လာဘဗုဒ္ဓဘာသာ…

ကျွန်တော်တို့တွေ ဗုဒ္ဓဘာသာဝင်ဖြစ်သည့် အလျောက်ကျွန်တော်တို့ကိုးကွယ်နေသော ဗုဒ္ဓဘာသာဘုရားရှင် သည်သစ္စာလေးပါးမြတ်တရားကို ကိုယ်တော်တိုင် သိမြင်ပြီးပွင့်ထွန်းလာရသည်ကို သိရန်လိုအပ်ပါလိမ့်မည်။ ဘုရားဖြစ်ပြီးနောက် မိဂဒါဝုန်တော်၌ ပဉ္စ၀ဂ္ဂီငါးပါးကို သစ္စာတရားတော်ဟောကြားခဲ့ပါတယ်။ ဘုရားရှင်


၏ တရားဓမ္မကို စတင်ဟောကြားတဲ့ တရားဖြစ်တာကြောင့် ဓမ္မစင်္ကြာတရားလို့သိလာကြပါတယ်။ ဗုဒ္ဓရဲ့တရား တော်များကို အနှစ်ချုပ်လိုက်ရင်(၃)မျိုးသာကျန်ပါတယ်။


(၁) မကောင်းမှု မှန်သမျှကို မပြုနဲ့၊ မလုပ်နဲ့ရှောင်။



(၂) ကောင်းမှု မှန်သမျှလုပ်၊ ပြည့်စုံအောင်လုပ်။



(၃) မိမိစိတ်ကို ဖြူစင်အောင်၊ သန့်ရှင်းအောင်၊ စင်ကြယ်အောင်လုပ်။



ပိုပြီးပြည့်စုံအောင်ပြောရရင် စိတ်ဖြူစင်အောင်လုပ်နည်းတွေမှာ သမထနည်းနဲ့ဝိ ပဿနာနည်း (၂)နည်းရှိပါ မယ်။ အပေါ်ကအချက်တွေလောက်ကတော့ ခရစ်ယာန်မှာလဲ ညွှန်ကြားပါတယ်။ ဗုဒ္ဓဘာသာရဲ့လိုရင်း အနှစ် ချုပ်မှာတော့ ကိလေသာကို အမြစ်ပြုတ်အောင် ပယ်သတ်ရမယ်လို့ မှတ်ယူကြရပါမည်။ ကိလေသာဆိုတာက တော့ ရယူလက်ခံ ထားသူရဲ့ စိတ်နှလုံးကို ပူလောင်ဆင်းရဲအောင် နှိပ်စက်တတ်တဲ့ တရားတွေပဲဖြစ်ပါတယ်။ ကိလေသာရှိနေသမျှ သံသရာကမလွတ်ဘဲ တ၀ဲလည်လည်ကျင်လည်ပြီး သေပြီးရင်းသေနေရဦးမှာဖြစ်လို့ ကိလေသာကိုလည်း သတ်တတ်တဲ့ “မာရ်” လို့ခေါ်ပါတယ်။ ကိလေသာ အကျဉ်း(၁၀)ပါးရှိပါတယ်။ အမျိုးအစား အားဖြင့် (၃)မျိုးရှိပါတယ်။



(၁) ၀ိတိက္ကမ ကိလေသာ- အာရုံ (၅)ပါး ကို နှစ်သက်တွယ်တာ၍ ကာယကံ၊ ၀စီကံ၊ မနောကံတို့ဖြင့် လောဘ၊ ဒေါသ အလျောက်ဖောက်ပြန်ကျူးလွန်စေတတ်မှု။ (သီလ စောင့်ထိန်းခြင်းဖြင့်တားဆီရန်)။



(၂) ပရိယုဌာန ကိလေသာ- မနော ဒွာရ၌ ထကြွသောင်းကျန်းတတ်သည့် ကိလေ သာ။ (သမထ ဘာဝနာကျင့်ကြံ ခြင်းဖြင့် တားဆီးရန်)။



(၃) အနုသယ ကိလေသာ- သံသရာတလျှောက် အစဉ်ကိန်းအောင်းနေခဲ့ပြီး အခါအခွင့် သင့်သောအခါ ပေါ်ထွက်လာပြီး ဖောက်ပြန်ကျုးလွန်တတ်သော ကိလေသာ။ (၀ိပဿနာ ဘာဝနာအားထုတ် ခြင်းဖြင့် အမြစ်ဖြုတ် ပယ်သတ်ရန်)။

ဒီအချက်က ဗုဒ္ဓဘာသာမှာပဲရှိတာဖြစ်ပါတယ်။ စိတ်လုံးဝ ဖြူသွားအောင် ၀ိပဿနာလုပ်ရမယ် ဆိုတာမှ ဗုဒ္ဓဘာသာရဲ့လိုရင်းဖြစ်မယ်။ ဤမျှ လောက်သတ္တ၀ါတွေ သံသရာဝဋ်ဆင်းရဲဘေး၊ ကိလေသာဘေး၊ အပယ် ဘေးတို့မှ လွတ်မြောင်အောင် သစ္စာတရားများ ဟောကြားခဲ့သော ဗုဒ္ဓဘုရာရှင်ကို လာဘ်လာဘပေါများ အောင်အတွက် ကိုးကွယ်နေကြသော သူများကို လာဘဗုဒ္ဓဘာသာ ဟုခေါ်ပါတယ်။ ဗုဒ္ဓဘုရားရှင်ကို အမှန်တ ကယ်ကြည်ညိုသောစိတ် မဟုတ်ဘဲ မိမိတို့အလုပ်အဆင်ပြေအောင်၊ မိမိတို့လာဘ်ပေါများအောင် ဘုရားရှင်ကို သာ ကိုးကွယ်မှု မဟုတ်တော့ဘဲ ဘိုးတော်၊ မယ်တော်၊ ဓာတ်တွေ၊ နတ်တွေကိုပါ ကိုးကွယ်နေတက်ကြပါတယ်။ ဥုံ၊ သြောင်းတွေ ထဲ့ရွတ်ကာ ဘုရားရှိခိုး နေတက်ကြပါတယ်။ ထိုသူများဟာ ဘုရားရှင်ကို မလေးစားသိလိုပင် ဖြစ်နေပါတယ်။ ဘုရားကိုလည်း အမျိုးမျိုးနာမည်တွေပေးကာ လူတွေအကြိုက် လိုက်လုပ်နေကြတာတွေလည်း ရှိပါတယ်။ လာဘမုနိဘုရားဆိုတော့ လာဘ်ပေါများအောင်ဟုဆိုကာ ရွေးပြီးကိုးကွယ် ကြပါတယ်။ ထိုသို့ဆိုလျှင် ထိုဘုရားကိုမကိုးကွယ်ဘဲ ချမ်းသာနေကြသော ခရစ်ယာန်၊ မူဆလင် များရှိပါတယ်။ ကျွန်တော်တို့ ဗုဒ္ဓဘုရားရှင်က အို၊ နာ၊ သေ ဆင်းရဲအပေါင်းမှ လွတ်မြောက်အောင် တရားဟော ကြားခဲ့တာပါ။ လာဘ်များအောင် ကယ်တင်မှာလည်းမဟုတ်ပါဘူး။ ထိုအကြောင်းကိုမှ မသိဘဲ ဘုရားကို ယတြာချေတာ၊ မိမိအကျိုးကိုလိုလားပြီး ဘုရားကိုလှူတာ မျိုးကို လာဘဗုဒ္ဓဘာသာတွေလုပ်ကြပါတယ်။ အတုအယောင်တွေကြားမှာ သာသနာတော် က မှေးမှိန်လာရပါတယ်။ ကြာကြာစံရအောင်ဆိုပြီး ကြာဇံလှူကြပါတယ်၊ အကြံအစည်ကောင်းအောင် “ကြံ” လှူပါတယ်။ ပေါက်ပေါက်မြောက်မြောက်ရှိအောင် ပေါက်ပေါက်စုပ်လှူကြပါတယ်။ “ထော”အောင်ဆိုပြီး ထောပတ်သီး လှူကြပါတယ်၊ ဘုရားကိုလှူတော့အလုံးလိုက်လှူတယ်။ မိမိစားတော့ သကြား၊ နို့ဆီနဲ့ပေါက်စား ကြပါတယ်။ (ဖြစ်သင့်လား၊ မဖြစ်သင့်ဘူးလားဆိုတာ စာဖတ်သူများပင် စဉ်းစားကြည့်ကြပါ)။ ထို့အပြင် ကိုးကွယ်မှု မပြုလုပ်အပ်တာများကိုပါလုပ်ဆောင်လာကြပါတယ်။ တဆက်တည်း သူရဿတီဆိုသော ရုပ်ထုအကြောင်း အနည်းငယ်ပြောလိုပါတယ်။ အိန္ဒိယနိုင်ငံမှာ သူရဿတီအမည်ရှိသော မြစ်ကလေး တစ်စင်းရှိတယ်။ နွေအခါမှာ သောင်များပေါ်သောအခါ ထိုသောင်များပေါ်တွင် ကုလားများက သီးပင်စားပင်များစိုက်ကြရာ အလွန်ဖြစ် ထွန်းတယ်။ ဒါလောက် ဖြစ်ထွန်းရင် ဒီမြစ်ကို စောင့်တဲ့နတ်က 'မ' တာဖြစ်မယ်ဟူသော စိတ်ကူးယဉ်အတွေး ပေါ်လာကြပါတယ်။ သာယာညင်းပျောင်းစွာ စီးဆင်းသောမြစ် ရေကိုကြည့်၍ နတ်သမီးသာဖြစ်ရမည်ဟု ဆုံးဖြတ်ကြကာ မြစ်ကမ်းနားတွင် နတ်သမီးရုပ် တစ်ရုပ်ထုလုပ်ပြီး ကိုးကွယ်ကြပါတယ်။ နောက်တဖြည်းဖြည်း နယ်ကျယ်လာရာမှ ဗေဒင် သုံးပုံကို သူရဿတီလက်ထဲ ထည့်ပေးလိုက်သောအခါ သူရဿတီသည် ဟိန္ဒူဘာသာ ၀င်အားလုံးတို့၏ အထွတ်အမြတ်ထားရာ နတ်သမီးအဖြစ်သို့ရောက်သွားပါတယ်။ ထိုမှတဆင့် မြန်မာ နိုင်ငံသို့ ၀င်လာသောအခါ ဘာသာရေးလုပ်ကြံလိုသူ တစ်စုကဗေဒင်သုံးပုံ စောင့်တာဆိုလျှင် ဗုဒ္ဓဘာသာဝင် များကအလေးထား ကိုးကွယ်ကြမည်မဟုတ်။ ထို့ကြောင့် ဗုဒ္ဓဘာသာဝင်များက အလေးထားကိုးကွယ် ကြစေရန် ဗေဒင်သုံးပုံအစား ပိဋကတ်သုံးပုံစောင့်သည်ဟုဆိုကာ သူရဿတီလက်ထဲသို့ ဗုဒ္ဓ၏တရားရတနာ ပိဋကတ်သုံးပုံကို ထည့်ပေးလိုက်ပါတော့တယ်။ အမှန်တကယ်မှာ ဗုဒ္ဓဟောကြားတော်မူခဲ့သည့် တရားတော်များကို သံဃာတော်များက ပထမသင်ဂါယနာမှ ဆဋ္ဌမသင်ဂါယနာတိုင်အောင် ဆင်းရဲမျိုး စုံကြားမှ မပျောက်ပျက် အောင် ထိန်းသိမ်းခဲ့ကြရပါတယ်။ ယခုလည်း စောင့်ရှောက်ထိန်းသိမ်းဆဲ နောင်လည်းစောင့်ရှောက်ထိန်းသိမ်း နေမည်သာဖြစ်တယ်။ ယခုတော့ အသက်အသေခံပြီး ပိဋကတ်ကို ထိန်းသိမ်းစောင့်ရှောက်ခဲ့သော သံဃာတော်များ မျက်နှာကိုမျှမထောက်ဘဲ ပိဋကတ်သုံးပုံကို သူရဿတီစောင့်သည်ဆိုကာ ကုလားမရုပ်ကို ဘုရားရုပ်ပွား တော်နားမှာ လာထားကြပါတယ်။ ဆရာတော်များမှ ယနေ့တိုင် ဟောကြားဆုံးမနေသော်လည်း လိုက်ပါမလုပ် ဆောင်မှုများရှိကြပါတယ်။ နောင်လူများ၏စိတ်မှာ ကိုကွယ်းအားထား စရာဟုမှတ်ထင်သွားမှာကို စိုးရိမ်မိပါတယ်။ မိမိတို့သိပြီးသောသူများမှ ထိုအယူမှားများကို ပြင်နိုင်ဖို့လည်းလိုအပ်ပါမယ်။ ဘုရားရှင်ကစီးပွားရေး တက်ချင်ရင် ကံ၊ ဉာဏ်၊ ၀ိရိယ သုံးပါးလုံးကို အားကိုးရမည် ဟုဆိုပါတယ်။ ထိုသို့မသိကြရသည့်အတွက်ကိုးကွယ်၊ အားထားမှုတွေ လွဲမှားကာ သရဏဂုံညှိုးနွမ်းရပါတယ်။ အကယ်၍နတ်ကို ကိုးကွယ်ပြီးသေပါက အန်ဖက် စားပြိဿာဖြစ်ရပါမယ်။ လာဘ်လာဘ လိုချင်တပ်မက်နေသော လာဘဗုဒ္ဓဘာသာများမှာ အခြားသောကိုး ကွယ်မှုတွေများစွာ လုပ်တက်ကြပါတယ်။ လာဘဗုဒ္ဓ ဘာသာတွေရဲ့စိတ်မှာ ခေါင်းဆောင်နေတာသည် တဏှာ(လိုချင်တပ်မက်မှု) ဖြစ်ပါတယ်။ တဏှာ နှင့်ပြုလုပ်သော ကုသိုလ်၊ အကုသိုလ်အလုပ်မှန်သမျှက ဆင်းရဲ ကြောင်းဘဲဖြစ်ပါတယ်။ တဏှာဦးဆောင်နေသ၍ သံသရာက မလွတ်မြောက်နိုင်ပါဘူး။ ဘုရားရှင်ပွင့်လာပြီး တရားဟောတာက အို၊ နာ၊ သေဆင်းရဲက လွတ်စေချင်လို့ပါ။ မိမိတို့လုပ်နေတာက ဆင်းရဲကြောင်းတွေသာ ဖြစ်နေမယ်ဆိုရင်တော့ ဘုရားကိုကျောခိုင်းနေသူပမာဖြစ်ပေတော့မည်။ ထို့အတွက်ကြောင့် ရခဲလှတဲ့လူ့ဘ၀၊ ကြုံရခဲတဲ့ ဘုရားသာသာနာကာလမှာ မိမိအသိအမြင်၊ ကိုးကွယ်ယုံကြည်မှု မမှားကြစေရန်
ရေးသား၍ ဓမ္မဒါနပြုအပ်ပါတယ်။




သဒ္ဓါတရားကို အဖော်ပြု၍ ဉာဏ်နှင့်ယှဉ်သော ဗုဒ္ဓဘာသာဝင်များဖြစ်ကြပါစေ။


ဗုဒ္ဓဘာသာ(၅)မျိုး၊

ကျွန်တော်တို့တွေသည် ဘာသာတရားအရပြောရရင် ဗုဒ္ဓဘာသာဝင်တွေဖြစ်ပါတယ်။ ကျွန်တော်တို့ဘုရားသည် သစ္စာလေးပါးကိုကိုယ်ပိုင် ဉာဏ်ဖြင့်သိမြင်ကာ သဗ္ဗညုတဉာဏ်တော်ကို ရရှိခဲ့ပါတယ်။ ဘုရားရှင်က မိမိကိုယ် တိုင်သိမြင်တော်မူ သကဲ့သို့ သတ္တ၀ါတို့ကိုလည်း သိတော်မူစေရန် (၄၅)၀ါ ကာလပတ်လုံး တရားတော်


များဟောကြားတော်မူခဲ့ပါတယ်။ ဘုရားရှင်ဟောကြားခဲ့သော သစ္စာတရားတော်များအတိုင်း နားထောင်နိုင်ပြီ၊ လေးစားနိုင်ပြီ၊ သိရမယ့်သစ္စာကို သိအောင်ကြိုးစားတယ်(ဒုက္ခသစ္စာ)၊ ပွားရမယ့်သစ္စာကို ရအောင်ပွားများတယ်(မဂ္ဂသစ္စာ)၊ ပယ်ရမယ့်သစ္စာကို ပယ်ပြီးတော့(သမုဒယသစ္စာ)၊ မျက်မှောက်ပြုရ မယ့်သစ္စာကို မျက်မှောက်ပြုနိုင် အောင်(နိရောဓသစ္စာ) ကြိုးစားအားထုတ်ကြရင် ဗုဒ္ဓဘာသာဝင်စစ်စစ် ဖြစ်ပါလိမ့်မည်။ ဘုရားရှင်ရဲ့ ၀ါဒ သည် ၀ိဘဇ္ဇ၀ါဒ ဖြစ်ပါတယ်။ မြန်မာလိုပြောရရင် ကိုယ်ပိုင်ဉာဏ်သုံးကာ ဝေဖန်ပိုင်းခြားသော ၀ါဒဖြစ်ပါတယ်။ ဗုဒ္ဓဘာသာ ငါးမျိုးရှိပါ တယ်။




(၁) ကုလဗုဒ္ဓဘာသာ (မိရိုးဖလာကိုးကွယ်သော ဗုဒ္ဓဘာသာ)၊




(၂) လာဘဗုဒ္ဓဘာသာ (လာဘ်လာဘကို လိုချင်၍ကိုးကွယ်ရသော ဗုဒ္ဓဘာသာ)၊




(၃) ဘယဗုဒ္ဓဘာသာ (ဘေးအန္တရာယ်ကြောက်၍ကိုးကွယ်ရသော ဗုဒ္ဓဘာသာ)၊



~~~ဤသုံးမျိုးကို အောက်တန်းစား ဗုဒ္ဓဘာသာဟုခေါ်ဆိုပါသည်။




(၄) သဒ္ဓါဓိကဗုဒ္ဓဘာသာ (သဒ္ဓါတရားကိုအရင်းခံ၍ကိုးကွယ်သော ဗုဒ္ဓဘာသာ)၊



~~~၄င်းကို အလတ်တန်းစား ဗုဒ္ဓဘာသာဟုခေါ်ဆိုပါသည်။




(၅) ပညာဓိကဗုဒ္ဓဘာသာ (ပညာဉာဏ်နှင့်ယှဉ်၍ကိုးကွယ်သော ဗုဒ္ဓဘာသာ)၊



~~~၄င်းကို အထက်တန်းစားဗုဒ္ဓဘာသာ ဟုခေါ်ဆိုပါသည်။





ကုလဗုဒ္ဓဘာသာ...

ကုလဗုဒ္ဓဘာသာဆိုသည်မှာ အဆွေအမျိုးကို အကြောင်းပြု၍ ဗုဒ္ဓဘာသာဖြစ်ခြင်း (ရိုးရာ ဗုဒ္ဓဘာသာ)ဖြစ်ပါတယ်။ အမေ၊ အဖေက ဗုဒ္ဓဘာသာဖြစ်ခြင်းကြောင့် သား၊ သမီးကဗုဒ္ဓဘာသာဖြစ်ခြင်းပါ။ ဗုဒ္ဓဘာသာဆိုတာ ဘာပြောမှန်းမသိ၊ ဘုရားဂုဏ်တော် ဘယ်လောက်ရှိမှန်း မသိ၊ တရားဂုဏ်တော် ဘယ်လောက်ရှိမှန်း မသိ၊


သံဃာ့ဂုဏ်တော် ဘယ်လောက်ရှိမှန်း မသိ၊ မိမိကိုးကွယ်တဲ့ မြတ်စွာဘုရားက ဘာကိုသိပြီးပွင့်လို့ ပွင့်မှန်းမသိ၊ ဘုရားက ဘာစကားပြောမှန်းလည်း မသိ၊ ဘုရား၏ ၀ါဒသည် ဘာဝါဒမှန်းလည် မသိ ဖြစ်နေကြပါတယ်။ မိမိကိုယ် ကိုဗုဒ္ဓဘာသာလို့ ပြောနေသော်လည်း ဗုဒ္ဓက ဘာပြောမှန်း မသိတဲ့သူများလည်းရှိကြပါတယ်။ ဗုဒ္ဓက ဘာအယူဝါဒ ရှိတယ်ဆိုတာ မသိတဲ့သူလည်းရှိကြပါတယ်။ ထိုကဲ့သို့ ဗုဒ္ဓဘာသာမျိုး ကို ကုလဗုဒ္ဓဘာသာလို့ ခေါ်ပါတယ်။ ကုလဗုဒ္ဓဘာသာတွေရဲ့ စရိုက်က လက်အုပ်တော့ချီတက်ကြပါတယ်။ လက်အုပ်ချီတက်တိုင်း ဗုဒ္ဓဘာသာဟု မသတ်မှတ်နိုင်ပါ။ တချို့က လက်အုပ်ချီရှိခိုးတက်ရုံမျှနှင့် ဗုဒ္ဓဘာသာ ဟုဆိုကြပါတယ်။ ထို့အပြင် မိမိဆောက်တည်သော သီလကို ဘာပြောမှန်းမသိဖြစ်နေတက်ပါတယ်။ ရှေးတုန်းက ကျောင်းဒကာ နှင့် ကျောင်းအမ ရှိပါတယ်။ ကျောင်းဆောက်လှူဒါန်းလို့သာ ကျောင်းဒကာ၊ ကျောင်းအမ လို့ခေါ်တာပါ။ သီလ အကြောင်းကို ဘာတစ်ခုမှ နားမလည်ပါဘူး။ တနေ့ကျတော့ ကျောင်းအမက ဘုန်းကြီးကို အသားဟင်းကပ်ချင် တယ်ဆိုပြီး ငါးရောင်းတဲ့ ဈေးတန်းထဲကိုရောက်သွားပါတယ်။ ငါးရောင်းတဲ့သူကို ငါးတစ်ကောင် ဘယ်လောက်လဲမေးပါတယ်။ ငါးတစ်ကောင် တမတ်ဆိုတော့ ကျောင်းအမက ၀ယ်မယ်လို့ပြောလိုက်ပါတယ်။ ချက်ချင်းဘဲ ဈေးသည် ငါးအရှင် တစ်ကောင်ကိုယူကာ သံပိဿာလေးနဲ့ထုသတ်လိုက်ပါတယ်။ ဒါနဲ့ ကျောင်းအမက ငါးအရှင်ကို သတ်တာဖြစ်လို့ မိမိကြောင့် သေရတယ်ဟုဆိုကာ ငါးကို မယူတော့ဘဲ ပိုက်ဆံပေးပြီး အိမ်ပြန်လာပါတော့တယ်။ အိမ်ရောက်တော့ “သူတို့မလို့ အာဒိန္နာဒါနကံ ကိုမကြောက်တာ” ဟု ကျောင်းဒကာ ကိုပြောပါတယ်။ ကျောင်းဒကာက “သူများအသက် သတ်တာဟာ ကာမေသုမိစ္ဆာစာရကံပါ”ဟု ပြန်ပြောပြပါတယ်။ ဒီလိုနဲ့ နှစ်ယောက်သားငြင်းနေရာမှ ကျောင်းဘုန်းကြီးထံရောက်သွားကြပါတယ်။ ကျောင်းဘုန်းကြီးထံလျှောက်တော့ ကျောင်းဘုန်းကြီးက “ငါးကို သံပိဿာလေးနဲ့ထု ပြီးသတ်တာနဲ့ ထုပြီးတဲ့ အချိန်မှာ ငါးကလေးက ဖလပ်၊ ဖလပ် ဆိုပြီး သေတဲ့အတွက် သမ္ပပ္ပလာပ၀ါစာကံ”ဟု မိန့်ကြားပါတယ်။ ထိုသို့ဗုဒ္ဓဘာသာက ကုလဗုဒ္ဓဘာသာမျိုးဖြစ်ပါတယ်။ ဥပုသ်ဆောက်တည်တော့မည်နေ့ဆိုလျှင် ဟင်းကောင်းချက် တက်ကြပါတယ်။ ညစာ မစားရတော့ဘူးဆိုပြီး အားရပါးရ စားသောက်တက်ကြပါတယ်။(လူတိုင်းတော့မဟုတ်ပါဘူး)။ ဥပုသ် ဆိုတာ ဥပေါသထ ဆိုတဲ့ ပါဠိမှလာပါ တယ်။ (ဥပ + ၀သထ)၊ ဥပ- ကောင်းမြတ်သော အကျင့်များနှင့် ပြည့်စုံ၍၊ ၀သထ- နေထိုင်ခြင်း။ အကျင့်ကောင်းများနှင့် ပြည့်စုံစွာနေထိုင်သူကို “ဥပုသ်သည်” လို့ခေါ် ပါတယ်။ မိမိဆောက် တည်သော သီလကိုလည်းလုံခြုံအောင် မစောင့်ထိန်းနိုင်ကြပါဘူး။ မိမိတို့ရဲ့ ဘာသာတရားကိုလည်း မိမိကိုယ်တိုင် သေချာမသိဘူးဆိုရင် ကုလဗုဒ္ဓဘာသာ ဖြစ်ပါတယ်။ ကုလဗုဒ္ဓဘာသာတွေမှာလွှမ်းမိုးနေတာက မောဟ (တွေဝေမှု)စရိုက် ဖြစ်ပါတယ်။ ကုလဗုဒ္ဓဘာသာတွေဟာ သီလ၊ ဒါန စတဲ့ ကုသိုလ် အလုပ်တွေမှာလည်း အလေးနက်ထားဆောင်ရွတ်မှုမရှိကြပါဘူး။ မိမိတို့လုပ် ဆောင်နေတာတွေဟာ မှန်သယောင်နဲ့ မှားနေတာ လည်းရှိတက်ကြပါတယ်။ ထို့ကြောင့် ဗုဒ္ဓဘာသာဘုရားရှင်၏၀ါဒ အတိုင်းကိုယ်ပိုင်ဉာဏ်နှင့် ဝေဖန်သုံးသပ် ဆင်ခြင်ကာ တရားအသိ၊ ပညာတိုးပွားအောင် လေ့လာသင်ယူ နာကြားသင့်ပေသည်။ မိမိကိုယ်ပိုင်ဉာဏ်နှင့် ယုံကြည်ကိုးကွယ်သော ဗုဒ္ဓဘာသာဝင် သူတော်စင် များဖြစ်ကြရအောင် ကြိုးစားအားထုတ်သင့်ပါပြီ။ မိမိသည် တနေ့ကုန်ရင် သေမင်းက မိမိအချိန်ထဲမှ တနေ့ကို နှုတ်ယူသွားပြီဟူသော အသိတရားရရှိကာ စစ်မှန်သော၊ တရားတော်ကို ကိုယ်တိုင်လေ့လာကျင့်ကြံ အားထုတ်ကြပါရန် တိုက်တွန်းရေးသား လိုက်ရပါတယ်။



“အသိတလုံးလက်ကိုင်းသုံး အဆုံးနိဗ္ဗာန်ပြည်”


ထေရ၀ါဒ ဗုဒ္ဓဘာသာဘုရားရှင်အကြောင်း...

ကျွန်တော်တို့၊ စာဖတ်သူတို့အားလုံးသည် ဗုဒ္ဓဘာသာဝင်များဖြစ်ကြပါတယ်။ မိမိတုိ့ ကိုးကွယ်နေသာ ဗုဒ္ဓဘာသာဆိုသော အဓိပ္ပါယ်ကိုကောင်းစွာ သိနားလည်းသင့်သည်ဟုထင်မိပါတယ်။ ဗုဒ္ဓဘာသာဆိုတာဘာလဲ ဟုမေးလာကြလို့မှ မိမိတို့ ဘာသာအကြောင်းကို သေချာမပြောနိုင်လျှင်မူ လွန်စွာရှက်ဖွယ်ဖြစ်ပေလိမ့်မည်။ ထို့ကြောင့် ကျွန်တော်ဖတ်ခဲ့ဖူးသောစာအုပ်ထဲမှ ထုတ်နှုတ်၍ ကျွန်တော်တို့ ဗုဒ္ဓဘုရားရှင်၏ အကြောင်းကိုရေးသားလိုက်ရပါတယ်။


ဗုဒ္ဓဆိုတာ ဘုရားဆိုတာထက် လေးနက်တဲ့အဓိပ္ပါယ်ရှိပါတယ်။ မူရင်းအ ဓိပ္ပါယ် ကလဲ ဘုရားမဟုတ်ပါဘူး။ နာမ်စားအနေနဲ့သာ မြန်မာဗုဒ္ဓဘာသာအချင်း ချင်းမှာ ဘုရားလို့သုံးတာဖြစ်တယ်။ နိုင်ငံတကာမှာဆိုရင် ဗုဒ္ဓလို့ပဲသုံးတယ်။
ဗုဒ္ဓဆိုတာ သစ္စာ(၄)ပါး သိသူကိုမှခေါ်တာဖြစ်တယ်။ ဗုဒ္ဓဆိုတာ ဘုရားလို့ပေါ့ပေါ့လေးပြောရင် ဟိုဘုရားသခင်ဆိုတဲ့ ဖန်တီးရှင်တွေနဲ့ ရောထွေးသွားမယ်။ သစ္စာ(၄)ပါးသိသူတွေကိုမှထပ်ပြီးခွဲထုတ်လိုက်ရင်-

(၁) သဗ္ဗေညုတဗုဒ္ဓ ( ၄ / ၈ / ၁၆ သင်္ချေ၊ကမ္ဘာတစ်သိန်း ပါရမီဖြည့်ရမယ်)။
(၂) ပစ္စေကဗုဒ္ဓ ( ၂ -သင်္ချေ၊ကမ္ဘာတစ်သိန်း ပါရမီဖြည့်ရမယ်)။
(၃) သုတဗုဒ္ဓ ဆိုတာရှိပါသေးတယ်။

( ပိဋက (၃) ပုံ အာဂုံဆောင်နိုင်သူ (ရဟန်း၊ လူ)၊ (၀ါ) ပရိယတ္တိသာသနာအတွက် စွမ်းစွမ်းတမံ ကြိုးပမ်းဆောင်ရွတ်နေသူတွေကို ဘုရားရှင်ကိုယ်တော်တိုင်က သုတဗုဒ္ဓ ဟုချီးကျူးခေါ်ဆိုပါတယ်။ မြန်မာ့သမိုင်းမှာတော့ ကျေးဇူးတော်ရှင်မင်းကွန်း ဆရာတော်ဘုရားကို ဝေဘူဆရာတော် ဘုရားကြီးကသုတဗုဒ္ဓ ဟုဂုဏ်ပြုခေါ်ဆိုပါ တယ်။)

ဓမ္မဆောင်းပါး တွင် ထပ်မံဖတ်ရှုမှတ်သားကြပါရန်။



အဖေ့နေရာ…

လှိုင်းထန်မာန်တင်းနေသော သမုဒ္ဒရာသည် လောကကြီး ဖြစ်မည်ဆိုလျှင် မိဘတို့၏ ရင်ခွင်သည် မုန်တိုင်းမတိုက် လှိုင်းမရိုက်သော ကျွန်းငယ်လေးဖြစ်ပေလိမ့်မည်။
ပူပြင်းခြောက်သွေ့နေသာ ကန္တာရသည် လောကကြီးဖြစ်မည်ဆိုလျှင် မိဘတို့၏ ရင်ခွင်သည် စမ်းရေတွင်းလေးပမာဖြစ်ပေတော့မည်။




ဒီနေ့ကျနော်တို့ အသက်ရှင်ရပ်တည်၍ ကောင်းစွာနေထိုင်နိုင်သည်မှာ မိဘနှစ်ပါးရဲ့ ကျေးဇူးကြောင့်သာဖြစ်ပါတယ်။ ထို့ကြောင့် အမေနှင့်အဖေဆိုသည်မှာ အချင်းချင်း အပြန်အလှန်အကျိုးပြုနေတဲ့အတွက် အဖေအကြောင်းပြောမည် ဆိုသော်လည်း အမေလည်းပါတယ် ဟုမှတ်ယူရပါမည်။ လူတိုင်းက အမေခြေရာကိုတော့ မှတ်သာ ဖူးကြပါလိမ့်မယ်။ အဖေနေရာလေးကိုတော့ သတိမထားမိကြပါဘူး။ ဒါ့ကြောင့် အဖေ့နေရာ ဟုခေါင်းစဉ်တပ်ရေးသားလိုက်ရပါတယ်။
အဖေများနေ့ဟု နာမည်ခေါ်တွင်သော်လည်း အဖေ့နေ့မှ အဖေ့ကျေးဇူးကို သတိရ၍ ပေးဆပ်ရမည်မဟုတ်ပါဘူး။ မိဘတွေရဲ့ ကျေးဇူးတွေကို အာမိသပူဇာ (ပစ္စည်းအနေနဲ့ ပေးကမ်းထောက်ပံ့ပူဇော်ခြင်း) ဖြင့် ပေးဆပ်၍မကျေနိုင်ပါ။ အနှစ် တစ်ရာသက်တမ်းမှာ အနှစ်တစ်ရာကာလပတ်လုံး အမိကိုညာဘက်ပုခုံးပေါ်တင်၊ အဖကိုဘယ်ဘက်ပုခုံးပေါ်တင်ပြီး လုပ်ကျွေးသော်လည်း မိကကျေးဇူးမကျေနိုင်ပေ.. ဟု မိဘတွေရဲ့ကျေးဇူးကြီးမားပုံကို မာတုပေါသထသုတ္တန်မှာ ဘုရားရှင်ကဟော ကြားတော်မူခဲ့ပါတယ်။ တခါတလေမှာ မည်သူမှမစွမ်းဆောင်နိုင်တော့ဘူးဟု ထင်ထားသောအရာများကို မိဘတွေကလုပ်ဆောင်ပေးနိုင်ကြပါတယ်။ ကျနော်တို့ သားသမီး တွေအနေနဲ့ ထိုသို့သေားကျေးဇူးဂုဏ်တွေကို သိတက်ရန်လိုအပ်ပါ တယ်။ မိဘတွေရဲ့ အမြင်မှာ သားသမီးတွေဟာ အမြဲတမ်း ကလေးလိုဖြစ်နေပါ တယ်။ ရှေးအခါက မိခင်တစ်ယောက်ဟာ ညနေမိုးချုပ်အချိန်မှာ ရွာအပြင်ထွက်ပြီး သူ့သားလေး နွားကျောင်းသွားရာက အပြန်ကိုစောင့်နေပါတယ်။ အမေအိုကြီးဟာ အသက်(၈၀)ရှိပါပြီ။ ဒါနဲ့သူ့သားလေးအသက်ဘယ်လောက်ရှိပြီလဲ မေးကြည့် တော့သားလေး အသက်က(၆၀)ရှိနေပါပြီတဲ့။ သားသမီးတွေ ဘာတွေဖြစ်နေဖြစ် နေပါ မိဘတွေကတော့ ကလေးလို့သာမြင်နေတာပါဘဲ။ မိဘတွေက စိတ်ပူလို့ဆို ဆုံမ တက်တာလည်းရှိပါတယ်။ အချို့ပြန်အော်မိတက်ပါတယ်။ တကယ်တော့ မိဘ တွေပြောတယ်ဆိုတာကလည်း သားသမီးအတွက်ဆိုမိဘတွေမှာ အကောင်းဆုံး၊ အလိမ္မာဆုံးဖြစ်စေချင်တဲ့ ဆန္ဒတစ်ခုတည်းကြောင့်သာဖြစ်ပါတယ်။ လောကမှာ မည်သည့် အရာမှအလကားမရပါဘူး။ တစ်ခုခုတော့ ပေးဆပ်ရစမြဲပါ။ သို့သော် မိဘတွေရဲ့ စစ်မှန်တဲ့မေတ္တာစမ်းချောင်းလေးကတော့ သားသမီးတို့အတွက် ထာဝရ အတားအဆီးမဲ့စွာ စီးဆင်းနေပါတော့တယ်။
မဟာသမုဒ္ဒရာကြီးကျယ်ပါလည်း နှစ်ဖြာမိဘဂုဏ်နှင့်စရေဗွက်မျှသာရှိတော့သည်။ မြင့်မိုရ်တောင်မဟာကြီးကျယ်ပါလည်း နှစ်ဖြာမိဘဂုဏ်နှင့်စနွားချိုမျှသာရှိတော့သည်။ မြေပြင်မဟာကြီးကျယ်ပါလည်း နှစ်ဖြာမိဘဂုဏ်နှင့်စ၀ါးရွက်မျှသာရှိတော့သည်။

အဖေရော အမေပါ တို့သားသမီးတွေကြောင့် လာခြင်းကောင်း၊ ပြန်ခြင်းမြတ်အောင် ပြုစုကြပါစို့…


ကိုယ်နှင့်စာ၍ ကြင်နာကြစေ သူ့အသက်ကို ချစ်ပါလေ...

ပါဏာတိပါတ- သူ့အသက်ကို သတ်ခြင်းဟုအနက်ရှိ၏။ သူတစ်ပါးတို့၏ အသက်ကို သတ်ဖြတ်လေ့ရှိသောပုဂ္ဂိုလ်သည် ဒေါသကြီးသူ၊ မေတ္တာတရားခေါင်းပါးသူ၊ ကြင်နာမှုမရှိသူ၊ ညှာတာမှုကင်းမဲ့သူတို့ပင်ဖြစ်သည်။ သူ့အသက်သတ်ခြင်းမှ

ရှောင်ကြဉ်ပါ၏ဟူ၍ သီလဆောက်တည်ထားသူသည် အသက် ရှိသော မည်သည့် သတ္တ၀ါပင်ဖြစ်စေ သတ်ဖြတ်ခြင်းမှ ရှောင် ကြဉ်ရမည်ဖြစ်၏။ မှက်၊ ခြင်၊ ယင် စသော သေးငယ်သော သတ္တ၀ါတို့ပင်ဖြစ်စေ မသတ်အပ်ပေ။ မတော်တဆ နင်းမိခြင်း ကို မဆိုလိုပေ။ သတ်လျှင်ကား ပါဏာတိပါတသိက္ခာပုဒ်ကို ကျူးလွန်သည်မည်၏။

အပြစ် အကြီး၊ အသေးမှာ အသတ်ခံရသောသတ္တ၀ါ၏ ခန္ဓာ ကိုယ်ပမာဏနှင့် ဂုဏ် အပေါ်မူတည်ပြီး ကွာခြား၏။ လုံ့လစိုက် ထုတ်မှု၊ စိတ်စေတနာအပေါ် မူတည်၍လည်းကွာခြား၏။ ခန္ဓာ ကိုယ်ငယ်လျှင် သတ်ဖြတ်ရာ၌ အားစိုက်မှုနည်းသောကြောင့် လည်းကောင်း၊ ဂုဏ်မရှိလျှင် သူ၏ဂုဏ်သိက္ခာကို များစွာဖျက် ဆီးရာ မရောက်သောကြောင့်လည်းကောင်း၊ သတ်ဖြတ်သော သူမှာ အပြစ်သက်သာ၏။ ခန္ဓာကိုယ်ကြီးလျှင် သတ်ဖြတ်ရာ၌ အားစိုက်မှုများသောကြောင့်လည်းကောင်း၊ ဂုဏ်ကြီးလျှင် သူ၏ ဂုဏ်သိက္ခာများကို ဖျက်ဆီးရာရောက်သောကြောင့်လည်း ကောင်း သတ်ဖြတ်သောသူမှာ ကြီးလေးသောအပြစ်ကို ခံရ မည်။

ပါဏာတိပါတ-သူ့အသက်သတ်ခြင်း ကမ္မပထမြောက်စေသော အင်္ဂါ(၅)ပါးရှိသည်။ ၎င်းတို့မှာ-
(၁) သတ္တ၀ါဖြစ်ခြင်း၊
(၂) သတ္တ၀ါဟု အမှတ်ရှိခြင်း ( သိခြင်း )၊
(၃) သတ်လိုစိတ် (သေစေလိုစိတ်) ရခြင်း၊
(၃) သတ်ရန် (သေစေရန်) လုံ့လပြုခြင်း၊
(၅) ထိုလုံ့လကြောင့်သေခြင်း တို့ဖြစ်ကြသည်။

ပါဏာတိပါတာကံ ကျူးလွန်းရာ၌ အားထုတ်မှု (ပယောဂ) ခြောက် မျိုးရှိကြသည်။ ၎င်းတို့မှာ-
(၁) ကိုယ်တိုင်သတ်ခြင်း၊
(၂) သူတစ်ပါးကိုသတ်ခိုင်းခြင်း၊
(၃) တစ်စုံတရာဖြင့်ပစ်ခတ်၍သတ်ခြင်း၊
(၄) လာသမျှထိခိုက်သေဆုံးစေရန် ဓား၊ လှံ၊ တွင်း စသည်တို့ ကို အမြဲထောင်၍ သတ်ခြင်း၊
(၅) ဆေးဝါး မန္တရားဖြင့်သတ်ခြင်း ၊
(၆) တန်ခိုးဖြင့်သတ်ခြင်း
တို့ဖြစ်ကြသည်။ ဤပယောဂမျိုးမှ တစ်နည်းနည်း နှင့် သူ့အသက်ကို သေစေလိုသောစိတ်ဖြင့် သတ်ဖြတ်သောကြောင့်သေလျှင် ပါဏာတိပါတကံ အထ မြောက်၏။ ပါဏာတိပါတကံထိုက်သည်ဟုဆိုလိုခြင်းဖြစ်၏။

တဖန် ပါဏာတိပါတကံ မြောက်စေနိုင်သည့် အကျုံးဝင်သော အချက်များလည်း ရှိပါသည်။ ၎င်းတို့မှာ- ညှင်းဆဲခြင်း၊ နှိပ်စက်ခြင်း၊ ရက်စက်ခြင်း၊ နာကျင်စေခြင်း၊ ကြင်နာမှုမရှိခြင်း၊ ညှာတာမှုကင်းမဲ့ခြင်းစသည့် ကာယကံအပြုအမူဆိုး အားလုံး ပါဝင်ပါသည်။ နောက်တစ်ခု မှတ်ရမှာကအစွန်း (၃) ပါးမလွတ် သော အသားကို လည်းရှောင်ကြဉ်ရန်လိုအပ်ပါသည်။ မိမိကို ကျွေးဘို့၊ လက်ဆောင်ပေး ဘို့စသည်ဖြင့် မိမိအတွက်ရည်ရွယ် ပြီး သတ္တ၀ါတစ်ဦးအားသတ်ခြင်းကို (၁) မြင်ခြင်း၊ (၂) ကြားခြင်း၊ (၃) ယုံမှားသံသယရှိခြင်း အသားတို့ကိုလည်း ရှောင်ရပါမည်။ နောက်ပြီး အကုသိုလ်ကံထိုက်ရာ၌ မိမိကိုယ် တိုင် ပြုမှသာလျှင် အကုသိုလ် အကျိုးပေးသည်ဟူ၍ မမှတ်ယူ သင့်ပေ။ (၁) ကိုယ်တိုင်ပြုလုပ်ခြင်း၊ (၂) သူတစ်ပါး အားစေခိုင်းခြင်း၊ (၃) သူတစ်ပါးပြုမူသည်ကို ၀မ်းမြောက်ခြင်း၊ (၄) အကျိုးကိုပြောပြခြင်းစသည့် ကံထိုက်စေသော အချက်တို့ ကိုလည်း မှတ်သား ထားရပါမည်။ သာဓကတစ်ခုပြောပြရလျှင် ဗုဒ္ဓဘုရားရှင် အလောင်းတော်ဘ၀ တံငါသည်ရွာ၌ ကလေးငယ် ဘ၀မှာ တံငါသည်တို့ ငါးခေါင်းထုသည်ကိုမြင်ရာ ၀မ်းမြောက်မိ ခဲ့သည့်အတွက် ထိုဘ၀မှ သေလွန်ပြီးနောက် ငရဲ၌ခံစားခဲ့ရ၏။ ခေါင်းကိုက် ဝေဒနာလည်း ဘ၀ပေါင်းများစွာ ခံစားခဲ့ရ၏။ နောက်ဆုံး ဘုရားဖြစ်သည့် အချိန်ထိအောင် ခေါင်းကိုက်ဝေ ဒနာကို မကြာခဏ ခံစားခဲ့ရခြင်းသည် ထိုဘ၀တုန်းက သူတစ် ပါးသတ်တာကို ၀မ်းမြောက်မိသော စေတနာကြောင့် ၀ိပါက် တော်ပြန်လည်ခံစားရခြင်းဖြစ်သည်ကို သတ္တ၀ါတို့အား ကြင်နာ သနားတော်မူသော မြတ်စွာဘုရားက ပြန်လည်၍ဟောကြား ပေးခြင်းကို သံဝေဂ ယူသင့်ပေ၏။

ပါဏာတိပါတကံကို ကျူးလွန်သူတို့အတွက် အပြစ်ပေါင်းများ စွာက စောင့်ကြိုနေ၏။ ၎င်းတို့မှာ အောက်ပါအတိုင်း (၉)မျိုးရှိ ကြ၏။
(၁) မျက်စိ ၊ နား၊ နှာ ၊ ခြေလက်အင်္ဂါ ချွတ်ယွင်းတတ်ခြင်း၊
(၂) ဖြစ်ရာဘ၀တိုင်းတွင် အရုပ်အသွင် မွဲပြာခြောက်ညှိုးပြီး စိုစိုပြည်ပြည် မရှိတတ်ခြင်း၊
(၃) အားအင်ချွတ်ယွင်းခြင်း (အားနည်းခြင်း)၊
(၄) လျင်မြန်ဖျတ်လတ်ခြင်းလည်း ကင်းဝေးခြင်း၊
(၅) ဘေးရန်ပေါ်ပေါက်လျှင် ကြောက်ရွံ့တတ်ခြင်း၊
(၆) သူများ အသတ်ကိုခံရတတ်ခြင်း၊ ကိုယ်ကိုတိုင် အဆိပ် စသည်များ စားလျက် သေရတတ်ခြင်း၊
(၇) အနာရောဂါ များတတ်ခြင်း၊
(၈) အချွေအရံ ပျက်ဆီးတတ်ခြင်း၊
(၉) အသက်တိုတတ်ခြင်း တို့ဖြစ်ကြ၏။

လင်္ကာဖြင့် မှတ်ပါလေ-
“ပါဏာတိပါတ်၊ သူ့သက်သတ်က၊ ချို့လပ်အင်္ဂါ၊ မွဲပြာရုပ်သွင်၊ အားအင်ချွတ်ယွင်း၊ လျင်ခြင်းလည်းဝေး၊ ဘေးကိုကြောက် တတ်၊ အသတ်ခံရ၊ အနာများလျက်၊ ခြွေရံပျက်၍၊ အသက်တိုလှ၊ ပြစ်များစွသည်…ရှောင်ကအပြန် အကျိုးတည်း။”

ထိုပြဆိုခဲ့သော အပြစ်တို့သည် ၀ဋ်လိုက်သောအနေအားဖြင့် ဖြစ်လေရာဘ၀တိုင်း၌ရတတ်သော အဖျားအနားအပြစ် တို့ပင် ရှိသေး၏။ ထိုအပြစ်များအပြင် ငရဲ၌ကျခြင်းဟူသော ကြီးလေး သော အပြစ်များလည်းကျန်ပါသေး၏။ တစ်ခါတုန်းက အိမ်ရှင်မ တစ်ယောက်သည် ဧည့်သည်အတွက် ချက်ပြုတ်ကျွေးရန် ဟင်းလျာမရှိ သောကြောင့် အိမ်မှာရှိသောသိုးလေးကို ချက်ပြုတ်ကျွေးမိသည့် ထိုအကုသိုလ်ကံ ကြောင့် သေသော အခါ သိုးကလေး၏ အမွေးအရေအတွက်နှင့်အမျှ နှစ်ပေါင်းများ စွာကြာအောင် ငရဲ၌ခံစားခဲ့ရ၏။ ငရဲမှလွတ်သောအခါတွင် လည်း ဘ၀ပေါင်း များစွာ သူတစ်ပါး၏သတ်ခြင်းကိုခံရပြီး အကြိမ်ကြိမ်သေခဲ့ရလေ၏။

ပါဏာတိပါတ ရှောင်ကြဉ်ခြင်းကြောင့် ရရှိသောအကျိုးများမှာ-
(၁) ကိုယ်လက်အင်္ဂါ ပြည့်စုံခြင်း၊
(၂) ရုပ်ဆင်းအင်္ဂါ စိုပြည်လှပခြင်း၊
(၃) လျင်မြန်သွက်လက်ခြင်း၊
(၄) ဘေးရန်ကို မကြောက်မရွံ့ခြင်း၊
(၅) သူတစ်ပါး၏ လက်ချက်ဖြင့် အသက်မသေရခြင်း၊
(၆) အနာရောဂါကင်းခြင်း၊
(၇) အခြွေအရံ မပျက်စီးခြင်း၊
(၈) အသက်ရှည်ခြင
်း စသောအကျိုးများကို ရရှိကြပေသည်။ လူ တစ်ယောက်ကို ကြည့်ပြီး ရှေးက ပါဏာတိပါတကံ ရှိ မရှိကို သိနိုင်၏။ ဖော်ပြပါ အကျိုးအပြစ်တို့ကို ဆင်ခြင်၍လည်း ကောင်း၊ သူတစ်ပါးတို့၏အသက်ကို ညှာတာ၍လည်းကောင်း၊ ယခုဘ၀မှာ နိဗ္ဗာန်သို့ မျက်မှောက်ပြုနိုင်ရန်လည်းကောင်း ပညာရှိပုဂ္ဂိုလ်သည် သတိ၊ ပညာကို မလင့်ဟင်းစေပဲ ပါဏာတိ ပါတကံကို ကြိုးစားရှောင်ကြဉ်ကြပြီး သီလ၊ သမာဓိ၊ ပညာတို့ မိမိ၌ ပြည့်စုံအောင် ကျင့်ကြံကြိုးကုတ်အားထုတ်ကြပါကုန်။

စာဖတ်သူတို့အားလုံး ကိုယ်စိတ်နှစ်ဖြာ ချမ်းသာစွာဖြင့် ကောင်းကျိုးလိုရာဆန္ဒပြည့်ဝနိုင်ကြပါစေ။




မပေးငြားပဲ သူ့စီးပွားကို လိမ်ညာလှည့်ဖျား မခိုးငြားနှင့်…

အာဒိန္နာဒါန- မပေးအပ်သော သူ့ဥစ္စာကို ခိုးယူခြင်းဟုအနက်ရှိ ၏။ ထို့ကြောင့် မိမိ မှတစ်ပါး အခြားသော လူ၊ နတ်၊ တိရစ္ဆာန် ဟူသမျှကို သူတစ်ပါးဟုချည်း မှတ်ရမည် ဖြစ်သည်။ သူတစ်ပါး ဥစ္စာကို ခိုးယူခြင်း၊ ဓားပြတိုက်ယူခြင်း၊ ညာဖြန်းလှည့်ပတ်ယူ


ခြင်း၊ ကူးသန်းရောင်ဝယ်ရာ၌ တင်းတောင်း၊ ချိန်ခွင်၊ အလေးစ သည်ဖြင့်လည်းကောင်း၊ ရောင်းကုန်တိုးအောင် ရေထိုးခြင်းစ သည်ဖြင့်လည်းကောင်း မရိုးမသားယူခြင်း ဟူသမျှသည် အဒိန္နာဒါနာချည်းဖြစ်၏။ ယုတ်စွအဆုံး သူတစ်ပါးပိုင်သော မြက်၊ ၀ါးခြမ်းမျှကိုပင် မခိုးယူကောင်းပေ။ ခိုးယူလျှင် အဒိန္နာဒါန ကျူးလွန်းသည်မည်၏။

မိမိခိုးယူသောဥစ္စာသည် တန်ဘိုးနည်းလျှင် အပြစ်နည်းပြီး တန်ဘိုးကြီးလျှင် အပြစ်ကြီး၏။ ဥစ္စာတန်ဘိုးချင်းတူနေလျှင် သီလမရှိသူ၏ဥစ္စာကို ခိုးယူခြင်းသည် အပြစ်နည်းပြီး သီလရှိသူ ၏ဥစ္စာကို ခိုးယူခြင်းကပို၍အပြစ်ကြီး၏။ ၀ိနည်းအားဖြင့် ဆိုရ လျှင် ပုဂ္ဂလိကဥစ္စာထက် ဂိုဏ်းဥစ္စာက ပို၍အပြစ်ကြီး၏။ ၎င်းထက် သံဃိက ဥစ္စာက ပို၍အပြစ်ကြီး၏။ မိမိဥစ္စာကို သူ တစ်ပါးဥစ္စာထင်၍ ခိုးခြင်း၊ သူတစ်ပါးဥစ္စာ ကို မိမိဥစ္စာထင်၍ ယူခြင်း၊ ရင်းနှီးကျွမ်းဝင်၍ ယူခြင်းတို့၌မူ အဒိန္နာဒါနကံ မထိုက် ပေ။

သူတစ်ပါးဥစ္စာကို ခိုးယူခြင်းအင်္ဂါငါးပါးရှိကြ၏။ ၎င်းတို့မှာ-
(၁) သူ့ဥစ္စာဖြစ်ခြင်း၊
(၂) သူ့ဥစ္စာဟုအမှတ်ရှိခြင်း၊
(၃) ခိုးယူလိုစိတ်ရှိခြင်း၊
(၄) ခိုးယူရန်ကြိုးစားခြင်း၊
(၅) ခိုးယူခြင်း တို့ ဖြစ်ကြပါသည်။


ခိုးခြင်း အမျိုးအစား(၂၅) ပါးရှိ၏။ ထိုပယောဂတို့ဖြင့် ခိုးခြင်းအမှုကို ကျူးလွန်နေကြပေသည်။ သီလ၀န္တပုဂ္ဂိုလ်ဖြစ် လိုသူသည် ထိုသို့ကျူးလွန်ခြင်း (၂၅) ပါးလုံးကို ရှောင်ကြဉ်ပြီး မိမိ၏သီလကို အပျက်မခံပဲ လုံခြုံအောင် စောင့်ထိန်းသင့်ပေ သည်။ ခိုးခြင်း (၂၅) ပါးတို့မှာ-

(၁) နာနာဘဏ္ဍပဉ္စက (သက်ရှိသက်မဲ့ ပစ္စည်းအမျိုးမျိုးကို နည်းငါးမျိုးဖြင့်ခိုးခြင်း)
(က) အာဒိယန- အိမ်၊ ကျောင်း၊ ခြံမြေ၊ ကျွဲနွားစသည်တို့ကို တရားစွဲဆို၍ခိုးခြင်း၊
( ခ) ဟရဏ- သူတစ်ပါးဥစ္စာကို ဦးခေါင်းဖြင့် သယ်ဆောင်လာ စဉ် ခိုးလိုစိတ်ဖြင့် ပခုံးသို့ချ၍ခိုးခြင်း၊
( ဂ) အ၀ဟရဏ- သူတစ်ပါးအပ်နှံထားသည်ကို ပိုင်ရှင်ပြန် တောင်းစဉ် ငြင်းဆို၍ခိုးခြင်း၊
(ဃ) ဣရိယာပထ၀ိကောပန- ဘဏ္ဍာကိုဆောင်လာ သူနှင့်တ ကွ ဥစ္စာကိုပါခိုးအံ့ဟု ဆောင်လာသူကို ခြိမ်းခြောက်ပုတ်ခတ်၍ ဆောင်လာသူ၏သွားလာမှုကို ဖျက်၍ခိုး ခြင်း၊
(င) ဌာနာစ၀န- ကြည်းကုန်း၌ချထားသော သူတစ်ပါးဥစ္စာကို နေရာရွေ့၍ခိုးခြင်း၊

(၂) ဧကဘဏ္ဍပဉ္စက (သက်ရှိပစ္စည်းတစ်မျိုးကို နည်းငါးမျိုးဖြင့် ခိုးခြင်း)
(က) အာဒိယန- ကျွဲနွားစသည်ကို တရားစွဲဆို၍ခိုးခြင်း၊
( ခ) ဟရဏ- (နာနာဘဏ္ဍပဉ္စကနှင့်တူ၏။။)
( ဂ) အ၀ဟရဏ- ။
(ဃ) ဣရိယာပထ၀ိကောပန- ။
( င) ဌာနာစ၀န- ။

(၃) သာဟတ္ထိကပဉ္စက (သက်မဲ့ပစ္စည်းကို နည်းငါးမျိုး ဖြင့်ခိုး ခြင်း)
(က) သာဟတ္ထိက- ကိုယ်တိုင်ခိုးခြင်း၊
( ခ) အာဏတ္တိက- သူတစ်ပါးကို ခိုးခိုင်းခြင်း၊
(ဂ) နိဿဂ္ဂိယ- ကင်း၊ အကောက်ခွန် ရှောင်လွဲ၍ခိုးခြင်း၊
(ဃ) မတ္ထသာဓက- အခွင့်သာသည့်အခါ ခိုးရန်စေခိုင်းထား ခြင်း၊
( င) ဓုရနိက္ခေပ- ပိုင်ရှင်က ငါ့ဥစ္စာဆုံးပြီဟု အောက်မေ့သည် နှင့် ခိုးမှုမြောက်ခြင်း၊

(၄) ပုဗ္ဗပယောဂပဉ္စက (ရှေးဦး လုံ့လပြု၍ ခိုးခြင်းငါးမျိုး)
(က) ပုဗ္ဗပယောဂပဉ္စက- အခိုးခိုင်းစဉ်ကပင် ခိုးမှုမြောက်ခြင်း၊
( ခ) သဟပယောဂ- ခြံမြေပိုင်းခြား စိုက်ထူထားသော မှတ်တိုင် စသည်ကို ပြောင်း ရွှေ့စိုက်၍ ခိုးခြင်း၊
( ဂ) သံဝိဒါဝဟာရ- စုပေါင်းတိုင်ပင်၍ ခိုးခြင်း၊
(ဃ) သင်္ကေတကမ္မ- အချိန်၊ နာရီ အချိန်းအချက်ပြု၍ ခိုးခြင်း၊
( င) နိမိတ္တကမ္မ- မျက်စိမှိတ်ပြ၊ လက်ဟန်ခြေဟန်ပြ၍ ခိုးခြင်း၊

(၅) ထေယျာဝဟာရပဉ္စက (ဖောက်ထွင်း ခိုးခြင်းငါးပါး)
(က) ထေယျာဝဟာရ- နံရံစသည်ကို ဖောက်ထွင်း၍ တင်း တောင်း၊ အလေး၊ စာရင်းဇယားစသည်ကို လိမ်၍ခိုးခြင်း၊
( ခ) ပသယှာဝဟာရ- တိုက်ခိုက်လုယက် အနိုင်အထက်ပြု၍ ခိုးခြင်း၊
( ဂ) ပရိကပ္ပာဝဟာရ- ဥစ္စာနှင့် ဥစ္စာထားရာ နေရာကို ကြံဆ၍ ခိုးခြင်း၊
(ဃ) ပဋိစ္ဆန္နာဝဟာရ- နောက်မှခိုးရန် စိတ်အကြံဖြင့် ရေဆိပ်စ သည်၌ ချွတ်ချထားသော သူ့ဥစ္စာကို မြေ၊ မြက် စသည်ဖြင့် ဖုံး ကွယ်၍ ခိုးခြင်း၊
( င) ကုသာဝဟာရ- အနိုင်ရရန်၊ ပစ္စည်းကောင်းရရန် မဲလိပ် ကမ္ဗည်း ပြောင်းလိမ်၍ ခိုးခြင်း တို့ဖြစ်ကြ၏။
ထိုသို့ ခိုးယူခြင်း (၂၅) မျိုးလုံးကို ရှောင်ကြဉ်နိုင်မှသာ ကိုယ်ကျင့်သီလနှင့် ပြည့်စုံ သော သီလ၀န္တပုဂ္ဂိုလ်ဖြစ်ပေမည်။

အာဒိန္နာဒါနကံ ကျူးလွန်မိခြင်းကြောင့် ရရှိသောအပြစ်တို့မှာ (၆) မျိုးရှိကြပါသည်။ အာဒိန္နာဒါနကံ ကျူးလွန်ခဲ့သူတို့မှာ-

(၁) ဥစ္စာပစ္စည်း မွဲတတ်ခြင်း၊
(၂) ဆင်းရဲတတ်ခြင်း၊
(၃) ငတ်မွတ်ခြင်း၊
(၄) အလိုရှိသောအရာကို မရနိုင်ခြင်း၊
(၅) ကူးသန်းရောင်းဝယ်မှု မတတ်ခြင်းကြောင့် စည်းစိမ်ပျက်စီး တတ်ခြင်း၊
(၆) ရေ၊ မီး၊ သူခိုး၊ အမွေခံ သားဆိုးသမီးဆိုး၊ မင်းဆိုး ဟူသော ရန်သူမျိုးငါးပါး၏ ဖျက်ဆီးမှုကြောင့် ဥစ္စာပျက်ပြားရခြင်း၊
ဤ မကောင်းကျိုးများကို တွေ့ကြုံခံစားကြရပေသည်။

လင်္ကာဖြင့် မှတ်ပါလေ-

“အဒိန္နာဒါ၊ ခိုးမိပါမူ၊ ဥစ္စာနည်းမွဲ၊ ဆင်းရဲငတ်ဘိ၊ လိုရှိမရ၊ ဘောဂပျက်စီး၊ ရေ-မီး-သူခိုး၊ မွေခံဆိုးနှင့်၊ မင်းဆိုးအပြား၊ ရန်မျိုးငါးကြောင့်၊ ပျက်ပြားဥစ္စာ၊ ပြစ်များစွာသည်၊ ရှောင်ကာ အပြန်အကျိုးတည်း။”

ဤ ပြဆိုခဲ့သော အပြစ်တို့မှာ ဖြစ်လေရာဘ၀တိုင်း၌ ၀ဋ်လိုက် သည့်အနေအားဖြင့် ရတတ်သော အပြစ်များသာရှိသေး၏။ ထို အပြစ်များထက် ကြီးလေးစွာသော ငရဲ၊ ပြိတ္တာတို့၌လည်း ဆင်းရဲဒုက္ခကို ခံစားကြရပေသည်။ ရှေးတုန်းက ဈေးသည်မိန်းမ (၄) ယောက်တို့သည် အလေးချိန်ခွင် စဉ်းလဲခြင်းစသည်ဖြင့် ပစ္စည်းများကို စုဆောင်းပြီးနောက် အရွယ်ကောင်းတုန်းမှာပင် သေကြ၍ ပြိတ္တာများဖြစ်ကြလေသော် မိမိတို့၏ ရှေးဟောင်း နှောင်းဖြစ်တွေကို မြင်ကြရုံသာမက ကျန်ရစ်သော ယောက်ျား တို့က နောက်မယားယူကြပြီး မိမိတို့ စုဆောင်းထားခဲ့သော ပစ္စည်းတွေ သုံးဖြုန်းနေကြသည်ကို မြင်ရသဖြင့် မခံနိုင်ကြသော ကြောင့် “တရားရော မတရား ရော ငါတို့စုဆောင်းထားခဲ့တဲ့ ပစ္စည်းတွေကို နောက်သား၊ နောက်မယားတွေက အပင်းဆို့နေ ကြသဟဲ့၊ ငါတို့တော့ ဒုက္ခရောက်ကုန်ပါပြီ” ဟု မြို့ရိုးပေါ်က နေပြီး ဟစ်အော်နေကြရှာလေ၏။ ထို့ကြောင့် မိမိတို့၏ မိသားစု အတွက် မတရားသော နည်းတို့ဖြင့် စီးပွားမရှာသင့်ပေ။ အိမ်ထောင်ဦးစီး၏လုပ်စာကို တစ်မိသားစုလုံး စားကြငြားသော်လည်း အကုသိုလ်အမှုဖြင့် ရှာဖွေကျွေးမွေးမိသူ မိမိသာလျှင် ဆိုးကျိုးအပြစ်တို့ကို ခံစားရမည်ကို သတိပြုသင့်ပေသည်။

အတိတ်၌ သူတစ်ပါးတို့အား လှည့်ပတ်ဖြားယောင်းပြီး သူ့ဥစ္စာကို ခိုးယူ၍ စီးပွားရှာခဲ့ခြင်း၊ ဒါနကုသိုလ်နည်းခဲ့ခြင်းတို့ကြောင့် ယခုဘ၀၌ ဆင်းရဲခြင်း၊ လာဘ်တိတ်ခြင်းဘေးတို့နှင့် တွေ့ကြုံ ကြရခြင်းဖြစ်၏။ ထိုသို့ အကျင့်သီလတို့ ပျက်ခြင်းသည် ဆိုးကျိုး တရားတို့ နောက်၌ရှိသည်ဟု ပညာဥာဏ်ဖြင့် မဆင်ခြင်နိုင်ခဲ့မှု ကြောင့် ဆင်းရဲတို့ဖြင့်သာ အဖန်ဖန်ကျင်လည်နေကြရ ခြင်းဟူသော သံသရာဘေးဒုက္ခတို့ကို တွေ့ကြုံခံစားကြရခြင်းဖြစ်သည် ကို ယခု၌ ဥာဏ်ဖြင့်ဆင်ခြင်သင့်၏။ ကုသိုလ် တရားတို့ကို ပွားများသင့်၏။ ဘုရားရှင်သာသနာတော်ကြီိးနှင့် တွေ့ကြုံနေတုန်းမှ အမြတ်ဆုံး ကုသိုလ်ပါရမီတို့ကို မဖြည့်ကျင့်မဆည်းပူးနိုင်ပဲ တစ်ဘ၀ တစ်နပ်စာ ယခုဘ၀ ချမ်းသာရေးအတွက်တစ်ခုသာ ကြည့်နေကြလျှင်ဖြင့်၊ သီလပျက်နေကြ လျှင်ဖြင့် မိမိလောက် ဥာဏ်ဆင်းရဲသူ အဘယ်မှာလျှင်ရှိတော့အံ့နည်း။ ထိုသို့ မိမိကိုယ်ကို သတိပေးဆင်ခြင်ပြီး ကုသိုလ်တရားတို့ကို အထပ်ထပ်ပွားများ၍ ၀ိပဿနာတရား အားထားကာ ပညာဥာဏ်ချင့် ထောက် သံသရာမှ လျှင်မြန်စွာထွက်မြောက်နိုင်ကြပါကုန်။

စာဖတ်သူတို့အားလုံး ဘေးဘယာ ဝေးကွာ၍ ချမ်းသာစွာ တရားအားထုတ်နိုင်ကြပါစေ။




ကာမဖောက်ပြား မမှောက်မှားနှင့်…

ကာမေသု- ကာမဂုဏ်ကို၊ မိစ္ဆာ- မှားယွင်းစွာ၊ အာစာရ- ကျူးလွန် ခြင်းဟူ၍ အနက် အဓိပ္ပာယ်ရတာဖြစ်ခြင်းကြောင့် သူတစ်ပါးမယား ပြစ်မှားစော်ကားမိခြင်းလောက်ဖြင့် မှတ်ယူ မထားသင့်ပေ။ “နှမချင်း စာနာထောက်ထားပါ” ဟူသော မြန်မာတို့၏ ယဉ်ကျေးမှု စကားဖြင့်

ပင် အသိအလိမ္မာရှိသူတို့အဖို့ ထိုကံကို ကျူးလွန်လိမ့်မည်မဟုတ်ပါ။ ကာမေသုမိစ္ဆာစာရ ဟူသောအမှုကို ဗုဒ္ဓဘာသာ မြန်မာလူမျိုးတို့ သည်ပင်လျှင် အချို့သောသူတို့ ရှင်းလင်းစွာ နားမလည်ကြပေ။ အနောက်တိုင်းသားတို့အနေဖြင့်မူ နားလည်ဘို့ ပို၍ပင်ဝေးကွာ လှပေသည်။ ကာမေသုမိစ္ဆာစာရကျူးလွန်ခြင်းဟူသောအမှုကို ရှင်းလင်းစွာ နားလည်ထားဘို့ လိုအပ်၏။ ထို့ကြောင့် ကျွန်ုပ်၏ ညီအစ်ကို မောင်နှမတို့အတွက် ကျွန်ုပ်ဖတ်မှတ်ခဲ့သော တရားစာ အုပ်တို့မှ ဖော်ပြလိုက်ခြင်းဖြစ်၏။

ကာမဂုဏ်တို့၌ ဖောက်ပြန်မှားယွင်း ပြုကျင့်ခြင်းမှ ရှောင်ကြဉ်ပါ၏ ဟု သီလဆောက် တည်ထားသူအမျိုးကောင်းသားသည် မိမိ၏သီလ မကျိုးမပေါက်စေရန် အောက်ပါ အာဂမနီယ၀တ္ထု မသွားမလာ အပ်သော မိန်းမ(၂၀)ကို ရှောင်ကြဉ်ရပါမယ်။
(၁) မာတုရက္ခိတ - မိခင် စောင့်ထိန်းသော မိန်းမ၊
(၂) ပိတုရက္ခိတ - ဖခင် စောင့်ထိန်းသော မိန်းမ၊
(၃) မာတုပိတုရက္ခိတ - မိဘနှစ်ပါး စောင့်ထိန်းသော မိန်းမ၊
(၄) ဘာတုရက္ခိတ - မောင်ကြီးမောင်ငယ် စောင့်ထိန်းသော မိန်းမ၊
(၅) ဘဂိနီရက္ခိတ - အစ်မ၊ ညီမ စောင့်ထိန်းသော မိန်းမ၊
(၆) ဉာတိရက္ခိတ - သွေးသားတော်စပ်သူ ဆွေမျိုး စောင့်ထိန်းသော မိန်းမ၊
(၇) ဂေါတ္တရက္ခိတ - အမျိုးအနွယ် စောင့်ထိန်းသော မိန်းမ၊
(၈) ဓမ္မရက္ခိတ - တရားကျင့်ဖော်ချင်း စောင့်ထိန်းသော မိန်းမ၊
(၉) သာရက္ခ - ကိုယ်ဝန်ကတည်းက မှတ်သားသိန်ဆည်းခံရသော မိန်းမ၊
(၁၀) သပရိဒဏ္ဍ - ဤမိန်းမကို သွားလာလျှင် ဒဏ်သင့်စေဟုမင်း မိန့်ထုတ်ခံရသော မိန်းမ(တော်ကောက်ထားသည့် မိန်းမ)။

မာတုရက္ခိတမှ ဓမ္မရက္ခိတအထိ မိန်းမရှစ်မျိုးတို့ကို မိဘစသူတို့က စောင့်ထိန်းသည် ဆိုရာ၌ မိဘစသူတို့သည် ထိုမိန်းမတို့၏ အထိအ တွေ့(ဖဿ)ကို အစိုးလည်းမရ၊ ပိုင်ဆိုင်မှုလည်းမရှိသဖြင့် မစောင့် ရှောက်နိုင်။ ဖဿကို စောင့်ရှောက်ကြသည်မဟုတ်။ အမှန်မှာ ယုတ် မာသောအကျင့်နှင့် ယောက်ျားတစ်ပါးနှင့် သွားလာနေထိုင်မှုကိုသာ တားမြစ်စောင့်ရှောက်နိုင်ကြသည်။ ထို့ကြောင့် ထို မိန်းမရှစ်မျိုးတို့မှာ ယောက်ျားတစ်ပါးနှင့် ကာမဖောက်ပြန်လျှင် ကာမေသုမိစ္ဆာစာရကံ မ ထိုက်၊ အဘယ့်ကြောင့်ဆိုသော် ကာမပိုင်လင်မရှိသောကြောင့် တည်း။ သာရက္ခ၊ သပရိဒဏ္ဍမိန်းမနှစ်မျိုးတို့မှာ ရည်စူးသတ် မှတ် ထားသူရှိခြင်းကြောင့် ယောက်ျားတစ်ပါးနှင့် ကာမဖောက်ပြန်လျှင် ကာမေသုမိစ္ဆာ စာရကံထိုက်၏။
(၁၁) ဓနက္ကီတ - ဥစ္စာဖြင့် ၀ယ်ယူပေါင်းသင်းသော မိန်းမ၊
(၁၂) ဆန္ဒ၀ါသိနီ - အလိုတူ၍ ပေါင်းသင်းသော မိန်းမ၊
(၁၃) ဘောဂ၀ါသိနီ - ပစ္စည်းအသုံးအဆောင်ပေး၍ ပေါင်းသင်းသော မိန်းမ၊
(၁၄) ပဋ၀ါသိနီ - အ၀တ်အထည်ပေး၍ ပေါင်းသင်းသော မိန်းမ၊
(၁၅) သြဒပတ္တကိနီ - ရေခွက်၌ လက်ဆုံနှိုက်၍ လက်ထပ်ပေါင်း သင်းသော မန်းမ ၊
(၁၆) သြဘဋစုမ္ဗဋာ- ထင်းခွေရေခတ် လုပ်ကိုင်ရသော အမျိုးသမီး အား ယင်းအလုပ်တို့ကို မလုပ်စေတော့ဘဲ ခေါင်းမှခေါင်းခုကိုချစေ ၍ ပေါင်းသင်းသောမိန်းမ၊
(၁၇) ဒါသီ - ကျွန်လည်းဟုတ် ၊ မယားလည်းဟုတ်သော မိန်းမ၊
(၁၈) ကမ္မကာရီ - အလုပ်သမားလည်းဟုတ်၊ မယားလည်းဟုတ် သော မိန်းမ၊
(၁၉) ဓဇာဟဋာ - သုဥ့်ပန်းအမျိုးသမီးအား မယားအဖြစ်သို့ပေါင်း သင်းသော မိန်းမ၊
(၂၀) မုဟုတ္တိကာ - ခေတ္တငှားရမ်း ပေါင်းသင်းသော မိန်းမ။

အထက်ပါ မိန်းမ (၂၀) တို့တွင် နံပါတ် (၉) သာရက္ခမှ နံပါတ် (၂၀) မုဟုတ္တိကာ အထိ မိန်းမ (၁၂) မျိုးတို့သည် ပိုင်ဆိုင်သူရှိသော ကြောင့် မိမိအားပိုင်ဆိုင်သူမှတစ်ပါး အခြားယောက်ျားများနှင့် သော်လည်းကောင်း၊ တိရစ္ဆာန်အထီးများနှင့် သော်လည်းကောင်း ကာမဖောက်ပြန်လျှင် ကာမေသုမိစ္ဆာစာရကံထိုက်၏။ အဘယ် ကြောင့်ဆိုသော် လင်ပိုင်ဆိုင်သော ကာမအတွေ့အထိကို ခိုး၍ သူတစ်ပါးအား ပျော်မွေ့စေသောကြောင့်ဖြစ်သည်။ ယောက်ျားများ မှာမူ မိန်းမ (၂၀) အနက် တစ်ယောက်ယောက်နှင့် ဖောက်ပြန် လျှင် ကာမေသုမိစ္ဆာရကံ ထိုက်၏။ ထို့ကြောင့် ရှေးဆရာကြီးများ က“မိန်းမ နှစ်ကျိပ်၊ ပျော်ကြောင်းသိပ်လည်း၊ မအိပ်လေရာ” ဟု ဆုံးမ ခဲ့ကြ၏။

ဤသိက္ခာပုဒ်၌လည်း သီလမရှိသူ၌ ကျူးလွန်လျှင် အပြစ်နည်း၏။ သီလရှိသူ၌ ကျူးလွန်လျှင် အပြစ်ကြီး၏။ သီလမရှိသူအပေါ်၌လည်း အနိုင်ကျင့် ကျူးလွန်လျှင် အပြစ်ကြီး၏။ နှစ်ယောက်အလိုဆန္ဒတူ၍ ကျူးလွန်လျှင် အပြစ်နည်း၏။ မှားယွင်းလိုသော စေတနာလည်း မရှိ အလိုလည်းမတူဘဲ အနိုင်အထက်ကျူးလွန်ခံရသူအား ကာမေသု မိစ္ဆာစာရမဖြစ်၊ ကျူးလွန်သူ၌သာဖြစ်၏။ အမှောင်ခန်းထဲ၌ အိပ်နေစဉ် မသူတော် လာရောက်နေထိုင်သည်ကို မိမိလင်မှတ်၍ သာယာသောမိန်းမအားလည်းကောင်း၊ မိမိ မယားနှင့် ယှဉ်အိပ်နေ သူ အမျိုးသမီးအား မိမိမယားမှတ်၍ မှားမိသောယောက်ျားအား လည်းကောင်း ကာမေသုမိစ္ဆာစာရကံ မထိုက်ပေ။

မဂ်နှင့်ပတ်သက်၍လည်း သိဘို့လိုအပ်၏။ မဂ္ဂ=မဂ်=လမ်းကြောင်း။ လူတို့ခန္ဓာကိုယ်တွင် ကာမကျူးလွန်၍ ဖောက်ပြန်နိုင်သောလမ်း ကြောင်းသုံးမျိုးရှိသည်။ ၎င်းတို့မှာ-
(၁) ၀စ္စမဂ် - ကျင်ကြီးစွန့်ရာ လမ်းကြောင်း၊
(၂) ပဿာဝမဂ် - ကျင်ငယ်စွန့်ရာ လမ်းကြောင်း၊
(၃) မုခမဂ် - စကားပြောရာလမ်းကြောင်း၊
တို့ဖြစ်ကြသည်။ ယင်းတို့အနက် မိန်းမတို့၏ မဂ်သုံးမျိုး၌ ယောက်ျား ၏ ပဿာဝမဂ်ဖြင့် ကျူးလွန်သော်လည်းကောင်း၊ ယောက်ျားအချင်း ချင်းဝစ္စမဂ်၊ မုခမဂ်တို့၌ ကျူးလွန်သော်လည်းကောင်း ကာမေသုမိစ္ဆာ စာရကံ ထိုက်၏။ မိန်းမအချင်းချင်း၊ မဂ်တူအချင်းချင်း ထိတွေ့ဆက် စပ်လျှင်မူ ကာမေသုမိစ္ဆာစာရကံ မဖြစ်ပါ။

ကာမေသုမိစ္ဆာစာရကံ မြောက်စေသော အင်္ဂါလေးပါရှိ၏။ ၄င်းအင်္ဂါ များမှာလည်း ယောက်ျားများအတွက်သာရည်ရွယ်ပေသည်။ ထိုအင်္ဂါ (၄)ပါးတို့ကတော့-
(၁) မသွားလာအပ်သော အဂမနီယ၀တ္ထု ဖြစ်ခြင်း၊
(၂) အဂမနီယ၀တ္ထု၌ မှိဝဲလိုစိတ်ရှိခြင်း၊
(၃) လုံ့လပြုခြင်း၊
(၄) သာယာခြင်း တို့ဖြစ်ကြ၏။

မိမိ၏ မယား၌ ကာမေသုမိစ္ဆာစာရကံ ထိုက်ခြင်း အင်္ဂါ (၄) ပါးလည်း ရှိသေး၏။ ၎င်းတို့မှာ-
(၁) အကာလ - ရောဂါ ၊ ကိုယ်ဝန် အလွန်ရင့်သောအခါ၊
(၂) အာဒေသေ - မိဘဆရာ သူတကာတို့ မြင်သဖြင့် မသင့်နေရာ၊
(၃) အဓမ္မေန - ကျင့်ရိုးမဟုတ်ကျင့်ခြင်း၊
(၄) အနင်္ဂေန - ဆေးဝါးမှီဝဲ ရှိမြဲအင်္ဂါထက် လွန်သောအခါ
ဟူ၍ ရှိကြလေ၏။

ကာမေသုမိစ္ဆာစာရကံ ကျူးလွန်ခြင်းကြောင့်ရရှိသောအပြစ်(၁၁) ချက်ရှိပါသည်။ ၎င်းတို့ ကတော့-
(၁) ကာမေသုမိစ္ဆာစာရအားကြီးသော လူသည် မလိုမုန်းထားသူ ပေါ များခြင်း၊
(၂) မုန်းရုံမက ရန်သူလည်း များခြင်း၊
(၃) လာဘ်ပစ္စည်းများ ရှားပါးတိတ်ဆိတ်ခြင်း၊
(၄) ချမ်းသာမှု ကင်းဆိတ်ခြင်း၊
(၅) မိန်းမ ဖြစ်ရခြင်း၊
(၆) မိန်းမမဟုတ် ၊ ယောက်ျားမဟုတ် ပဏ္ဍုတ်ဖြစ်ရခြင်း၊
(၇) ယောက်ျားဖြစ်လျှင်လည်း အမျိုးယုတ်၌ ဖြစ်ရခြင်း၊
(၈) မျက်နှာပျက်၍ အရှက်ကွဲရတတ်ခြင်း၊
(၉) အင်္ဂါလက္ခဏာ ဣနြေ္ဒတို့ယွင်းချို့ သေးသိမ်ခြင်း၊
(၁၀) စိုးရိမ်ကြောင့်ကြ အားကြီးရခြင်း၊
(၁၁) ချစ်သူနှင့် ကွေကွင်းကွဲကွာရခြင်း တို့ ဖြစ်ကြ၏။
လင်္ကာဖြင့်မှတ်ပါလေ-
“မိစ္ဆာစာရ၊ ကျူးလွန်ကလည်း၊ မုန်းကြအများ၊ ရန်သူပွား၍၊ ရှားပါး လာဘ်တ်ိတ်၊ ချမ်းသာဆိတ်၏၊ ဣတ္ထိပဏ္ဍုက်၊ မျိုးယုတ်ခါခါ၊ မျက်နှာမလှ၊ အရှက်ရလျက်၊ လက္ခဏဣနြေ္ဒ၊ ယွင်းသွေချို့သိမ်၊ စိုးရိမ်များစွာ၊ ချစ်သူကွာသည်၊ ရှောက်ကအပြန် အကျိုးတည်း။”
ဤ ပြဆိုခဲ့သော အပြစ်တို့သည် ၀ဋ်လိုက်သောအားဖြင့် ဖြစ်ရာဘ၀၌ ကြုံတွေ့ ရ တတ်သော အပြစ်များသာတည်း။ ထိုအပြစ်များအပြင် ငရဲ၌လည်း ဖြစ်ကြရသေး၏။ ကာမေသုမိစ္ဆာစာရကံ အားကြီးသော သူဌေးသားလေးယောက်တို့၏ “လောဟကုမ္ဘီ” ခေါ်သံရည်ပူငရဲမှ “ဒု၊ သ၊ န၊ သော” ဟု ဟစ်အော်ကြပုံကိုလည်း လူအများပင်ကြား ဖူးကြ လေပြီ။ အထူး ဆင်ခြင်ဖွယ်ကောင်းသော အရှင်အာနန္ဒာအလောင်း ၏ ဖြစ်ပုံလည်း ရှိသေး၏။ အရှင်အာနန္ဒာအလောင်းသည် ကမ္ဘာတစ် သိန်းမျှ ပါရမီဖြည့်ပြီးနောက် ကျွတ်တမ်းဝင်တော့မည့် ဤကမ္ဘာမှာ ပင် တစ်ခုသောဘ၀၌ ရွှေပန်းတိမ်သည်သားဖြစ်၏။ ထိုဘ၀တုန်းက လူလေ၊ လူလယ်တို့နှင့် ပေါင်းမိ၍ ကာမေသုမိစ္ဆာစာ ရအမှုကို ပြုလေ သည်။(လူမိုက်နှင့် ပေါင်းခြင်းကား ဤမျှလောက် အပြစ်များ၏။)
ထို အကုသိုလ်ကံကြောင့် ရောရုဝငရဲ၌လည်း နှစ်ပေါင်းများစွာ ခံစားခဲ့ရပြီးနောက် လွတ်မြောက်လာသောအခါ မျောက်ဖြစ်၍ ဝှေးစေ့ကိုက်ဖောက်ခံရ၏။ ထို့နောက် တစ်ဘ၀၌ နွားဖြစ်၍ သင်းကွပ် (ဝှေးစေ့အထုတ်) ခံရ၏။ ထို့နောက် မိန်းမ မဟုတ်၊ ယောက်ျားမ ဟုတ်ပဏ္ဍုပ်ဖြစ်ရ၏။ ထို့နောက် (၅) ဘ၀မြောက်၌ အကုသိုလ်ကံ အခွင့်ရ၍ နတ်ပြည်၌ ဖြစ်ရသော်လည်း ထိုကာမေသုမိစ္ဆာစာရကံ နှောင့်ယှက်မှုကြောင့် နတ်သားမဖြစ်ဘဲ နတ်သမီးချည်း ငါးဘ၀လုံး လုံး ဖြစ်ရသေး၏။ ထိုဘ၀တို့နောက်၌ လူ့ပြည်မှာ ဘုရင့်သမီးဖြစ်ရ ပြန်၏။ ထို ဘ၀နောက်မှ ယောက်ျားဘ၀ကိုရလေည်။ ဤသို့လျှင် ကာမေသုမိစ္ဆာစာရကံအတွက် ပါရမီရှင်ကြီးသော်မှ ငရဲကျရ၊ ဘ၀ များစွာပင် အောက်ကျနောက်ကျ ဖြစ်ရသေးသည်ကို သတိပြုလျက် တစ်သံသရာလုံးက ပါလာခဲ့သောစိတ်ဆိုး၊ ၀ါသနာဆိုးကြီးကို တရား ဖြင့် စောင့်ရှောက်ကြပါကုန်။

စာဖတ်သူတို့အားလုံး ဘေးရန်ခပ်သိမ်းကင်းငြိမ်းကြပါစေ။ နှလုံးစိတ် ၀မ်းငြိမ်းချမ်းကြပါစေ။


မုသားမပါ လင်္ကာမချောဟု ဆိုရိုးလိုက်ကာ မမိုက်ပါနှင့်

မုသာဝါဒ- မဟုတ်မမှန်ပြောဆိုခြင်း၊ လိမ်လည်လှည့်ပတ်ခြင်း ဟု အနက်ရှိ၏။ မဟုတ်မမှန်သောစကားဟူရာ၌ နှုတ်ဖြင့်ပြော၍ လည်းကောင်း၊ စာဖြင့်ရေး၍လည်းကောင်း၊ ကိုယ်လက် စသည် ကို လှုပ်ပြ၍လည်းကောင်း လိမ်သမျှ ညာဖြန်းသမျှ အားလုံးပါ


ဝင်၏။
သူတစ်ပါးတို့အကျိုးစီးပွား ပျက်သွားအောင် လိမ်ညာလှည့်ဖြား သော မုသားမျိုး သည် အပါယ်ရောက်ကြောင်းဖြစ်ပြီး ကိုယ်အ ကျိုးစီးပွား ပျက်မှာစိုး၍၊ ပြက်ရယ်ပြု လို၍ လိမ်ညာခြင်းကား အပြစ်နည်း၏။ သို့သော်လည်း မည်သည့်လိမ်ညာခြင်းပင် ဖြစ်စေလိမ်ညာတတ်သော အကျင့်မဖြစ်အောင် သတိထားပြီး ရှောင်ကြဉ်သင့်ပေသည်။ “မုသားမပါ လင်္ကာမချော” ဟု ပြောလေ့ရှိကြသည်။ ယင်းစကားဖြင့် အချို့က ကဗျာလင်္ကာ စီကုံးရေးသားရာ၌ပင် မုသားမပါက ပြေပြစ်မှုမရှိဟု ယူဆကြ သည်။ ထိုစကားသည် မှားယွင်းသောစကားသာ ဖြစ်ပေ၏။ ပညာရှိ သူတော် ကောင်းကြီးများသည် စကားပြောရာ၌ လည်း ကောင်း၊ ကဗျာလင်္ကာများ သီကုံးရေး သားရာ၌လည်းကောင်း မုသားကို ပြောဆိုရေးသားမှု မရှိကြပါ။

မုသားစကား ပြောဆိုရာ၌ အကျိုးစီးပွား ပျက်စီးဆုံးရှုံးအောင် ပြောဆိုလျှင် မုသာ ၀ါဒကံ ထိုက်၏။ အကျိုးစီးပွား အနည်းငယ် ပျက်စီးလျှင် အပြစ်နည်း၏။ မည်သည့် အကြောင်းအရာကိုမဆို “မမြင်ပဲ မြင်၏၊ မကြားပဲကြား၏၊ မတွေ့ပဲ တွေ့၏၊ မသိပဲ သိ၏၊ မြင်လျက် မမြင်၊ ကြားလျက် မကြား၊ တွေ့လျက် မတွေ့၊ သိလျက် မသိ” ဟု ပြောဆိုသော လူယုတ်မာတို့၏ စကား(အန ရိယဝေါဟာရ) ရှစ်မျိုးတို့တွင် တစ်မျိုး မျိုးကိုပြောလျှင် အပြစ် ကြီး၏။ မဟုတ်မမှန်ပြော၍ သံဃာကို အသင်းခွဲသော (ရဟန်း အချင်းချင်း စိတ်ဝမ်းကွဲစေသော) မုသာဝါဒသည် ပို၍အပြစ်ကြီး လေး၏။ ရှေးဘုရားအလောင်း သူတော်ကောင်းကြီးများသည် သတ်မှု၊ ခိုးမှု၊ ကာမကျူးလွန်မှု၊ အရက်သေစာ သောက်စားမှု တို့ကို ပြုလုပ်မိခဲ့ကြသော်လည်း သူတစ်ပါး အကျိုးစီးပွား ပျက်စီးချွတ်ယွင်းစေလိုသော စိတ်ဖြင့် မုသားကို လုံးဝမပြော မဆိုခဲ့ကြပေ။ သို့သော် သူတစ်ပါး အကျိုးစီးပွား မထိခိုက်မ ပျက်စီးသော မုသားမျိုးကိုမူပြောဆိုခဲ့ ကြဖူးပါသည်။
ဥပမာ- ဒုကနိပါတ် သံသုမာရဇာတ်၌ သံသုမာရ မိကျောင်းက ဘုရားအလောင်းဝါနရိန္ဒမျောက်မင်း၏ အူအသည်းကို တောင်း သောအခါ အလောင်းတော်က “ငါတို့ မျောက်မျိုး၏ အူအသည်း ကား ကိုယ်ထဲ၌ မရှိ” ဟုပြော၍ နီရဲသော ရေသဖန်းသီးကို လက်ညှိုးညွှန်ပြခဲ့ဖူး၏။ ပရိယာယ်ဖြင့် ပြောသောကြောင့် မုသာ ၀ါဒကံမထိုက်။ ဧကနိပါတ် ပဉ္စာဝုဓဇာတ်၌လည်း အလောင်း တော် ပဉ္စာဝုဓမင်းသားက သိလေ သလောမဘီလူးအား “ငါ့ဝမ်း ထဲ၌ ၀ရဇိန်လက်နက်ရှိ၏၊ ငါ့ကို နင်စားသော် ကိုယ်လက်မ ကျေပဲ အူအသည်း အပိုင်းပိုင်းပြတ်၍သေမည်” ဟု ပြောခဲ့ဖူး၏။ ဤကဲ့သို့ ဘုရားအလောင်းပြောဆိုခဲ့သော မုသားများမှာ မုသာ ၀ါဒကံ မထိုက်ပေ။ အဘယ့်ကြောင့်ဆိုသော် ပညာတည်းဟူ သော ၀ရဇိန်လက်နက်ကို ရည်ရွယ်ရင်း ရှိသောကြောင့်ဖြစ်၏။

မုသာဝါဒအရာ၌ အကျိုးစီးပွားပျက်စီးမှ မုသာဝါဒကမ္မပထ မြောက်၏။ အကျိုးစီးပွား မပျက်စီးလျှင် မုသာဝါ ဒကံမျှသာ ဖြစ် သည်။ မုသားစကား ပြောဆိုသော အင်္ဂါ(၄)ပါးရှိ၏။ ၎င်းတို့မှာ-
(၁) မဟုတ်မမှန်သော အကြောင်းဖြစ်ခြင်း၊
(၂) လိမ်ညာလှည့်စားလိုစိတ်ရှိခြင်း၊
(၃) လုံ့လပြုခြင်း၊
(၄) မိမိလှည့်စားသည့် အဓိပ္ပာယ်ကို သူတစ်ပါးနားလည်ခြင်း
တို့ဖြစ်ကြပါသည်။

မုသားပြောဆိုခြင်းကြောင့်ရရှိသော အပြစ်(၉)မျိုးရှိပါသည်။ ၎င်း တို့မှာ-
(၁) ယခုဘ၀၌ စကားပီပီသသ မပြောတတ်ခြင်း။
(၂) သွားများ မညီမညွတ် ရှိခြင်း။
(၃) ခံတွင်း ပါးစပ် ပုပ်ညှီခြင်း။
(၄) ကိုယ်အရေးအသား ပူရှိန်ခြောက်ကပ် စိုစိုဖတ်ဖတ်မရှိခြင်း။
(၅) မျက်စိ-နား စသော ဣနြေ္ဒများ နောက်ကျုကျုရှိခြင်း။
(၆) ပုံဟန်မလှပဲ ဆိုးရွားချွတ်ယွင်း ဖောက်ပြန်ခြင်း။
(၇) သူတစ်ပါးအပေါ်၌ သြဇာမတည်ခြင်း။
(၈) အပြောအဆို နှုတ်လျှာများ ထော်လော်ကြမ်းတမ်းခြင်း။
(၉) စိတ်မတည်ပဲ လျှပ်ပေါ်လော်လီတတ်ခြင်းတို့ ဖြစ်ကြပါ သည်။


လင်္ကာဖြင့်မှတ်ပါလေ-

“မုသားစကား၊ ပြောဆိုငြားမူ၊ စကားမပြီ၊ သွားမငြီတည်း၊ ပုပ်ညှီပါးစပ်၊ ခြောက် ကပ်ကိုယ်ရေ၊ ဣနြေ္ဒယွင်းနောက်၊ ပုံယွင်း ဖောက်၍၊ မရောက်သြဇာ၊ နှုတ်လျှာကြမ်းထော်၊ လျှပ်ပေါ်လော် လည်၊ စိတ် မတည်သည်၊ ရှောင်မည်အပြန် အကျိုးတည်း။”


ဤသို့ စသည်ဖြင့် အပြစ်များပါသည်။ မုသားပြောဆိုသူသည် ဘယ်ကိစ္စ၌မျှ မယုံကြည်ရသောကြောင့် အကြီးအကဲ မဖြစ်နိုင် ပေ။ ဤပြဆိုခဲ့သော အပြစ်တို့ကား ၀ဋ်လိုက်သောအားဖြင့် ရောက်လေရာဘ၀၌ ရတတ်သောအပြစ်များသာရှိသေး၏။ တ ချို့သော မုသားစကားများမှာ ငရဲရောက်အောင်ပင် အပြစ်ကြီ ၏။ ကမ္ဘာဦးတွင် စေတီယတိုင်းကို အုပ်ချုပ်ခဲ့သော “ဥပ၀ရ” ခေါ် စေတီယမင်းသည် မုသားစကား ပြောဆိုခဲ့ခြင်းကြောင့် မြေမျိုပြီး အ၀ီစိ၌ခံစားရသည်ကို သံဝေဂယူသင့်လှပါသည်။

ဤစေတီယ၀တ္ထု၌ မုသာဝါဒ၏အပြစ်ကား လွန်လွန်းလှ၏ဟု မှတ် ထင်ကြပေလိမ့်မည်။ မလွန်လွန်းပါပေ။ ထိုစေတီယမင်း၏ မုသား ပြောသောအချိန်ကား တစ်စုံတစ်ယောက်မျှ မုသားပြော သူမရှိသေးချေ။ အားလုံးသစ္စာတည်သောအခါ ဖြစ်သည်။ ညစ် စုတ်ပေတေနေသော လက်နှီး၌ အိုးမဲထိသော်လည်းမထူး၊ ဖြူ စင်သော ပ၀ါ၌ကား မြူမှုန့်လောက် အကွက်ကလေးပင် ထင် ရှားသကဲ့သို့ အားလုံး သစ္စာတည်ကြသောကာလ၌ ပထမဖြစ် သော ထိုမုသားသည် အလွန်ထင်ရှား၍ အပြစ်လည်းကြီး မားလေသည်။ ယခုခေတ်ကား “မုသားမပါ လင်္ကာမချော” ဟူ သောစကားကို လက်ကိုင်ပြုလျက် မုသားကိုရေလဲနှင့် သုံးစွဲနေ ကြသောခေတ် ဖြစ်၏။

ထို့ကြောင့် မုသားပေါသောခေတ်၌ မုသားပြောသူတိုင်း မြေမျိုရ လျှင် မြေကြီးပင် အားလပ်ခွင့်ရတော့မည် မဟုတ်ချေ။ ထို့ပြင် ကမ္ဘာဦး၌ မုသားလောက်အပြစ်ကြီးသော အပြစ်များလည်း မရှိသေးပေ။ ယခုခေတ်၌ကား မုသားလောက်အပြစ်ကို အပြစ် ဟု ဆိုဖွယ်မရှိ လောက်အောင် ထို့ထက်ဆိုးရွားသော အပြစ် ကြီးတွေက လွှမ်းမိုးနေ သောကာလဖြစ်ပေသည်။ သို့ရာတွင် ခေတ်အလျောက် မုသားအပြစ်က မျက်မှောက်ဘ၀၌ အကျိုးမ ထင်ရှားစေကာမူ သံသရာ၌ ၀ဋ်လိုက်သောအပြစ်မှာ စေတီယ မင်း၏ အဖြစ်မျိုးထက် သက်သာလှမည် မဟုတ်သည့်အပြင် တကယ့်သူတော်စင် ပါရမီရှင်မှန်လျှင် သစ္စာပါရမီကို လိုလိုချင် ချင် ဖြည့်ရမည်ဖြစ်သောကြောင့် မုသားမှန်သမျှကို အသေးအ ဖွဲကစ၍ ရှောင်ကြဉ်ကာ သစ္စာပါရမီကိုသာ နှစ်နှစ်သက်သက် ဖြည့်ကျင့်ကြပါလျှင် မိမိ၌တည်သောသစ္စာကြောင့် အလိုလိုအ ရှိန်အ၀ါတက်လာလိမ့်မည် ဖြစ်ပါသည်။

“မုသားမပါ၊ လင်္ကာမချောဟု၊ ဆိုးရိုးလိုက်ကာ၊ မမိုက်ပါပ၊ဲ သစ္စာ စကား၊ ပြောဆိုသွားကာ၊ ငြိမ်းရာဒုက္ခ၊ လှမ်းကုန်ကြဟု၊ နှိုးဆော်သမှု၊ ဆောင်းပါးပြုသည်၊ များထွေသာဓု၊ ခေါ်စေသတည်း။”


သေရည်အရက်စီးပွားပျက်ကို တစ်စက်ကယ်မျှမသောက်ကြနှင့်

သုရာမေရယ မဇ္ဇပ္ပမာဒဋ္ဌာနာ- သေရည်အရက်တို့သည် ကုသိုလ်ကောင်းမှု တို့၌ မေ့လျှော့ခြင်း၏ အကြောင်းဖြစ်ပါသည်။ ထို့ကြောင့်သေရည် အရက်ကို တစ် စက်မျှပင် မသောက်သုံဘဲနေနိုင်ရန် ကျင့်ကြံသင့်ပါသည်။ သေရည်ဟုဆိုရာတွင် မူး


ရစ်စေတက်သောအရာကို ထည့်၍ပြုလုပ်စီရင်အပ်သော အရည်ကိုပင် ခေါ်ဆိုထိုက် ပါသည်။ သေရည်အရက် သာမက ဘီယာ၊ ထန်းရည်၊ မူးရစ်ဆေး၊ ဆေးခြောက် စ သောအရာအားလုံးကိုလည်း ဤသိက္ခာပုဒ်၌ မှတ်ယူကြပါသည်။
ထိုသေရည်အရက်ကို သောက်စားမိလျှင် မူးရစ်၍ တွေးချင်ရာတွေးကာ ကု သိုလ်ကောင်းမှုနှင့် အလုပ်ကိစ္စတို့၌ မေ့လျော့တက်၏။ ထို့အပြင် အသိဉာဏ်ပညာ ထုံထိုင်းကာ အမှားအမှန်ကို မှန်ကန်စွာဝေဖန်ပိုင်းခြားနိုင်မည်မဟုတ်ပါ။ သေရည်အ ရက်သောက်စား ခြင်းသည် မိမိကိုယ်တိုင်သောက်သုံးမှ အကုသိုလ်အကျိုးပေးခံ စားရမည်မဟုတ်ပါ။

(၁) ကိုယ်တိုင်သောက်စားခြင်း။
(၂) သူတပါးအားသောက်စားခိုင်းခြင်း။
(၃) သူတပါး သောက်စားနေသည်ကိုဝမ်းသာခြင်း။
(၄) အကျိုးကိုပြောပြခြင်း
စသည့် ကံထိုက်စေသောအကြောင်းများကိုလည်း မှတ်သားထားရပါမည်။

သေရည်အရက်ကို စတင်သောက်သုံးစဉ်က ကျန်းမာရေးအရ နည်းနည်းပါး ပါးဆိုသော်လည်း မကောင်းမှုဟူသည် စတင်ပြုလုပ်ပြီးပါက ဖြတ်တောက် ရန် ခက် ခဲတက်ပါသည်။ နောက်ဆုံးတွင် မဖြတ်နိုင်တော့ဘဲ စွဲလန်းမူးရစ်စေပါတော့သည်။ သေရည်အရက် သောက်စားပြီးပါက မူးရစ်ကာ အခြားသော သီလများကိုလည်း ဆက်လက်ထိန်းသိမ်း နိုင်ရန်မလွယ်တော့ပါ။ ကောင်းမှုကုသိုလ် အလုပ်များလည်း လုပ်ဆောင်နိုင်မည်မဟုတ် တော့ပါ။ ထိုသို့ဖြင့် သေရည်အရက်သောက်စားခြင်း၏ အပြစ်များကို ဖော်ပြရပါမည်…

၁။ အရေးအခွင့် သင့်၊ မသင့်ကို မသိတက်ခြင်း၊
၂။ ပျင်းရိတက်ခြင်း၊
၃။ မေ့လျော့ မူးရစ်တက်ခြင်း၊ ( နောင်ဘ၀ အဆက်ဆက်၌ အရူးအနှမ်း ဖြစ် တက် ခြင်း)၊
၎။ သူများက ပြုခဲ့ဖူးသော ကျေးဇူးကို မသိတက်ခြင်း၊
၅။ ဟိရီ သြတ္တပ ဟူသော အရှက်အကြောက်မှ ကင်းခြင်း၊
၆။ မည်သည့် အကုသိုလ်မှ မရှောက်ကြဉ်ဘဲ အလုံးစုံသော မကောင်းမှုကို ပြုမိ လွယ်ခြင်း၊
တို့ဖြစ်ကြ၏။ လင်္ကာဖြင့်မှတ်ပါလေ…..

“သေရည်သောက်လင့် သင့်၊ မသင့်၌၊ ရေးခွင့်မသိ၊ ပျင်းရိမေ့မူး၊ ကျေးဇူးမဆပ်၊ ဟိရောတ္တပ်ကင်း၊ ခပင်းများထို၊ အကုသိုလ်ကို၊ မငြိုလွယ်စွာ၊ ပြုကျင့်ရာသည်… ရှောင်ခါ အပြန်အကျိုးတည်း။”
ရှောင်ကျဉ်ပါက အပြန်အကျိုးရှိသည်ဟု မှတ်ယူရပါမည်။ သုရာမေရယ သိက္ခာပုဒ်၌ မလွှဲသာ၍ ဆေးအဖြစ်အနည်းအပါး သောက်သုံးရလျှင် အပြစ်ကြီး လှမည်မဟုတ်ပါ။ အမှန်တကယ် သောက်ချင်သောစိတ်ဖြင့် သောက်ပါက မည်မျှ အထိအပြစ်ကြီးသည်ကို ရှင်တော်ဘုရားသာ သိမြင်တော်မူပါလိမ့်မည်။ ဘုရားရှင် လက်ထက်က အရှင်သာဂတ မည်သော မထေရ်သည် နဂါးကြီးနှင့် တန်ခိုးပြိုင် လေရာ အနိုင်ရသောကြောင့် ကောသမ္ဗီ ပြည်သူတို့က ထိုမထေရ်ဆွမ်းခံလာသော အခါ သေရည်ကို ကပ်လှူကြ၏။ ထိုအခါက သိက္ခာပုဒ် ပညတ်တော်မမူသေးသော ကြောင့် ကပ်လှူသမျှသေရည်များကို အရှင်သာဂတ သောက်လေရာ သေရည်မူး သဖြင့် ဈာန်အဘိညာဉ် ကွယ်ပလျှက် မြို့ပေါက်ဝတွင်လဲရှာလေ၏။ ဘုရားရှင်တွေ့ မြင်တော်မူ၍ တွဲခေါ်ဖို့ရန် အမိန့်ပေးသဖြင့် ရဟန်းများကတွဲခေါ်လာပြီး ဘုရားဘက် သို့ ဦးခေါင်းလှည့်၍ အချတွင် ဦးခေါင်းကို ပြောင်းပြန်ပြန်လျက် ဘုရားဘက် သို့ ခြေလှည့်ထားမိလေသည်။ ဤမျှလောက်တန်ခိုးရှင်ကိုပင် မရှက်တကွဲ အကျိုးနည်း ဖြစ် အောင်ပြုလုပ်တက်သော သေရည်အရက်သည် ယခုခေတ် သာမန်လူများကို အဘယ်မှာ အကျိုးများအောင် ပြုလုပ်တော့အံ့နည်း။
ရှေးအခါက ဘုရင်တစ်ပါးသည် သေရည်မူးခိုက် အသားဟင်းမပါသော ပွဲတော်စာ ကိုကပ်လာသဖြင့် ရင်ခွင်ထက်က သားငယ်ကို သတ်၍ချက် စေအပ် ဖူးလေသည်။ ဘုရားရှင်က တိကအင်္ဂုတ္ထိုရ်ပါဠိတော်၌ “သေရည်အရက်သောက်မှု၊ မေထုန်မှု၊ အိပ်မှု၊ ဤသုံးခုကို မတင်းတိမ်နိုင်၊ အားမရနိုင်၊ မ၀နိုင်သော အမှုများ”ဟု ဟောတော်မူခဲ့သည်။ ထို့ပြင်“သေရည်အရက်များစွာ သောက်သောသူသည် အပါယ်ကျတက်၏၊ အပါယ်မှလွတ်၍ လူဖြစ်လာသော် အရူးအနှမ်း ဖြစ်တက်၏” ဟုလည်းဟောတော်မူခဲ့၏။ ထို့မျှလောက် မကောင်းမှု ဖြစ်နေသော သေရည် အရက်သောက်စားခြင်းကို အပြီးတိုင်ရှောင်းရှားသင့်ပေတော့သည်။ လောကီ အကျိုးစီးပွားကိုပင် ပျက်စီးဆုံးရှုံးစေသည့် အပြင်၊ သေလွန်ပြီးသောအခါတွင် လည်း အပါယ်ကျရောက် မည်ဖြစ်သောကြောင့် အလေးနက်ထား၍ရေးသားလိုက် ရပါသည်။ ထိုအကြောင်းကို အရှင်မဟာရဋ္ဌသာရက …
“သေနှင့်အရက်၊ စီးပွားပျက်ကို၊ တစ်စက်ကယ်မျှ၊ မသောက်ကြနှင့်၊ ရှောင်ကြပါ လေ၊ ရှင်တော်ဟောသည့် အဆိပ်ရေ” ဟုရေးစပ်ကာ ဆုံးမတော်မူခဲ့ပါသည်။
ဤသို့လျှင် သူတော်ကောင်းတို့၏ ဆုံးမစကားအတိုင်း လိုက်နာကျင့်ကြံကာ တစ်သံသရာလုံးက ပါလာခဲ့သော အကျင့်ဆိုးကြီးကို ပယ်သတ်၍ ကောင်းကျိုး လိုရာ ဆန္ဒပြည့်ဝနိုင်ကြပါစေ။…..။



ဘ၀မီးရှူးတိုင်

လူသည်မိမိ၏ ယုံကြည်ချက်နှင့်အညီ ကျင့်ကြံပြောဆိုပြုမူသည်။ အယူဝါဒအမှားကို ယုံကြည့်ထားလျှင်အမှားကိုသာ ကျင့်ကြံ၊ ပြောဆိုပြုမူမည်ဖြစ်၍ ဤဘ၀၌အလွန်အကျိုးယုတ်


မည့်အပြင် နောင်တမလွန်ဘ၀၌လည်း အပါယ်လားရမည်ဖြစ်သည်။ အယူဝါဒအမှန်ကို ယုံကြည့်ထားလျှင်မူ အမှန်ကိုသာ အများအားဖြင့် ကျင့်ကြံ၊ ပြောဆို၊ ပြုမူမည်ဖြစ်၍ ဤဘ၀၌ မိမိ၏အကျိုးနှင့် သူတပါးတို့၏ အကျိုးကိုလွန်စွာ သယ်ပိုးထမ်းရွက်နိုင်မည့် အပြင် တမလွန်ဘ၀၌လည်းကြီးကျယ်သည့် အကျိုးကျေးဇူးများကို ခံစားရမည်ဖြစ်သည်။
အမှောင်နှင့် အလင်းသည်လွန်စွာခြားနားသကဲ့သို့ အမှားသိသူနှင့် အမှန်သိသူတို့သည်လည်းလွန်စွာကွာခြားကြ၏။
ဗုဒ္ဓ၏ တရားဓမ္မတို့သည်ကား ဒုက္ခအားလုံးတို့ ချုပ်ငြိမ်းရာ နိဗ္ဗာန်လမ်း ကိုညွှန်ပြပေးသည့် ဆီမီးတိုင်ပမာဖြစ်ပေသည်။


သင်...သေသွားသော်…


ဪ.....လူ့ပြည်လောက၊
လူ့ဘဝကား၊ အိုရနာရ၊
သေရဦးမည်၊ မှန်ပေသည်တည်း။
~~~
သို့တပြီးကား၊ သင်သေသွားသော်၊
သင်ဖွားသောမြေ၊ သင်တို့မြေသည်၊
အခြေတိုးမြင့်၊ ကျန်ကောင်းသင့်၏၊
သင်၏မျိုးသား၊ စာစကားလည်း ကြီးပွားတက်မြင့်၊
ကျန်ကောင်းသင့်၏။
~~~
သင်...ဦးချ၍၊
အမျှဝေရာ၊ စေတီသာနှင့်၊
သစ္စာအရောင်၊ ဥာဏ်တန်ဆောင်လည်း၊
ပြောင်လျက်၊ ဝင်းချက်၊
ကျန်စေသတည်း။
ဇော်ဂျီ (၁၉၃၅)

အနိစ္စ(မမြဲမရှိခြင်း)

အနိစ္စ(မမြဲမရှိခြင်း)၊ ဒုက္ခ(ဆင်းရဲခြင်း)၊ အနတ္တ(ငါ၏ခန္ဓာကိုယ်မဟုတ်)

အနိစ္စဆိုတာ ပရမတ္ထ(တကယ့်အမှန်တရား)တရား ဖြစ်ပါတယ်။ ဗုဒ္ဓဘာသာရဲ့ အရေးကြီးတဲ့ ဒေသနာဖြစ်နေတော့ နားလည်ဖို့ ခက်ပေမယ့် နားလည်အောင် ကြိုးစားရမယ့်တရားလည်းဖြစ်ပါတယ်။ ဒီတရားကိုနားလည်သဘောပေါက်တယ်ဆို ရင် နားလည်တဲ့အတိုင်းအတာနဲ့ အညီအမျှ ချမ်းသာသုခ ရရှိနိုင်ပါတယ်။ အနိစ္စဆို



တဲ့ စကားဟာ အဓိပ္ပာယ် လေးနက်ပေမယ့် မြန်မာတွေနဲ့ ရင်းနှီးပြီးသား ဖြစ်ပါတယ်။ အနိစ္စရဲ့ အခြေခံကျတဲ့ အဓိပ္ပာယ်ကို သက်ရှိသက်မဲ့ အရာအားလုံး အမြဲမပြတ် ဖြစ်လိုက်ချုပ်လိုက် တရွေ့ရွေ့ ပြောင်းလဲနေခြင်းလို့ဖွင့်ဆိုနိုင်ပါတယ်။ ဖောက်ပြန် ပြောင်းလဲ တတ်တဲ့သဘော၊ အကြောင်းတိုက်ဆိုင်လို့ ဖြစ်ပေါ်လာပြီး အကြောင်း မညီညွတ် တော့ပျက်သုဉ်းသွားတဲ့အခါ ဘာရယ်လို့ လက်ဆုပ်လက်ကိုင် ပြစရာမရှိ တဲ့သဘော၊ အခိုက်အတန့်သာ တည်မြဲနေနိုင်တဲ့သဘော၊ ဖြစ်ပြီးပျက်တတ်တဲ့ သဘော၊ အချိန်ကြာကြာ ဖြစ်တည်မနေနိုင်တဲ့သဘောတွေကို အနိစ္စလို့ ခေါ်ပါ တယ်။ အသက်ရှင်ရာကနေ သေဆုံးသွားတာမျိုး၊ ပစ္စည်းတစ်ခု အကောင်းပကတိ ကနေကွဲပျက်သွားတာမျိုး အကောင်းဘက်ကနေ အဆိုးဘက် ပြောင်းလဲသွားတာ တစ်ခုတည်းကိုပဲ အနိစ္စလို့ခေါ်ရတာ မဟုတ်ပါဘူး။ ဘ၀သစ် တစ်ခု မွေးဖွားဖြစ် တည်လာတာမျိုး၊ အပျက် အစီးကို ပြန်လည်ပြင်ဆင်နိုင်တာမျိုး တွေဟာလည်း ရွေ့ရှားပြောင်းလဲမှု အမျိုးအစားတွေ ဖြစ်နေတော့အနိစ္စသဘောတွေပါပဲ။ အရှင်းဆုံး ပြောရရင် သက်ရှိသက်မဲ့ အရာရာဟာ အနိစ္စပါပဲ။ ဒီသဘောကိုပဲ ဘုရားရှင်က သဗ္ဗေ သင်္ခါရာ အနိစ္စာ လို့ ဟောတော်မူခဲ့ပါတယ်။ သင်္ခါရတရား အားလုံးဟာ အနိစ္စ သဘောတွေဖြစ်တယ်လို့ဆိုလိုတာပါ။
သင်္ခါရဆိုတာကတော့ အပြုပြင်ခံတရားတွေ၊ ဖန်တီးထားတဲ့ အရာတွေဖြစ် ပါတယ်။ ကံတရားက ဖန်တီးလိုက်တဲ့ ဘ၀အမျိုးမျိုးနဲ့ လူဖန်တီးတဲ့အရာ၊ ဥတုကြောင့်ဖြစ်ပေါ်လာတဲ့ အရာတွေဟာ သင်္ခါရတရားတွေဖြစ်ပါတယ်။ ဒါတွေဟာ အနိစ္စတရားတွေသာဖြစ်ပါတယ်။ ကံဖန်တီးတဲ့ ဘ၀ဟာ အမြဲမပြတ် ပြောင်လဲရွေ့ ရှားနေပါတယ်။ နုပျိုရာကနေအိုမင်းလာပါတယ်။ အဆင်ပြေရာကနေ အဆင်မပြေ တဲ့ဘက် ပြောင်းလဲတာလဲ ရှိပါတယ်။ ငိုရာကနေပြုံးရတာလဲရှိပါတယ်။ ဆုံလိုက်ကွဲ လိုက်၊ ပျော်လိုက် ငိုလိုက်၊ အောင်လိုက် ရှုံးလိုက် အမြဲပဲပြောင်းလဲနေပါတယ်။ ဒါပေမယ့် မြန်မာစကားမှာတော့ ကွယ်လွန်အနိစ္စရောက်တယ်ဆိုပြီး အနိစ္စကို သေခြင်းတရားအဖြစ်ပဲ အများအားဖြင့် ရည်ညွန်းလေ့ရှိကြပါတယ်။ (အားလုံကိုမ ပြောဆိုပါဘူး)။ အနိစ္စသဘော ကိစ္စချောလို့လည်း နဘေကာရန်နဲ့ စာသံပါပါပြော လေ့ရှိကြပါတယ်။ တကယ်တော့ အနိစ္စဆိုတာ သေခြင်းတရား တစ်ခုတည်းကိုပဲ ဆိုလိုတာ မဟုတ်ဘူးလို့နားလည်ကြရပါမယ်။ မတည်မြဲတဲ့ အနိစ္စ သဘောကို သိထားတယ်ဆိုရင် ကိုယ်ရောစိတ်ပါ သက်သာရာ ရနိုင်ပါတယ်။ ကိုယ်ဆင်းရဲ၊ စိတ်ဆင်းရဲ ဖြစ်ရတာဟာ အဆိုးလောဓံ အဆင်မပြေမှုတွေနဲ့ကြုံတွေ့ရတဲ့အတွက် ကြောင့်ဖြစ်ပါတယ်။ အဆိုးလောကဓံ ဆိုတာဟာလည်း ဘ၀ဖွဲ့စည်းမှု အစိတ် အပိုင်းများစွာထဲက တစ်စိတ်တစ်ပိုင်းသာ ဖြစ်နေတော့ သူလည်းအနိစ္စပဲ၊ ကြာရှည် မတည်နိုင်ဘူးလို့သဘောပိုက်လိုက်နိုင်ရင် သက်သာရာ ရနိုင်ပါတယ်။ တစ်မျိုးပြော ရရင် ဒုက္ခရောက်ရတယ်၊ ကိုယ်စိတ် ဆင်းရဲရတယ်ဆိုတဲ့ (ဒုက္ခသစ္စာ)ဟာ မသိမှု (အ၀ိဇ္ဇာ)ကြောင့် ဖြစ်ပေါ်လာရတာပါ။
ထို့ကြောင့် သိမှု(၀ိဇ္ဇာ) ဖြစ်အောင်နေထိုင်ကျင့်ကြံသွားရပါမယ်။ ယခုစာရေး နေသောသူသည် အမြဲတမ်း မပြတ်ရေးနိုင်နေမည်မဟုတ်ပါ။ စာဖတ်နေသောသူ သည်လည်း အမြဲဖတ်နေနိုင်မည်မဟုတ်ပေ။ ထိုသို့မမြဲသော သဘောကို ပင်သိနေ ရပါမည်။ ထိုသဘောသည်ပင် အနိစ္စဖြစ်ပါတယ်။ အကြောင်းအရာ တစ်ခုကိုတင်ပြ ပါရစေ။ မုန်တိုင်းဒဏ်ကြောင့် ပျက်စီးသွားရသော အရာများ၊ သတ္တ၀ါများသည် လည်း အနိစ္စတရားပင်ဖြစ်ပါတယ်။ ယခုအချိန်မှာ မပျက်စီးနိုင်ဘူးဟု ထင်ထား သော်လည်း ပျက်စီးသွားကြသောအခါ များစွာပူးဆွေးသောက ရောက်ကြရပါ တယ်။ (မိမိတို့သည်လည်း အချိန်မရွေး၊ နေရာမရွေး ပျက်စီးသွားနိုင်သည်ကို သတိသံဝေဂရကြပါစေ)။ တကယ်တော့ မိမိသည် ဖြစ်ပေါ်လာသော တရားတို့ပေါ် တွင် ဉာဏ်နှင့်ယှဉ်သော အသိဖြင့် သိပြီး၊ ပျက်စီးသွားသော အရာများပေါ်တွင် တဏှာနှင့် ယှဉ်သောစိတ်နှင့် ပူဆွေးသောက မဖြစ်ရန် အနိစ္စတရားကို သိနေဖို့လို အပ်ပါတယ်။ ဤသို့ဖြင့် အနိစ္စသဘာဝကို ဘာမှမသိလိုက်ဘဲ အနိစ္စဒဏ်ချက်ကို ဘုမသိဘမသိခေါင်းငုံ့ခံနေရတာမျိုး၊ ဘ၀အဆက်ဆက် ဒုက္ခသံသရာ လည်နေရ တာမျိုး မဖြစ်ရအောင်ဒုက္ခဇာတ်သိမ်းသည်အထိ အနိစ္စသဘာဝကို ကိုယ့်ဥာဏ်အ လျောက် သုံးသပ်ဆင်ခြင်သင့်ပါတယ်။ “ဓမ္မာသုညာ အတ္တေန၀ါ အတ္တနယေန၀ါ” ~~ ဓမ္မာ= ဓမ္မာရုံဖြစ်ပျက်တရားတို့သည်၊ အတ္တေန၀ါ= ငါဟုဆိုအပ်သော အတ္တဒိဋ္ဌိမှ လည်းကောင်း၊ အတ္တနယေန၀ါ= ငါ့ဥစ္စာဟုဆိုအပ်သော တဏှာမှ လည်းကောင်း၊ သုညာ= ဆိတ်သုဉ်းကုန်၏။
(ကျေးဇူးတော်ရှင်ဓမ္မစေတီဆရာတော် ဦးကောသလ္လ)


သူတော်စင်တို့၏ စိတ်ဓာတ်(၂)

“သဒ္ဓမ္မဒေသနာကာလေ၊ သာဓု သာဓူတိ ဘာသတော၊ မုခတော ဇာယတေ ဂန္ဓော ဥပ္ပလံဝ ယထောဒကေ ”
သူတော်ကောင်းတရားကို ဟောတော်မူသောအခါ သာဓု ခေါ်သောကောင်းမှုသည် နောက်သံသရာဝယ် အာခံတွင်းမှ ကြာညိုပန်းနံ့ သင်း၏။



“ပါပသ္မိံ ရမတိ မနော” ဆိုသလို စိတ်ကမကောင်းသောနေရာတွင် မွေ့လျော်သည့် အတွက် သတိရှိရန်အလွန်ပင်အရေးကြီးပါတယ်။ ထိုမကောင်းသော စိတ်ကို ကောင်းမွန်အောင် ထိန်းကျောင်းသင့်ပါတယ်။ လူသားတွေသည် နေ့စဉ်မနက်မိုး လင်း အိပ်ယာထသောအချိန်မှစ၍ ညအိပ်ယာဝင်သောအချိန်ထိတိုင်အောင် များစွာ သော မိမိတို့နှင့် ဆိုင်ရာအလုပ်များကိုလုပ်ကြပါတယ်။ မည်သိုိုိ့ပင် အလုပ်များ လုပ်ကြနေပါစေ လုပ်သောအလုပ်ကတော့ဖြင့် (၃)ခုပဲရှိပါတယ်။ ကိုယ်အလုပ်၊ ပါးစပ်အလုပ်၊ စိတ်အကြံတွေပါပဲ။ ထိုအလုပ်(၃)မျိုးကို ကံဟု ခေါ်ပါတယ်။ ဒီ(၃)ခု ကလွဲပြီး မည်သည့်လူသား တခြားလုပ်စရာ ဘာမှမှရှိပါဘူး။ လူတိုင်းက မိမိကိုယ် မိမိကောင်းမွန်သော လူသားများအဖြစ်ရပ်တည်ချင်ကြတယ်။ ထို့ကြောင့် ကောင်း မွန်သော လူသားတစ်ယောက်ဖြစ်ဘို့ဆိုရင် ကိုယ်အမူအယာကောင်း၊ နှုတ်အမူ အယာကောင်း၊ စိတ်အကြံတွေကောင်းမှ လူကောင်းတစ်ယောက် ဖြစ်နိုင်ပါမယ်။ ထို သို့ ကံသုံပါး အပေါ်တွင် မကောင်းမှု ဒုစရိုက်များကင်းအောင် ဒုစရိုက်အမှုများကို မကျူးလွန်ကြဖို့ရန် ဘုရားရှင်တိုင်း ဆုံးမခဲ့ပါတယ်။ မကောင်းမှုရှောင် ကောင်းမှု ဆောင် ဖြူအောင်စိတ်ကိုထား ဆိုသောစကားကို ဗုဒ္ဓဘာသာဝင်တိုင်း ကြားဖူးကြပါ တယ်။ ထိုသို့ဆိုရလျှင် သူတော်စင်တို့၏ စိတ်ဓာတ်အတိုင်း အတုယူကျင့်ကြံကြရပါ မယ်။ သူတော်ကောင်းဟူသည် မိမိ အကျိုးထက် သူတပါးကောင်းကျိုးအတွက်သာ အမြဲအားဆောင်ရွက်ကြပါတယ်။ ထိုသူတော်ကောင်းများသည်လည်း ဘုရားရှင်၏ နည်းလမ်းအတိုင်းကျင့်ကြံကြခြင်းဖြစ်ပါတယ်။
ဘုရားရှင်သည် သတ္တ၀ါတွေ အကျိုးအတွက် လေးသင်္ချေနှင့် ကမ္ဘာတစ်သိန်း ကာလပတ်လုံ ပါရမီဖြည့်ဆည်းတော်မူခဲ့ပါတယ်။ ထို့နောက်သတ္တ၀ါအားလုံ အတွက် (၄၅)၀ါ ကာလပတ်လုံး တရားတော်များ ဟောကြားကာဆုံးမတော်မူခဲ့ပါ တယ်။ ထို့သို့ သတ္တ၀ါတွေအတွက် ပင်ပန်းဆင်းရဲခံကာ ဘုရားအဖြစ်ရောက်ကျင့်ကြံ အားထုတ်ခဲ့သော ဘုရားရှင်ကို ဘုရားဖြစ်ပြီးသော အခါမှာပင် မာရ်နတ်က စတင် နှောက်ယှက်ပါတော့တယ်။ ဘုရားရှင်ကို သတ္တ၀ါအတွက် တရားမဟောဘဲ ပရိ နိဗ္ဗာန်ပြုစေရန် လျှောက်ထားပါတယ်။ ထိုအခါဘုရားရှင်က “ငါဘုရားရဲ့ ပရိသတ် လေးပါး (ရဟန်းယောင်္ကျား၊ ရဟန်းမိန်းမ၊ ဒါယကာ၊ ဒါယိကာမ) တွေက ငါဘုရား ရဲ့ တရားတွေကို ကောင်းစွာသဘောမပေါက် နားမလည်သေးသ၍ ကာလပတ်လုံး၊ မကျင့်နိုင်သေးသမျှ ကာလပတ်လုံး၊ တရားတွေကို သိတက်ပြီး လိုက်ကျင့်နိုင်တဲ့ ပုဂ္ဂိုလ်တွေကလည်း လောကမှာရှိတဲ့ ပုဂ္ဂိုလ်တွေကို ကောင်းကောင်း မဖော်ပြ၊ မဟောကြားနိုင်သေးသမျှ ကာလပတ်လုံး၊ ဆန့်ကျင်ဘက် ပုဂ္ဂိုလ်တွေရဲ့ ဆန့်ကျင့် ဘက်ဝါဒတွေကို မနှိမ်နင်းနိုင်သေးသမျှ ကာလပတ်လုံး ငါဘုရား ပရိနိဗ္ဗာန်မစံ သေးပေ၊ အသင်မလျှောက်ကြားနဲ့” ဟု မိန့်ကြားခဲ့ပါတယ်။ ထေရ၀ါဒဗုဒ္ဓဘာသာ
လူမျိုးများအားလုံးသည်လည်း ဘုရားရှင် သီလဂုဏ်၊ သမာဓိဂုဏ်၊ ပညာဂုဏ် စတဲ့ သိက္ခာပုဒ်သုံးရပ် နှင့် အညီလိုက်ပါ ကျင့်ဆောင်သင့်ပေသည်။ မိမိတို့ပြုလုပ်နေ သော အလုပ်တစ်ခုသည် “ဘုရားကသာ ထောက်ခံ၊ လှေခွက်ချည်းကျန်၊ အလံမလှဲ ဘူး” ဆိုသောစိတ်ဓာတ်မျိုး ဖြစ်နေရပါမယ်။ သို့မှသာ ဗုဒ္ဓ၏ အဆုံအမကို အပြည့်အ ၀ လိုက်နာသော သူတော်ကောင်းများဖြစ်ပေတော့မည်။ မိမိတို့ ကောင်းတာလုပ် ဆောင်နေပါက မည်သည့်အကြောင့်နှင့်မှ အားမာန်မ လျှော့ကြပါရန်၊ သဒ္ဓါတရား များ လျှော့နည်းပျောက်ပျယ် မသွားစေရန် ထပ်မံ၍ သတိတရားပေးပါရစေ။
“လူမိုက်တစ်သောင်းချီးမွမ်းရှောင်းလည်း လူကောင်းတစ်ယောက်ပြစ်တင် ကြောက်လော့” .. လူမိုက်တစ်သောင်းက မချီးမွမ်းချင်နေပါစေ၊ သူတော်ကောင်း တစ်ယောက်က ပြစ်တင်မည်ကိုသာကြောက်ရွံ့ရပါမယ်။
ရှေးအခါတုန်းက လူတစ်ယောက်သည် အိုးများကို ရပ်တကာလှည့်လည် ရောင်းချပါတယ်။ တစ်နေ့သော ညသန်းခေါင်ကျော်အချိန်မှာ ထိုလူဟာ သူ့ရဲ့ လှည်းနဲ့ အိုးများကိုတင်ပြီး အိုးရောင်းထွက်ဘို့ အခြားရွာကို သွားပါတယ်။ သူက ရွာထဲကို သန်းခေါင်ကျော်ကြီး ထသွားတာဆိုတော့ လူခြေတိတ်ချိန်ဖြစ်နေပါတယ်။ လူခြေတိတ်ချိန်ဆိုတော့ လူများခွေးများလည်း အိပ်ကုန်ကြပါပြီ။ ဒါပေမဲ့ ရွာလယ် လမ်းမကြီး အတိုင်းသူ့ရဲ့အိုးလှည်းကြီးနဲ့ ဖြတ်မောင်းတဲ့အခါ ရွာထဲမှာရှိသော ခွေးများကထပြီးဟောင်ကြပါတယ်။ ဟောင်လိုက်ကြတာ ရွာလမ်းဆုံးတဲ့အထိ အောင်ပါပဲ။ ဘယ်လိုပင်ဟောင်နေကြပါစေ အိုးလှည်းကြီးကတော့ ဟောင်တယ်လို့ လည်းမထင်၊ ကြားတယ်လို့လည်းမထင် သူ့ဦးတည်ရာ ပန်းတိုင်ဖြစ်တဲ့ အခြားရွာကို ပဲ ဦးတည်သွားနေပါတော့တယ်။ ထိုကဲ့သို့ပင် စာဖတ်သူတို့သည်လည်း ကဲ့ရဲ့၊ ချီးမွမ်း တွေဘယ်လိုပဲ ရှိနေရှိနေ ကိုယ်လုပ်ရမဲ့ ကောင်းမှုကုသိုလ် အလုပ်များကို လုပ်ကြရပါမယ်။ မိမိကိုယ်တိုင်သွားရောက် လှူဒါန်း၍မပြုစုနိုင်သော်လည်း အဝေးမှ မေတ္တာပို့သပေးသော ကောင်းမှုအလုပ်ကိုတော့ မမေ့မလျော့ဘဲ ပြုလုပ်နိုင်ကြပါရန် တိုက်တွန်းပါရစေ။
“အပ္ပမာဒေါ အမတံ ပဒံ” ဟုဆိုအပ်သော ကုသိုလ်ကောင်းမှုတို့၌ မမေ့မလျော့ခြင်းသည် မသေခြင်း၏ အကြောင်းပင်ဖြစ်ပါတော့တယ်။ “ဤမျှရှည်ကြာ၊ သံသရာဝယ်၊ ဆရာမိဘ၊ မောင်နှမနှင့်၊ သားလှသမီး၊ ဒေါ် ဘကြီးဟု၊ မငြီးဆင့်ကဲ၊ ပြန်လှန်တွဲခဲ့၊ မလွဲဧကန်၊ ခွဲရပြန်မည်၊ သို့သည်ဖြစ်ခြင်း၊ သံဝေပြင်းရ၊ ဆွေချင်းကျေးဇူး၊ ရှိခဲ့ဘူးကို၊ အထူးဆပ်ရန်၊ စိတ်အားသန်ဖြင့်၊ ကျင့်ရန်မှန်စွ၊ မြတ်ဓမ္မကို၊ ဝေငှပေ၏၊ သမာဓိမှန်၊ မဖောက်ပြန်မှ၊ နိဗ္ဗာန်ထိုးထွင်း၊ ဉာဏ်အလင်းကို၊ ရှင်းရှင်းပိုင်ပိုင်၊ သိမြင်နိုင်မည်၊ လက်ကိုင်သတိ၊ မလွှတ်ဘိနှင့်..”

စာရေးသူ- အောင်ဆွေဦး