နက် ဖြစ်ပါသည်။
စာရေးသူသည် ဆရာကြီး ဒေါက်တာဦးကံညွန့် ဘာသာပြန်ဆို ဓမ္မဒါန ဖြန့်ဝေသော ဓမ္မစကြာနှင့် အနတ္တလက္ခဏသုတ် တရားတော် မြန်မာပြန်ကို ဖတ်ရှု၊ မင်းကွန်း ဆရာတော်ကြီး ဟောကြားအပ်သော ခန္ဓကမ္မဌာန်း စီးဖြန်းပုံကို နာကြားရပြီးနောက် မြတ်စွာဘုရား ခိုင်းသည့်အတိုင်း "ရုပ်၊ ဝေဒနာ၊ သညာ၊ သင်္ခါရ၊ ၀ိညာဉ် ခန္ဓာ ငါးပါ သည် အနိစ္စ-မမြဲပါတကား၊ ဒုက္ခ-ဆင်းရဲစွတကား၊ အနတ္တ-အစိုးမရ၊ ငါမဟုတ်၊ ငါ့ဟာမဟုတ်ပါတကား"ဟု စီးဖြန်းနှလုံးသွင်းပါတော့သည်။ (ကျေးဇူးရှင် ဆရာကြီး ဦးကံညွန့်နှင့် မင်းကွန်းဆရာတော်ကြီးတို့ကို ရှိခိုးကန်တော့လိုက်ပါသည်။ အသက် ၈၀ ကျော် ဆရာကြီး ဒေါက်တာကံညွန့်ကို လွန်ခဲ့သည့် ၅ နှစ်ကျော်က ရွှေတိဂုံ စေတီတွင် တရားစာအုပ်များ ဓမ္မဒါန ပေးလှူနေစဉ် တွေ့ရသဖြင့် ရှေ့တွင် ဦးချရှိခိုး ကန်တော့ ခဲ့ပါသည်။ မည်မျှ ကျေးဇူးကြီးမှန်းတော့ ဆရာကြီးကို ပြောမပြခဲ့ရပါ။)


အလုပ်မှ တလခွဲခန့် အနားယူကာ တရားဘာဝနာကို အိမ်တွင် ကြိုးစားအား ထုတ်ပါတော့သည်။ စစချင်း လုံးဝ မလွယ်ကူပါ။ ADHD ရောဂါသည်တို့၏ဘာဝ သမာဓိအား နည်းပါးခြင်းကြောင့် တရားထိုင်ရ၊ တရားမှတ်ရခြင်းသည် ဧရာမ အခက်အခဲကြီး ဖြစ်နေပါသည်။
တရက်ပြီးတရက် သမာဓိမရဘဲ စိတ်တွေပြန့်လွင့်ပြီး အချိန်တွေ ကုန်သွားပါသည်။ တလ ကျော်လာသောအခါလည်း စိတ်ပြန့်လွင့်မှုတောင်ကို မကျော်နိုင်သေးပါ။ အချိန်တွေကုန်ပြီးရင်းသာ ကုန်နေရပါတော့သည်။
အားမလျှော့ဘဲ ဆက်လုပ်ပါသည်။ မြတ်စွာဘုရားမှာရော၊ တရားဓမ္မမှာရော လုံးဝ အမှားမရှိ၊ အားနည်းချက်မရှိ၊ ငါ့ဘ၀ကံဝဋ်ကြွေး ကြီးလွန်းခြင်းနှင့် ၀ီရိယ နည်းပါး ခြင်းကြောင့်သာ ဖြစ်သည်ဟု အမှန်အတိုင်း နှလုံးသွင်းပါသည်။
ထို့နောက် သမာဓိ အားနည်းသည့်ကြားမှ ဆက်အားထုတ်ပါသည်။ ငါ့သမာဓိ မကောင်း၍ ငါ့မှာ ဒီရောဂါဆိုးကြီး ရှိနေ၍ ခရီးရောက်မည်မဟုတ်ဆိုပြီး အလျှော့ပေး လျှင် အကျိုးမရှိ၊ ဒီတော့ ရသလောက် အားထုတ်မည်ဟူသော စိတ်ဖြင့် ဆက်လုပ် ပါသည်။
ရှိသမျှ အကုန် ဘုရားလှူပြီး လူက တရားကို ကြိုးစားအားထုတ်ပါသည်။ အလုပ် မလုပ်ဘဲ အိမ်မှာနေ၍ တရားနောက် သဲသဲမဲမဲ လိုက်နေခြင်းကြောင့် ငွေကြေး၊ ပညာရေး စသည် နစ်နာနှေးကွေးဖွယ်များကိုလည်း အခိုက်အတန့် ဥပေက္ခာထား လိုက်ပါသည်။
ရုပ်နာမ်တို့သည် အနတ္တ-ငါမဟုတ်၊ ငါ့ဟာမဟုတ် ဟု နှလုံးသွင်း စီးဖြန်းပါသည်။ အသေးစိတ် အမူအရာများလည်း မှတ်ပါသည်။ ဤသို့ ကြိုးစားလိုက်သောအခါ သမာဓိ မရနိုင်၍ လက်လျှော့ရမည့် အခြေအနေမှ တရားတက်လာပါတော့သည်။
တရားပြ ဆရာတော်တပါးကို အကျိုးအကြောင်း လျှောက်ထား၍ ဘယ်လို ဆက် လက် ရှုမှတ်သင့်သည်ကို နည်းနာခံယူပါသည်။ ရုပ်နာမ်တို့၏ ဖြစ်ပျက် (အနိစ္စသ ဘော)ကို ထင်ထင်ရှားရှား မြင်လာချိန်တွင် ထိတ်လန့်ခြင်း၊ လောကီ ကာမဂုဏ် များကို စိတ်ကုန်ညည်းငွေ့ခြင်းများ ဖြစ်တတ်သည်မှာ သဘာဝဖြစ်၍ တရားသာ ဆက်မှတ်ရန် ဆရာတော်က ညွှန်ကြားပါသည်။
တရားမှတ်သောအခါ အနိစ္စ၊ ဒုက္ခ၊ အနတ္တ လက္ခဏာရေး သုံးပါးတွင် ရှုမှတ်သူ တဦးနှင့်တဦး ထင်ရှားသည့် လက္ခဏာ မတူကြောင်း မဟာမြိုင်ဆရာတော် ဦးဇော တိက ဟောကြားသည်ကို ဖတ်ဖူးပါသည်။ စာရေးသူမှာ အနတ္တ လက္ခဏာကို ရှုမှတ် ရတာ ပိုအားသန်ပြီး အနတ္တကို အဓိက အားစိုက် ရှုဖြစ်ပါသည်။ (အနတ္တ၏ အဓိပ္ပာယ်မှာ အစိုးမရ၊ ငါမဟုတ်၊ ငါ့ဟာမဟုတ် ဟု ဖြစ်ပါသည်။ ဘာမှ မဟုတ်ဘူး၊ ဘာမှ မရှိဘူးဟူ၍ မမှတ်သင့်ပါ။ ဒီလိုမှတ်လျှင် အနတ္တ မဟုတ်ဘဲ နတ္တိက၀ါဒ ဖြစ်သွားပါမည်။ ရုပ်နာမ်တို့သည် ဧကန် ရှိပါသည်။ ဖြစ်ခြင်းပျက်ခြင်းများနှင့် ရှိနေ တာ ဖြစ်ပြီး လုံးဝ မရှိခြင်း မဟုတ်ပါ။ မြဲသောရှိခြင်း မရှိတာကိုသာ ဆိုလိုပါသည်။ ရုပ်နာမ်သည် အနိစ္စ-မမြဲ၊ ဒုက္ခ-ဆင်းရဲ၏၊ အနတ္တ-အစိုးမရ၊ ငါမဟုတ်၊ ငါ့ဟာ မဟုတ်ဟုသာ မှတ်သင့်ပါသည်)။


ဤသို့ ရှုမှတ်ရင်း တလခွဲ ကျော်လာသောအခါ ADHD ရောဂါဆိုးကို ခံစားရစဉ် ကာလမှာ လနှင့် နှစ်နှင့် ချီ၍ မလုပ်နိုင်ခဲ့သော အမှုကိစ္စများကို လုပ်နိုင်လာသည်ကို ၀မ်းမြောက်ဖွယ် တွေ့ရပါသည်။ ADHD ရောဂါဆိုးကြောင့် စိတ်ဆင်းရဲ စိတ်ဓာတ် ကျကာ မရှင်းလင်းဖြစ်ခဲ့သော အိမ်ခန်းမှာ အတန်ငယ် သပ်သပ်ရပ်ရပ် ဖြစ်လာပါ သည်။ ဟိုတွေးဒီတွေးဖြင့် အကျိုးမဲ့ စိတ်တွေ ပြန့်လွင့်ရင်း နှစ်ပေါင်းများစွာ အချိန် တွေ နှမြောဖွယ် ဆုံးရှုံးခဲ့ရသည့် ဘ၀မှ စိတ်ကို တရားထဲ နှလုံးသွင်းပြီး နေနိုင်သည့် ဘ၀ ရောက်လာပါသည်။ ပြန့်လွင့်နေကျ အကျိုးမဲ့အာရုံတို့ကိုလည်း သံယောဇဉ် ဖြတ်နိုင်လာပါသည်။
ADHD ရောဂါ၏ သဘာဝ ဘာမှ ပြီးအောင် မလုပ်နိုင်ဘဲ တို့လို့တန်းလန်း အဆုံးမ သတ် ဖြစ်တတ်သည့် စိတ်အခြေအနေမှ တခုခုဆို ပြီးအောင် လုပ်လိုက်ချင်စိတ်များ ၀င်လာပါသည်။ (တရားအားထုတ်စဉ် ကျန်ကိစ္စများကို ဥပေက္ခာပြုပြီး တရားကိုသာ ခရီးရောက်အောင် အားထုတ်ချင်စိတ်ကလည်း ပြန်အကျိုးပေးသွားခြင်း ဖြစ်ပါ သည်။)
ဤသို့ ပြောင်းလဲတိုးတက်လာသော စိတ်အခြေအနေမှာ သာမန်လူများအတွက် "ဘာထူးဆန်းလို့လဲ။ ဒီလို တခုခုဆို စွဲစွဲမြဲမြဲ ပြီးအောင် လုပ်ချင်စိတ်၊ ပစ္စည်းအသုံး အဆောင်တွေကို သပ်သပ်ရပ်ရပ် ထားချင်စိတ်၊ ဟိုတွေးဒီတွေး အချိန်ဖြုန်းမနေဘဲ တခုခုမှာ အာရုံစူးစိုက်ချင်စိတ်တွေ ငါတို့မှာ ရှိပြီးသားပဲ"ဆိုလျှင် ထိုစိတ်များမှာ သာမန်လူများမှာ မထူးဆန်းဘူး ပြောနိုင်သော်လည်း ADHD ရောဂါဝေဒနာရှင် များအတွက် အလွန်တောင့်တသော၊ ရချင်ပါလျက် မရနိုင် ဖြစ်ရသော စိတ်များ ဖြစ်ပါသည်။ ဥပမာ ကျန်းမာသူ တယောက်သည် အမြင့်တက်နိုင်၊ ပြေးလွှားနိုင် သော်လည်း နာတာရှည် နှလုံးရောဂါသည်မှာမူ ထိုအလုပ်များကို လုပ်နိုင်စွမ်း မရှိ သည့်နှယ် ဖြစ်ပါသည်။


ဤရောဂါအတွက် Ritalin လို အနောက်တိုင်းဆေးများ ရှိသော်လည်း ဘေးထွက် ဆိုးကျိုးများ အန္တရာယ်ကြီးကြောင်း အနောက်တိုင်းတွင်လည်း ငြင်းခုန်ဝေဖန် နေကြ ပါသည်။ အလားတူ ရောဂါသည် တယောက်က သူ ရီတာလင် မသောက်ရလျှင် စိတ်ဂဏှာမငြိမ် ဖြစ်ရကြောင်း ပြောပြဖူးပါသည်။
စာရေးသူ အမြင်မှာ တရားထိုင်ခြင်း၊ တရားဓမ္မ ရှုမှတ်ပွားများ အားထုတ်ခြင်းသည် ထိုရောဂါအတွက် အကောင်းဆုံး ဆေး ဖြစ်ပါသည်။
စာရေးသူသည် တရားရှုမှတ်ရင်း တဖက်ကလည်း ADHD ရောဂါ ကုသဖို့ အထောက်အကူပြု ဆေးဝါး ဖြစ်သည့် ငါးကြီးဆီ၊ ဗီတာမင်ဘီ ဆေးပြားများ၊ သံဓာတ်အားဆေးများ ပုံမှန်သောက်ပါသည်။
ဆိုးဆေးပါ အစားအသောက်များ၊ ဆိုဒီယမ်ဘန်ဇုတ် (E211) ပါသော အစား အစာများ (ကိုလာနှင့် ဂက်စ်ပါ အချိုရည်များ၊ ဖျော်ရည်များ)ကိုလည်း ရှောင်လိုက် ပါသည်။ ထိုအစားအစာများ စားသူတိုင်း ADHD ဖြစ်ပွားခြင်း မဟုတ်သော်လည်း ADHD စွဲကပ်လာသည့် ကလေးငယ်များကို ထိုဓာတ်များပါသည့် အစာများ ဖြတ်လိုက်သောအခါ ရောဂါအခြေအနေ တိုးတက်ကောင်းမွန်လာသည်ဟု အမေရိ ကန် ဆေးသုတေသန တရပ်က ဆိုပါသည်။ ထို့ကြောင့် သောက်နေကျ ကိုလာနှင့် အချိုရည်များ၊ ဆိုးဆေးပါ ဖျော်ရည်များကို လုံးဝ ဖြတ်လိုက်ပါသည်။ ဝေဒနာ မရှိသူ အတွက် အကြောင်းမဟုတ်သော်လည်း ADHD သမားအတွက် ရှောင်လိုက်ခြင်းက အကောင်းဆုံး ဖြစ်ပါသည်။ သွေးတိုးသမား အငံနှင့် အချိုအဆိမ့် ရှောင်သလို ဖြစ်ပါ သည်။
အစားစားရာတွင်လည်း ဆိုးဆေးနှင့် ဓာတုပစ္စည်းပါသော အစာများကို တတ်နိုင် သမျှ ရှောင်၍ ရောဂါမပျောက်မချင်း သဘာဝ အစားအစာနှင့် အသီးအရွက်သာ အားပြုစားရန် စီစဉ်ရပါသည်။ အသင့်လုပ် အစားအစာများတွင်လည်း ပါဝင်သည့် အမယ်များထဲတွင် ဆိုဒီယမ်ဘန်ဇုတ် သို့မဟုတ် E-211 ဆိုသော ဓာတုပစ္စည်း ပါ၊ မပါ ဖတ်ပြီး ပါလျှင် ရှောင်ရပါသည်။
ADHD သမားများမှာ စိတ်ပြန့်လွင့်တတ်သလို အိပ်ချိန် များလွန်းခြင်း၊ မအိပ်ဘဲ အိပ်ရာထဲ လဲလျောင်းအချိန်ဖြုန်းနေခြင်းများလည်း ဖြစ်တတ်ပါသည်။ ထို့ကြောင့် နိသဇ္ဇိက ဓုတင်ခေါ် လျောင်းသော ဣရိယာပုဒ်ကို ရှောင်ကြဉ်သည့် ဓုတင်ကို တရားမှတ်ရင်း အချိန်ပိုင်းနှင့် သတ်မှတ်ဆောက်တည်ရပါသည်။ တောင်ပုလု ဆရာ တော်ကြီး၊ အီတာလျံလူမျိုးဆရာတော် ဦးလောကနာထတို့ ဆောက်တည်ကြ ကြောင်း ဖတ်ဖူးပါသည်။ စာရေးသူမှာ ထိုဆရာတော်ကြီးများလောက် စွမ်းနိုင်ဖို့ဝေး စွ၊ နေ့စဉ် ၂၄ နာရီအပြည့်ပင် မဆောက်တည်နိုင်ပါ။ သို့သော် အိပ်ချိန်သာ လှဲအိပ်ပြီး ကျန်သည့်အချိန်တွေမှာ လျောင်းစက်ခြင်းကို ရှောင်ကြဉ်ကာ ရပ်၊ ထိုင်၊ သွား ဣရိယာပုဒ်များဖြင့်သာ နေခြင်းဖြင့် အိပ်ရာထဲ အမြဲ အချိန်ဖြုန်းနေတတ်သည့် ADHD လက္ခဏာကို တိုက်ဖျက်ရပါသည်။
အစား၊ အအိပ် ဂရုပြုရသလို အနေအထိုင်တွင်လည်း ADHD ကို အားပေးသည့် စိတ်ပြန့်လွင့်စေသော အမူအကျင့် အားလုံးကို ရှောင်ရပါသည်။ တရားကမ္မဌာန်း တခုခုကို အမြဲ စီးဖြန်းမိနေအောင် စိတ်ကို အလေ့အကျင့် လုပ်ရပါသည်။ ဥပုသ် ကြောင့် တီဗီမှ အကအခုန်ပွဲများ ကြည့်ခြင်း၊ သီချင်းနားထောင်ခြင်းများ မလုပ်ရ သောအခါ စိတ်ပြန့်လွင့်စရာ ထွက်ပေါက်တခုကို ပိတ်ဆို့လိုက်သလို ဖြစ်သွားပါ သည်။ ဆရာကြီး ဦးဂိုအင်ကာသည် ဦးခေါင်းတခြမ်းကိုက်သော မိုင်ဂရိန်း ဝေဒနာ ကို ခံစားနေရသဖြင့် မိတ်ဆွေတဦး၏ အကြံပေးချက်အရ ဆရာကြီး ဦးဘခင်၏ ရိပ်သာသို့ သွားရောက် တရားအားထုတ်ရာ စွဲကပ်နေသော မိုင်ဂရိန်း ဝေဒနာ ပျောက်ကင်းသွားရုံမက တရားသိသွားသဖြင့် ရတနာသုံးပါးအပေါ် အလွန် သက်ဝင် ကြည်ညိုပြီး ဗုဒ္ဓဘာသာသို့ ပြောင်းလဲခံယူလိုက်ခြင်းကြောင်း၊ ထို့နောက် မိသားစု ကိုပါ ရိပ်သာသို့ စေလွှတ်တရားအားထုတ်စေရာ မိသားစုပါ ဗုဒ္ဓဘာသာဝင်များ ဖြစ် ကုန်ကြောင်း ဆရာကြီး ပြန်လည် ဟောကြားသည့် တရားခွေ မြန်မာပြန်ကို နာကြား ရဖူးပါသည်။
စာရေးသူနှင့် ဘ၀တူ ADHD ဝေဒနာရှင် အနောက်တိုင်းသား လူငယ်မှာ တရား ထိုင်ခြင်း၊ တရားဓမ္မ အားထုတ်ခြင်း မရှိသူ ဖြစ်သဖြင့် သူ့ရောဂါအတွက် ရီတာလင် လို စားဆေးကိုသာ အားကိုးခဲ့ရပါသည်။ တရားဓမ္မသည် ဆေးစွမ်းကောင်းဖြစ် ကြောင်း လက်တွေ့ သိသော်လည်း မိမိဘာသာသို့ ဆွယ်ရာ ရောက်မည်စိုး၍ မပြော ဖြစ်ပါ။ ADHD ဝေဒနာရှင်တယောက်အတွက် စိတ်အာရုံ စုစည်းရသော တရားထိုင် ခြင်းသည် အခက်ခဲဆုံး အလုပ်တခု ဖြစ်ကြောင်း ကိုယ်တွေ့ သိထား၍လည်း လုပ်နိုင်ခဲသော အလုပ်ကို လွယ်လွယ် ပြော၍ မသင့်သဖြင့် မပြောမိပါ။


စာရေးသူမှာမူ ဗုဒ္ဓမြတ်စွာကို သက်ဝင်ကြည်ညိုသူ ဖြစ်သဖြင့် ပွင့်လင်းစွာ ပြောရ လျှင် ဘ၀တူ ထိုလူငယ်ထက် တပန်းသာ အခွင့်အရေး ရှိနေပါသည်။ စာရေးသူ သည် လောကတွင် အတော်ဆုံး သမားတော်ကြီး ဖြစ်သော ဗုဒ္ဓမြတ်စွာထံတွင် ဤ ရောဂါအတွက် ဆေးကုသခွင့် ရပြီ၊ ထိုသမားတော်ကြီး တိုက်ကျွေးသော တရား ဆေးကိုလည်း ရောဂါနှင့် သင့်တော်သည့် ဆေးစွမ်းကောင်းအဖြစ် ယုံယုံကြည် ကြည် သောက်သုံးအပ်ပြီ။ အကယ်၍ မပျောက်ကင်းခဲ့လျှင်ပင် ကိုယ် ကြိုးစားအား ထုတ်မှု အားနည်းခြင်းနှင့် ၀ဋ်ကြွေးကြီးမားခြင်း၊ ရောဂါကျွမ်းနေခြင်းတို့ကြောင့်သာ ဖြစ်ရမည်၊ ဘုရားရှင်နှင့် တရားတော်မြတ်မှာ ဘာအားနည်းချက်မှ မရှိဟုလည်း သိနားလည် ယုံကြည်အပ်ပြီ။ ကုသခံဖို့သာ ကိုယ့်တာဝန် ကျန်ပါတော့သည်။
စာရေးသူသည် ရုပ်နာမ်တို့၏ အနိစ္စ ဒုက္ခ အနတ္တကို ရှုမှတ်သည့် ခန္ဓကမ္မဌာန်းကို နေ့စဉ် အားထုတ်ပါတော့သည်။ အချိန်တန်၍ အလုပ်ပြန်ဝင်ရတော့လည်း ရသမျှ အချိန်မှာ ဆက်လက် အားထုတ်ပါသည်။
မိမိ၏ ခန္ဓာငါးပါးနှင့် အသက်၊ အရွယ်၊ ဘ၀၊ အချိန်၊ ဥာဏ်ပညာ စသည် အားလုံးကို မြတ်စွာဘုရားရှင်အား လှူဒါန်းပါ၏ဟု အပြီး လှူဒါန်းလိုက်ပါသည်။ အသက်ရှင် နေခြင်းသည် မြတ်စွာဘုရားရှင်ကို လုပ်ကျွေးကျေးဇူးဆပ်ဖို့သာ ဖြစ်သည်ဟု ခံယူ လိုက်ပါသည်။ အလုပ်လုပ်နေရခြင်းသည်လည်း မြတ်စွာဘုရားရှင်၏ တပည့်သား သံဃာများကို ဘုရားကိုယ်စားမှတ်၍ လုပ်ကျွေးလှူဒါန်းဖို့ ၀င်ငွေရှာနေရခြင်းဟု ခံယူထားလိုက်ပါသည်။


လစဉ် ရသမျှ ၀င်ငွေကိုလည်း မြတ်စွာဘုရားရှင်အား အကုန်လှူဒါန်းပြီး ထိုထဲမှ တလစာ မိမိစားစရိတ်ကိုသာ အနည်းငယ် ပြန်လည် ခွင့်တောင်းသုံးစွဲပါသည်။ ထို သို့ သုံးစွဲရာတွင်လည်း ဆီ၊ ဆန်၊ ဟင်းချက်စရာ အခြေခံ စားသောက်ကုန်နှင့် ဆပ်ပြာ၊ သွားတိုက်ဆေးလို တကိုယ်ရေသုံး ပစ္စည်းများအတွက်သာ ဖြစ်ပါသည်။ မြတ်စွာဘုရားကို ကပ်လှူပူဇော်ဖို့ ပန်းနှင့် ဆီမီးပူဇော်ဖို့ ဖယောင်းတိုင်ဖိုးကိုတော့ ထိုငွေထဲမှ ပြန်လည်သုံးစွဲရပါသည်။ ငါသည် ဘ၀ကံဝဋ်ကြွေး အလွန်ကြီးလေးခဲ့သူ ဖြစ်သည်၊ ဘုရားစကားနားထောင်၍ ကုသိုလ်ကောင်းမှုများ ပြုခဲ့သဖြင့်သာ ဒုက္ခများ လျော့ပါး လွတ်မြောက်ရသည်ဟု နားလည်သဖြင့် မိမိရသမျှ လာဘ်လာဘ အားလုံး နှင့် မိမိခန္ဓာကိုပါ ဘုရားရှင်သို့ ပြန်လှူလိုက်ခြင်း ဖြစ်ပါသည်။ ကိုယ့်ကိုယ်ကိုယ် မြတ်စွာဘုရားကို ပြန်လည် ကျေးဇူးဆပ် လုပ်ကျွေးဖို့ အသက်ရှင်နေသည်ဟု ခံယူထားခြင်းနှင့် ဗြဟ္မစရိယငါးပါးသီလ ဆောက်တည်ထားခြင်း၊ မေတ္တာ ကမ္မဌာန်း စီးဖြန်းခြင်းတို့ကြောင့် အိမ်ထောင်ပြုလိုစိတ်လည်း မရှိတော့ပါ။
ဤသို့ ကျင့်ကြံအားထုတ်သောအခါ စိတ်ကြည်လင် သန့်ရှင်းလာခြင်း၊ လူချစ်လူခင် ခံစားရခြင်း အကျိုးများ လက်တွေ့ ပေးလာပါတော့သည်။ စာရေးသူမှာ ကလေးဘ၀ ကတည်းက ADHD ရောဂါကြောင့် ငေးငေးငိုင်ငိုင် ဖြစ်နေတတ်သဖြင့် မသွက်လက် မချက်ချာ၊ နုံအသည်ဆိုကာ အထီးကျန်၊ အပယ်ခံ ဖြစ်ခဲ့ရပါသည်။ ယခုမူ လူချစ် လူခင် တိုးလာခြင်း၊ လူကောင်းများ စိတ်ကောင်းရှိသူများနှင့် တွေ့ကြုံပေါင်းသင်း ရခြင်းများ ဘ၀တွင် ထူးခြားမှုအဖြစ် တွေ့ကြုံလာရပါသည်။ ဒုက္ခရောက်လျှင် ယခင် က ကယ်မည့်ကူမည့်သူ မရှိသော မျက်နှာမွဲ ဘ၀မှ ယခု တစိမ်းတရံဆံကအစ စေတနာထား ကူညီသွားခြင်းများ တွေ့ကြုံခံစားရပါတော့သည်။


မြတ်စွာဘုရား စကား နားထောင်သဖြင့် ကံကတော့ တက်လာပါပြီ။ စာရေးသူမှာ ADHD ရောဂါကြောင့် ဘွဲ့တခုသာ အနိုင်နိုင် ရခဲ့ပြီး ပညာရေးဆက်မတိုးနိုင်ခဲ့သည့် ဘ၀မှ ယခု ဘွဲ့လွန်ပညာများ ဆည်းပူးသင်ကြားလိုစိတ် ၀င်လာပါသည်။ ထိုအခါ နိုင်ငံခြား ဘာသာစကားများ သင်ယူရန် စေတနာထား သင်ကြားပေးသည့် ဆရာကောင်းကိုရော၊ ဆက်သွယ်စီစဉ်ပေးသည့် စေတနာရှင်များရော ရရှိပြန်ပါ သည်။ အလုပ်တဖက်နှင့် ပညာသင်ကြားရာတွင်လည်း အခက်အခဲမရှိဘဲ အလုပ်ချိန်အတွင်း လစာပြည့် သင်ကြားရန် အခွင့်ရပြန်ပါသည်။ နောက်မှ သိရသည်မှာ စာရေးသူ၏ ပင်ပန်းဆင်းရဲစွာ ရုန်းကန်ခဲ့ရသည့် ဘ၀နှင့် ADHD ဝေဒ နာခံစားရသည့် အဖြစ်ကို သိနားလည်သည့် လူကြီးသူမ တဦးက စာရေးသူကို မပြောဘဲ အဆင်ပြေအောင် နောက်ကွယ်မှ ပံ့ပိုးထောက်ခံပေးနေသည့် အဖြစ်ကို သိရပါတော့သည်။ တချိန်က အလုပ်အကိုင် အဆင်မပြေ၊ နေစရာမရှိ စားစရာ ဆင်းရဲလှသည့် မျက်နှာမွဲ လူငယ်တဦးသည် ဘုရားခိုင်းတိုင်း လုပ်ခဲ့သည့် ဒါန စ သော ကောင်းမှုများကြောင့် ကံကြမ္မာ ပြောင်းလဲခဲ့ပါပြီ။
ယခု စာရေးနေချိန်တွင် စာရေးသူသည် မိမိနေရာ အခန်းကလေးကို ကြည့်လိုက်ရာ တချိန်က ADHD ရောဂါသည်တို့၏ဘာဝ (သမာဓိအားနည်း စိတ်မစူးစိုက်နိုင်ခြင်း ကြောင့်) သပ်သပ်ရပ်ရပ် ရှင်းလင်းနိုင်ခြင်း မရှိဘဲ နှစ်နှင့်ချီ၍ ပေရေရှုပ်ပွနေသော အခန်းသည် ကြမ်းလည်း ပြောင်အောင် တိုက်လျက်၊ ယခင်ကထက် စာလျှင် အတန်ငယ် ကြည့်ပျော်ရှုပျော် တွေ့ရပါသည်။ ဝေဒနာ သက်သာလာပြီဆိုသည့် သင်္ကေတ ဖြစ်ပါသည်။


သဒ္ဓါတရားများ တက်လာသော စာရေးသူသည် နေထိုင်ရာ အခန်းကိုပါ "ဘုရား အမှူးရှိသော သံဃာအား ကျောင်းအဖြစ် လှူဒါန်းပါ၏"ဟု လှူဒါန်းလိုက်ပါသည်။ စိတ်တွင်လည်း သံဃိကကျောင်းတွင် နေထိုင်စောင့်ရှောက်ပေးနေသည့် အလုပ် အကျွေးအဖြစ်သာ မိမိကိုယ်မိမိ သဘောပိုက်လိုက်ပါသည်။ ထိုအခါ အခန်း သန့်ရှင်းရေး လုပ်ရာတွင်လည်း ဘုရားကျောင်း၊ သံဃာ့ကျောင်းကို ရှင်းလင်းပေး နေရသည့် အဖြစ်ဖြင့် ကုသိုလ်စိတ်များ ဖြစ်လာပါသည်။ ကိုယ့်အခန်းကိုယ် သန့်ရှင်း ရေး လုပ်တာပဲဆိုသည့် စိတ်ထက် သာသွားပါသည်။
မြတ်စွာဘုရားအား ရည်စူးလှူဒါန်းထားသော စုဆောင်းငွေများကို ရေတွက်လိုက် သောအခါ သိန်း ၂၀၀ ကျော် ရှိနေပြီကို ၀မ်းမြောက်ဖွယ် သိလိုက်ရပါတော့သည်။ တချိန်က နေထိုင်မကောင်း ဖြစ်ချိန်မှာ ကုစရာ ဆေးဖိုးလည်းမရှိ၊ သေသွားလျှင်ပင် အသုဘစရိတ် မရှိသည့် အဖြစ်ကို တွေးတော စိတ်ဆင်းရဲခဲ့ရသော ဘ၀ကိုပြန် သတိရမိသည်။ သို့သော် ထူးဆန်းသည်မှာ ထိုငွေများကို စကတည်းက ဘုရားလှူ ထားပြီး ဖြစ်သဖြင့် မိမိပိုင်ဟု တပ်မက်ခြင်း လုံးဝ မရှိတော့ပါ။ "ကျောင်းလေး တကျောင်းတော့ ဆောက်လှူလို့ ရလောက်ပါပြီ၊ သီလရှိတဲ့ သံဃာတွေအတွက် တရားရိပ်သာကျောင်း ဆောက်လှူမှပဲ။ စာသင်သား ကိုယ်တော်တွေအတွက် စာသင်တိုက် လှူရရင်လဲ ကောင်းမယ်" စသည်ဖြင့် စိတ်ထဲက တွေးတောကြံစည် ကုသိုလ်စိတ် ဖြစ်နေမိပါသည်။ "ရှိသမျှအကုန် ဘုရားလှူတော့ မင်းက အရေးဆို ဘာနဲ့ သွားစားမလဲ"ဟု မေးလာလျှင် လုံးဝကို ခေါင်းထဲ ထည့်မစဉ်းစားမိပါ။ နေစရာ မရှိ သည့်ဘ၀မှ ဘုရားကျေးဇူးကြောင့် ကျောချစရာလေး တနေရာ ရလာခြင်း၊ စား ဖို့ ရှိနေခြင်းသည်ပင် ကျေးဇူးကြီးလှပါပြီ။ ထိုကျေးဇူးကို ဆပ်ဖို့သာ အဓိက ဖြစ်ပါ သည်။


ကျောင်းဆောက်လှူဖို့ သိန်း ၂၀၀ ကျော် စုဆောင်းလှူဒါန်းပြီးသော စာရေးသူမှာ ခြူးတပြားမှ လက်ဝယ်အပိုင်မရှိတော့ပါ။ ဒါကိုပင် သဘောကျပြီး ပျော်နေမိပါသည်။ လကုန်ထိ စားဖို့ အစားအသောက် ရှိနေပြီ၊ လမ်းစရိတ်က ဒီလအတွက်ရော နောက်နှစ်လစာပါ သီးခြား စီစဉ်ပြီးပြီ။ လူမှာ ၀တ်စရာ အ၀တ် အတန်အသင့်ရှိ သည်၊ ဒါဆို လုံလောက်ပြီ၊ ဘာမှ မလိုတော့ပါ။ မိတ်ဆွေများကို ကျွေးမွေးရန်မှတပါး လက်ဖက်ရည်ဆိုင်၊ စားသောက်ဆိုင် သွားတတ်သူ မဟုတ်၍လည်း အပိုကုန်စရာ မရှိပါ။ မိတ်သင်္ဂဟများကို ကျွေးမွေးရန်၊ ဧည့်သည် ဧည့်ဝတ်ပြုရန် စသည်တို့ အတွက် ငွေ ခြောက်သောင်းခွဲခန့် ဖယ်ထားပြီး ရှိပါသည်။ ကိုယ် သုံးဖို့အတွက် တော့ တပြားမှ မရှိတော့ပါ။ သို့သော် ဘုရားရှင်ကို ဆွမ်းလှူဒါန်းခွင့် မဲကျသည့် ဆင်းရဲသား မဟာဒုက်လို စိတ်အလွန်ကြည်နူးချမ်းသာနေပါသည်။
ဤသို့နှင့် တရားဓမ္မကို ကြိုးစားအားထုတ်ရာ အချို့ရက်များတွင် သမာဓိအား ပြန်ကျလာပြီး အချိန်တွေ အလဟဿ ဆုံးရှုံးသွာခြင်းလည်း ကြုံရပါသည်။ သို့သော် အလျှော့မပေးဘဲ ဆက်ကြိုးစားပါသည်။ တရားထိုင်ရာမှ ဗုဒ္ဓဘာသာသို့ ကူးပြောင်း လာသော အနောက်တိုင်းသား မိတ်ဆွေတဦးကလည်း အားပေးပါသည်။
ဦးစီးလုပ်ကိုင်နေသည့် လုပ်ငန်းတခုကို လုံးဝနီးပါး ပစ်ထားသဖြင့် ဖောက်သည်များ ပျက်လာခြင်း၊ လုပ်ငန်းရပ်တန့်နေကြောင်း သတိပေး ဝေဖန်ခြင်းများ ကြုံရပါသည်။ မြတ်စွာဘုရား ဟောကြားထားသည့် မဇ္ဈိမပဋိပဒါ အလယ်အလတ် လမ်းစဉ်ဆို သော စကားကို နှလုံးသွင်းကာ အစွန်းမရောက်ရန် မိမိကိုယ်မိမိ ပြန်ဆန်းစစ်ပါ သည်။


တရားအားထုတ်ရာတွင် ဖြစ်ပျက်ကို မြင်၍ အနိစ္စ ဒုက္ခ အနတ္တ လက္ခဏာများ ထင်ရှားလာချိန်တွင် လောကီကို စိတ်ကုန်ညည်းငွေ့ခြင်း၊ လောကီကိစ္စများကို စိတ်ဝင်စားမှု မရှိခြင်းများ ဖြစ်တတ်ပါသည်။ ဘယဥာဏ် (အပျက်ကိုသာ မြင်နေရ၍ ထိတ်လန့်ခြင်း)၊ အာဒီန၀ဥာဏ် (မှတ်တိုင်း အပျက်ကိုသာ သတိပြုမိနေ၍ မကောင်းမှန်း သိမြင်ခြင်း)၊ နိဗ္ဗိဒါဥာဏ် (အပျက်ကို မြင်နေရ၍ ပျင်းရိခြောက်သွေ့ ညည်းငွေ့ခြင်း)၊ မုဉ္စိတုကမ္မတာဥာဏ် (အပျက်နှင့် ဆင်းရဲကို မှတ်ဆဲမှာ တွေ့ရ၍ လွတ်မြောက်လိုခြင်း)များ ကြောင့်ဖြစ်ပါသည်။ ရိပ်သာဝင် တရားအားထုတ်ရာမှ တခါတည်း ရဟန်းပြု၊ သီလရှင်ဝတ်သွားသော စာရေးသူတို့ထက် သာလွန်ပါရမီ ထူးသည့် ပုဂ္ဂိုလ်များမှာ ထိုဥာဏ်များ ထင်ရှားအားကောင်းလာခြင်းကြောင့် လောကီ ကို တခါတည်း စွန့်သွားခြင်း ဖြစ်ပါသည်။
တရားအားထုတ်ရာတွင် ထိုဥာဏ်များ တက်နေခိုက်တွင် လောကီကိစ္စများကို စိတ်ကုန်ညည်းငွေ့နေတတ်ပါသည်။ ထိုအခါ မိမိမှာ အသက်မွေးဝမ်းကျောင်း လုပ်ငန်းများကိုလည်း လျစ်လျူပြု၍ မရသေးသဖြင့် မျှမျှတတ နှလုံးသွင်းရန်၊ အလုပ်ကိုလည်း သည်းခံပြီး လုပ်ရန် ဦးပဉ္စင်းတပါးက ညွှန်ကြားပါသည်။ ထိုဦးပဉ္စင်း မှာလည်း တရားထိုင်ရင်း တရားကို သိမြင်ကာ လူဝတ်ကြောင်ကို စွန့်လွှတ်သွားသူ ဖြစ်ပါသည်။


စာရေးသူသည် တရားမှာ လောကီစည်းစိမ်ဥစ္စာ ဂုဏ်သိမ်များထက် တုနှိုင်းမရ တန်ဖိုးကြီးသဖြင့် တရားတက်နေခိုက် တရားနောက် ဦးစားပေးလိုက်ရန် ဆုံးဖြတ် လိုက်ပါသည်။ ၀ိသာခါ ကျောင်းအစ်မကြီး၏ မြေးတစ်ဦးသည် ၀ါတွင်းကာလမှာ သဒ္ဓါတရားများ ထက်သန်နေခိုက် ရဟန်းပြုရန် ခွင့်ပန်သော်လည်း သံဃာတော် များက ၀တ်မပေးသဖြင့် မ၀တ်လိုက်ရပါ။ ၀ါတွင်းကျော်လွန်၍ ရဟန်းပြုပေးရန် အကြောင်းကြားလာသောအခါ ထက်သန်နေသော သဒ္ဓါတရား ကျဆင်းသွားပြီ ဖြစ် သဖြင့် ရဟန်းပြုလိုစိတ် မရှိတော့ကြောင်း တုံ့ပြန်သည်ဟု ဖတ်ရဖူးပါသည်။ ထိုအ ခါ ၀ိသာခါ ကျောင်းအစ်မကြီး၏ လျှောက်ထားချက်အရ မြတ်စွာဘုရားက ၀ါတွင်း ကာလတွင် ရဟန်းပြုပေးရန် မငြင်းဆန်ရဟု ပညတ်ခဲ့ရပါသည်။
စာရေးသူသည် တရားတက်နေခိုက် ကျန်တာတွေ ယာယီ အနာခံ၍ တရားကို ဦးစားပေး အားထုတ်လိုက်မည်၊ ခုလို တရားတက်နေသည့် အခွင့်ကောင်းကို လွတ်သွားလျှင် နောက်နောင် ၁၀ နှစ်ဆက်တိုက် နေ့စဉ် အားထုတ်သော်လည်း အခြား လောကီအာရုံများကြောင့် ယခုလို တရားတက်သည့်အချိန် တရက်တောင် ရချင်မှ ရမည်ဟု နှလုံးပိုက်ကာ ဦးစီးလုပ်ကိုင်နေရသည့် လုပ်ငန်းကိုပါ ယာယီ ပစ်ထားပြီး တရားသာ အားထုတ်ပါသည်။ အတိုင်းအတာ တခုထိ တရားရရှိ ပိုင်ဆိုင်သွားပြီး စိတ်တည်ကြည်သန့်ရှင်းသွားလျှင် ထိုသမာဓိ၊ ပညာစွမ်းဖြင့် လုပ်ငန်းကိုလည်း ပိုကောင်းအောင် ဥာဏ်အမြော်အမြင်ဖြင့် လုပ်နိုင်မည်ဟူသော အသိလည်း ပါပါသည်။


တရားကို ကျင့်ကြံအားထုတ်လျှင် တရားတန်ခုိုးကြောင့် လိုသမျှ ပြည့်စုံသည်ဟု သီလရှင် ဆရာလေးတပါး အမိန့်ရှိဖူးပါသည်။ တရားကိစ္စ သိလိုသည်များကို တရား ပြ သံဃာတော်တပါးအား မေးမြန်းလျှောက်ထားသောအခါ ထိုသံဃာတော်က လည်း အလားတူ အမိန့်ရှိပါသည်။ ဦးဇင်းလည်း ပိုင်ဆိုင်မှုအားလုံးစွန့်ပြီး ရဟန်းပြု လာခဲ့ကြောင်း၊ တရားတန်ခိုးကြောင့် ယခုလို ပြည့်စုံလာခြင်းဖြစ်ကြောင်း အမိန့်ရှိပါ သည်။ ထိုဦးဇင်းမှာ တရားပြရိပ်သာ တခု ဖွင့်လှစ်ပြီး ဒကာဒကာမများကို တရားပြ ပေးနေပါသည်။ ဦးဇင်းမှာ န၀ကမ္မ ၀တ္ထုပင် မကိုင်သော်လည်း ရိပ်သာမှာ ယောဂီ များအတွက် ဆွမ်းဆေးကအစ မပူပန်ရပါ။
စာရေးသူလည်း မိမိကိုယ်ကိုယ် ပြန်ကြည့်ရာ အလားတူပင် လှူဒါန်းဖို့ သတ်မှတ်စွန့် လွှတ်ထားပြီး ငွေများသာမက နေစရာ အာဝါသလေးတခု (ရေရှည် မရေရာသော် လည်း) ရှိနေခြင်း၊ နေ့စဉ် စားစရာ ဖူလုံနေခြင်းများ တွေ့ရပါသည်။ လူ့ဘ၀မှာ နေဖို့နှင့် စားဖို့မှာ လိုအပ်ချက်တခုဖြစ်ပြီး ဒါလေးမှ အဆင်မပြေ ဒုက္ခရောက် နေရသူတွေ ဒုနှင့်ဒေး၊ ကိုယ်လည်း အပါအ၀င် ဖြစ်ခဲ့သူမို့ ယခု အရေးကြီးသည့် လိုအပ်ချက်တခု ပြည့်စုံနေပြီ ဆိုရပါမည်။ တနေ့ ၁၃ နာရီ၊ ၁၄ နာရီ ပိတ်ရက်မရှိ ညလုံးပေါက်ပါ အလုပ်ဆင်း၍ ပင်ပင်ပန်းပန်း ရုန်းကန်ရှာဖွေသော်လည်း ဆင်းရဲ တွင်းနက်ခဲ့သည့် ဘ၀မှ ယခု လစာပြည့် ခွင့်ရပြီး နေ့စဉ် တရားအားထုတ် နေနိုင်ခြင်းမှာလည်း ကုသိုလ်ကောင်းမှုက ပေးလာသည့် အမြတ်တခု ဖြစ်ပါသည်။


စာရေးသူမှာ ကလေးဘ၀က ဘာသာရေးကို အလိုမရှိသူ လူကြီးမိဘများ မနှစ်မြို့သည့်ကြားမှ မြတ်စွာဘုရားကို ဖယောင်းတိုင် အတိုအစများနှင့် မီးပူဇော်ခဲ့ဖူး ပါသည်။ အိမ်မှာ ဘုရားစင် မရှိပါ။ သူငယ်ချင်းတဦး ဆွဲပေးသည့် ဘုရားပုံကို အိပ်ရာခေါင်းရင်းမှာ ထား၍ ကိုးကွယ်ခဲ့ရပါသည်။ ထိုသို့ အဆူပူခံပြီး ဘုရားကို မီးပူဇော်ခဲ့သည့် အကျိုးပေးကြောင့် ဖြစ်ပါလိမ့်မည်၊ ကြီးပြင်းသောအခါ ဥာဏ်ရည် အားကောင်းလာပါသည်။ ADHD ရောဂါကြောင့် သမာဓိအား နည်းနေသော်လည်း ဥာဏ်ထက်သန်စေသည့် ကောင်းမှုကို အခက်အခဲကြားမှ ပြုခဲ့ခြင်းက ကံအကျိုးပေး သဖြင့် ပညာရေး၊ အလုပ်အကိုင်စသော လောကီရေးများမှာလည်း ADHD ရောဂါ ဆိုး နှိပ်စက်သည့်ကြားမှ အတန်အသင့် ခံသာခဲ့ခြင်း ဖြစ်ပါသည်။
၁၀ နှစ်ဝန်းကျင် ကလေးဘ၀ကတည်းက စွဲကပ်နှိပ်စက်ခဲ့သော ရောဂါဆိုးသည် ယခုအခါ နှစ်အစိတ်ကျော် သက်တမ်းရှိပြီ ဖြစ်ပါသည်။ နှလုံးရောဂါ၊ ပန်းနာ၊ ရင်ကျပ် ရောဂါ စသော လူသိများသည့် နာတာရှည် ရောဂါဆိုးများ ခံစားရသူများကို ကြည့်ပါ။ နှစ် ၂၀ ကျော် ရောဂါသက်တမ်း ရင့်လာသောအခါ လူစဉ်မမီ ရှူနာရှိုက် ကုန်း ဖြစ်လာခြင်း၊ အသက်ဆုံးရှုံးရခြင်းများ တွေ့ပါလိမ့်မည်။
ယခုမူ စာရေးသူမှာ ဘုရားကျေးဇူး၊ သံဃာ့ကျေးဇူး၊ တရားဓမ္မ ဖြန့်ဝေပေးလှူသည့် လူဆရာကြီးများ ကျေးဇူးကြောင့် တရားဆေးကို မှီဝဲရသဖြင့် ရောဂါသက်တမ်း နှစ် အစိတ်ကျော်ပြီး လက်မြှောက်ရမလို အဖြစ်ဆိုးမှ လွတ်မြောက်ရပါပြီ။ တရားကို ဖိဖိ စီးစီး အားထုတ်လိုက်ရာမှ အလုပ်တခုကို ဖိဖိစီးစီး လုပ်ချင်သော စိတ်များ ဖြစ်ထွန်း လာပြီး ADHD ရောဂါသည်တို့မှာ ဖြစ်တတ်သည့် ဘာဆိုဘာမှ မပြီးစီး အလုပ်တွေ တပိုင်းတစ တိုးလို့တန်းလန်း အကျင့်ဆိုးကိုလည်း ထိန်းကွပ်နိုင်ခဲ့ပါပြီ။
နေ့စဉ် ပြုဖွယ်ရှိသော အမှုကိစ္စများကိုလည်း ယခင်လို လနှင့်နှစ်နှင့်ချီ၍ မလုပ်နိုင်ဘဲ ပစ်ထားခြင်း မဟုတ်တော့ဘဲ ပုံမှန်ထမ်းဆောင်လာနိုင်ပါပြီ။ ADHD သမားများ၏ အာရုံများတတ်သည့် အကျင့်ဆိုးကိုလည်း တရားသမားများ၏ အာရုံမထွေပြား လုပ်သင့်တာကိုသာ ရွေးလုပ်သော အကျင့်ကောင်းက ပြန်လည်တိုက်ဖျက်နေပါပြီ။
အပျော်အပါးဖြင့် အချိန်ဖြုန်းခြင်း မရှိတော့သည့်အတွက်လည်း အသက်မွေးဝမ်း ကျောင်း အလုပ်အပြင် တရားထိုင်ဖို့ အချိန်ပါ ပိုထွက်လာပါသည်။ အလုပ်သွား အလုပ်ပြန် ဘတ်စ်ကားပေါ်တွင်ဖြစ်စေ၊ အိမ်နေရင်း ပန်းကန်ဆေး အစားစား ချိန်ဖြစ်စေ၊ လဲလျောင်းရင်း နိုးနေစဉ်ဖြစ်စေ မေတ္တာပို့လျှင်ပို့၊ မဟုတ်လျှင် တရားရှု မှတ်နေတတ်သည့် အကျင့်ကောင်း ဖြစ်လာသဖြင့် ADHD ရောဂါသည်တို့ဘာဝ ရောက်တတ်ရာရာ စိတ်ပြန့်လွင့်တတ်သော အကျင့်ဆိုးကို တရားဖြင့် ခုခံနိုင်ခဲ့ပါပြီ။
ရုပ်နာမ်တို့၏ လက္ခဏာရေး သုံးပါးကို ရှုမှတ်ရင်း သတိပြုမိသည်မှာ အာရုံစူးစိုက်မှု အားနည်းသော ရောဂါဆိုး၏ နှိပ်စက်မှုအောက်တွင် စွမ်းဆောင်ဖို့ ခက်ခဲလှသော ကိစ္စဖြစ်သည့် အာရုံတခုတွင် စိတ်ကို စူးစိုက်တည်ကြည်စေခြင်း တရားဘာဝနာ မှုကို လုပ်နိုင်လာခြင်း ဖြစ်ပါသည်။ ပြောင်းလဲတိုးတက်လာသော အခြေအနေထူး အတွက် ၀မ်းသာကျေးဇူးတင်လှသဖြင့် တရားရှုမှတ်ရင်း မြတ်စွာဘုရားကို ရှိခိုးဦး ခိုက်မိသည်အထိ ဖြစ်ပါသည်။


ငယ်တုန်း တရားကို ဦးစားပေးအဆင့်တစ် ထားပြီး အားထုတ်ဖြစ်နေခြင်းကိုလည်း ကိုယ့်မှာ ရှိဆဲ အကောင်းဆုံး အချိန်နှင့် အရွယ်ကို မြတ်စွာဘုရားကို ပေးလှူခြင်း ဖြစ်သည်ဟု သတ်မှတ်ခံယူလိုက်သဖြင့် သဒ္ဓါပီတိ ပိုအားကောင်းလာပါသည်။ ရုပ်နာမ်တို့၏ သဘာဝဖြစ်သော မမြဲခြင်းကို ရှုမှတ်ပါများသောအခါ ချမ်းသာသုခ တွေလည်းမမြဲ၊ ဆင်းရဲဒုက္ခတွေလည်း မမြဲဟု အသိဝင်လာပါသည်။ ဆင်းရဲခြင်းကို ရှုမှတ်ပါများသောအခါ ရုပ်နာမ်တို့၏ တရားကိုယ်ကိုက ဒုက္ခမှန်း သိနားလည်လာ၍ အပရိက ဒုက္ခများကို သည်းခံနိုင်လာပါသည်။ နေရေးစားရေးကို ဇာမချဲ့ဘဲ သင့်တင့်လျောက်ပတ်ရုံဖြင့် ရောင့်ရဲနိုင်လာခြင်း၊ ဗာဟီရ မများဘဲ အပိုကိစ္စများကို လျစ်လျူပြုပြီး အရေးအကြီးဆုံး အလုပ်တို့ကိုသာ ဦးစားပေး လုပ်ရမှန်း သိလာခြင်း၊ အသေးအဖွဲ အဆင်မပြေမှုဒုက္ခများကို ညည်းတွားအချိန်ဖြုန်းမနေဘဲ ကြံ့ကြံ့ခံပြီး လုပ်စရာရှိတာ လုပ်နိုင်လာခြင်း စသည့် အကျိုးထူးများ ခံစားလာရပါသည်။
အချို့မိတ်ဆွေများ ပညာရေး၊ အလုပ်အကိုင်၊ တရားဓမ္မရေး စသည့် အရေးတကြီး လုပ်သင့်သော ကိစ္စများကို မကြိုးစားဘဲ အပြိုင်အဆိုင် ကိစ္စများ၊ နေရေးစားရေး ဇိမ်ခံနိုင်ဖို့ အချိန်ပေးလွန်းခြင်းများ၊ အပျော်အပါးများကြောင့် ဘ၀မှာ အချိန်တွေ အလကားဖြစ်နေရသည်ကို တွေ့သောအခါ တရားအားထုတ်မိခြင်း၏ အကျိုးကို မြင်လာပါသည်။ ငါ့မှာ တရားနှင့်တွေ့၍ ဒီလို အရေးမကြီးတာတွေနှင့် အချိန်ဖြုန်းမိ နေမည့် အဖြစ်မှလွတ်ရသည်၊ ဤမိတ်ဆွေများလည်း တရားအားထုတ်မိလျှင် ဒီလို အကျင့်မျိုး ပျောက်ပြီး သူတို့ဘ၀တွေ ပညာရေး၊ လူမှုရေးကအစ ပိုမိုတိုးတက် အောင်မြင်ဖွယ်ရှိသည်ဟု တွေးမိပါသည်။ တရားဟူသည် မလိုသူကို ဇွတ်တိုက် တွန်း၍ အရာထင်မည် မဟုတ်၍သာ စေတနာ ရှိသော်လည်း မပြောဖြစ်ပါ။


မိဘအသိုင်းအ၀ိုင်းမဲ့ အထီးကျန် ဘ၀ကို တချက်တချက် အားငယ်မိရာမှ ယခုမူ ဘုရားကို မိဘပြု၍ တရားကို အဆွေခင်ပွန်းဖွဲ့ကာ နေမည်ဟူသော စိတ်ခွန်အား များ ၀င်လာပါတော့သည်။ အခြံအရံ ၁၀၀၀ ရှိသော်လည်း တရားမရှိသည့် အဖြစ် ထက် ဆွေမျိုးမရှိ မိတ်ဆွေတဦးမှ မရှိသော်လည်း တရားဓမ္မ ရှိသည့် အဖြစ်က မြတ် သည်ဟု အသိဝင်လာပါသည်။ မိဘဆွေမျိုး အသိုင်းအ၀န်းအခြံအရံ အားနည်းခြင်း ကိုလည်း ရှေးအတိတ်က အကုသိုလ်၏ အကျိုးဆက် ၀ဋ်ကြွေးအဖြစ် တရားနှလုံး သွင်းကာ ကြံ့ကြံ့ခံနိုင်လာပါသည်။ မေတ္တာကမ္မဌာန်း စီးဖြန်းမိသောအခါ ငါဘယ် အခြေပဲ ရောက်နေနေ၊ ငါ့ကို ဘယ်သူဘာပဲ လုပ်လုပ်ပြောပြော ငါက အားလုံး အပေါ် မေတ္တာထားမည်ဟူသော စိတ်များ ၀င်လာပါသည်။ အထီးကျန်ဘ၀ကို အားငယ်ဝမ်းနည်းနေစိတ်ကို တလောကလုံး ကိုယ့်ကို ဆေးဖော်ကြောဖက် မလုပ်ရင်နေ၊ ကိုယ်က တလောကလုံးအပေါ် မေတ္တာပွားနေမည်ဟူသောစိတ်က လွှမ်းမိုးလာပါသည်။
အမေရိကန်တွင် သုတေသန ပြုချက်များအရ ADHD ဝေဒနာရှင်လူငယ် တ၀က်နီး ပါး၏ ပညာရေးမှာ အထက်တန်းကျောင်းပင် မပြီးဆုံးကြောင်း တွေ့ရပါသည်။ အမေရိကန်တွင် ပျမ်းမျှလူ ၁၀၀ လျှင် ၂၈ ဦးသည် တက္ကသိုလ်ဘွဲ့ ရကြသော်လည်း ADHD ဝေဒနာသည်များထဲမှ တက္ကသိုလ်ဘွဲ့ ရသူမှာ ၁၀၀ လျှင် ၅ ဦးနှုန်းထက် လျော့နည်းပါသည်။


ဥာဏ်ရည် ပုံမှန်နှင့် ပုံမှန်အထက် ရှိနေသော်လည်း အိမ်စာများ ပြီးအောင် မလုပ်နိုင် ခြင်း၊ ဘာမဆို အချိန်မီ မပြီးစီးခြင်းများမှာ ADHD ဝေဒနာသည် ကလေးများ၏ သင်္ကေတ ဖြစ်ပါသည်။ ကြီးပြင်းလာသောအခါတွင်လည်း ထိုရောဂါကြောင့် ဘ၀ တွင် အခက်အခဲများ တွေ့ရပါသည်။ စာရေးသူထက် လေးနှစ်ငယ်သော ADHD ဝေဒနာရှင် အမေရိကန် လူငယ်တဦးမှာ မူးယစ်ဆေးပါ သုံးတတ်လာပြီး ဘ၀အခြေ အနေကောင်းများ ရပါလျက် ပညာရေးရော လူမှုရေးပါ မထူးချွန်တော့ပါ။
ထိုသို့ ဘ၀၏ အောင်မြင်မှုများကို အလှမ်းဝေးစေသည့် ကြောက်စရာ ရောဂါဆိုးကို မြတ်စွာဘုရား တိုက်ကျွေးသည့် ဓမ္မရေအေး အမြိုက်ဆေးဖြင့် ကုစားနိုင်ခဲ့ပါပြီ။ ယခု စာရေးရင်း ခဏရပ်ပြီး တရားရှုမှတ်ကြည့်သောအခါ ADHD ရောဂါ၏ စိတ်မတည် ငြိမ်ပြန့်လွင့်အောင် နှိပ်စက်မှုမှ ကင်းလွတ်၍ စိတ်ကြည်လင်တည်ငြိမ်စွာ တရားမှတ် နိုင်နေသည်ကို ၀မ်းမြောက်ဖွယ် တွေ့ရပါသည်။ ရဟန္တာပုဂ္ဂိုလ် မဟုတ်သေးသဖြင့် နိဝရဏ တရားများကတော့ လူမှာ ကုန်ဦးမည် မဟုတ်ပါ။ သို့သော် ADHD ရောဂါ သည် အဖြစ်မှ လွတ်မြောက်၍ ကျန်းမာလာခြင်းကပင် အံ့ဖွယ်အကျိုးရလဒ် ဖြစ်ပါ သည်။


ဆန္ဒ၊ ၀ီရိယ၊ စိတ်ဓာတ်၊ ပညာ အဓိပတိတပ်၍ ကြိုးစားလျှင် အမှုကိစ္စတို့ ပြီးစီးအောင်မြင်သည်ဟူသော မြတ်စွာဘုရား၏ အဆုံးအမနှင့် ဟောကြားသော တရားတော်မြတ်ကို ရိုသေစွာ ရှိခိုးဦးခိုက်လိုက်ပါသည်။

ထေရ၀ါဒ ဗုဒ္ဓဘာသာ၏ ရည်မှန်းချက်ပန်းတိုင်၊

ထေရ၀ါဒ ဗုဒ္ဓဘာသာ၏ ရည်မှန်းချက်ပန်းတိုင်ကား မဂ်ဉာဏ်၊ ဖိုလ်ဉာဏ်ကိုရကာ နိဗ္ဗာန်ကို မျက်မှောက်ပြုရေးပင်ဖြစ်ပါသည်။ လောက၌ ဘုရားပွင့်တော်မူခြင်းကလည်း ၄င်းရည်ရွယ်ချက်ကြောင့်ပင်ဖြစ်သည်။ ထို့ကြောင့်လည်း စလင်းကန်လယ် ဆရာတော်ဘုရားကြီးက…


“အို…လူများတို့၊ ဘုရားသခင်နှင့် ကိုယ်တိုင်မတွေ့လိုက်ကြရ၍ ဘာဝမ်းနည်းစရာ ရှိသလဲ၊ ယခုအခါ ဓမ္မက္ခန္ဓာဘုရားတွေ အများကြီး ရှိသေး၏။ ကံ၊ ပါရမီရှိလျှင် ရလိမ့် မည်ဟူ၍သာ အေးစက်စက်နေကြလျှင် အများကြီးနစ်နာကြလိမ့်မည်။ စာမတက်လို့၊ ဘာမတက်လို့လဲ မလုပ်ကြပါနှင့်၊ ဆရာကောင်းနှင့်တွေ့လျှင် ရနိုင်ပါသည်။ သို့အတွက် အို..လူများတို့ ယခုအခါ ကံ၊ ပါရမီကို မေးရန်မလိုပါ။ ရှင်ဘုရင်သားဖြစ်ပြီး အိမ်ရှေ့မင်းသားသည် ရှင်ဘုရင်ဖြစ်ရန် ဗေဒင်မေးဖို့မလို။ မုတ်ဆိတ်ပျားစွဲသူသည် တခြားသွားပြီး ပျားဖွတ်ရန်မလို၊ ရန်သူဝိုင်းထားခံရသူသည် ထွက်ပေါက်သိ လျက်ကနဲ့ မထွက်သော် ကံ၊ ပါရမီ ချဖွယ်မရှိ၊ အညစ်အကြေးလူးသူသည် ရေစင်ရှိ လျှက်မဆေးသော် ရေ၌အပြစ်ဆိုဖွယ်ရာမလို၊ မိမိကသာ ဖျင်းလို့၊ “အ”လို့၊ ဖြစ်သည်။ “အ” သေနည်း သေတယ်လို့သာ ဆိုဖွယ်ကောင်းတော့၏။ ကြောက်ကြ၊ လန့်ကြ၊ ထိတ်ကြ။ အို..လူများတို့ သို့အတွက် တရားအားထုတ်ကြပါကုန်လော့။”
ဟူ၍ မဂ်ဉာဏ်ဖိုလ်ဉာဏ်ရကြောင်းလမ်းဖြစ်သည့် ၀ိပဿနာတရားကို အားထုတ် ကြရန် အရေးတကြီး တိုက်တွန်းတော်မူခဲ့ပါသည်။ မဂ်ဉာဏ်၊ ဖိုလ်ဉာဏ်ရဖို့ အားထုတ်ခြင်းမှာ ရလာသော လူ့ဘ၀အနှစ်သာရထုတ်ခြင်းတစ်ခုဖြစ်၏။ ထိုကဲ့သို့ အနှစ်သာရ ထုတ်ချင်လာဖို့ရန် ရှေးဦးစွာ လူ့ဘ၀တန်ဖိုး၊ ဗုဒ္ဓဘာသာဖြစ်ရခြင်း၏ တန်ဖိုးတို့ကို သိရှိထားသင့်ပါသည်။
လူ့ဘ၀နည်းတူ ရဖို့ခဲယဉ်းသော အရာငါးမျိုးကို အင်္ဂုတ္ထိုရ်ပါဠိတော်၌ မြတ်ဗုဒ္ဓ ဟောကြားထားသည်မှာ…

(၁) ဘုရားရှင်ပွင့်တော်မူသောအခါကို ရခဲခြင်း၊

(၂) လူ့ဘ၀ကို ရခဲခြင်း၊

(၃) သဒ္ဓါတရားရှိသော ပုဂ္ဂိုလ်အဖြစ်ကို ရခဲခြင်း၊

(၄) ရဟန်းဘ၀ကို ရခဲခြင်း၊

(၅) သူတော်ကောင်းတရားကို ကြားနာရခဲခြင်း တို့ဖြစ်ပေသည်။

ဤနေရာတွင် လူ့ဘ၀ရခဲပုံကိုသာ စာရှုသူများ နားရှင်းသည်အထိကြိုးစားရေးသားပါမည်။ နခသီခူပသုတ်တွင် ဗုဒ္ဓဟောကြားထားသည်မှာ- “ချစ်သား၊ ချစ်သမီးတို့… ငါဘုရား၏ လက်သည်းပေါ်မှာရှိသော မြေမှုန်နဲ့ ဟောဒီအောက်က မဟာပထ၀ီမြေ ကြီး ဘယ်ဟာကများသနည်း”၊
“အောက်မှာရှိတဲ့ မဟာပထ၀ီမြေကြီးက အဆမတန်အောင် များပြားလှပါသည် ဘုရား”
“ချစ်သား၊ ချစ်သမီးတို့၊ ဟောဒီဥပမာအတိုင်းပဲ၊ လူ့ဘ၀ကနေ သေပြီးတော့ လူ့ဘ၀ကို ပြန်ရောက်ရတဲ့ ပုဂ္ဂိုလ်ဆိုတာ ငါဘုရားလက်သည်းခွံ့ပေါ်က မြေမှုန် လောက်ပဲရှိတယ်။ လူ့ဘ၀ကသေပြီး အပါယ်လေးဘုံကျရောက်ရတဲ့ ပုဂ္ဂိုလ်များကတော့ ဟောဒီ မဟာပထ၀ီမြေကြီး အထုလောက်ရှိတယ်” ဟူ၍ဖြစ်ပါသည်။
တစ်ဖန် ဥပရိပဏ္ဏာသပါဠိတော်၊ သုညတ၀ဂ်၊ ဗာလပဏ္ဍိတသုတ်တွင်လည်း အပါယ်ဘုံသားတို့ လူ့ဘ၀ရခဲယဉ်းပုံနှင့်ပတ်သတ်၍ ဟောကြားထားတော်မူသည်မှာ “ချစ်သား၊ ချစ်သမီတို့ အပါယ်ဘုံသားများ လူ့ဘ၀တစ်ခုခဲယဉ်းပုံကို ငါဘုရား ဥပမာနှင့်တကွ ဟောကြားတော်မူမယ်။ ကျယ်ဝန်းနက်ရှိုင်းလှတဲ့ သမုဒ္ဒရာကြီးထဲမှာ အနှစ်တစ်ရာမှ ရေပေါ်ကို ခေါင်းလေးတစ်ခါပေါ်တဲ့ လိပ်ကန်းကြီးတစ်ကောင်ရှိတယ်။ အဲဒီသမုဒ္ဒရာကြီးထဲကို အပေါက်တစ်ပေါက်သာဖောက်ရသေးတဲ့ နွားလှည်းက ထမ်းပိုးတစ်ချောင်းကို ပစ်ချလိုက်ရမယ်။ ထမ်းပိုးကလည်း လေတိုက်ရာအရပ် လေးမျက်နှာ မျောချင်းရာမျောနေမယ်။ လိပ်ကန်းကြီးကလည်း အနှစ်တစ်ရာပြည့် ရင် သူပေါ်ချင်ရာမှာပေါ်မယ်၊ လိပ်ကန်းကြီးကလည်း အနှစ်တစ်ရာပြည့်လို့ ရေပေါ်ကို ပေါ်လာတဲ့ အချိန်လည်း ဖြစ်ရမယ်။ အရပ်လေးမျက်နှာ မျောချင်ရာ မျောနေတဲ့ ထမ်းပိုးကလည်း လိပ်ကန်းကြီးရဲ့ ပေါ်လာတဲ့ ဦးခေါင်းနဲ့တည့်တည့် နေရာ ရောက်နေရမယ်။ ပိုပြီးခဲခဲယဉ်းယဉ်း ဖြစ်ရမှာက တစ်ပေါက်ထဲသာ ဖောက်ထားတဲ့ ထမ်းပိုးက အပေါက်ထဲကို လိပ်ကန်းကြီးရဲ့ ဦးခေါင်းဟာ တည့်တည့်မတ်မတ်ဝင်သွားဖို့ဆိုတဲ့ အရာဟာလွယ်လွယ်ကူကူဖြစ်နိုင်ပါ့မလား ချစ်သား၊ ချစ်သမီးတို့”၊

“ဤသို့ဖြစ်ရန် အင်မတန်မှ ခဲယဉ်းလှပါသည်ဘုရား”

“ချစ်သား၊ ချစ်သမီးတို့ အပါယ်ဘုံသားများ လူ့ဘ၀တစ်ခု ရဖို့ကတော့ ယခုငါဘုရား ဟောကြားတဲ့ ဥပမာထက် အဆပေါင်းများစွာခဲယဉ်းလှသည် ချစ်သား၊ ချစ်သမီးတို့” ဟူ၍ ဟောကြားတော်မူခဲ့ပါသည်။ ဤဟောကြားချက် သုံခုလုံးပေါင်းကြည့်လိုက်ပါမှ လူ့ဘ၀ရဖို့ခဲယဉ်းပုံကို ပိုမို၍ သိလာရပါသည်။ အများအားဖြင့် လူတွေက မိမိရလာတဲ့ ဘ၀ကို တန်းဖိုးသိတ်မထားသလိုပါဘဲ။ အင်မတန်ကံကောင်းလွန်းသောကြောင့် လူ့ဘ၀ကို ခဏတာရောက်လာခြင်းဖြစ်ပါသည်။ အခုလို လူ့ဘ၀ရောက်ချိန်လေးမှာ ဒါန၊ သီလ၊ ဘာဝနာ အလုပ်တွေကိုကြိုးစားအားထုတ်မှ ထေရ၀ါဒဗုဒ္ဓဘာသာ၏ ရည်မှန်းချက် အတိုင်းလိုက်နာသူစင်စစ် ဖြစ်ပါမည်။ လောကီအလုပ်တွေနဲ့ဘဲ အချိန်ကို အသုံးချနေမယ်ဆိုရင် လူ့ဘ၀တန်ဖိုးဆုံးရှုံးသွားပါမည်။ တန်းဖိုးထား တက်သူမှသာ တန်းဖိုးရှိမှန်းသိပါမည်။ တဆက်တည်းပြောလိုသည်မှာ မိမိတို့ ပန်းတိုင်ရောက်ရေး အားထုတ်ရာမှာ ဆရာကောင်းကို ဆည်းပူးဖို့အရေးကြီးပါသည်။ ဆရားတင်မှားပါကလည်း မိမိတို့ ပန်းတိုင်ရောက်နိုင်မှာ မဟုတ်ပါ။ “ပူဇော်ရာမှာ အများသံဃာ၊ ကိုးကွယ်ရာမှာ ရွေးချယ်ပါ” ဆိုသည့်အတိုင်း ဆရာကောင်းကို ရွေးချယ်ကိုးကွယ်ရပါမည်။ ဆရာကောင်းကိုရရင် ကိစ္စအားလုံးပြီးစီးတယ်လို့ ဘုရား ရှင်က ဟောကြားခဲ့ပါသည်။ မိမိတို့ရထားတဲ့ ထေရ၀ါဒဗုဒ္ဓဘာသာ၏ အနှစ်သာရကို သိရှိကာ ရည်မှန်းချက်ပန်းတိုင်ကို ရောက်အောင်တက်လှမ်းဖို့သည်သာ အရေးအကြီးဆုံးဖြစ်ပါသည်။


“စာဖတ်သူများ အသိဉာဏ်ပညာတိုးပွားကာ ထေရ၀ါဒဗုဒ္ဓဘာသာ၏ ရည်းမှန်းချက် ပန်းတိုင်ကို အရောက်တက်လှမ်းနိုင်ကြပါစေ…”



မှတ်ချက်။..။ အရှင်ဇ၀န(မေတ္တာရှင်)၏ “မျက်ရည်မကျခင်သိစေချင်” စာအုပ်မှ ထုတ်နှုတ်ရေးသားပါသည်။

ဗုဒ္ဓဒေသနာနှင့်လောကလူသား…၊

ဗုဒ္ဓတရားတော်သည် လွန်စွာ နက်နဲသိမ်မွေ့မြင့်မားရကား နေ့စဉ်အသက်မွေးဝမ်း ကျောင်း လုပ်ကိုင်စားသောက်နေထိုင်ကြရသည့် လောကလူသား မိန်းမ၊ ယောက်ျား များအတွက်မူ ဗုဒ္ဓကျင့်စဉ်ကို အလုံးစုံ လိုက်နာကျင့်သုံးနိုင်ကြမည်မဟုတ်ပါ။ ဗုဒ္ဓ၀ါဒီ အစစ် အမှန်တစ်ဦးဖြစ်လိုပါက လောကမှဖယ်ခွာ၍ ကျောင်းကန်ဘုရား ဆိတ်ငြိမ်ရာ အရပ်များသို့ ‘တောထွက်’ ကြရပေလိမ့်မည်ဟု အချို့ပုဂ္ဂိုလ်များက ထင်မှတ်နေကြပေသည်။ ဤကား ၀မ်းနည်းဖွယ်ရာ အထင်အမှတ် လွဲမှားနေခြင်းပင်ဖြစ်ပေသည်။


ဗုဒ္ဓဟောကြားတော်မူထားသည့် တရားတော်များကို ကောင်းစွာ နားမလည်သေး သောကြောင့် ထိုသို့ လွဲမှားမှတ်ယူနေကြကြောင်း ထင်မိပါသည်။ ဗုဒ္ဓတရားတော်သည် ဘုန်းတော်ကြီးကျောင်းများတွင် သီတင်းသုံးနေထိုင်ကြသည့် ရဟန်းသံဃာတော်များ အတွက်သာ မဟုတ်ဘဲ။ အိမ်ရာတည်ထောင် နေထိုင်ကြသည့် သာမန် လောကလူသား မိန်းမ၊ယောက်ျားများ အတွက်လည်းဖြစ်ပေသည်။ ဗုဒ္ဓ၀ါဒတို့ ကျင့်သုံးရာလမ်းစဉ်ဖြစ်သော မဂ္ဂင်(၈)ပါး တရားတော်မြတ်သည် ဂုဏ်ထူးဝိသေသ အဆင့်အတန်း လုံးဝခွဲခြားခြင်းမရှိဘဲ ခပ်သိမ်းသော ပုဂ္ဂိုလ်အပေါင်းတို့ အကျိုးစီးပွားအတွက် ဖြစ်ပါသည်။ ကမ္ဘာလောကကြီး တစ်ခုလုံး သာယာအေးချမ်းအောင်လည်း ဗုဒ္ဓဘုရားရှင်၏ တရားတော်များ အတိုင်းတည်ဆောက်နိုင်ပါသည်။ အထူးတလည် ကျင့်ကြံပွားများစရာ မလိုပါဘူး။ မိမိတို့သိတဲ့ အတိုင်းသာလိုက်ကျင့်ဖို့လိုတာပါ။ လူတိုင်းထို အသိရှိပြီး ကျင့်ကြမည်ဆိုပါက အားလုံးအမုန်းမရှိဘဲ သာယာဖွယ် ဖြစ်ပါလိမ့်မည်။



အခါတစ်ပါး၌ မြတ်စွာဘုရားသည် ဒေသစာရီကြွချီတော်မူရာ ဝေဠုဒွါရ ပုဏ္ဏားတို့ရွာသို့ ရောက်တော်မူပါသည်။ ထိုအခါရွာသူရွာသားတို့က မြတ်စွာဘုရားရှိရာသို့ လှူဖွယ်၊ ပူဇော်ဖွယ် ၀တ္ထုတို့ဖြင့် လာရောက်ကြပါသည်။ ထိုသို့ လူအများလာရောက် ကြသောအခါ အလ္လာပ၊ သလ္လာပ စကားများပြောကြပြီး ထိုရွာမှအကြီးအကဲ ပုဏ္ဏားကြီးက မြတ်စွာဘုရားအား လျှောက်ထားပါသည်။ ဘယ်လို လျှောက်သလဲဆို တော့..
“မြတ်စွာဘုရား တပည့်တော်တို့ အိမ်ရာတည်ထောင်၍ နေကြသောသူတို့သည် အရှင်ဘုရားတို့လို ဆွမ်းခံစားတာ မဟုတ်တော့ ရွှေ၊ ငွေကိုလည်း မစွန့်နိုင်ပါ။ သားမယား တို့ကိုလည်း မစွန့်နိုင်ပါ။ အ၀တ်ကောင်းကိုလည်း ၀တ်ချင်ပါသည်၊ အစားကောင်းကိုလည်း စားချင်ပါသည်။ ပန်းကိုလည်း ပန်လိုပါသည်။ သနပ်ခါးကိုလည်း လိမ်းလိုပါသည်။ ပွဲကိုလည်းကြည့်လိုပါသည်။ တောတောင် ကိုလည်းမထွက်နိုင်ပါ။ သေတဲ့အခါ အပါယ်လေးပါးသို့လည်း မကျလိုပါ။ နတ်ပြည်သို့ ရောက်လိုပါသည်။ သို့အတွက် မြတ်စွာဘုရားသည် တပည့်တော်တို့အား တောလည်းမထွက်ရ၊ သားမယားကို သာယာလျှက်၊ ရွှေ၊ ငွေ ကိုလည်း သာယာလျက်၊ အစားကောင်းကိုလည်း စားကာ၊ အ၀တ်ကောင်းကိုဝတ်လျက်၊ ပန်းကိုလည်းပန်ကာ၊ သနပ်ခါးလိမ်းလျက်၊ ပွဲလည်းကြည့်ကာ၊ အပါယ်လေးပါးသို့ မကျဘဲ နတ်ပြည်သို့ ရောက်တဲ့တရားကို ဟောတော်မူပါဘုရားတဲ့”
ဒီတရားတောင်းဟာ အိမ်ယာတည်ထောင်နေသော လူတွေအားလုံးနှင့် အင်မတန်သင့်တော်သော တရားတောင်းပါ။ အဲဒီတရားတောင်းတော့ မြတ်စွာဘုရားက ဘယ်လိုမိန့်တော်မူသလဲဆိုတော့..
“ပုဏ္ဏားတောင်းတဲ့ အတိုင်းဖြစ်ပါစေမယ်၊ ရွှေ၊ ငွေကိုလည်း မစွန့်ရပါဘူး။ တော လည်းမထွက်ရပါဘူး။ အ၀တ်ကောင်းလည်း ၀တ်ရပါမယ်။ အစားကောင်းလည်း စားရပါမယ်။ သနပ်ခါးလည်း လိမ်းရပါတယ်။ ပန်းလည်းပန်ရပါတယ်။ ပွဲလည်းကြည့် ရပါတယ်။ သေတဲ့အခါ အပါယ်လေးပါးကိုလည်း မရောက်စေရပါဘူး၊ နတ်ပြည်ကို လည်း ရောက်ရပါစေမယ်။ သို့သော် ငါဘုရားပြောတဲ့ အတိုင်းလိုက်နာကျင့်ကြံရပါမယ်” လို့ မိန့်တော်မူပါသည်။
ပုဏ္ဏားက “ဒီလိုဆို ကျင့်ကြံပါမယ်ဘုရား အကျင့်လမ်းစဉ်ကိုသာ ဟောတော်မူပါတဲ့”
“ဒီတော့ မြတ်စွာဘုရားက အကျင့်လမ်းစဉ်ကို ဘယ်လိုဟောသလဲဆိုတော့..”


(၁) “ငါ့ကို သတ်လျှင် ငါမခံချင်သလို သူများကို ငါကသတ်လျှင် သူများက ဘယ်ခံချင်ပါ့မလဲ။ သို့အတွက်ငါသည် သူတစ်ပါးအား သတ်ဖြတ်ခြင်းမှ ရှောင်ကျဉ်ပါအံ့ဟု ကျင့်ရမယ်”။


(၂) “ငါ့ဥစ္စာကိုခိုးလျှင် ငါမခံချင်သလို၊ သူတစ်ပါးဥစ္စာကို ငါကခိုးလျှင်လည်း သူတစ်ပါးက ဘယ်ခံချင်ပါ့မလဲ။ သို့အတွက် ငါသည် သူတစ်ပါးဥစ္စာကို ခိုးယူခြင်းမှ ရှောင်ကြဉ်ပါအံ့ဟု ကျင့်ရမယ်”။


(၃) “ငါ့သားမယားကို သူတစ်ပါးက မှားယွင်းလျှင် ငါမခံချင်သလို သူတစ်ပါးသား မယားကို ငါမှားယွင်းလျှင် သူတစ်ပါးက ဘယ်ခံချင်ပါ့မလဲ။ သို့အတွက် ငါသည် သူတစ်ပါးသားမယားကို မှားယွင်းခြင်းမှ ရှောင်ကြဉ်ပါတော့အံ့ဟု ကျင့်ရမယ်”။


(၄) “ငါ့ကို သူတစ်ပါးက လိမ်ပြောလျှင် မကြိုက်သလို သူတစ်ပါးကို လိမ်လျှင်လည်း သူတစ်ပါးက ဘယ်ကြိုက်ပါ့မလဲ။ သို့အတွက် ငါသည် မုသားပြောဆိုခြင်းမှ ရှောက်ကြဉ်ပါတော့အံ့ဟု ကျင့်ရမယ်”။


(၅) “ငါသည် သူတစ်ပါးသောက်စားမူးယစ်တာကို မြင်လျှင် မကြည်ညိုသလို၊ ငါသောက်စားမူးယစ်လျှင်လည်း သူတစ်ပါးက ဘယ်ကြည်ညိုပါ့မလဲ၊ သို့အတွက် ငါသည်သောက်စားမူးယစ်ခြင်းမှ ရှောင်ကြဉ်ပါတော့အံ့ဟု ကျင့်ရမယ်”။



ငါးပါးသီလမြဲအောင် ကျင့်ရမည်ဟု ဟောကြားတော်မူခဲ့ခြင်း ဖြစ်ပါသည်။

ယနေ့ကမ္ဘာကြီးမှာ စစ်ပွဲတွေ၊ တိုက်ခိုက်မှုတွေဖြစ်နေခြင်းမှာ လူသတ်တာ အကုသိုလ်ဖြစ်ကြောင်းကို လူတိုင်းမသိ၍၊ သိသော်လည်း မကျင့်သောကြောင့်ဖြစ်ပါသည်။ ထို့နောက် သူတပါးပစ္စည်း၊ နယ်မြေလိုချင်တဲ့ လောဘတွေ၊ သူတပါးကို သေစေလိုတဲ့ ဒေါသတွေကြောင့် လောကကြီးမှာ ယနေ့ထိ ငြိမ်းချမ်းမှုတွေ နေရာတိုင်း မရနိုင်သေးတာပါ။



အဒိန္နာဒါနာကံမှာ သူတစ်ပါးပစ္စည်းကို ခိုးယူခြင်း၊ မတော်မတရားယူခြင်း၊ အလေးခိုးခြင်း၊ ဓားမြတိုက်ခြင်း အားလုံးကိုထည့်တွက်ရပါမည်။ ထိုအမှု့များ လုပ်ပါက အကုသိုလ်ကံ ဖြစ်သည်ဟုသိပြီး လိုက်ကျင့်ကြပါက လောကမှာ သူခိုးများရှိမည် မဟုတ်တော့ပါ။ မိမိတို့ ပစ္စည်းကိုသာ အသုံးပြု၍ သူတပါးထံမှ လိုချင်သော လောဘတရားလည်း အလိုလိုပယ်သတ်နိုင်ပါလိမ့်မည်။



မိမိနှင့် မောင်နှမသားချင်း စာနာကာ သူတပါး သားသမီးအပေါ် ကျူးလွန်ခြင်းအမှု ကာမသုမိစ္ဆာစာရကံကို လူတိုင်းစောင့်ထိန်းကြမည်ဆိုပါက မလိုလားအပ်သော အမှုခင်းများလည်း ဖြစ်မည်မဟုတ်ပေ။ “နှမချင်း စာနာထောက်ထားပါ” “သားသမီးချင်း ကိုယ်ချင်းစားပါ” ဟူသော မြန်မာတို့၏ ယဉ်ကျေးမှု စကားဖြင့်ပင် အသိအလိမ္မာရှိသူတို့အဖို့ ထိုကံကို ကျူးလွန်လိမ့်မည်မဟုတ်ပါ။ ထိုသို့စောင့်ထိန်း ခြင်းကြောင့် လူသားအားလုံး အိမ်ထောင်ရေးပြဿနာ၊ ကိုယ်ကျင့်တရားဖောက်ပြားမှုများ မဖြစ်တော့ဘဲ သာယာမှုရစေနိုင်ပါသည်။



မုသားစကားဆိုရာတွင် လိမ်ပြောခြင်း၊ ကြမ်းတမ်းစွာဆဲဆိုပြောခြင်း၊ ကုန်းချောစကားပြောခြင်း၊ အကျိုးမရှိသောအပိန်ဖျင်း စကားများပြောခြင်း တို့ကိုပါမှတ်ယူ စောင့်ထိန်းကြရပါမည်။ စီဘောက်မှာ ဆဲဆိုပြောနေခြင်းများ၊ သူတပါးတွေကို ကုန်းချောသောစာများကို တွေ့ရပါက မည်သို့ခံစားရသည်ကို စာဖတ်သူများသိကြမှာပါ။ တရားသိပြီးစောင့်ထိန်းကြပါက ထိုကဲ့သို့ သေးငယ်သော အမှုမှစ၍ ကျူးလွန် ကြမှာမဟုတ်ပါ။



သေရည်အရက်သောက်ပါက မူးယစ်ပြီး ဆုံးဖြစ်ချက်များ မှန်ကန်စွာမချနိုင်တော့ပါ။ မိမိသောက်လိုက်ခြင်းကြောင့် ပတ်ဝန်းကျင်လည်း ထိခိုက်ရပါသည်။ အရက်၊ ဆေးခြောက်၊ ဘီယာ၊ မူးယစ်ဆေး၊ ထန်းရည် အားလုံးကို ပါမှတ်ယူ ရှောင်ကြဉ်ရပါမည်။ မူးယစ်သောက်စားပြီးပါက နောက်ထပ် မကောင်းမှုမှားဆက်လုပ်ချင်တဲ့ စိတ်ကဖြစ်လာတက်ပါသည်။ အရက်မူးခြင်းကြောင့်ဖြစ်သော အမှုခင်းများ အားလုံးလည်းဖြစ်မည် မဟုတ်ပေ။


ထို့ကြောင့်ဘုရားရှင်ဟောကြားခဲ့သော တရားများသည် မွေးခြင်း၊ အိုခြင်း၊ နာခြင်း၊ သေခြင်း စတဲ့ ဆင်းရဲအပေါင်းမှ လွတ်မြောက်စေခြင်း အပြင် လောကအတွင်း သတ္တ၀ါအားလုံး နေနည်းများ ကိုလည်း လမ်းညွှန်ပြထားခဲ့ပေသည်။ လောကရဲ့အလှတရားကို သီလပန်းဖြင့် ဆင်မြန်းမှသာ တင့်တယ်လှပနိုင်ပါမည်။



ကျွန်တော်တို့အားလုံး ငါးပါးသီလအစဖြာသော သီလတရားကို စောင့်ထိန်း၍ လောက နှင့် မိမိတို့ သံသရာအတွက် သီလရနံ့ဖြင့် ထုံမွှမ်းကြပါစို့…။

စောင့်လေမျိုးနွယ်..၊

ကျွေးမွေးမပျက်၊ ဆောင်ရွက်စီမံ၊ မွေခံထိုက်စေ၊ လှူမျှဝေ၍၊ စောင့်လေမျိုးနွယ်၊ ၀တ် ငါးသွယ်၊ ကျင့်ဖွယ်သားတို့တာ။


(၁) ကျွေးမွေးမပျက် ဟူသည် အသက်အရွယ်ကြီးရင့်သွားသော မိဘတို့အား သား၊ သမီးတို့က တုံ့လှည့်တစ်ဖန်ကျွေးမွေး၊ စောင့်ရှောက်ရမည်ဟု ဆိုလိုပါသည်။

(၂) ဆောင်ရွက်စီမံ ဟူသည် အသက်အရွယ်ကြီးသွားသော မိဘနှစ်ပါးတို့၏ ကိုယ်စား စီးပွားရေး၊ လူမှု့ရေး၊ သာသနာရေး စသော ကိစ္စကြီးငယ်အသွယ်သွယ် တို့ကို သားသမီးတို့က စီမံဆောင်ရွက် တာဝန်ယူရမည်ဟု ဆိုလိုသည်။




(၃) မွေခံထိုက်စေ ဟူသည် မိဘတို့၏ ကောင်းမွန်သော အမွေအနှစ်တို့ကို ဆက် လက်ခံယူနိူင်အောင် အရည်အချင်းနှင့် ပြည့်စုံရမည်ဟု ဆိုလိုသည်။

(၄) လှူမျှဝေ၍ ဟူသည် တမလွန်ဘ၀သို့ ကွယ်လွန်ပြောင်းရွှေ့သွားကြသော မိဘ တို့အားရည်စူး၍ ကုသိုလ်ကောင်းမှု ပြုလုပ်ကာ သတိတရ အမျှအတန်းပေးဝေရမည်ဟု ဆိုလိုသည်။

(၅) စောင့်လေမျိုးနွယ် ဟူသည် မိမိတို့၏ မျိုးရိုးစဉ်လာတို့ကို ထိန်းသိမ်းစောင့် ရှောက်ရမည်ဟု ဆိုလိုသည်။
စောင့်လေမျိုးနွယ်းဆိုရာတွင် မိမိတို့မျိုးဆွေမျိုးသားချင်း အစဉ်အလာ၊ မျိုးရိုးဂုဏ်ထက် ဗုဒ္ဓဘာသာဝင် ဟူသောမျိုးရိုးဂုဏ်ကို စောင့်ထိန်းရပါမည်။

“လူမှာအမျိုး ကြက်မှာအရိုး” ဟူသောဆိုရိုးစကားအတိုင်း လူတိုင်းမှာ အမျိုးအနွယ်သည် အရေးကြီးလှပါသည်။ ဘာသာရေးအရဆိုလျှင် မိမိတို့၏ ဗုဒ္ဓဘာသာဝင်မျိုးရိုးကို စောင့်ထိန်းရပါမည်။ ဗုဒ္ဓဘာသာဝင် မျိုးရိုးကို ချစ်မြတ်နိုးတက်ရပါမည်။ မြန်မာအမျိုးသား၊ အမျိုးသမီးများအနေဖြင့် အိမ်ထောင်ဘက်ရွေးရာ၌ ဘာသာတူဖြစ်သော ဗုဒ္ဓဘာသာဝင်မျိုးရိုးကို ရွေးချယ်ရပါမည်။ ဤအချက်သည် အလွန်အရေးကြီးပါသည်။ တချို့လူငယ်တို့သည် အချစ်သည်သာပဓာနဟူသော စကားကို အားကျအဟုတ်ထင်ပြီး အိမ်ထောင်ဖက် ရွေးချယ်မှားကြလေသည်။ အိမ်ထောင် ဖက်ရွေးချယ်မှားရာတွင် ယောက်ျားလေးထက် မိန်းကလေးက ပို၍အရေးကြီးသည်။ ဘာသာခြားနှင့် အိမ်ထောင်ပြုမိပါလျှင် သားစဉ်မြေးဆက် ရင်သွေးတို့ပါ ဘာသာခြား ဖြစ်သွားတက်ပါသည်။ စောင့်လေမျိုး နွယ်တာဝန် ကြီး ပျက်သွားပါသည်။ အချို့ မိရိုးဖလာ ဗုဒ္ဓဘာသာဝင်တို့၏ ဘာသာရေးခံယူချက်နှင့် လူမျိုးရေးစိတ်ဓာတ် ပျော့ညံ့မှု တို့ကြောင့် အချို့သော ဗုဒ္ဓဘာသာဝင် အမျိုးသမီးတို့သည် ဘာသာခြား တို့နှင့် အိမ်ထောင်ပြုကြသဖြင့် ဘာသာရောလူမျိုးပါ ဆုံးရှုံးနစ်နာရလေသည်။ မိမိတို့အမျိုးဂုဏ်ကို မိမိကိုယ်တိုင် ထိန်းသိမ်းမှရမည်ဟူသော လူမျိုးရေး၊ ဘာသာရေး အသိရှိကြရပါမည်။ ထို့ထက်ပို၍ မိမိတို့ကိုးကွယ်နေသော ဘုရားရှင်၏ ဂုဏ်ကျေးဇူးတော်တို့ကို သိတက်ရပါမည်။ ထိုကျေးဇူးတော်တွေကို သိပြီး လိုက်နာကျင့်သုံးနိုင်မှသာ ဗုဒ္ဓဘာသာဝင်ဟု အပြည့်အ၀ ခံယူထိုက်ပါသည်။ ကျနော်တို့ မြန်မာတွေဟာ ယုံကြည်တက်မှု အလွန်လွယ်ကူကြပါသည်။ ဘုရား၊ တရား၊ သံဃာ အပြင် အခြားသော ရိုးရာကိုးကွယ်မှုနတ်များ၊ ဗေဒင်၊ လက္ခဏာ၊ ဘိုးတော်၊ မယ်တော် တွေကိုပါ ယုံကြည်တက်ကြပါသည်။ ဒီလိုပညာတွေ ကဟော နိုင်တာက ကာလ(၃)ရပ် (အတိတ်ဖြစ်ရပ်တွေ၊ လက်ရှိနဲ့ အနာဂတ်ဖြစ်ရပ်တွေ)၊ စိတ်နေသဘောထား (ပေါင်းသင်းဆက်ဆံရေး ) နဲ့ စီးပွားရေး၊ ကျန်းမာရေး၊ ပညာရေး၊ အချစ်မေတ္တာရေး စတာတွေဖြစ်ပါမည်။ ဒီပညာတွေမှာ လွဲမှားနိုင်တဲ့ အချက် (၂)ချက်ရှိပါသည်။


(က) ဟောသူက မကျွမ်းကျင်လို့ ဖြစ်စေ၊ ရွှီးနေလို့ ဖြစ်စေ၊ ကျက်မှတ်ထားတာ၊ တွက်ချက်တာတွေ ဆုံးဖြတ်တာတွေ မှားလို့ဖြစ်စေ လွဲနိုင်ပါသည်။


(ခ) နောက်တစ်ချက်က အဟောခံရသူကိုယ်တိုင်ရဲ့ ပြုမူဆောင်ရွက်ချက်တွေ ကြောင့်လဲလွဲနိုင်ပါသည်။ ကိုယ်ဟောနေတာ၊ ဆုံးဖြတ်တာမှန်ရဲ့ သားနဲ့ လာမေးသူက မမှန်သလို အမူအရာပြတာကြောင့် ပုထုဇဉ်ဗေဒင်ဆရာလဲ စိုးရွံ့ပြီး မှန်နေရာကနေ အမှားတွေ ဟောမိတတ်သည်။ ဒါအပြင့် အားလုံးမှန်နေပေမယ့် လာမေးသူက ကောင်းမှုတွေလုပ်ပြီး မကောင်းကံတွေကို တားနိုင်တာကြောင့်လဲ မှားသွားတတ်ပါသည်။

ဘုရားရှင်ရှိစဉ်ကပဲ ပုဏ္ဏားတစ်ယောက်က ကိုယ့်ကိုယ်ကို တွက်ကြည့်တော့ မဝေးတော့တဲ့ တစ်ခုသော လပြည့်ည သန်းခေါင်မှာ သေမည်ဟု အဖြေရပါသည်။ သူ့မိန်းမကလဲ တွက်ကြည့်တော့ သေမည်ဟုဘဲ အဖြေရပါသည်။ ဒီတော့ ဘုရားရှင် ကို လာမေးပါသည်။ ဘုရားရှင်ကလဲ သေမယ်လို့ပဲ ဟောလိုက်ပါသည်။ အဲဒီအခါ ပုဏ္ဏားကလန့်ပြီး သေသွားပြီးတဲ့နောက်မှာ ငါသာမျောက်ဖြစ်ရင် စားဖို့ဆိုပြီး ငှက်ပျောသီးတွေ စိုက်တယ်၊ ငှက်ဖြစ်ရင် နေဖို့ ညောင်ပင်တွေစိုက်တယ်၊ ငါးဖြစ်ရင်နေဖို့ ရေကန်တူးတယ် စသဖြင့် အမျိုးမျိုး စဉ်းစားပြီး စိုက်ပျိုးတာတွေ၊ ရေကန်တူးတာ တွေလုပ်ပါသည်။ နောက်တော့ လမ်းဖောက်တာတွေပါ လုပ်လာပါသည်။ သူက ကုသိုလ်ရဖို့တော့ မဟုတ်ပါဘူး။ သူသေပြီး ဘာကောင်ပြန်ဖြစ်ဖြစ် နေရတာ အစဉ်ပြေအောင် လုပ်တာပါ၊ ဒါပေမယ့် သူစိုက်ပျိုးထားတာတွေ ကြီးလာတော့ မျောက်တွေ၊ ငှက်တွေ၊ ပါးတွေ စသည်ဖြင့် စားကြ၊ သောက်ကြ၊ နေကြ၊ နားကြဖြစ် နေပါသည်။ သေမယ်လို့တွက်ချက်သိထားတဲ့ ညမှာတော့ သူက အားလုံးကို နှုတ်ဆက်ပြီး အိပ်ယာပေါ်မှာ သေမယ့် အချိန်ကို စောင့်နေပါသည်။ အာရုဏ်တက် ချိန်အထိလဲ မသေရော၊ သူ့ကို စိတ်ဆင်းရဲအောင် လုပ်ရမလားလို့ ဘုရားရှင်ကို စိတ်ဆိုးပြီးရန်တွေ့ဖို့ ထွက်လာခဲ့ပါသည်။ ဘုရားရှင်က ဟောအပြီးနောက်ပိုင်း ဘာတွေ လုပ်လဲဆိုတာမေးတော့ ပုဏ္ဏားက မိမိလုပ်ဆောင်ခဲ့တာတွေ လျောက် ထားပါသည်။ အဲဒီအချိန်မှာ ဘုရားရှင်က ပုဏ္ဏားလုပ်ခဲ့တာတွေက အသက်ရှည်ရာ ကောင်းမှုတွေဖြစ်ကြောင်း ဟောခဲ့ပါသည်။ ဒီတော့ သာမာန်ဗေဒင်လို သက်သက် မှာ မမှန်နိုင်ဘူးဆိုတာ သိသာပါသည်။ ဗုဒ္ဓဘာသာဝင်ဆိုတာ အခြေခံအားဖြင့် ကံ နဲ့ ကံ ရဲ့ အကျိုးကိုယုံရပါမည်။ ဒီလိုမဟုတ်ဘဲ ဂြိုလ်စီး၊ ဂြိုလ်နင်း၊ နက္ခတ်၊ ရာသီ နဂါးခေါင်းလှည့်၊ ရက်ရာဇာ၊ ပြဿဒါး လက်ဝါးမှ လမ်းကြောင်းများ ညွှန်ရာတွေကိုပဲ ယုံနေမယ်ဆိုရင် ကံ နဲ့ ကံ၏အကျိုးကို ပယ်ရာကျပြီး ကမ္မဿကတ သမာဒိဋ္ဌိ မဖြစ်တော့ဘဲမိစ္ဆာဒိဋ္ဌိတောင်ဖြစ်သွားပါမည်။


ထို့ကြောင့်ယုံကြည်အားထားရာ အစစ်အမှန်မဟုတ်သော အရာများအပေါ် ယုံကြည် မှုလွန်ကဲကြလျှင် တကယ့်အစစ်အမှန်များက မှေးမှိန်နေရပါဦးမည်။ တရားစစ်၊ တရားမှန်တွေကိုလည်း လူတိုင်းသိခွင့်နည်း နေပါတော့မည်။ ထိုသို့မသိခြင်းကြောင့် ထင်ရာလုပ်ကြပါမည်၊ ထင်ရာလုပ်တော့ ဒုက္ခရောက်ရပါလိမ့်မည်။ ရခဲလှသော ဗုဒ္ဓဘာသာဝင် ဘ၀မှာ အလွဲယုံကြည်မှုမဖြစ်စေရန်နှင့် မိမိတို့အမျိုးဂုဏ်ကို ကိုယ်စီ စောင့်ထိန်းဖို့ တာဝန်ကို မြန်မာလူမျိုးတိုင်းသိတက်နေရပါမည်။



“စာဖတ်သူများ ကိုယ်စိတ်နှစ်ဖြာ ကျန်းမာ၊ ချမ်းသာစွာဖြင့် ကောင်းကျိုးလိုလာ ဆန္ဒပြည့်ဝကြပါစေ…”

ဥပမာ ရှုစရာ လူသားများ(၂)

ဗုဒ္ဓဘုရားရှင်၏ တရားတော်တွေဟာ ဗဟုသုတ ရရုံသာမဟုတ်ဘဲ လက်တွေ့ကျင့် ကြံအားထုတ်ရန် ဖြစ်ပါသည်။ လောကမှာ အချို့က “ငယ်ပါသေးတယ်၊ အသက်ကြီးမှ တရားလေ့လာတော့မယ်၊ တရားအားထုတ်တာ အသက်ကြီးတဲ့သူတွေ အလုပ်၊ ငယ်တုန်းမှာ လူငယ်သဘာဝ ပျော်ထားကြမှ…စသဖြင့်၊” ပြောစမှတ်ရှိနေကြပါ


သည်။ ဘုရားကို စိတ်ထဲမှာရှိရင်ပြီးရော ဆိုတာမျိုး၊ မနက်ဖြန်စာမေးပွဲရှိမှ ဒီနေ့ဘု ရားရှိခိုးတယ် ဆိုတာမျိုးလည်း ရှိကြပါသည်။ ထိုသို့စကားတွေကြားရတဲ့အခါမှာ များစွာသံဝေဂရမိပါသည်။ အချို့ကျတော့ သိတော့သိကြပါသည်။ လက်တွေ့မကျင့်ဆောင်ကြပါဘူး။ အချိုးကျတော့လည်း မိမိကသိတာနဲနဲ ပြောတာကများများ ဖြစ်နေတက်ပါသည်။ ဒီလိုနဲ့ လောက ဇာတ်ခုံမှာ ကံ ဇာတ်ဆရာစီစဉ်တဲ့အတိုင်း က နေကြပါတော့သည်။ မိမိတို့တွေသည် ဘ၀အခြေအနေအမှန်ကို မသိဘဲနေသွား ကြမယ်ဆိုရင်တော့ လူ့ဘ၀တန်ဖိုး ဆုံးရှုံးရပါတော့မည်။ တဘက်မှာလည်း မိမိအတွက် အားထုတ်ရသလို သူများအတွက်လည်း လုပ်ဆောင်သင့်ပါသည်။ မိမိကိုယ်တိုင် ဦးစွာသိရှိ ကျင့်ကြံဖို့သည်လည်း လိုအပ်ပါသည်။ ဤသို့ဖြင့်..

ပုဂ္ဂလပညတ် ပါဠိတော်၌ ပုဂ္ဂိုလ်အမျိုးမျိုးကို ခွဲခြား၍ ဥပမာဖြင့် ပြဆိုထားပေသည်။


ကြွက်နှင့်တူသူ လေးယောက်


(၁) တွင်းတူးလျှက် မအောင်းသော ကြွက်နှင့်တူသူ တစ်ယောက်။


(၂) အောင်းလျှက် တွင်းမတူးသော ကြွက်နှင့်တူသူ တစ်ယောက်။


(၃) တွင်းလည်းတူး အောင်းလည်းအောင်းသော ကြွက်နှင့်တူသူ တစ်ယောက်။


(၄) တွင်းလည်းမတူး အောင်းလည်းမအောင်းသော ကြွက်နှင့်တူသူ တစ်ယောက်။


ဤသို့အားဖြင့် ကြွက်နှင့်တူသူတို့ လေးယောက်ဖြစ်ကုန်၏။



(၁) လောက၌ လူအချို့သည် စာကိုသင်၏။ ထိုသူသည် စာ၏အနက်အဓိပ္ပာယ်ကို ဘာမျှမသိ။ ဤကား ဒုက္ခဟူ၍ ယထာဘူတကျကျမသိ (အမှန်အတိုင်း ဟုတ်တိုင်း မှန်စွာမသိ)။ ဤကားဒုက္ခဖြစ်ကြောင်း တရားဟူ၍ ဟုတ်တိုင်းမှန်ရာကို မသိ။ ဤ သည်ကား ဒုက္ခချုပ်ငြိမ်းရာဟူ၍ အမှန်ကို အမှန်အတိုင်း မသိ။ ဤကား ဆင်းရဲချုပ် ငြိမ်းရာ နိဗ္ဗာန်သို့သွားရာ ကျင့်စဉ်တည်းဟု မသိ။
ဤပုဂ္ဂိုလ်သည် တွင်းသာတူးလျက် မအောင်းသောကြွက်နှင့်တူ၏။ ကြွက်သည် တွင်းသာတူးပြီး မအောင်းသကဲ့သို့ ထို့အတူ ထိုသူသည် ပိဋကတ်ကျမ်းဂန်သာ တက်ကျွမ်းပြီး အမှန်တရားကို နားမလည်သူ ဖြစ်လေသည်။ သက်ဝင်ယုံကြည်ပြီး လိုက်ပါမကျင့်သောသူ ဖြစ်သည်။


(၂) လောက၌ လူအချို့သည် စာကိုကားမသင်။ ထိုသူသည်“အမှန်တရားကိုကား သိ၏”။ ထိုပုဂ္ဂိုလ်သည် အောင်းလျက်တွင်းမတူးသော ကြွက်နှင့်တူ၏။ ထိုကြွက်သည် အောင်းသာအောင်းပြီး တွင်းမတူးသကဲ့သို့ ထို့အတူ ထိုပုဂ္ဂိုလ်သည် စာမ တက်ဘဲလျက် အမှန်ကို အမှန်အတိုင်း ယထာဘူတကျကျ သိသောသူ ဖြစ်လေသည်။


(၃) လောက၌ လူအချို့သည် စာကိုလည်းသင်၏။ အမှန်တရားကိုလည်းသိ၏။ ထိုသူသည် တွင်းလည်းတူး၊ အောင်းလည်းအောင်းသော ကြွက်နှင့်တူ၏။
ထိုကြွက်သည် တွင်းလည်းတူး၊ အောင်းလည်းအောင်းကဲ့သို့ ထို့အတူ ထိုသူသည် စာလည်းတက်၊ တရားကိုလည်း ဟုတ်မှန်သောအတိုင်း သိသောသူ ဖြစ်လေသည်။


(၄) လောက၌ လူအချို့သည် စာကိုလည်းမသင်။ အမှန်တရားကိုလည်းမသိ။ ထိုသူသည် တွင်းလည်းမတူး၊ အောင်းလည်းမအောင်းသကဲ့သို့ ထိုသူသည် စာကို လည်းမသင်၊ ဘာကိုမျှလည်း မသိသူ ဖြစ်လေသည်။
မိမိသည် တရားကိုဘာမှ မသိသေးပါလား ဆိုပြီး စိတ်ဓာတ်ကျရမှာ မဟုတ်ပါဘူး။ အချိန်ရတုန်းလေးမှာ ကြိုးစားအားထုတ်မည်ဆိုလျင် ရနိုင်ပါသည်။ အဓိက ကတော့ ဘုရားကို စိတ်ထဲမှာ ရှိတယ်ဆိုရုံနဲ့ မရပါဘူး။ အချို့က မိမိလည်းတရားတော် အတိုင်းမနေထိုင်ပါဘူး၊ သူများကိုလည်း လူမိုက်အားပေးစကားတောင် ပြောတက်ကြပါသည်။ ထို့ကြောင့် မိမိကိုယ်ကို ဘယ်လိုလူမျိုးဖြစ်နေပြီလဲ ဆိုတာ သိတက်၍ တရားနဲ့ မွေ့လျော် တရားနဲ့ပျော်အောင် နေသင့်ပါပြီ။ အထက်ပါကြွက်လေးမျိုး ဥပမာတွင်လည်း မိမိသည် မည်ကဲ့သို့သော ကြွက်ကဲ့သို့ ဖြစ်နေလဲ ဟုသုံးသပ်ကာ လေ့လာကြိုးကုတ်အားထုတ်သင့်ပါသည်။ နံနက်မှာ နေမင်းကြီးထွက်လာတာဟာ နေ၀င်ဖို့ဘဲ ဖြစ်ပါသည်။ ဘ၀ဖြစ်လာတာဟာလည်း သေဆုံးဖို့ဖြစ်ပါသည်။ ထို့ကြောင့် တစ်ခဏဖြစ်ရ လူ့ဘ၀ အနှစ်ရှိအောင်ကြိုးစားရပါမည်။ ဘ၀ရပ်တည်မှု မှာ “ယောနိသော မနသိကာရ”(အသင့်အတင့် အမှန်အတိုင်းနှလုံးသွင်းမှု) ရှိဖို့အ ရေးကြီးပါသည်။ ထိုသို့ဖြစ်အောင်လည်း တရားနာကြားရပါမည်။ တရားနာတာတောင် နှလုံးသားထဲ မရောက်ရင် ကုသိုလ်ပဲ ဖြစ်ပါမည်။ ခန္ဓာဉာဏ်ရောက်အောင် နာစေချင်ပါသည်။ သစ္စာလေးပါးကို ကောင်းမွန်မှန်ကန်စွာ အမှန်အတိုင်း သိမြင်တတ်သောကြောင့် သမ္မာဒိဋ္ဌိဖြစ်အောင်၊ သစ္စာလေးပါးတည်းဟူသော အာရုံကို မတွေမဝေ အမှန်အတိုင်း သိတတ်သောကြောင့် အမောဟဖြစ်အောင်၊ သစ္စာလေးပါးတည်းဟူသော ဓမ္မတို့ကို စူးစမ်းဆင်ခြင် ဆုံးဖြတ်လျက် ဤသည်ကား ကုသိုလ်၊ ဤသည်ကားအကုသိုလ် စသည်ဖြင့် စူးစမ်းဆင်ခြင် ဆုံးဖြတ်လျက် ပရမတ်တရားတို့ကို ပရမတ်သို့ဆိုက်အောင် အမှန်အတိုင်း ထိုးထွင်းသိမြင် တတ်သောကြောင့် ဉာဏ=ဉာဏ်ဖြစ်အောင်၊ ပညာတွေဖြစ်အောင် တရားနာကြပါ။
မိမိတို့ကိုယ်တိုင် တရားဓမ္မတို့ကို လေ့လာမှတ်သား ကျင့်ကြံကာ တွင်းလည်းတူး၊ အောင်းလည်းအောင်းသော ကြွက်ပမာ ကြိုးစားအားထုတ်နိုင်ကြပါကုန်။





“အသိတစ်လုံး လက်ကိုင်သုံး အဆုံးနိဗ္ဗာန်ပြည်”

ဥပမာ ရှုစရာ လူသားများ…

လူအမျိုးမျိုး၊ နတ်အမျိုးမျိုး ဆိုသကဲ့သို့ လောက၌ ပုဂ္ဂိုလ်အမျိုးမျိုး လူတန်းစားလည်း အသီးသီးပင်ဖြစ်သည်။ လိမ္မာမည်ဟု ထင်ရလျက် မိုက်သောလူစားမျိုး၊ မိုက်မည်ဟုထင်ရလျက် လိမ္မာသောလူစားမျိုး၊ ဆိုးမည်ဟု ထင်ရလျက် ကောင်းသောလူစားမျိုး၊ ကောင်းမည်ဟုထင်ရလျက် ဆိုးသောလူစားမျိုး၊ ဖြောင့်မည်ဟုထင်ရလျက် ကောက်သောလူစားမျိုး ဤသို့ဖြင့် ပုဂ္ဂိုလ်အမျိုးမျိုးရှိလေကြသည်။

ထိုကဲ့သို့ အမျိုးမျိုးသော ပုဂ္ဂိုလ်များကို ကွဲကွဲပြားပြား၊ ခြားခြားနားနား သိစေရန်အတွက် ဥပမာများဖြင့် တင်စား၍ ပြဆိုထားချက်များကိုလည်း စာပေကျမ်းဂန်တို့၌ တွေ့နိုင်ပါသည်။ လူသည် မိမိဘ၀နှင့် အခြေအနေကို သေချာ သိရှိရန် လိုအပ်ပါသည်။ လူဘောင်ရောက်လို့မှ လူလိုမကျင့်ရင် လူရာမ၀င် ဖြစ်ပါတော့မည်။ မိမိ၏ အခြေအနေမှန်ကို သိမှသာလျှင် အဆိုးအကောင်း ဆင်ခြင်သုံးသပ်၍ လိုအပ်တာကို ပြင်ဆင်နိုင်ပါလိမ့်မည်။ ကောင်းမွန်တာများကို ထိန်းသိမ်းသွားနိုင်ပါမည်။

ပုဂ္ဂလပညတ် ပါဠိတော်၌ ပုဂ္ဂိုလ်အမျိုးမျိုးကို ခွဲခြား၍ ဥပမာဖြင့် ပြဆိုထားပေသည်။

မိုးတိမ်နှင့်တူသူ လေးယောက်၊

(၁) ချုန်းလျက် မရွာသောမိုးနှင့် တူသူ တစ်ယောက်၊

(၂) ရွာလျက်မချုန်းသောမိုးနှင့် တူသူ တစ်ယောက်၊

(၃) ချုန်းလည်းချုန်း၊ ရွာလည်းရွာသောမိုးနှင့် တူသူ တစ်ယောက်၊

(၄) ချုန်းလည်းမချုန်း၊ ရွာလည်းမရွာသောမိုးနှင့် တူသူ တစ်ယောက်၊

ဤသို့အားဖြင့် မိုးတိမ်နှင့်တူသောသူ လေးယောက်ရှိပါသည်။

(၁) လောက၌ လူအချို့သည် ပြောကားပြောကြ၏။ ပြောသည့်အတိုင်းမလုပ်ဆောင်ကြပါ။ ဤသို့ပြောရုံသာပြောလျက် လိုက်မလုပ်သော သူသည် “ချုန်းလျက်မရွာသောမိုး” နှင့်တူပေသည်။

(၂) လောက၌ လူအချို့သည် လုပ်ဆောင်ကြပါသည်၊ စကားတော့ များများမပြောကြပါ။ ဤသို့ လုပ်ရုံသာလုပ်၍ မပြောသောသူ သည် “ရွာလျက်မချုန်းသောမိုး” နှင့်တူပေသည်။

(၃) လောက၌ လူအချို့သည် လုပ်လည်းလုပ်ဆောင်ကြပါသည်၊ ပြောလည်းပြောပါသည်။ ဤသို့ လုပ်လည်းလုပ်၊ ပြောလည်းပြောသော သူသည် “ချုန်းလည်းချုန်း၊ ရွာလည်းရွာသောမိုး” နှင့်တူပေသည်။ ဤပုဂ္ဂိုလ်မျိုးလည်း လောက၌ များစွာရှိပါသည်။

(၄) လောက၌ လူအချို့သည် ပြောလည်းမပြော၊ လုပ်လည်းမလုပ် ဘဲနေတက်ကြပါသည်။ ဤသို့ ပြောလည်းမပြော၊ လုပ်လည်းမလုပ် သောသူသည် “ချုန်းလည်းမချုန်း၊ ရွာလည်းမရွာသောမိုး” နှင့်တူပေသည်။

မိမိသည် မည်သည့်မိုးတိမ်မျိုးထဲတွင် ရောက်နေသည်ကို မိမိကိုယ်တိုင် မေးကြည့်ဖို့လိုပါလိမ့်မည်။ အလုပ်ဆိုသည်မှာ မိမိတို့
လုပ်ဆောင်နေသော လောကီအလုပ်များထက် လောကုတ္တရာ တရားအလုပ်ကို ပြောလိုခြင်းဖြစ်ပါသည်။ မိမိကိုယ်ကို မညာဖို့ လိုအပ်သလို၊ မညှာဖို့လည်း လိုအပ်ပါသည်။ မိမိတို့ဘ၀ ယခုအချိန်သာလျင် အကောင်းဆုံး အချိန်ဖြစ်သည်။ အချိန်အခါနေ့ရက် ရွေးချယ်စရာလည်းမလိုပါဘူး၊ ကောင်းတာလုပ်တဲ့အချိန်ဟာ ကောင်းတဲ့နက္ခတ်ဖြစ်သည်ဟု ဘုရားရှင်က ဟောကြားခဲ့ပါသည်။ အသက်ကြီးမှ လုပ်မယ်လို့ပြောကြတာလည်းရှိပါတယ်။ အဲလိုပြောတာက “သေခြင်းတရားနဲ့ ချိန်းဆိုထားခြင်းမရှိ” ဆိုတာကို မသိလို့ပြောတာဖြစ်ကြမှာပါ။ သံဝေဂဉာဏ်ရသင့်ပါပြီ၊ သေခြင်း တရားကို မည်သူမှ မလွန်ဆန်နိုင်ဘူးဆိုတာလည်း အားလုံးသိကြပါသည်။ ဒီတော့ သေခြင်းကိုရင်ဆိုင်ဖို့ ပြင်ဆင်သင့်ပါပြီ။ သာမာန် ဒါန၊ သီလ လောက်နဲ့လည်း ပြီးပြည့်စုံအောင် မရင်ဆိုင်နိုင်ပါဘူး။ မိမိတို့မှာ သီလတွေ ဘယ်လောက်လုံနေပြီလဲ။ ဗုဒ္ဓဘာသာဝင်တိုင်း စောင့်ထိန်းရမည့် ငါးပါးသီလကိုတောင် လုံနေပြီလားဆိုတာ မေးကြည့်ပါ။ သီလတရားကို အခြေခံပြီးမှ ရှေ့ဆက်ပြီး ဘာဝနာတရားတွေ အားထုတ်ရတာ ပိုလွယ်မယ်လို့ ထင်မိပါသည်။ ထို့ကြောင့် မိမိကိုယ်ကို သိရှိ၍ သူတော်ကောင်းတရားများ နာကြားကာ ကျင့်ကြံကြိုးစား သင့်ပါသည်။ ကောင်းမှုကုသိုလ်၊ ဘာဝနာ အလုပ်တွေလုပ်ရာမှာ- ဘယ်အရာကအရေးကြီးတယ်၊ ဘယ်ကအရာကအရေးမကြီးသေးဘူး ဟုမသတ်မှတ်သင့်ပါဘူး။ အားလုံးမခြွင်းမချန်လုပ်ရပါမည်။ လုပ်ဆောင်မှုကလည်း ခဏတာလုပ်လိုက်၊ နားလိုက် မဖြစ်သင့်ပါဘူး။ ကာလကြာမြင့်အောင် လုပ်ဆောင်ရပါမည်။ မိမိရဲ့စိတ်မှာလည်း ရွှင်လန်းတက်ကြွစွာလုပ်ဆောင်ရပါမည်။ မိမိလုပ်တဲ့ ဒါန၊ သီလ၊
ဘာဝနာ ကောင်းမှုတွေ အပေါ်မှာ ရိုရိုသေသေလုပ်ဆောင်ရပါမည်။ ဘုရားရှင်၏ တရားဟာ လက်တွေ့ကျကျ လိုက်လုပ်ရတာ ဖြစ်ပါသည်။ မလေ့လာ၊ မကျင့်ကြံသူကို တရားကမစောင့်ရှောက်နိုင်ပါဘူး။ လက်တွေကျင့်ကြံသူသာ တရားအရသာကို သိရတာဖြစ်ပါသည်။ ထို့ကြောင့် မိမိတို့ကိုယ်ကို အသိတရားမှသည် လက်တွေ့ကျင့်ကြံသော၊ ချုန်းလည်းချုန်း၊ ရွာလည်းရွာသော မိုးတိမ်ပမာ ကျင့်ကြံ ကြိုးကုတ်အားထုတ်ကြပါကုန်။


“အစွန်းနှစ်သွယ် လမ်းမှားပယ်၊ အလယ်လမ်းမှန်သည်၊

လမ်းမှန်ကိုလျှောက် ဉာဏ်မြင်ပေါက်၊ ဆိုဒ်ရောက်နိဗ္ဗာန်ပြည်”

အာဠ၀ကနှင့်မြတ်ဗုဒ္ဓ၊

အာဠ၀ီပြည်အနီးရှိ ညောင်ပင်ကြီး၌ အာဠ၀က အမည်ရှိသော အလွန်ကြမ်း ကြုတ်ခက်ထန် ဒေါသမာန်ကြီးသည့် နတ်ဘီလူးကြီးနေထိုင်သည်။ မြတ်စွာဘုရားရှင်သည် အာဠ၀က နတ်ဘီလူးအား ခြေချွတ်ရန်အတွက် အာဠ၀ကဘီလူး၏ ဘုံဗိမာန်သို့ ကြွရောက်တော်မူ၍ အာဠ၀ကဘီလူး၏ နေရာပေါ်သို့ သီတင်းသုံးစံနေ


တော်မူသည်။ ထိုသို့ ကြွရောက်စံနေတော်မူသည်မှာ အာဠ၀က နတ်သဘင်အစည်းအဝေးသွားခိုက်ဖြစ်ပေရာ အာဠ၀က ဘီလူး၏ မောင်းမမိဿံ အခြံအရံတို့ သည် ကြွလာတော်မူသည့် မြတ်စွာဘုရားကို ရှိခိုးပူဇော်ကြသည်။
ယင်းသို့ အခြေအနေကို နတ်သဘင်အစည်းအဝေးမှပြန်လာသော အာဠ၀က တွေ့မြင်သောအခါ မခံမရပ်နိုင်အောင် ယမ်းပုံမီးကျ ဒေါသအကြီးအကျယ်ဖြစ်၍ လက်နက်မျိုးစုံ သုံးစွဲကာတိုက်ခိုက်သည်။ အာဠ၀ကဘီလူး အသုံးပြုတိုက်ခိုက်သော လက်နက်တို့သည် မြတ်စွာဘုရားအား မည်သို့မျှမထိခိုက်ဘဲ ဖူးမြော်ပူဇော် သကဲ့သို့သာဖြစ်လေသည်။ အာဠ၀ကဘီလူးသည် မြတ်စွာဘုရားအား အကြမ်းနည်း ဖြင့်တိုက်ခိုက်၍ မရသောအခါ အနုနည်းဖြင့်တိုက်ခိုက်မည်ဟု ဆုံးဖြတ်ပြီး မြတ်စွာဘုရားအား ခက်ခဲသော ပုစ္ဆာ(၁၃)ချက်ကို မေးသည်။ “အမှန်ကို ဖြေနိုင်လျှင်ဖြေ၊ မဖြေနိုင်လျှင် အရူးအသေ နှစ်ထွေသော အပြစ်ကိုခံရမည်” ဟုချိန်းခြောက်သည်။
အာဠ၀က၏ မေးလျှောက်သော ပုစ္ဆာ(၁၃)ချက်တို့မှာ-



(၁) ဤကမ္ဘာလောက၌ ယောကျာင်္း၏ မြတ်သော ဥစ္စာကား အဘယ်နည်း။




(၂) ကောင်းသောအလေ့အကျင့်တို့တွင် အဘယ်ကောင်းသော အလေ့အကျင့် သည် ချမ်းသာကို ဆောင်နိုင်သနည်း။




(၃) အရသာတို့တွင် အဘယ်အရသာသည် အလွန့်အလွန် ချိုမြိန်သော အရသာဖြစ်သနည်း။




(၄) အသက်မွေးမှုတို့တွင် အဘယ်သို့သော အသက်မွေးမှုကို မြတ်သောအသက် မွေးမှုဟုဆိုသနည်း။




(၅) အဘယ်ဖြင့် သံသရာဝဲသြဃကို ကူမြောက်နိုင်သနည်း။




(၆) အဘယ်ဖြင့် သံသရာပင်လယ်ကို ကူမြောက်နိုင်သနည်း။




(၇) အဘယ်ဖြင့် ဆင်းရဲကို လွန်မြောက်နိုင်သနည်း။




(၈) အဘယ်ဖြင့် ထက်ဝန်းကျင် စင်ကြယ်နိုင်သနည်း။




(၉) အဘယ်အကြောင်းကြောင့် ပညာကိုရနိုင်သနည်း။




(၁၀) အဘယ်အကြောင်းကြောင့် ဥစ္စာပစ္စည်းကို ရနိုင်သနည်း။




(၁၁) အဘယ်အကြောင်းကြောင့် ကျော်ဇောထင်ရှားခြင်းသို့ ရောက်နိုင်သနည်း။




(၁၂) အဘယ်အကြောင်းဖြင့် မိတ်ဆွေကို ဖွဲ့နိုင်သနည်း။




(၁၃) အဘယ်အကြောင်းဖြင့် နောင်ဘ၀၌ မစိုးရိမ်ရသနည်း။




ဟူသည် တို့ဖြစ်ပေသည်။
ထိုအခါမြတ်စွာဘုရားက “ငါဘုရားအား သတ်ဖြတ်နိုင်သူ ဤလောက၌မရှိ၊ သို့သော် သင်သိလိုလျှင် သင်၏ပုစ္ဆာများကို ဖြေဆိုပေအံ့” ဟုမိန့်တော်မူပြီးလျှင် အောက်ပါအတိုင်း ဖြေကြားတော်မူသည်။




(၁) ဤကမ္ဘာလောက၌ ယောကျာင်္း၏ မြတ်သော ဥစ္စာပစ္စည်းကား ယုံကြည်မှု သဒ္ဓါ တရားဖြစ်သည်။




(၂) ကောင်းသော အလေ့အကျင့်ဖြစ်သော ကုသိုလ်ကမ္မပထတရားသည် ချမ်းသာ ကိုဆောင်နိုင်၏။




(၃) အရသာတို့တွင် မှန်ကန်စွာပြောဆိုခြင်း သစ္စာတရားသည် အလွန်ချိုမြိန်သော အရသာဖြစ်၏။




(၄) ပညာဖြင့် အသက်မွေးခြင်းကို မြတ်သော အသက်မွေးခြင်းဟု ဆိုကုန်၏။




(၅) ယုံကြည်မှု သဒ္ဓါတရားဖြင့် သံသရာဝဲသြဃကို ကူမြောက်နိုင်၏။




(၆) မမေ့လျှော့မှု အပ္ပမာဒ တရားဖြင့် သံသရာပင်လယ်ကို ကူးမြောက်နိုင်၏။




(၇) ထကြွလုံ့လဖြင့် ဆင်းရဲကို လွန်မြောက်နိုင်၏။




(၈) ပညာဖြင့် စင်ကြယ်နိုင်၏။




(၉) ရဟန္တာပုဂ္ဂိုလ်တို့၏ နိဗ္ဗာန်ရောက်ကြောင်းတရားကို ယုံကြည်လျက် မမေ့လျော့ ဆင်ခြင်သူ ပညာရှိသည် ကောင်းစွာနာကြားသောကြောင့် ပညာကိုရယူနိုင်၏။




(၁၀) သင့်လျော်သည့် အလုပ်အကိုင်ကို လုပ်လျက် တာဝန်ကိုကျေပွန်အောင် ထမ်း ဆောင်သူသည် ထကြွလုံ့လကြောင့် ဥစ္စာပစ္စည်းကို ရနိုင်၏။




(၁၁) မှန်ကန်စွာပြောဆိုခြင်းကြောင့် ကျော်စောထင်ရှားမှုကို ရနိုင်၏။




(၁၂) ပေးကမ်းခြင်းဖြင့် အဆွေခင်ပွန်းကို ဖွဲ့နိုင်၏။




(၁၃) ယုံကြည်မှုရှိသော အိမ်၏ အစီးအပွားကို ရှာတက်သောသူအား မှန်ကန်ခြင်း သစ္စာ၊ လိမ္မာခြင်း ဒမ၊ ကြိုးစားမှု ဓိတိဓ စွန့်လွှတ်မှု စာဂ၊ ဤတရားလေးပါး ရှိသဖြင့် နောက်ဘ၀၌ မစိုးရိမ်ရချေ ဟူ၍ မိန့်တော်မူခဲ့သည်။





သတိဉာဏ်ယှဉ်ကာ သူတော်ကောင်းတရားများ ကျင့်ကြံပွားများ အားထုတ်နိုင်ကြပါစေ။

အနတ္တလက္ခဏသုတ် ဒေသနာတော်၊

မြတ်စွာဘုရားရှင်သည် မဟာသက္ကရာဇ်(၁၀၃)ခုနှစ်၊ ကဆုန်လပြည့်နေ့မှာ သစ္စာလေးပါးကို ပိုင်းခြားထင်ထင်သိမြင်ပြီး သဗ္ဗညုတဉာဏ်ပိုင်ရှင် အဖြစ်သို့ရောက် ရှိတော်မူခဲ့ပါတယ်။ ထို့နှစ်ဝါဆိုလပြည့် (စနေနေ့)တွင် ဗာရာဏသီပြည် မိဂဒါဝုန်တောမှာ ကောဏ္ဍည၊ ၀ပ္ပ၊ ဘဒ္ဒိယ၊ မဟာနာမ်၊ အဿဇိ ဆိုတဲ့ ပဉ္စ၀ဂ္ဂီ ငါးပါးအား ဓမ္မစက္ကပ၀တ္တနသုတ်တော်ကို ဟောကြားတော်မူခဲ့ပါတယ်။ မြတ်ဗုဒ္ဓ ဘုရားအဖြစ်


သို့ရောက်ပြီးနောက် အဦးဆုံး(အရင်ဆုံး) ဟောကြားခဲ့တဲ့တရားတော်ဟာ ဓမ္မစက္ကပ၀တ္တနသုတ်တော် ဖြစ်ပါတယ်။ ဒါကြောင့်တရားဦး “ဓမ္မစကြာ” လို့ခေါ်ဝေါ်ခဲ့ပါတယ်။
ဝါဆိုလပြည့်နေ့ဟာ ဘုရားရှင်နဲ့ ပတ်သတ်ပြီး ထူးမြတ်တဲ့ အကြောင်းအရာ (၃)မျိုး တိုက်ဆိုင်ကြုံကြိုက်နေတဲ့ နေ့ထူးနေ့မြတ်ဖြစ်ပါတယ်။
“သန္ဓေ၊ တောထွက်၊ ဓမ္မစက် ဟောမြွက်သံချို လ၀ါဆို” ဆိုတဲ့ ရှေးပညာရှင် တို့၏ လင်္ကာအရ…

(၁) ဘုရားလောင်း သေတကေတု နတ်သားဟာ စုတေပြီး မဟာသက္ကရာဇ် (၆၇)ခုနှစ်၊ ၀ါဆိုလပြည့်၊ ကြာသပတေးနေ့မှာ မယ်တော်မာဟာဒေ၀ီ၏၀မ်းမှာ ပဋိသန္ဓေတည်နေတော်မူခဲ့ပါတယ်။

(၂) ဘုရားလောင်း သိဒ္ဓတ္တမင်းသားဟာ သက်တော်(၂၉)နှစ်မှာ အခြံအရံများ ခြံရံလျှက် မင်းဥယျာဉ်တော်သို့ ထွက်တော်မူစဉ် နတ်တို့ ဖန်ဆင်းပြသတဲ့ သူအို၊ သူနာ၊ သူသေ၊ ရဟန်း ဆိုတဲ့ နိမိတ်ကြီးလေးပါးကို မြင်တော်မူပြီး သံဝေဂရကာ မဟာသက္ကရာဇ်(၉၇)ခုနှစ်၊ ၀ါ ဆိုလပြည့်၊ တနလာင်္နေ့မှာ တောထွက်တော်မူခဲ့ပါတယ်။

(၃) ဘုရားအဖြစ်သို့ရောက်တော်မူပြီး မဟာသက္ကရာဇ်(၁၀၃)ခုနှစ်၊ ၀ါဆိုလပြည့်၊ စနေနေ့မှာ တရားဦးဓမ္မစက္ကပ၀တ္တနသုတ်တော်ကို ဖွင့်ထုတ်ဟောကြားတော်မူခဲ့ပါတယ်။

မြတ်စွာဘုရားရှင်ဟာ အနတ္တလက္ခဏသုတ်ကို မဟာသက္ကရာဇ်(၁၀၃)ခုနှစ် ၀ါဆိုလပြည့်ကျော်(၅)ရက်နေ့၊ မိဂဒါဝုန်တောမှာ ဟောကြားခဲ့ပါတယ်။ ၀ါဆိုလပြည့် ကျော်(၄)ရက်နေ့မှာ ပဉ္စ၀ဂ္ဂီငါးပါးလုံး သောတာပန် အဖြစ်ရောက်ရှိခဲ့ပါတယ်။ ထို့သို့ သောတပန် အဖြစ်သို့ရောက်ရှိပြီး ဉာဏ်ရည်ပြည့်ဝ၍ ခက်ခဲနက်နဲတဲ့ တရားကိုနာယူရန် အသင့်ဖြစ်ပြီလို့ ဘုရားရှင် သိမြင်တော်မူတဲ့အတွက် ၀ါဆိုလပြည့်ကျော်(၅) ရက်နေ့အရောက်မှာ ပဉ္စ၀ဂ္ဂီငါးပါးလုံးစုရုံးစေပြီး အနတ္တလက္ခဏသုတ်ကို ဟောကြားတော်မူရခြင်းဖြစ်ပါတယ်။ “အနတ္တလက္ခဏ” ဆိုတဲ့ စကားကို “အနတ္တ” နဲ့ “လက္ခဏာ” လို့ ၂ ပုဒ်ခွဲပြီးကြည့်ရပါမယ်။ “အနတ္တ” ပုဒ်ရဲ့လွယ်လွယ် အနက် အဓိပ္ပာယ်က “အတ္တ မဟုတ်၊ အတ္တ မရှိ၊ ငါမဟုတ် ငါမရှိ” လို့ဖြစ်ပါတယ်။ လက္ခဏ (လက္ခဏာ) ဆိုတာက မှတ်သားကြောင်းဖြစ်ပါတယ်။ ဒါကြောင့် “အနတ္တလက္ခဏ” ဆိုတာ“အတ္တ မဟုတ်၊ အတ္တ မရှိ၊ ငါမဟုတ်၊ ငါမရှိဟု မှတ်သားကြောင်းလက္ခဏာ” လို့ အဓိပ္ပာယ်ရပါတယ်။
အနတ္တလက္ခဏသုတ်ကို အနှစ်ချုပ်ပြီးကြည့်ရင် အောက်ပါအတိုင်း တွေ့ရမှာဖြစ်ပါတယ်။

(၁) ရုပ်၊ ဝေဒနာ၊ သညာ၊ သင်္ခါ၊ ၀ိညာဉ် ဆိုတဲ့ ခန္ဓာငါးပါးတို့ရဲ့ အနတ္တဖြစ်ပုံ။

(၂) ခန္ဓာငါးပါးကို “ငါ့ဥစ္စာမဟုတ်၊ ငါမဟုတ်၊ ငါ့အတ္တမဟုတ်လို့ ဟုတ်တိုင်းမှန်စွာ ၀ိပဿနာပညာ၊ မဂ်ပညာနဲ့ ရှုကြည့်အပ်သိမြင်အပ်ပုံ။

(၃) ထိုသို့ကြည့်ရှုကြည့်ခြင်း၊ သိမြင်ခြင်းကြောင့် ၀ိပဿနာဉာဏ် အဆင့်ဆင့်ဖြစ်ပေါ်လာပုံ။

(၄) အနတ္တလက္ခဏသုတ်ဒေသနာတော်ကို နာကြားရခြင်းကြောင့် ပဉ္စ၀ဂ္ဂီငါးဦးတို့ အာသဝေါတရားကင်းကွာ ရဟန္တာဖြစ်သွားကြပုံ တို့ဖြစ်ပါတယ်။

ဘုရားရှင်က “ရဟန်းတို့…ရုပ်ဟာ အတ္တမဟုတ်ဘူး၊ ရုပ်ဟာတကယ်လို့ အတ္တဖြစ်ခဲ့ရင် နာကျင်ခြင်းဆိုတာ မဖြစ်ရဘူး။ ငါ့ရဲ့ရုပ်ဟာ ဒီလိုဖြစ်ပါစေ၊ ဒီလိုမဖြစ် ပါစေနဲ့လို့ ရုပ်အပေါ်မှာ တောင့်တမှုကိုလည်း ရကောင်းရပါတယ်။ အခုတော့ရုပ်ဟာ အတ္တမဟုတ်တဲ့အတွက် နာကျင်ခြင်းဖြစ်ပါတယ်။ ငါ့ရဲ့ရုပ်ဟာဒီလိုဖြစ်ပါစေ၊ ဒီလိုမဖြစ်ပါစေနဲ့လို့ ရုပ်အပေါ်မှာ တောင့်တမှုကိုလည်း မရပါဘူး။” ဟုဟောတော်မူခဲ့ပါ တယ်။
အနတ္တလက္ခဏသုတ်ဟာ ပဉ္စ၀ဂ္ဂီငါးဦးတို့ကို သာမန်ပုထုစဉ်များနဲ့ ထူးခြားအောင် ခွဲခြားပေးလိုက်တဲ့ သုတ်တော်ဖြစ်ပါတယ်။ မြတ်စွာဘုရားသာသနာတော်မှာ မြတ်စွာဘုရားပြီးရင် လူသားများထဲက ပထမဆုံး ထူးထူးခြားခြား ရဟန္တာဖြစ်သွား သူများကို ညွှန်ပြပါဆိုရင် ပဉ္စ၀ဂ္ဂီငါးဦး တို့ကို ညွှန်ပြရမှာဖြစ်ပါတယ်။…။

• ရုပ်နာမ်နှစ်ဖြာ ငါးခန္ဓာတို့၊ ဖြစ်လာသမျှ၊ ကုန်ပျက်ရ အနိစ္စချည်းပါတကား။

• ဖြစ်ပျက်နှစ်တန်၊ နှိပ်စက်ဒဏ်ကို၊ တရံမစဲ၊ အမြဲခံရ၊ သဘာဝ၊ ဒုက္ခချည်းတကား။

• ကိုယ့်အလိုမလိုက်၊ ကိုယ်ကြိုက်မဖြစ်၊ အနှစ်သာရ၊ ရှာမရ၊ အနတ္တချည်းပါတကား။



“ဘုရားရှင်၏ ဂုဏ်ကျေးဇူးတော်များကို ဦးခေါင်းညွတ်ကျိုးလက်စုံမိုး၍၊ ရှိခိုးကန် တော့ လိုက်ပါ၏ အရှင်ဘုရား..”


အရှင်မုနိန္ဒာဘိဝံသ ရေးသားသော “မြတ်ဗုဒ္ဓ၏ တရားဦးနှင့်တရားထူး” စာအုပ်ကို မှီငြမ်းရေးသားလိုက်ရပါသည်။

ပဋ္ဌာန်းဒေသနာတော်၊

အခါအားလျော်စွာ တရားနာကြားခြင်းသည်
ကောင်းမြတ်သော မင်္ဂလာတရားဖြစ်၏။

ပဋ္ဌာန်းဒေသနာတော်...

မြတ်စွာဘုရားအလောင်းတော်သည် မဟာသက္ကရာဇ် ၁၀၃ ခု၊ ကဆုန်လပြည့်နေ့၌ သဗ္ဗညုမြတ်စွာဘုရားအဖြစ် ရောက်ရှိခဲ့ပြီးနောက် သတ္တဌာန စံတော်မူရာ နယုန်လဆန်း ၇-ရက်နေ့မှ ၁၃ ရက်နေ့ထိတွင် ဗောဓိပင်နှင့် ရွှေပလ္လင်၏ အနောက် မြောက်အရပ်၌ နတ်တို့ဖန်ဆင်း လှူဒါန်းအပ်သော ရတနာရွှေအိမ် (ရတနာဃရ) တွင် သီတင်းသုံးတော်မူပြီး အဘိဓမ္မာ ၇-ကျမ်းကို သုံးသပ်ဆင်ခြင်တော်မူသည်။


မြတ်စွာဘုရားသည် ပထမ၀ါကို မိဂဒါဝုန်မှာ ၀ါ ကပ်တော်မူပြီး ဒုတိယ၀ါ၊ တတိယ၀ါ၊ စတုတ္ထ၀ါတို့ကို ရာဇဂြိုဟ်ပြည် ဝေဠုဝန်ကျောင်း၊ ပဉ္စမ၀ါကို ဝေသာလီပြည်၊ ဆဋ္ဌ၀ါကို မကုဠတောင် စသည့် နေရာဌာနများ၌ ၀ါကပ်တော်မူသည်။ သတ္တမ၀ါကို တာဝတိံသာ နတ်ပြည်၌ ၀ါကပ်တော်မူပြီး မယ်တော်ဖြစ်ခဲ့ဖူးသည့် သန္တုဿိတနတ်သားကို အမှူးထား၍ အဘိဓမ္မာဒေသနာတော်ကို ၀ါတွင်းသုံးလပတ်လုံး အသံမစဲ ဟော တော်မူသည်။

အကျယ်နည်း


မယ်တော်ကို ကျေးဇူးဆပ်လိုခြင်း၊ မိဘကျေးဇူးကို သတ္တ၀ါတို့နားလည်စေလိုခြင်း၊ အဘိဓမ္မာတရားကို အစအဆုံး တထိုင်တည်း ဟောကြားလိုခြင်း၊ အစအဆုံး တထိုင်တည်းဟောမှ နာကြားရသော တရားနာတို့ အကျိုးထူးရနိုင်ခြင်း၊ အဘိဓမ္မာဒေသနာတော်၏ ကျယ်ဝန်းနက်နဲမှုကို သိစေလိုခြင်း၊ လူတို့သက်တမ်းနှင့် သုံးလ လောက်ဟောမှကုန်နိုင်မည့် တရားဖြစ်သည့်အတွက် လူတို့ဣရိယာပုထ်ဖြင့် ဟောသူရော နာသူပါ မနေနိုင်ခြင်း တို့ကြောင့်အဘိဓမ္မာအကျယ်နည်း (၀ိတ္ထာရနယ)ကို တာဝတိံသာနတ်ပြည်၌ ဟောရခြင်းဖြစ်သည်။


အကျဉ်းနည်း


မြတ်စွာဘုရားသည် လူသားဖြစ်တော်မူသည့်အတွက် ဆွမ်းခံခြင်း၊ ဆွမ်းစားခြင်း၊ ရေချိုး၊ သန့်စင်ခြင်း စသည် ပြုလုပ်ရန် နိမ္မိတရုပ်ပွားတော်ကို အဓိဋ္ဌာန်ဖြင့် ဖန်ဆင်းပြီး လူ့ပြည်သို့ ကြွတော်မူရာတွင် ဟိမ၀န္တာစန္ဒကူးတော၌ နေ့သန့်စင် (အနားယူ) တော် မူသည်။ ထိုစန္ဒကူး တောတွင် အရှင်သာရိပုတ္တရာ မထေရ်သည် မြတ်စွာဘုရားအား ၀တ်ကြီးဝတ်ငယ် ပြုစုခစားခိုက် မြတ်စွာဘုရားက ရှင်သာရိပုတ္တရာအား အကျဉ်းချုပ်နည်း (သင်္ခေပနယ) ကို ဟောတော်မူသည်။


မကျဉ်းမကျယ်နည်း


ရှင်သာရိပုတ္တရာက မြတ်စွာဘုရား ဟောခဲ့သည့် အကျဉ်းနည်းကို တပည့်ရဟန်းငါးရာတို့အား မကျဉ်းမကျယ်နည်း (နာတိဝတ္ထာရ-နာတိသင်္ခေပနယ)ဖြင့် ပြန်လည်ပို့ချတော်မူသည်။ နောက်တနေ့တွင် ထိုပို့ချချက်အား မြတ်စွာဘုရားထံမှောက်၌ ပြန်လည်တင်ပြ အစစ်ဆေးခံရာ မြတ်စွာဘုရားက နားထောင်၍ လက်ခံအတည်ပြုတော်မူခဲ့သည်။
ဤသို့ဖြင့် အဘိဓမ္မာဒေသနာတော်ကြီးသည် ခုနစ်ဝါမြောက်ဖြစ်သော မဟာသက္ကရာဇ် ၁၀၉ ခု ၀ါဆိုလပြည့်ကျော် ၁-ရက်မှ သီတင်းကျွတ်လပြည့်နေ့ထိ ၃-လအတွင်း နည်း ၃-နည်းဖြင့် လူ့ပြည်-နတ်ပြည် တပြိုင်တည်း ပေါ်ထွန်းခဲ့လေသည်။ ပဋ္ဌာန်း ကျမ်းကြီးကို ဟောကြားတော်မူရာ၌ ဥဒ္ဒေသ (အကျဉ်း)၊ နိဒ္ဒေသ (အကျယ်)၊ ပဋိနိဒ္ဒေသ(ထပ်ဆင့်အကျယ်)တို့ဖြင့် အဆင့်ဆင့်ဟောကြားတော်မူသည်။



ဘုရားရှင် ရဲ့ အဘိဓမ္မာ တရားကို ၀ါတွင်း ( ၃ ) လ မှာ -


၁။ ဓမ္မသင်္ဂဏီကျမ်းကို ( ၁၂ ) ရက်၊


၂။ ၀ိဘင်္ဂ (၀ိဘင်းကျမ်း)ကို ( ၁၂ ) ရက်၊


၃။ ဓာတုကထာကျမ်းကို ( ၆ ) ရက်၊


၎။ ပုဂ္ဂလပညတ္တိ (ပုဂ္ဂလပညတ်ကျမ်း)ကို ( ၇ ) ရက်၊


၅။ ကထာဝတ္ထုကျမ်းကို ( ၈ ) ရက်၊


၆။ ယမက (ယမိုက်ကျမ်း)ကို ( ၂၀ ) ရက်၊


၇။ ပဋ္ဌာန (ပဋ္ဌာန်းကျမ်း)ကို ( ၂၅ ) ရက် ဟောတော်မူခဲ့သည်။ (ရက်အများဆုံးဟောတာပါ။)



ပဋ္ဌာန်း = ပ + ဌာန


ပ = အမျိုးမျိုးအစားစား များပြားသော၊


ဌာန = အကြောင်းအရာများ၊


(ဒီနေရာမှာ စာလုံးပေါင်းမူကွဲနေတာ သတိထားမိပါတယ်။ ဋ္ဌ နဲ့ ဌ ဖြစ်ပါတယ်။ စာအုပ် တော်တော်များများမှာ ပဋ္ဌာန်း ကို ဋ္ဌ နဲ့ ဖော်ပြပြီးတော့ ဌာန လို့ ပြန်ခွဲတာ ကိုတော့ ဌ နဲ့ပဲ ဖော်ပြထားတာ တွေ့ရပါတယ်။

ဒီတော့ ပဋ္ဌာန်း ဆိုတာ အမျိုးမျိုးအစားစား များပြားသော အကြောင်းတရားများကို လေ့လာဟောကြားတဲ့တရားတော်ဖြစ်ပါတယ်။
လောကကြီးမှာ ပညတ်သဘောအရ သတ္တလောက၊ သြကာသ လောက၊ သင်္ခါရလောက ရယ်လို့ (၃)မျိုးရှိပါမယ်။ ဒီလောကတွေကို ပရမတ်အားဖြင့် ခွဲစိတ်ရင်တော့ ရုပ် နဲ့ နာမ် (၂) ပါးပဲ ရှိပါမယ်။ ဒီအထဲမှာမှ အကြမ်းအားဖြင့် နာမ် ကို ထပ်ခွဲတော့ စိတ် နဲ့စေတသိတ် (၂) မျိုးထပ်ရှိမယ်။ ဒီတော့ သက်ရှိမှန်သမျှမှာ ရုပ်နဲ့ နာမ် (တနည်း) ရုပ်၊ စိတ်၊ စေတသိတ် တို့ ရှိနေပြီး၊ သက်မဲ့မှာတော့ ရုပ်သာလျှင် ရှိပါမယ်။ လောကကြီးမှာရှိတဲ့ နိယာမတရား (၅) ပါးနဲ့ ထိတွေ့တဲ့ အခါ အချို့သော သက်မဲ့များဟာ သက်ရှိအလား ထင်မှတ်မှားရပါတယ်။ မွေးဖွားတယ်၊ ကြီးရင့်တယ်၊ အိုဟောင်းလာတယ်၊ မျိုးပွားတယ်၊ သေကြေပျက်စီးတယ် သဘောတွေ တူနေကြ လို့ သက်မဲ့ကို သက်ရှိအဖြစ် အယူမှားတာတွေ ရှိခဲ့၊ ရှိနေကြတယ်။ အထင်ရှားဆုံးကတော့ သစ်ပင်တွေပါ။



ပဋ္ဌာန်းကို(၃)မျိုးခွဲလေ့လာကြပါတယ်။


(၁) အမျိုးမျိုးအစားစား များပြားသော အကြောင်းတရားများ၊


(၂) ကုသိုလ်တရား ၊ အကုသိုလ်တရားများ ကိုဖန်တီးခြင်း၊


(၃) ကုသိုလ်တရား ၊ အကုသိုလ်တရားများမှ နောက်ဆက်တွဲ ဖြစ်စဉ်များ ဖန်တီးခြင်း ။



အကြောင်းတရားပေါင်းများစွာထဲက အထင်ရှားဆုံး ရွေးထုတ်တဲ့အခါ (၂၄)ပါးထွက် လာပါတယ်။ အခြားသော အကြောင်းတရားများကိုပါပေါင်းရင် အများကြီး ရှိပါသေး တယ်။ ဒါကြောင့် ပဋ္ဌာန်းတရားတော်ဟာ သဗ္ဗညုတဥာဏ်တော်နဲ့သာ ပြီးပြည့်စုံ အောင် သိနိုင်ပါမယ်။



ဒီတော့ လေးနက်ကျယ်ပြန့်မှု အရ ပဋ္ဌာန်းကျမ်းကို(၃)မျိုးခွဲကြပါတယ် ။


(၁) အတိဝိတ္ထာရ ဒေသနာ၊


(၂) အတိသင်္ခေပ ဒေသနာ၊


(၃) နာတိ ၀ိတ္ထာရ နာတိသင်္ခေပ ဒေသနာ ဆိုပြီး ခွဲပါတယ်။



(၁) အတိဝိတ္ထာရ ဒေသနာ ဆိုတာက ကျယ်ပြန့်လွန်းတယ်၊ မြတ်စွာဘုရား တာဝတိ သာမှာ ဟောတဲ့ အပြည့်အစုံပဋ္ဌာန်း ဖြစ်တယ်။



(၂) အတိသင်္ခေပဒေသနာ ဆိုတာ အလွန်ကျဉ်းတဲ့ဒေသနာ နတ်ပြည်မှာ အသံမစဲ တရား ဟောနေရာကနေ နိမ္မိတရုပ်ပွားတော်ကို တရားဆက်ဟောနေစေပြီး လူသား စစ်စစ်ဘုရားရှင် ခန္ဒာဝန်ဆောင်ဖို့ လူပြည်ကိုဆင်းပြီး ၀တ်ပြုတဲ့ အရှင်သာရိပုတ္တရာ ကိုဟောတဲ့ ဒေသနာတော် ဖြစ်ပါတယ်။



(၃) နာတိ ၀ိတ္ထာရ နာတိသင်္ခေပ ဒေသနာ ကတော့ မကျဉ်းလွန်း၊ မကျယ်လွန်း သော တရားတော်လို့ အဓိပ္ပါယ်ရပါတယ်။ ဒါကတော့ အရှင်သာရိပုတ္တရာက မိမိတ ပည့်ရဟန်း (၅၀၀)ကို့ပြန်ဟောတဲ့ တရားဖြစ်ပါတယ်။ လက်ရှိ ထေရ၀ါဒ ဗုဒ္ဓဘာသာ မှာ သင်ကြားဟောပြောနေတဲ့ ပဋ္ဌာန်းဟာ အရှင်သာရိပုတ္တရာက ပြန်ဟောတဲ့ မကျဉ်းလွန်း၊ မကျယ် လွန်းသော ပဋ္ဌာန်းတရားတော် ဖြစ်ပါတယ်။



အမျိုးစား (၃)မျိုးအားဖြင့် ခွဲခြားပြောကြပါတယ်။


ပစ္စယုဒ္ဒေသ = ပစ္စယ + ဥဒေသ = ပစ္စည်း + အကျဉ်း ဝေဖန်ခြင်း၊


ပစ္စယနိဒ္ဒေသ = ပစ္စယ + နိဒ္ဒေသ = ပစ္စည်း + အကျယ် ဝေဖန်ခြင်း၊


ပရိ နိဒ္ဒေသ = ပဋ္ဌာန်းကို အကျယ် ဝေဖန်ခြင်း။



ပဋ္ဌာန်းဒေသနာတော် ကိုနာကြားပြီးချိန်မှာတော့ နတ်၊ ဗြဟ္မာ၊ ကုဋေ (၈၀၀၀၀) ကျွတ်တမ်းဝင်၊ လူပြည်က ရဟန်း ၅၀၀ - ရဟန္တာ ဖြစ်တယ်လို့ဆိုပါတယ်။ အခြား သာဓကတွေနဲ့ ပဋ္ဌာန်းဘာလို့ တန်ခိုးကြီးရကြောင်းကိုတော့ ဆရာတော် အရှင်ဇနကာဘိဝံသရဲ့ အခြေပြုပဋ္ဌာန်းစာအုပ်မှာ ဖတ်ရှုနိုင်ပါတယ်။ ရွတ်ဆိုခြင်းမှာတော့ အသံကို အများနဲ့ဆိုရင်လဲ အားလုံး ညီ အောင်၊ ပီ အောင်၊ ကြည်အောင် ရွတ်ဆိုမှ အကျိုးပိုများမယ် လို့ ဆိုပါတယ်။ ဆရာတော်အရှင်ဇနကာဘိဝံသ နဲ့ အရှင်ဆေကိန္ဒတို့ ပဋ္ဌာန်းကို ရှင်းလင်းဟောကြားထားတာ စာအုပ်နဲ့ တရားတော်တွေရှိတယ်၊ ဓမ္မဗျူဟာ ဒေါ်ခင်လှတင်၊ ဒေါက်တာမင်းတင်မွန် တို့ရဲ့တရားတွေလည်း ရှိပါတယ်။

အသိပေးမှု...၊

ပရိတ်ကြီး(၁၁)သုတ်၊ ဓမ္မစကြာနှင့်အနတ္တလက္ခဏာသုတ်တရားတော်များ၊ ကို အ နက်အဓိပ္ပာယ် နှင့်တကွပူဇော်နိုင်ပါရန် တင်ပေးလိုက်ပါတယ်။ ဓမ္မစကြာ နှင့် အနတ္တလက္ခာသုတ် တရားတော်များ ကိုစာအုပ်တွင် ဖတ်ကြည့်ပါက အသေးစိတ်ပို မို သိရှိနိုင်ပါတယ်။ ကူးယူကြပါရန်။

ပရိတ်ကြီး(၁၁)သုတ်၊ ဓမ္မစကြာနှင့်အနတ္တလက္ခဏာသုတ်တရားတော်များ၊

စာဖတ်သူများ ပရိတ်တရားတော်၊ ဓမ္မစကြာတရားတော်နှင့်အနတ္တလက္ခဏာသုတ် တရားတော်များ ကြည်ညိုပူဇော်နိုင်ရန်တင်ပြခဲ့ပါတယ်။ ဖွင့်ပြီးပူဇော်ပါက ပြီးဆုံးအောင် နာကြားကြပါရန် အသိပေးအပ်ပါတယ်။ နတ်များပင့်ဆောင်၍ ရွတ်ဖတ်တာဖြစ်ခြင်းကြောင့် နတ်ပို့ပြီးသည်အထိဖွင့်ပြီး နာကြားကြပါရန် ဖြစ်ပါတယ်။

ပညာဓိကဗုဒ္ဓဘာသာ...

ပညာဓိကဗုဒ္ဓဘာသာဆိုသည်မှာ ပညာဉာဏ်နှင့်ယှဉ်တွဲ၍ကိုးကွယ်သော ဗုဒ္ဓဘာ သာဖြစ်ပါတယ်။ အတက်တန်းစားဗုဒ္ဓဘာသာဖြစ်ပါတယ်။ ကျွန်တော်တို့ဘုရားသည် ဉာဏ်ပညာကို အဓိကအားထား၍ ပါရမီဖြည့်ကျင့်ခဲ့သောကြောင့် လေးသင်္ချေနှင့် ကမ္ဘာတစ်သိန်းသာ ပါရမီဖြည့်ကျင့်ခဲ့ရပါတယ်။ ဘုရားရှင်ကလည်း “ဉာဏ်သာလျှင် အမိဉာဏ်သာလျှင်အဖ” ဟုဟောကြားတော်မူခဲ့ပါတယ်။ ပညာဆိုသည်မှာ မိမိပြု


လုပ်သော အလုပ်တစ်ခုသည် မှား၊ မှန်ခွဲခြားကာ အမှန်ကိုပြုလုပ်နိုင်စွမ်းရှိသော ဉာဏ်ကိုခေါ်ရပါမည်။ လူဘ၀ရောက်လာလို့မှ မိမိက အဓိကနှင့် အဓိကမဟုတ်တာကို မခွဲခြားတတ်ပါက လူဖြစ်ကျိုးနပ်မည်မဟုတ်ပါ။ အရေးမကြီးတာကို အရေးတကြီးမလုပ်မိဖို့က အရေးကြီးပါတယ်။ ရှေ့ကရေးခဲ့သော အောက်တန်းစားဗုဒ္ဓ ဘာသာဝင်များနှင့် သဒ္ဓါဓိက ဗုဒ္ဓဘာသာဝင်တို့မှာ မိမိကိုယ်တိုင် ဘာဖြစ်လို့ဖြစ် နေမှန်းကိုပင် သိကြမှာမဟုတ်ပါဘူး။ ဉာဏ်ကို ခွဲခြားလိုက်မည်ဆိုပါက သာသနာတွင်း ဉာဏ်နှင့်သာသာနာပဉာဏ် ဟုခွဲခြားသိရပါမယ်။ သာသနာပဉာဏ်ဆို သည်မှာ ကမ္မဿကတဉာဏ်(ကံနှင့် ကံ၏အကျိုးပေးကိုယုံကြည်သောဉာဏ်)၊ သာသနာတွင်း ဉာဏ်ဆိုသည်မှာသစ္စာနုလောမိကဉာဏ်(သစ္စာလေးပါးကို ပိုင်းခြားထင်ထင် သိမြင်သောဉာဏ်) ဖြစ်ပါတယ်။ သာသနာဆိုသည်မှာ ဘုရားရှင်က ခန္ဓာဉာဏ် ရောက်ကြဖို့၊ နိဗ္ဗာန် ရောက်နိုင်ကြဖို့၊ သစ္စာသိဖို့၊ ယဉ်ကျေးကြဖို့၊ လိမ္မာကြဖို့ဆုံးမ ဟောကြားခဲ့တဲ့ အဆုံးအမ တရားဟူသမျှကို ခေါ်ပါတယ်။ ဘုရားရှင်၏ အဆုံးအမတွေကို ရင်ထဲမှာကိန်းနေပြီးတော့ လောကဓံတရားတွေနဲ့ တွေ့ကြုံလာတဲ့အချိန်မှာ ဆင်ခြင်နိုင်အောင်ကြိုးစားတယ်၊ သိအောင်ကြိုးစားတယ်၊ သိပြီးရင်လည်း လက်တွေ့ကျင့်သုံးနေတဲ့ ပုဂ္ဂိုလ်သည် သာသနာတွင်း တရားကိန်းတယ်လို့ပြောရပါမယ်။ ဘုရားရှင်တော်ပေါ်လာမှသာ သစ္စာတရားတွေက သိခွင့်ရတာပါ။ သာမာန် ဒါန၊ သီလ၊ သမထ အလုပ်တွေက ဘုရားမပွင့်လည်း ပြုလုပ်ကြပါတယ်။ ဘုရားလောင်း ဝေသံသရာမင်းသည် ဆင်ဖြူတော်ကို လှူဒါန်းတော်မူခဲ့ပါတယ်။ အဲဒီအချိန်က သာသနာပကာလ ဖြစ်ပါတယ်။ ဘယ်သူကမှ လှူဖို့တိုက်တွန်းတာလည်း မဟုတ်ပါဘူး။ သားနဲ့သမီးကို ကျွန်အဖြစ်ခိုင်းဖို့ အလှူခံတော့လည်း လှူဒါန်းခဲ့ပါတယ်။ ထို့ကြောင့် ဘုရားမပွင့်သော်လည်း ရှိနေတဲ့တရားဖြစ်သောကြောင့် သာသနာပတရား ဖြစ်ပါတယ်။ ဒါန၊ သီလ၊ သမထ အလုပ်တွေကို ဘာသာဝင်တိုင်းလုပ်ကြပါတယ်။ ဆေးရုံတွေ၊ မျက်မမြင်ကျောင်းတွေ ဆိုလည်း ခရစ်ယာန်တွေ စလုပ်ခဲ့တာတွေပါ။ သူတို့ လုပ်နေတာတွေက သစ္စာသိပြီးလုပ်တာလည်းမဟုတ်ပါဘူး။ အကျိုးအကြောင်း နာလည်း၍ ခန္ဓာဉာဏ်ရောက် ဆင်ခြင်ပြီးလုပ်တာလည်း မဟုတ်ပါဘူး။ ဗုဒ္ဓဘာသာမှသာ ထိုတရားတွေကို သိရတာပါ။ ထို့ကြောင့် မိမိကဒါနတွေလုပ် နေသော်လည်း ဘာမှမသိပါက အခြားဘာသာတွေနှင့် အလားတူပင်ဖြစ်နေပါမယ်။ ဘုရားရှင်က သစ္စာတရားကိုသိခဲ့ပြီး သတ္တ၀ါတွေကိုလည်း သစ္စာသိပြီး လုပ်သောအ လုပ်၊ ကျင့်သောတရား များဖြစ်ရန်ဟောကြားခဲ့ပါတယ်။ အတိတ်တုန်းက မိမိတို့က ဘာမှမသိဘဲလုပ်ပြုလုပ်ခဲ့ကြလို့ သံသရာလည်နေရတာပါ။ မသိတာက (အ၀ိဇ္ဇာ)၊ မသိတော့ဘုံ၊ ဘ၀တွေလိုချင်ပြီး ဆုတောင်းခဲ့တာက(တဏှာ)၊ ငါ့အလှူ၊ ငါလုပ် တာလို့ စွဲတာက(ဒိဋ္ဌိ)၊ ဒါတွေကြောင့် လက်ရှိခန္ဓာကြီးရနေရတာပါ။ အကြောင်းရင်းကိုကြည့်ရင် သစ္စာမသိ၊ ဉာဏ်မရှိဘဲလုပ်ခဲ့တာကြောင့်ပါ။ ဒီတရားတွေကလည်း ဘုရားရှင်ပွင့်မှ သိရတာပါ။

“ဘုရားရှင်တော် မပွင့်ပေါ်လျှင်၊

လူတော်အများ၊ စိတ်ကောင်းထားလည်း၊

ဤကားကုသိုလ်၊ အကုသိုလ်နှင့်၊

ထိုထိုဘုံဘ၀ မသိရ၊

များလှအပြစ်တွေ”…၊


အများအားဖြင့် သိနေတာက သူများအသက်သတ်မှ၊ သူတပါးပစ္စည်းခိုးမှ၊ သူတပါးအိမ်ယာကို ပြစ်မှားမှ၊ လိမ်ညာနေမှ၊ မူးရစ်နေမှ အကုသိုလ်လို့သိကြပါ တယ်။ ဒါတွေက အကြမ်းစားအကုသိုလ်တွေပါ။ ဘုရားရှေ့မှာ အ၀ိဇ္ဇာ၊ တဏှာ၊ ဒိဋ္ဌိ တွေနဲ့ ဘုံ၊ ဘ၀တွေ၊ လိုချင်တာတွေတောင်းနေတာကို အကုသိုလ်ဆိုတာ မသိကြပါဘူး။ ဒါမျိုးကတော့ နူးညံတဲ့ အကုသိုလ်ဖြစ်ပါတယ်။ အကုသိုလ်က လုပ်နေတဲ့ အချိန်မှာလည်း အပြစ်ရှိပါတယ်။ အကျိုးပေးရင်လည်း မကောင်းကျိုးဘဲရပါတယ်။ မိမိတို့တွေက အတိတ်ကအ၀ိဇ္ဇာဦးဆောင်ပြီး ပြုလုပ်ခဲ့တာက သမုဒယသစ္စာပါ။ သမုဒယကြောင့် ယခုဒုက္ခသစ္စာရနေတာပါ။ ဒုက္ခသစ္စာ ဆိုတာတော့ ဆင်းရဲခြင်း တရားဖြစ်ပါတယ်။ လက်ရှိခန္ဓာကြီးက သက်သေပြနေပါတယ်။ အတိတ်တုန်းက မိမိတို့ရဲ့ ရင်ထဲမှာ ဘုရားမပွင့်ခဲ့လို့၊ သစ္စာမသိခဲ့လို့၊ ယခုချိန်ထိ ဆင်းရဲကျိုးခန္ဓာကြီးရနေတာပါ။ ထို့အတွက် မိမိတို့တွေသည် ဓမ္မအရသာကိုသိအောင်လုပ်ပြီး ဘုရားရှင် ဟောကြားခဲ့သောတရားတော်များ အတိုင်းလိုက်ကျင့်ရပါမယ်။ ယောင်းမသည်ဟင်း၏ အရသာကိုမသိရသလို အသိဉာဏ်မရှိသောသူသည်လည်း တရားအရသာကို သိရမှာမဟုတ်ပါဘူး။ ထို့ကြောင့် ကုသိုလ်ကောင်းမှုတွေပြုလုပ်တဲ့အခါမှာ နိဗ္ဗာန် ကိုသာ ရည်စူး၍ပြုလုပ်ရပါမယ်။ အလှူဒါန ပစ္စည်းအနဲ၊ အများက အဓိကမဟုတ် ပါဘူး။ မိမိရဲ့လှူ ဖွယ်ပစ္စည်း၏ စင်ကြယ်မှု၊ အလှူခံပုဂ္ဂိုလ်၊ မိမိရဲ့စိတ်ထားပေါ်မူတည်ပြီး အကျိုးပေးရလဒ် လည်းကွားခြားရပါတယ်။ မိမိတို့ရဲ့ကောင်းမွန်တဲ့ သဒ္ဓါတရား၊ သီလစောင့်တည်နိုင်မှု၊ ဉာဏ်ပညာတို့ကို ကောင်းစွာအသုံးချ၍ သံသရာ လွတ်ကြောင်းတရားများကိုသိရှိ၊ ကျင့်ကြံ နိုင်မှသာ ပညာဓိကဗုဒ္ဓဘာသာ ဖြစ်ပါလိမ့်မည်။ မိမိသိရှိလိုက်ရတဲ့ သံဝေဂတရား၊ အသိတရားကို လိုက်နာကျင့်ကြံဖို့က အရေးကြီးပါတယ်။ အသိကို လိုက်မကျင့်တော့၊ သိသလို မသိသလိုနဲ့ နောက်ဆုံးတော့ မသိတာဘဲဖြစ်သွားတက်ပါတယ်။ ဉာဏ်ပညာ နှင့်ယှဉ်ဖက် ကိုးကွယ်သော၊ ဆုတောင်းသော သူများဖြစ်ကြရအောင် ကျင့်ကြံနိုင်မှသာလျှင် မိမိသည် သံသရာဘေးမှ လွတ်မြောင်နိုင်ပါလိမ့်မည်။

“ဘုရားရှင်တော်၊ ပွင့်ထွန်းပေါ်၍၊

ဟောဖော်ပြောကြား၊ မြတ်တရားကြောင့်၊

ဤကားကုသိုလ်၊ အကုသိုလ်နှင့်၊

ထိုထိုဘုံဘ၀ သိကြရ၊

များလှကျေးဇူးတွေ”…။

သဒ္ဓါဓိက ဗုဒ္ဓဘာသာ...

ကျွန်တော်တို့တွေသည် ဘာသာဝင်အရပြောရရင် ဗုဒ္ဓဘာသာဝင်တွေဖြစ်ကြပါတယ်။ ဗုဒ္ဓဘာသာဝင်ဖြစ်လာခဲ့ရင် ဘုရားသာသနာတော်နဲ့ကြုံနေတဲ့ ကာလမှာ ကမ္မဿကတ (ကံ၊ ကံ၏အကျိုးကို ယုံကြည်သောဉာဏ်) နှင့် သစ္စာနုလောမိကဉာဏ်(သစ္စာသိတဲ့ဉာဏ်) ရအောင်ကြိုးစားနိုင်မှသာလျှင် အထက်တန်းစားဗုဒ္ဓဘာသာဝင် ဖြစ်ပါမယ်။ သဒ္ဓါဓိကဗုဒ္ဓ


ဘာသာ ဆိုသည်မှာ သဒ္ဓါတရားကိုအရင်းခံပြီး ဘုရား၊ တရား၊ သံဃာရတနာမြတ်သုံးပါး ကိုယုံကြည်တဲ့ ဗုဒ္ဓဘာသာဖြစ်ပါတယ်။ ကိုးကွယ်ရာမှာ သဒ္ဓါတရားနှင့်ပညာဉာဏ် အတွဲညီ ရပါမယ်။ သဒ္ဓါးတရားလွန်ကဲ ပညာနည်းကအလွဲယုံကြည်မှု ဖြစ်တက်ပါတယ်။ ပညာမပါတော့ အရာရာတိုင်းကို ယုံကြည်လွယ်ပါတယ်။ ဗုဒ္ဓဘာသာ ဘုရားရှင်၏ ၀ါဒက ၀ိဘဇ္ဇ၀ါဒ ဖြစ်ပါတယ်။ (ကိုယ်ပိုင်ဉာဏ်နှင့်ဝေဖန်ပိုင်းခြားရသည့်ဝါဒ ဖြစ် ပါတယ်)။ ယုံကြည်မှုလွန်ကဲ ပြီး ဘိုးတော်၊ ဘွားတော်၊ နတ်တွေကိုယုံကြည်မိရင် ဒိဋ္ဌိဖြစ်ပါမယ်။ မိမိကအမှားလုပ်နေရင်ထိုအမှားကို ပြင်နိုင်ရပါမယ်။ သိပြီးတော့ပြင်နိုင်တဲ့ပုဂ္ဂိုလ်ကို တိဟိတ်ပုဂ္ဂိုလ်ဟု ခေါ်ပါ တယ်။ တိဟိတ်ဆိုတာက အမောဟ(ပညာ) ပြဋ္ဌာန်းပါတယ်။ တိဟိတ်ပုဂ္ဂိုလ်က ဒီဘ၀မှာ ဘဲ တရားရနိုင်ပါတယ်။ မိမိသည် တိဟိတ်လား၊ ဒွိဟိတ်လားဆိုတာ ကိုယ့်ကိုကိုယ်ပြန်ပြီး မေးကြည့်ရင် သိနိုင်ပါတယ်။ ဘုရားရှင်လက်ထက်တော်တုန်းက သူငယ်ချင်းနှစ်ယောက် ရှိပါတယ်။ တစ်ယောက်ကနွားလိုကျင့်တယ်၊ နောက်တစ်ယောက်က ခွေးလိုကျင့်ကြံကြ တယ်။ ထိုအကျင့်တွေဟာ တရားမရနိုင်ပါဘူး။ သူတို့တွေကျင့်တာ နှစ်ပေါင်း(၃၃)နှစ် ကြာလာသော်လည်း ဘာတရားမှမရကြဘူး။ သူတို့ဆရာကြီးတွေပြောသလိုတစ်ခုမှ ဖြစ်မလာတော့ သူငယ်ချင်းနှစ်ယောက်တိုင်ပင်ပြီး ဘုရားထံလျှောက်ကြားပါတယ်။ ဘုရားက နွားလိုကျင့်ပြီးသေရင် နွားဖြစ်မယ်။ နွားလိုကျင့်တာက ပစ္စုပ္ပန်မှာလည်း စီးပွားတက်မယ်၊ သံသရာမှလည်းလွတ်မြောက်မယ် ဆိုတဲ့အယူကို မစွန့်ဘဲနဲ့ဆိုရင် နွားဘ၀ကသေရင် အ၀ီဇိငရဲ ကျမယ်လို့ဟောတော်မူခဲ့ပါတယ်။ ထို့ကြောင့်ပညာမွဲတော့ လွဲတက်ပါတယ်။ သဒ္ဓါနှင့် ပညာညှိနှိုင်းပြီးမှ ယုံကြည်ကြဖို့လိုပါတယ်။ သဒ္ဓါနောက်က ပညာပါရင် အဲဒီသဒ္ဓါတရား သည် နိဗ္ဗာန်ထိပို့ဆောင်နိုင်ပါတယ်။ ယခုလည်း မိမိယုံကြည်ချက်ကို ဘုရား၊ တရား၊ သံဃာ အပေါ်မှာသာ မထားဘဲ နတ်တွေအပေါ်မှာ လည်းထားရှိနေကြပါတယ်။ သေချာစဉ်းစာကြည့်ရင် (၃၇)မင်းနတ် အားလုံးဟာအသေဆိုးနဲ့သေခဲ့ကြတာပါ။ အစွဲကြီးပြီးတော့ ပြိဿာတွေဖြစ်နေတဲ့သူတွေဘဲဖြစ်ပါတယ်။ ဒါတွေကို ယုံကြည်နေမယ်ဦး ဆိုရင်တော့ မိမိဘယ်လိုဖြစ်မယ်ဆိုတာ မိမိကိုယ်တိုင်သိသင့်ပါပြီ။ နတ်နဲ့မင်္ဂလာဆောင်တယ်ဆိုတာက ရှိပါသေးတယ်။ အဲဒီနတ်ကတော်အမျိုးသမီးမှာလည်း အမျိုးသားရှိကရှိပြီးသားပါ။ ဘယ်လို ဖြစ်မယ်ဆိုတာ စဉ်းစားကြည့်ရင်သိနိုင်ပါတယ်။ ဒါတွေကအင်မတန်ကို မှားနေကြတာတွေ ပါ။ ပြောမယ်ဆိုရင် ရေးလို့ပင်ကုန်မှာမဟုတ်တော့ပါဘူး။ ဒီလိုအယူမှားတွေ၊ အမွေဆိုးတွေကို နောက်ပိုင်းလူငယ်တွေမှာ မဖြစ်ကြရန် မိမိတို့က ပြောပြပေးနိုင်ရပါမယ်။ မိမိတို့ယုံကြည်မှုတွေရဲ့နောက်မှာ ပညာမပါတော့ အလွဲလွဲ၊ အမှားမှားတွေဖြစ်ကြရပါ တယ်။ ကျွန်တော်ရေးသားထားသည်ကိုပင် မိမိဉာဏ်နှင့် ဆုံးဖြတ်ပြီးမှ ယုံပါ။ ကံနှင့် ကံ၏ အကျိုးပေးကို ယုံကြည်ရင် ဘိုးတော်တွေ၊ နတ်တွေကို ပူဇော်နေစရာမလိုတော့ပါဘူး။ ဘုရားကိုးဆူပူဇော်တာ တွေလည်းရှိကြပါတယ်။ ဘုရားကိုပူဇော်တာဖြစ်လို့ ကုသိုလ်တော့ ဖြစ်ပါတယ်။ သို့ပေမယ့် မသန့်ရှင်းပါဘူး။ ဘုရားကိုးဆူပူဇော်တာဟာ ထေရ၀ါဒမှကျင့်စဉ် တစ်ရပ်လည်း မဟုတ်ပါဘူး။ ဘုရားကိုပဲ သန့်သန့်ရှင်းရှင်း ပူဇော်လိုက်ပါ။ ဘယ်ကစသလဲ ဆိုတော့။ ဝေသာလီပြည် ကပ်ဆိုက်တော့ ပြည်သူတွေက နတ်မင်းကြီးကိုးပါးက လုပ်ထား တာဆိုပြီး နတ်မင်း ကြီးကိုးပါးကိုပူဇော်ဖို့အတွက် ဗလိနတ်စာပူဇော်ပွဲဆိုပြီး သတ္တ၀ါကိုးကောင်၊ ကိုးမျိုးနဲ့ပူဇော်ကြတာပါပဲ။ ဘုရားကိုး ဆူစင်မှာ မြတ်စွာဘုရားရှင်က အလယ်က၊ ဘေးမှာ ရဟန္တာအရှင်မြတ်များ။ ထပ်ပြီးတော့ ၀န်းရံထားတာက နတ်မင်းကြီးကိုးပါး။ ထက်ပြီးပါပါသေးတယ်။ သူတို့ရဲ့ကိုယ်စားလှယ်တော်များဖြစ်တဲ့ တိရိစ္ဆာန်ကိုးကောင်။ မြတ်စွာဘုရားရှင်ကို ရောနှောပြီး စင်တစ်ခုတည်းမှာ ဗြဟ္မဏတွေနဲ့ရောပြီး ကိုးကွယ်တာ မ ဖြစ်သင့်ပါဘူး။ ဘယ်ဘုရားလေးက ဘယ်မှာနေဆိုတာမျိုး စသဖြင့်ဘုရားကိုးဆူဆရာက ဘုရားဆရာလိုလို ဆရာလုပ်နေပါတယ်။ ရွတ်ဖတ်နေတာကလည်း ဘေးကင်းအောင်ကြီးပဲ။ ပုဏ္ဏားတွေရဲ့လေသံနဲ့ပြောတာပါ။ ဒါတွေက ပညာမပါလို့ ဖြစ်နေရတာပါ။ ကိုးန၀င်းမိုးလင်းမှ သိမယ်ဆိုတာလည်း အတော်ကိုစွဲနေကြပါတယ်။ ကိုးန၀င်းစိတ်တာကို မကောင်းဘူး၊ ကုသိုလ်မရဘူး ပြောတာမဟုတ်ပါဘူး။ န၀င်းတွေ၊ ဥုံ၊ သြောင်းတွေဆိုတာ ထေရ၀ါဒမှာ မရှိပါဘူး။ မြန်မာတွေက ကိုးဂဏန်းကိုကြိုက်တော့ လူ့အကြိုက်လိုက်လုပ် နေကြသလိုပါဘဲ။ ဗုဒ္ဓဂုဏ်တော်ကို တစ်ခေါက်ပဲရရ စိတ်ထဲမှာ သန့်သန့်လေးပွားလိုက်ပါ။ ဗုဒ္ဓနုဿတိဖြစ်အောင် ပွားများကြပါ။ မိမိနှစ်သက်တဲ့ ဂုဏ်တော်ကို အချိန်နေရာ မရွေးပွားများနိုင်ပါတယ်။ ပြဿဒါး၊ ရက်ရာဇာရွေးစရာမလိုပါဘူး။ ဘုရားရှင်က ပုဗ္ဗာဏှသုတ်မှာ ကိုယ်၊ နှုတ်၊ စိတ် (၃)ပါးကို ကောင်းမွန်မြင့်မြတ်အောင် ကြိုးစားနေထိုင်လျှင် အချိန်တိုင်းဟာ ကောင်းသောနက္ခတ်၊ ကောင်းသောနိမိတ်များသာ ဖြစ်နေမည့် အကြောင်း ရတနာ (၃)ပါးကို အခြေခံတိုင်တည် သစ္စာတရားကို ဖော်ကျူးဟောကြားခဲ့ဖြစ်ပါတယ်။ ထို့ကြောင့်မိမိတို့ ရှိနှင့်ထားသော သဒ္ဓါတရားကို ပညာဉာဏ်နှင့် အတွဲညီစွာ ကိုးကွယ်၊ အားထုတ်နိုင်မှသာ ဗုဒ္ဓဘာသာဝင် ဖြစ်ရကျိုးနပ်ပါလိမ့်မည်။


စာဖတ်သူများ အသိဉာဏ် ပညာတိုးပွားကာ၊ အကျင့်တရားလိုက်ပါ၍ နိဗ္ဗာန်သို့ မျက် မှောက်ပြုနိုင်ကြပါစေ။

ဘယဗုဒ္ဓဘာသာ...

ဘယဗုဒ္ဓဘာသာဆိုသည်မှာ ဘေးအန္တရာယ်ကြောက်၍ကိုးကွယ်ရသော ဗုဒ္ဓဘာသာမျိုးဖြစ်ပါတယ်။ ကျွန်တော်တို့ ဗုဒ္ဓဘုရားရှင်က ဘေးန္တရာယ်မှ လွတ်မြောက်အောင် ကယ်တင်နိုင် တာမဟုတ်ပါဘူး။ ဘုရားရှင် ဟောကြားခဲ့သော တရားတော်များသည်သာလျှင် အို၊ နာ၊ သေဘေး စတဲ့ဆင်းရဲအပေါင်းမှ ကယ်တင်နိုင်မှာ ဖြစ်ပါတယ်။ ထို့ကြောင့် “အဆင်းသာရှိ၍


အနံ့မရှိသော တင့်တယ်လှပသော(ပေါက်ပန်းပွင့်စသော)ပန်းသည် ပန်ဆင်သူအားလုံးအား အနံ့တည်းဟူသော အကျိုးကို မဆောင်နိုင်သကဲ့သို့ ကောင်းစွာဟောကြားတော်မူအပ်သော တရားတော်သည်မလိုက်နာ၊ မကျင့်ကြံသူအား အကျိုးကိုမဆောင်နိုင်”ဟူ၍ ဓမ္မပဒ မှာရေးဖွဲ့ထားပါတယ်။ ဘုရားရှင်ကို မိမိတို့အတွက် ကျရောက်လာမည်ထင်သော လောကီ ဘေးအန္တရာယ်အပေါင်းမှ လွတ်မြောက်ရာအတွက်သာ ကိုးကွယ်မည် ဆိုပါက ဘယဗုဒ္ဓ ဘာသာပင် ဖြစ်ပါလိမ့်မည်။ အဆင်မပြေမှုတွေများသော အခါမှာ မိမိတို့အတွက် ကယ်တင် ပေးနိုင်မည်ထင်၍ အခြားသောကိုးကွယ်မှုတွေကို ပို၍ပင်လုပ်ဆောင်နေကြတာရှိပါတယ်။ ဒါတွေဟာ မသိမှု(အ၀ိဇ္ဇာ)ကြောင့်ဖြစ်ပါတယ်။ ထိုသို့ အခြားအရာတွေကို ယုံကြည်မှုပြုကြတဲ့အတွက်ကြောင့် သရဏဂုံညှိုးနွမ်းရပါ တယ်။ ပျက်ဆီးရပါတယ်။ ဘုရားရှင်ကဖြစ်လာ သမျှအကျိုးတရားတို့သည် ပြုလုပ်ခဲ့သောအကြောင်းတရား ကြောင့် သာဖြစ်တယ်ဆိုတာ ဟောကြားတော်မူခဲ့ပါတယ်။ အကြောင်းအကျိုးကို နားမလည်လျှင် ထိုအယူမှား များကို လုပ်ဆောင်နေကြမည်သာဖြစ်ပါတယ်။ စစ်မှန်သောဗုဒ္ဓဘာသာဝင်ဆိုသည်မှာ ဘုရား တရားကို နား ထောင်၊ လိုက်နာသောသူများကိုသာ ခေါ်ဆိုထိုက်ပါတယ်။ ထိုအကြောင်းကို မသိဘဲ ထင်ရာလုပ်နေကြတော့ ဒုက္ခရောက်ကြရတာပါ။ နတ်ပြည်၊ ဗြဟ္မာပြည်တို့သည် လည်း ဒုက္ခတိဘုံများပင်ဖြစ်ပါတယ်။ မိမိတို့လုပ်ဆောင် နေသော ဒါန၊ သီလ၊ ဘာဝနာ ကုသိုလ်ကောင်းမှု အစုစုတို့သည် ဒုက္ခခပ်သိမ်းကင်းငြိမ်းရာအမှန် နိဗ္ဗာန်ကိုသာ ရည်စူးထားရပါမယ်။ ဆုတောင်းတိုင်းပြည့်မည်မဟုတ်ပါ။ မိမိပြုလုပ်သော ကောင်းမှု၊ မကောင်းမှုသည်သာ မိမိ အတွက် ကောင်းကျိုး၊ မကောင်းကျိုးကိုပေးနေတာဖြစ်ပါတယ်။ သစ္စာစကား နှင့်ပြောရလျှင် သမုဒယ(ပယ်သတ် ရမည့်တရား)ကြောင့် ဒုက္ခ(ဆင်းရဲခြင်း)ဖြစ်ရတာပါ။ ထို့ကြောင့် အကြောင်းတရား သမုဒယကို မပြုလုပ်ဘဲ ပယ်သတ်ရပါမည်။ ထိုသို့သိနေပြီး လုပ်ဆောင်နေခြင်းသည်ပင် မဂ္ဂသစ္စာ(ပွားများရမည့်၊ ကျင့်ကြံရမည့်တရား)ကို ကျင့်နေခြင်းဖြစ်နေပါတယ်။ ယခုလိုသာသနာတော်နှင့်ကြုံနေသောအချိန်၊ တရားတော်များကိုနာကြား နားလည်နိုင်သော လူဘ၀ရနေတဲ့အချိန် မှာမှစစ်မှန်သောတရားနည်းလမ်းများ အတိုင်း မလိုက်နာနိုင်လျှင် လူဖြစ်ရကျိုးနပ်မည်မဟုတ်ပါ။ မိမိလုပ်ဆောင်နေတာသည် ဘာတွေဖြစ်နေလဲဆိုတာသိဖို့တော့လို အပ်ပါလိမ့် မယ်။ မိမိတို့အခက်ခဲဖြစ်လာပြီဆိုလျှင် ဗေဒင်မေး၊ နတ်တွေမေးကာ ယတြာချေတက်ကြပါတယ်။ ဒီပညာတွေ မှာ လွဲမှားနိုင်တဲ့ အချက်(၂)ချက်ရှိပါတယ်။ (က) ဟောသူက မကျွမ်းကျင်လို့ဖြစ်စေ၊ ရွှီးနေလို့ဖြစ်စေ၊ ကျက် မှတ်ထားတာ၊ တွက်ချက် တာတွေ ဆုံဖြတ်တာတွေ မှားလို့ဖြစ်စေ လွဲနိုင်ပါတယ်။ (ခ) နောက်တစ်ချက်က အဟောခံရသူကိုယ်တိုင်ရဲ့ ပြုမူဆောင်ရွက်ချက်တွေကြောင့်လဲ လွဲနိုင်ပါတယ်။ ဖြစ်ပုံကတော့ ကိုယ်ဟောနေ တာ ဆုံးဖြတ်တာမှန်ရဲ့သားနဲ့ လာမေးသူက မမှန်သလို အမူအရာပြတာကြောင့် ပုထုဇဉ်ဗေဒင်ဆရာလဲ စိုးရွံ့ပြီး မှန်နေရာကနေ အမှား တွေ ဟောမိတတ်တယ်။ ဒါအပြင့် အားလုံးမှန်နေပေမယ့် လာမေးသူက ကောင်းမှုတွေ လုပ်ပြီးမကောင်းကံတွေကို တားနိုင်တာကြောင့်လဲ မှားသွားတတ်ပါတယ်။ ဘုရားရှင်ရှိစဉ်ကပဲ ပုဏ္ဏားတစ် ယောက်ဟာ ကိုယ့်ကိုယ်ကို တွက်ကြည့်တော့မဝေးတော့တဲ့ တစ်ခုသော လပြည့်ညသန်းခေါင်မှာ သေမယ်လို့ အဖြေရပါတယ်။ သူ့မိန်းမကလဲ တွက်ကြည့်တော့လဲ ဒီလိုပဲ။ ဒီတော့ ဘုရားရှင်ကိုလာမေးပါတယ်။ ဘုရားရှင်ကလည်း သေမယ် လို့ပဲဟောပါတယ်။ အဲဒီအခါ ပုဏ္ဏားလန့်ပြီး ငါသာမျောက်ဖြစ်ရင်စားဖို့ ငှက်ပျော သီးပင်တွေစိုက်မယ်၊ ငှက်ဖြစ်ရင်နေဖို့ ညောင်ပင်စိုက်မယ်၊ ငါးဖြစ်ရင်နေဖို့ ရေကန်တူးမယ် စသဖြင့် အမျိုးမျိုး စဉ်းစားပြီး စိုက်ပျိုးလိုက်တာ အများကြီးပါပဲ။ နောက်တော့ လမ်းဖောက်တာ တွေပါ ပါလာတယ်။ သူက ကုသိုလ်ရဖို့တော့ မဟုတ်ပါဘူး။ သူသေပြီး ဘာကောင်ပြန်ဖြစ် ဖြစ် နေရတာ အစဉ်ပြေအောင် လုပ်တာပါပဲ၊ ဒါပေမယ့် သူစိုက်ပျိုးထားတာတွေ ကြီးလာတော့ မျောက်တွေ၊ ငှက်တွေ၊ ငါးတွေ စသည်ဖြင့် စားကြ၊ သောက် ကြ၊ နေကြ၊ နားကြဖြစ် နေပါတယ်။ အဲဒီညမှာတော့ သူက အားလုံးကို နှုတ်ဆက်ပြီး အိပ်ယာပေါ်မှာ သေမယ့် အချိန်ကို စောင့်နေပါတယ်။ အာရုဏ်တက်ချိန်အထိလဲ မသေရော၊ သူ့ကို စိတ်ဆင်းရဲ အောင် လုပ်ရမလားလို့ ဘုရားရှင်ကို စိတ်ဆိုးပြီး ရန်တွေ့ဖို့ ထွက်လာပါတယ်။ ဘုရားရှင်က ဟောအပြီးနောက်ပိုင်း ဘာတွေလုပ်လဲဆို တာမေးပြီး ဒါတွေဟာ အသက် ရှည်ရာကောင်းမှုတွေ ဖြစ်ကြောင်းဟောပါတယ်။ ဒီတော့သာမာန်ဗေဒင်လို သက်သက်မှာ မမှန်နိုင်ဘူးဆိုတာ သိသာပါတယ်။ ကံ နဲ့ ကံ ရဲ့ အကျိုးကိုယုံရပါမယ်။ ဒီလိုမဟုတ်ဘဲ ဂြိုလ်စီး၊ ဂြိုလ်နင်း၊ နက္ခတ်၊ ရာသီ နဂါးခေါင်းလှည့်၊ လက်ဝါးမှ လမ်းကြောင်းများ ညွှန်ရာ တွေကိုပဲ ယုံနေမယ်ဆိုရင် ကံ နဲ့ ကံ၏အကျိုးကို ပယ်ရာကျပြီး ကမ္မဿကတ သမာဒိဋ္ဌိ မဖြစ်တော့ဘဲ မိစ္ဆာဒိဋ္ဌိတောင်ဖြစ်သွားပါမယ်။ ထိုအ ကြောင်းတွေမသိဘဲ မိမိတို့ဘေးဖြစ်မှာ ကြောက်ပြီးဘုရားမှာ ယတြာချေတဲ့ အနေနဲ့ကိုးကွယ်နေတာကတော့ ဘယဗုဒ္ဓဘာသာဖြစ် ပါတယ်။ ဘုရားဟောတဲ့ ပဋ္ဌာန်းတရား(၂၄ ပစ္စည်း) ကိုလည်း စည်းချတယ်ဆိုပြီး ရွတ်ဖတ် တာရှိကြပါတယ်။ စဉ်းစာကြည့်ရင် ဘုရားရဲ့တရားကို အစောင့်ချသလိုဖြစ်နေပါတယ်။ မလုပ်သင့်ပါဘူး။ အသက်ငယ်စဉ်အခါထဲက အမှတ်မမှားကြရအောင် သတိရှိကြရပါမယ်။ အမှတ်မှား၊ အသိမှား၊ အယူမှားပြီး သံသရာကလွတ်နိုင်မှာမဟုတ်တော့ပါ။ ထို့ကြောင့် မိမိတို့ဘေးကိုကြောက်လို့၊ လာဘ်လိုချင်လို့၊ မိရိုးဖလာအရ စသည်ဖြင့် မကိုးကွယ်ကြပါရန် သတိပေးရေးသားအပ်ပါတယ်။ ထိုသို့ဖြစ်နေပါကလည်း စိတ်ဓာတ်ကျစရာမလို ပါဘူး။ “ပညာဟူသည် အိုသည်မရှိ”တဲ့။ မိမိတို့သိရှိပြီးတာနဲ့ ပြင်လိုက်ရင် အကောင်းဆုံးဖြစ်မှာပါ။ အသိတရား ကိုလိုက်ကျင့် နိုင်မှသာ တရား၏အနှစ်သာရကို ခံစားရမှာဖြစ်ပါတယ်။



သဒ္ဓါကိုအဖော်ပြု၍ ဉာဏ်နှင့်ယှဉ်သော သူတော်ကောင်းများဖြစ်ကြပါစေ။

လာဘဗုဒ္ဓဘာသာ…

ကျွန်တော်တို့တွေ ဗုဒ္ဓဘာသာဝင်ဖြစ်သည့် အလျောက်ကျွန်တော်တို့ကိုးကွယ်နေသော ဗုဒ္ဓဘာသာဘုရားရှင် သည်သစ္စာလေးပါးမြတ်တရားကို ကိုယ်တော်တိုင် သိမြင်ပြီးပွင့်ထွန်းလာရသည်ကို သိရန်လိုအပ်ပါလိမ့်မည်။ ဘုရားဖြစ်ပြီးနောက် မိဂဒါဝုန်တော်၌ ပဉ္စ၀ဂ္ဂီငါးပါးကို သစ္စာတရားတော်ဟောကြားခဲ့ပါတယ်။ ဘုရားရှင်


၏ တရားဓမ္မကို စတင်ဟောကြားတဲ့ တရားဖြစ်တာကြောင့် ဓမ္မစင်္ကြာတရားလို့သိလာကြပါတယ်။ ဗုဒ္ဓရဲ့တရား တော်များကို အနှစ်ချုပ်လိုက်ရင်(၃)မျိုးသာကျန်ပါတယ်။


(၁) မကောင်းမှု မှန်သမျှကို မပြုနဲ့၊ မလုပ်နဲ့ရှောင်။



(၂) ကောင်းမှု မှန်သမျှလုပ်၊ ပြည့်စုံအောင်လုပ်။



(၃) မိမိစိတ်ကို ဖြူစင်အောင်၊ သန့်ရှင်းအောင်၊ စင်ကြယ်အောင်လုပ်။



ပိုပြီးပြည့်စုံအောင်ပြောရရင် စိတ်ဖြူစင်အောင်လုပ်နည်းတွေမှာ သမထနည်းနဲ့ဝိ ပဿနာနည်း (၂)နည်းရှိပါ မယ်။ အပေါ်ကအချက်တွေလောက်ကတော့ ခရစ်ယာန်မှာလဲ ညွှန်ကြားပါတယ်။ ဗုဒ္ဓဘာသာရဲ့လိုရင်း အနှစ် ချုပ်မှာတော့ ကိလေသာကို အမြစ်ပြုတ်အောင် ပယ်သတ်ရမယ်လို့ မှတ်ယူကြရပါမည်။ ကိလေသာဆိုတာက တော့ ရယူလက်ခံ ထားသူရဲ့ စိတ်နှလုံးကို ပူလောင်ဆင်းရဲအောင် နှိပ်စက်တတ်တဲ့ တရားတွေပဲဖြစ်ပါတယ်။ ကိလေသာရှိနေသမျှ သံသရာကမလွတ်ဘဲ တ၀ဲလည်လည်ကျင်လည်ပြီး သေပြီးရင်းသေနေရဦးမှာဖြစ်လို့ ကိလေသာကိုလည်း သတ်တတ်တဲ့ “မာရ်” လို့ခေါ်ပါတယ်။ ကိလေသာ အကျဉ်း(၁၀)ပါးရှိပါတယ်။ အမျိုးအစား အားဖြင့် (၃)မျိုးရှိပါတယ်။



(၁) ၀ိတိက္ကမ ကိလေသာ- အာရုံ (၅)ပါး ကို နှစ်သက်တွယ်တာ၍ ကာယကံ၊ ၀စီကံ၊ မနောကံတို့ဖြင့် လောဘ၊ ဒေါသ အလျောက်ဖောက်ပြန်ကျူးလွန်စေတတ်မှု။ (သီလ စောင့်ထိန်းခြင်းဖြင့်တားဆီရန်)။



(၂) ပရိယုဌာန ကိလေသာ- မနော ဒွာရ၌ ထကြွသောင်းကျန်းတတ်သည့် ကိလေ သာ။ (သမထ ဘာဝနာကျင့်ကြံ ခြင်းဖြင့် တားဆီးရန်)။



(၃) အနုသယ ကိလေသာ- သံသရာတလျှောက် အစဉ်ကိန်းအောင်းနေခဲ့ပြီး အခါအခွင့် သင့်သောအခါ ပေါ်ထွက်လာပြီး ဖောက်ပြန်ကျုးလွန်တတ်သော ကိလေသာ။ (၀ိပဿနာ ဘာဝနာအားထုတ် ခြင်းဖြင့် အမြစ်ဖြုတ် ပယ်သတ်ရန်)။
ဒီအချက်က ဗုဒ္ဓဘာသာမှာပဲရှိတာဖြစ်ပါတယ်။ စိတ်လုံးဝ ဖြူသွားအောင် ၀ိပဿနာလုပ်ရမယ် ဆိုတာမှ ဗုဒ္ဓဘာသာရဲ့လိုရင်းဖြစ်မယ်။ ဤမျှ လောက်သတ္တ၀ါတွေ သံသရာဝဋ်ဆင်းရဲဘေး၊ ကိလေသာဘေး၊ အပယ် ဘေးတို့မှ လွတ်မြောင်အောင် သစ္စာတရားများ ဟောကြားခဲ့သော ဗုဒ္ဓဘုရာရှင်ကို လာဘ်လာဘပေါများ အောင်အတွက် ကိုးကွယ်နေကြသော သူများကို လာဘဗုဒ္ဓဘာသာ ဟုခေါ်ပါတယ်။ ဗုဒ္ဓဘုရားရှင်ကို အမှန်တ ကယ်ကြည်ညိုသောစိတ် မဟုတ်ဘဲ မိမိတို့အလုပ်အဆင်ပြေအောင်၊ မိမိတို့လာဘ်ပေါများအောင် ဘုရားရှင်ကို သာ ကိုးကွယ်မှု မဟုတ်တော့ဘဲ ဘိုးတော်၊ မယ်တော်၊ ဓာတ်တွေ၊ နတ်တွေကိုပါ ကိုးကွယ်နေတက်ကြပါတယ်။ ဥုံ၊ သြောင်းတွေ ထဲ့ရွတ်ကာ ဘုရားရှိခိုး နေတက်ကြပါတယ်။ ထိုသူများဟာ ဘုရားရှင်ကို မလေးစားသိလိုပင် ဖြစ်နေပါတယ်။ ဘုရားကိုလည်း အမျိုးမျိုးနာမည်တွေပေးကာ လူတွေအကြိုက် လိုက်လုပ်နေကြတာတွေလည်း ရှိပါတယ်။ လာဘမုနိဘုရားဆိုတော့ လာဘ်ပေါများအောင်ဟုဆိုကာ ရွေးပြီးကိုးကွယ် ကြပါတယ်။ ထိုသို့ဆိုလျှင် ထိုဘုရားကိုမကိုးကွယ်ဘဲ ချမ်းသာနေကြသော ခရစ်ယာန်၊ မူဆလင် များရှိပါတယ်။ ကျွန်တော်တို့ ဗုဒ္ဓဘုရားရှင်က အို၊ နာ၊ သေ ဆင်းရဲအပေါင်းမှ လွတ်မြောက်အောင် တရားဟော ကြားခဲ့တာပါ။ လာဘ်များအောင် ကယ်တင်မှာလည်းမဟုတ်ပါဘူး။ ထိုအကြောင်းကိုမှ မသိဘဲ ဘုရားကို ယတြာချေတာ၊ မိမိအကျိုးကိုလိုလားပြီး ဘုရားကိုလှူတာ မျိုးကို လာဘဗုဒ္ဓဘာသာတွေလုပ်ကြပါတယ်။ အတုအယောင်တွေကြားမှာ သာသနာတော် က မှေးမှိန်လာရပါတယ်။ ကြာကြာစံရအောင်ဆိုပြီး ကြာဇံလှူကြပါတယ်၊ အကြံအစည်ကောင်းအောင် “ကြံ” လှူပါတယ်။ ပေါက်ပေါက်မြောက်မြောက်ရှိအောင် ပေါက်ပေါက်စုပ်လှူကြပါတယ်။ “ထော”အောင်ဆိုပြီး ထောပတ်သီး လှူကြပါတယ်၊ ဘုရားကိုလှူတော့အလုံးလိုက်လှူတယ်။ မိမိစားတော့ သကြား၊ နို့ဆီနဲ့ပေါက်စား ကြပါတယ်။ (ဖြစ်သင့်လား၊ မဖြစ်သင့်ဘူးလားဆိုတာ စာဖတ်သူများပင် စဉ်းစားကြည့်ကြပါ)။ ထို့အပြင် ကိုးကွယ်မှု မပြုလုပ်အပ်တာများကိုပါလုပ်ဆောင်လာကြပါတယ်။ တဆက်တည်း သူရဿတီဆိုသော ရုပ်ထုအကြောင်း အနည်းငယ်ပြောလိုပါတယ်။ အိန္ဒိယနိုင်ငံမှာ သူရဿတီအမည်ရှိသော မြစ်ကလေး တစ်စင်းရှိတယ်။ နွေအခါမှာ သောင်များပေါ်သောအခါ ထိုသောင်များပေါ်တွင် ကုလားများက သီးပင်စားပင်များစိုက်ကြရာ အလွန်ဖြစ် ထွန်းတယ်။ ဒါလောက် ဖြစ်ထွန်းရင် ဒီမြစ်ကို စောင့်တဲ့နတ်က 'မ' တာဖြစ်မယ်ဟူသော စိတ်ကူးယဉ်အတွေး ပေါ်လာကြပါတယ်။ သာယာညင်းပျောင်းစွာ စီးဆင်းသောမြစ် ရေကိုကြည့်၍ နတ်သမီးသာဖြစ်ရမည်ဟု ဆုံးဖြတ်ကြကာ မြစ်ကမ်းနားတွင် နတ်သမီးရုပ် တစ်ရုပ်ထုလုပ်ပြီး ကိုးကွယ်ကြပါတယ်။ နောက်တဖြည်းဖြည်း နယ်ကျယ်လာရာမှ ဗေဒင် သုံးပုံကို သူရဿတီလက်ထဲ ထည့်ပေးလိုက်သောအခါ သူရဿတီသည် ဟိန္ဒူဘာသာ ၀င်အားလုံးတို့၏ အထွတ်အမြတ်ထားရာ နတ်သမီးအဖြစ်သို့ရောက်သွားပါတယ်။ ထိုမှတဆင့် မြန်မာ နိုင်ငံသို့ ၀င်လာသောအခါ ဘာသာရေးလုပ်ကြံလိုသူ တစ်စုကဗေဒင်သုံးပုံ စောင့်တာဆိုလျှင် ဗုဒ္ဓဘာသာဝင် များကအလေးထား ကိုးကွယ်ကြမည်မဟုတ်။ ထို့ကြောင့် ဗုဒ္ဓဘာသာဝင်များက အလေးထားကိုးကွယ် ကြစေရန် ဗေဒင်သုံးပုံအစား ပိဋကတ်သုံးပုံစောင့်သည်ဟုဆိုကာ သူရဿတီလက်ထဲသို့ ဗုဒ္ဓ၏တရားရတနာ ပိဋကတ်သုံးပုံကို ထည့်ပေးလိုက်ပါတော့တယ်။ အမှန်တကယ်မှာ ဗုဒ္ဓဟောကြားတော်မူခဲ့သည့် တရားတော်များကို သံဃာတော်များက ပထမသင်ဂါယနာမှ ဆဋ္ဌမသင်ဂါယနာတိုင်အောင် ဆင်းရဲမျိုး စုံကြားမှ မပျောက်ပျက် အောင် ထိန်းသိမ်းခဲ့ကြရပါတယ်။ ယခုလည်း စောင့်ရှောက်ထိန်းသိမ်းဆဲ နောင်လည်းစောင့်ရှောက်ထိန်းသိမ်း နေမည်သာဖြစ်တယ်။ ယခုတော့ အသက်အသေခံပြီး ပိဋကတ်ကို ထိန်းသိမ်းစောင့်ရှောက်ခဲ့သော သံဃာတော်များ မျက်နှာကိုမျှမထောက်ဘဲ ပိဋကတ်သုံးပုံကို သူရဿတီစောင့်သည်ဆိုကာ ကုလားမရုပ်ကို ဘုရားရုပ်ပွား တော်နားမှာ လာထားကြပါတယ်။ ဆရာတော်များမှ ယနေ့တိုင် ဟောကြားဆုံးမနေသော်လည်း လိုက်ပါမလုပ် ဆောင်မှုများရှိကြပါတယ်။ နောင်လူများ၏စိတ်မှာ ကိုကွယ်းအားထား စရာဟုမှတ်ထင်သွားမှာကို စိုးရိမ်မိပါတယ်။ မိမိတို့သိပြီးသောသူများမှ ထိုအယူမှားများကို ပြင်နိုင်ဖို့လည်းလိုအပ်ပါမယ်။ ဘုရားရှင်ကစီးပွားရေး တက်ချင်ရင် ကံ၊ ဉာဏ်၊ ၀ိရိယ သုံးပါးလုံးကို အားကိုးရမည် ဟုဆိုပါတယ်။ ထိုသို့မသိကြရသည့်အတွက်ကိုးကွယ်၊ အားထားမှုတွေ လွဲမှားကာ သရဏဂုံညှိုးနွမ်းရပါတယ်။ အကယ်၍နတ်ကို ကိုးကွယ်ပြီးသေပါက အန်ဖက် စားပြိဿာဖြစ်ရပါမယ်။ လာဘ်လာဘ လိုချင်တပ်မက်နေသော လာဘဗုဒ္ဓဘာသာများမှာ အခြားသောကိုး ကွယ်မှုတွေများစွာ လုပ်တက်ကြပါတယ်။ လာဘဗုဒ္ဓ ဘာသာတွေရဲ့စိတ်မှာ ခေါင်းဆောင်နေတာသည် တဏှာ(လိုချင်တပ်မက်မှု) ဖြစ်ပါတယ်။ တဏှာ နှင့်ပြုလုပ်သော ကုသိုလ်၊ အကုသိုလ်အလုပ်မှန်သမျှက ဆင်းရဲ ကြောင်းဘဲဖြစ်ပါတယ်။ တဏှာဦးဆောင်နေသ၍ သံသရာက မလွတ်မြောက်နိုင်ပါဘူး။ ဘုရားရှင်ပွင့်လာပြီး တရားဟောတာက အို၊ နာ၊ သေဆင်းရဲက လွတ်စေချင်လို့ပါ။ မိမိတို့လုပ်နေတာက ဆင်းရဲကြောင်းတွေသာ ဖြစ်နေမယ်ဆိုရင်တော့ ဘုရားကိုကျောခိုင်းနေသူပမာဖြစ်ပေတော့မည်။ ထို့အတွက်ကြောင့် ရခဲလှတဲ့လူ့ဘ၀၊ ကြုံရခဲတဲ့ ဘုရားသာသာနာကာလမှာ မိမိအသိအမြင်၊ ကိုးကွယ်ယုံကြည်မှု မမှားကြစေရန်
ရေးသား၍ ဓမ္မဒါနပြုအပ်ပါတယ်။




သဒ္ဓါတရားကို အဖော်ပြု၍ ဉာဏ်နှင့်ယှဉ်သော ဗုဒ္ဓဘာသာဝင်များဖြစ်ကြပါစေ။