ပြုလုပ်နေကျ မြတ်ဒါန

ကျွန်တော်တို့ ပတ်ဝန်းကျင်မှာ “ဒါန”ဆိုတဲ့စကားလေးကို ကျွန်တော်လူမှန်း သိတက်စ အရွယ်က တည်းက ကြားဖူးခဲ့တာပါ။ တချို့သော လူတွေကလည်း ဒါနကို အထင်ကရကြီးကျယ်ခမ်းနားစွာ ပြုလုပ်လှူဒါန်းနေကြသလို တချို့ကျပြန် တော့လည်း ကိုယ်ဒါနပြုလုပ်လိုက်တာကို ပြုလို့ပြုမှန်း မသိရလောက်အောင် အမှုမဲ့ မမှတ်မဲ့နေ နေကြပါတယ်။ ဒါနဆိုတာပါလဲ?။ ကျွန်တော် သိသလောက် ပြောပါရစေ။ ဒါနဆိုတာ မိမိမှာရှိသော အရာဝတ္တုပစ္စည်းအပ်ါမှာထားတဲ့ တဏှာ၊ စွဲမတ်မှု၊ တက်မတ်မှုတွေကို ဖြတ်တောက်တာပါ။တစ်နည်းအားဖြင့် ဒါနပြုတာဟာ မိမိမှာ ရှိတဲ့ လောဘကို သတ်တာဖြစ်ပါတယ်။ ပေးကမ်းလိုသော စေတနာဖြင့် ဒါနပြုနေချိန်တွင်ဒါနပြုသူ၏ စိတ်ထဲမှာ အလောဘစိတ်နှင့် အမစ္ဆရိယစိတ်တို့ ဖြစ်ပေါ်ပါတယ်။ ဒါကြောင့်လည်း ဒါနဟာ မိမိရဲ့လောဘကို သတ်တယ်လို့ ပြောလို့ရတာပါ။

ဒါနပြုရာမှာ ၀တ္တုဒါနနဲ့ စေတနာဒါနဟူ၍ရှိကြပါတယ်။ အလှူဒါနတစ်ခု ပြုတိုင်း ပြုတိုင်း စေတနာ အရေးကြီးဆုံးဖြစ်ပါတယ်။ စေတနာမပါပါက မည်၍မည်မျှပင် လှူသော်လည်း အကျိုးပေး အလွန်ညံ့ဖျင်းလှပါတယ်။ စေတနာသဒ္ဒါတရား ရှိပြီးလှူပါက မိမိလှူဖွယ်ဝတ္တု အလှူခံပုဂ္ဂိုလ် ထံသို့ မရောက်လိုက်သော်ငြားလည်း အဘိဓမ္မာ သဘောအရ စေတနာဒါနမြောက်ပါတယ်။ ဥပမာအားဖြင့် ပြောရမည်ဆိုရင် ဧည့်သည်တစ်ယောက်၊ ဒါမှမဟုတ် အသိတစ်ယောက် မိမိအိမ်သို့လာပါက ကျွေးလိုသော စေတနာဖြင့် “စားပါဦး” ဟူ၍ခေါ်ယူ ပြောဆိုခြင်းသည် ထိုသူအားမစားသော်လည်း စေတနာဒါနမြောက်ပါတယ်။ ဟန်လုပ်ပြီး ခေါ်ရာ၌ စေတနာဒါန မမြောက်ပေ။ ထိုစေတနာ ဒါနနှင့်ပက်သက်၍ ဘုရားရှင် ဟောကြားခဲ့သော ဇာတ်တော်တစ်ပုဒ်ရှိခဲ့ဖူပါသည်။ ဘုရားလောင်း ယုန်မင်းဘ၀ ဖြစ်ခဲ့စဉ်တုန်းက ယုန်မင်းဟာ ဥပုသ်စောင့်သိ ပြီးနောက် မိမိထံ အလှူခံပုဂ္ဂိုလ်လာပါက “ငါ့အသတ်ကိုသာလှူမည်” ဟု အဓိဌာန်ချမှတ်ခဲ့ပါတယ်။ ထိုအခါ သိကြားမင်းရဲ့ ကျောက်ဖျားပူလာ၍ လူ့ပြည်သို့ကြည့်ရှုရာ ယုန်မင်း၏ မြင့်မြတ်တဲ့ သီလ၊ သမာဓိ၊ ပညာကို မြင်လိုက်ပါတယ်။ ဒါကြောင့် သိကြားမင်း သည် အလှူခံပုဏ္ဏားယောင်ဆောင်၍ လူပြည့်သို့ဆင်းကာ ယုန်မင်းထံ အလှူခံ လေတယ်။ ယုန်မင်းလည်း အလှူခံပုဂ္ဂိုလ် မိမိရှေ့သို့ ရောက်သည့်အခါ မိမိ အဓိဌာန်ပြုထားသည့်အတိုင်း “ ကျွန်ုပ်၏ အသားကို အလှူခံပါ” ဟုဆိုလိုက်ပြီး အလှူခံပုဂ္ဂိုလ်အား မီးကိုမွှေးစေလိုက်၏။ ယုန်မင်းဟာ မီးဖိုအတွင်းသို့ ခုန်မချခင် မိမိခန္ဒာအားလှုပ်ခါလိုက်ပါတယ်။ ထိုသို့ လှုပ်ခါရခြင်းမှာ မိမိကိုယ်၌ တွယ်ကပ်နေတဲ့ ပိုးမွှားတွေကို အသတ်မ သေစေရန်နှင့်၊ လှူဖွယ်ဝတ္တု သန့်သန့်ရှင်းရှင်း ဖြစ်စေရန်အတွက် ဖြစ်ပါတယ်။ ထိုသို့ ခါပြီးနောက် ယုန်မင်းဟာ မီးဖိုအတွင်းသို့ ခုန်ဆင်း လိုက်ရာ မီးမှာသီတာရေစင်ကဲ့သို့ အေးမြနေခဲ့ပါတယ်။ ယုန်မင်းအား မလောင်ကျွမ်းပဲ ရှိနေခဲ့ပါတယ်။ “အသတ်ကို လှူမည်”ဟူသော စေတနာထက်သန်ခဲ့ခြင်းကြောင့် ယုန်မင်း၏ အသားတို့ အလှူခံ ပုဂ္ဂိုလ်ထံ မရောက်သော်ငြားလည်း ဒါနမြောက်သွားပါတယ်။ အသတ်ကို စွန့်၍လှူတဲ့ ပရမတ္တဒါနဖြစ်ပါတယ်။ သိကြားမင်းဟာထိုဘုရားလောင်း ယုန်မင်း၏ သူတော်ကောင်းစိတ်ဓာတ်ကို ကမ္ဘာတည်သရွှေ့ နောင်းလူတို့ သိရှိစေဖို့အလိုငှာ တောင်မှ အဆီများကို ထုတ်ယူပြီး ယုန်ရုပ်ကို ရေးဆွဲခဲ့ပါတော့တယ်။ ဒါကြောင့် ကျွန်တော်တို့ဟာ လပေါ်ရှိယုန်ရုပ်လေးကို ယနေ့အချိန်အထိ မြင်တွေ့နေရ ခြင်းဖြစ်ပါတယ်။ ၀တ္တုဒါနမြောက်ဖို့ အတွက် (၃) မျိုးပြည့်စုံရန်လိုအပ်ပါတယ်။ (၁) အလှူပေးမည့်ပုဂ္ဂိုလ်၊
(၂) အလှူခံပုဂ္ဂိုလ်၊
(၃) လှူဖွယ်ဝတ္တု၊ တို့ဖြစ်ပါတယ်။
ထိုသုံးမျိုး (၁) ခုခု မရှိလျှင် အလှူဒါနမမြောက်ပါ။ လှူဒါန်းရာတွင် စေတနာ (၃)တန်းဖြင့် လှူဒါန်း ရပါမည်။ (၁) မလှူခင် စေတနာ၊ (၂) လှူနေစဉ်စေတနာ၊ (၃)လှူပြီးစေတနာ ဟူ၍ စေတနာ သုံးတန်ဖြင့် လှူတန်းရပါမည်။ မိမိပြုတဲ့ အလှူဒါနအကျိုးကြီးဖို့ အတွက်-
(၁) အလှူဝတ္တု သန့်ရှင်းစင်ကြယ်ရပါမယ်။
(၂) အလှူခံပုဂ္ဂိုလ်က သီလ၊ သမာဓိနှင့်ပြည့်စုံရပါမယ်။
(၃)အလှူပေးပုဂ္ဂိုလ်က လည်းသီလ စင်ကြယ်ရပါမယ်။
(၄) လှူနေ့စဉ် အခါကာလ၌ စိတ်ကို ကြည်လင်သန့်ရှင်းစွာ ထားရပါမယ်။
(၅) အကျိုးကို ဥာဏ်၊ သဒ္ဒါတို့နှင့် သိမြင် သုံးသပ်ပြီးကာမှ လှူးဒါန်းရပါမယ်။
(၆) မိမိအလှူနှင့် ပက်သက်၍ အပူအပင် နောက်ဆံတင်းမှုမရှိပါစေနှင့်။ ထိုကဲ့သို့သာ နှလုံးသွင်း၍ လှူဒါန်းမည်ဆိုပါကပိုမိုအကျိုးများ စေပါသည်။ တိရစ္ဆာန်မှ မြတ်စွာဘုရားအထိ အလှူခံပုဂ္ဂိုလ် (၁၄) ဦးရှိပါတယ်။ တိရစ္ဆာန်အား လှူခြင်းထက် သီလမရှိသော ပုဂ္ဂိုလ်ကို လှူခြင်းက ပို၍ အကျိုများပါတယ်။ ဒါကြောင့် အလှူခံပုဂ္ဂိုလ် အဆင့်အလိုက် အကျိုးထူးပုံမှာ မတူလှပါ။ အလှူခံပုဂ္ဂိုလ်(၁၄)ဦးမှာ-
(၁)တိရစ္ဆာန်
(၂)သီလမရှိသောပုဂ္ဂိုလ်
(၃)သီလရှိသောပုဂ္ဂိုလ်
(၄)ဈာန်ရပုဂ္ဂိုလ်
(၅)သောတပတ္တိမဂ္ဂဠာန်ပုဂ္ဂိုလ်
(၆)သောတပတ္တိဖလဠာန်ပုဂ္ဂိုလ်
(၇)သကဒါဂါမိမဂ္ဂဠာန်ပုဂ္ဂိုလ်
(၈)သကဒါဂါမိဖလဠာန်ပုဂ္ဂိုလ်
(၉)အနာဂါမိမဂ္ဂဠာန်ပုဂ္ဂိုလ်
(၁၀)အနာဂါမိဖလဠာန်ပုဂ္ဂိုလ်
(၁၁)အရမာတ္တမဂ္ဂဠာန်ပုဂ္ဂိုလ်
(၁၂)အရမာတ္တဖလဠာန်ပုဂ္ဂိုလ်
(၁၃)ပစ္စေကဗုဒ္ဓါ
(၁၄)မြတ်စွာဘုရားရှင် တို့ဖြစ်ပါတယ် ။ ဒါနပြုရာမှာ ဆုတောင်းမှား ပါက သံသရာပို၍လည်စေပါတယ်။ ဘ၀တွေကို တက်မတ်၍ ဆုတောင်းခြင်မျိုးဟာ “နောက်ထပ် အကြိမ်ကြိမ် သေရပါလို၏”ဟုဆုတောင်းနေခြင်း ဖြစ်ပါတယ်။ ဒါကြောင့် မသေရာ မြတ်နိဗ္ဗာန်ကိုသာ အလိုရှိပြီး လှူဒါန်းကြစေလိုပါတယ်။ဘုရားရှင် အလိုကျ ဒါနပြုနည်း (၅) မျိုးရှိပါတယ်။ အဲဒီ (၅) မျိုးကတော့-(၁) ဘုရား၊ တရား၊ သံဃာတို့ အပေါ်၌ သဒ္ဒါတရားရှိရမည့်အပြင် ကံကံ၏အကျိုးကိုလည်း ယုံကြည်မှုသဒ္ဒါတရားရှိရပါမယ်။(၂) အလှူခံပုဂ္ဂိုလ်ကိုရိုရိုသေသေလှူရပါမယ်။
(၃) အလှူခံပုဂ္ဂိုလ်ရဲ့လိုအပ်ချက်ကိုလှူရပါမယ်။
(၄) လှူပြီးတဲ့ဝတ္တုကိုပြန်၌မနှမြောပါနှင့်။
(၅) မိမိရဲ့အလှူဒါနကြောင့်တခြားသူတို့အားမထိခိုက်စေရပါ။ အဲဒီအချက် (၅)ချက်အား ပြည့်စုံစွာ လှူမည်ဆိုပါ ဘုရားရှင်ကိုယ်တော်ရဲ့ အလိုကျ ဒါနပြုနည်း ပဲဖြစ်ပါတယ်။ မှတ်သားရလွယ်ကူစေရန် အောက်ပါအလင်္ကာ လေးကို ဆရာတော်တစ်ပါးမှ ရေးစပ်ခဲ့ပါတယ်။ “သဒ္ဒါကြည်ညို၊ ရိုသေလှစွာ၊ အခါကိုသိ၊ မစွန်းငြိပဲ၊ မထိမပ၊ ဤငါးဝ၊ မှတ်သား သပ္ဗူရိသမြတ်ဒါန” ဟူ၍ မှတ်သားနိုင်ပါတယ်။ ဒါနဆိုတဲ့စကားလေးကို စာဖတ်သူအပေါင်း လေးလေး နက်နက် သိသာလာအောင် ကျွန်တော်ရဲ့ သင်ဆရာ၊ မြင်ဆရာ၊ ကြားဆရာ တွေမှတဆင့် စုစည်းထားတာဖြစ်ပါတယ်။ ဒါနကို တိတိကျကျ မှန်မှန်ကန်ကန် ပြုတတ်စေရန် ရည်သန် ရေးသား၍ ဓမ္မဒါန ပြုလုပ်ရခြင်းဖြစ်ပါသည် ။…..။